1st OCTOBER 2023 TAMIL TNPSC CURRENT AFFAIRS PDF TNPSC SHOUTERS

1st OCTOBER 2023 TAMIL TNPSC CURRENT AFFAIRS PDF TNPSC SHOUTERS

ஆசிய விளையாட்டுப் போட்டிகள் 2023 - நாள் 8

• ஆண்களுக்கான 300 மீட்டர் ஸ்டீபிள் சேஸ் போட்டியில் அவினாஷ் சேபிள் தங்கம் வென்றார்
• ஆடவருக்கான குண்டு எறிதலில் தஜிந்தர் பால் சிங் தூர் தங்கம் வென்றார், அவருக்கு தொடர்ந்து இரண்டாவது ஆசிய விளையாட்டு தங்கப் பதக்கம்
• பெண்களுக்கான 1500 மீ ஓட்டத்தில் ஹர்மிலன் பெயின்ஸ் வெள்ளி வென்றார்
• ஆடவர் நீளம் தாண்டுதல் போட்டியில் முரளி ஸ்ரீசங்கர் வெள்ளி வென்றார்
• பெண்களுக்கான ஹெப்டத்லான் போட்டியில் நந்தினி அகசாரா வெண்கலப் பதக்கம் வென்றார்
• பெண்களுக்கான வட்டு எறிதல் போட்டியில் சீமா புனியா வெண்கலம் வென்றார்
• இந்திய ஆண்கள் அணி இறுதிப் போட்டியில் சீனாவிடம் 3-2 என்ற கோல் கணக்கில் தோல்வியடைந்து வெள்ளி வென்றது
• பெண்களுக்கான தனிநபர் பிரிவில் அதிதி அசோக் வெள்ளிப் பதக்கம் வென்றார்
• பெண்கள் ட்ராப் அணியில் இந்தியா வெள்ளி வென்றது
• ஆண்கள் ட்ராப் அணியில் இந்தியா தங்கம் வென்றது
• ஆடவர் ட்ராப் பைனலில் கினான் டேரியஸ் சென்னாய் வெண்கலம் வென்றார்
• பெண்களுக்கான 50 கிலோ அரையிறுதியில் நிகத் ஜரீன் தோல்வியடைந்து வெண்கலப் பதக்கத்தை உறுதி செய்தார்.

தெலங்கானா மாநிலம் மகபூப்நகரில் ரூ.13,500 கோடி மதிப்பிலான பல்வேறு வளர்ச்சித் திட்டங்களுக்கு பிரதமர் அடிக்கல் நாட்டினார்

• தெலங்கானா மாநிலம் மகபூப்நகரில் ரூ.13,500 கோடி மதிப்பிலான பல்வேறு வளர்ச்சித் திட்டங்களுக்கு பிரதமர் திரு. நரேந்திர மோடி அடிக்கல் நாட்டி நாட்டுக்கு அர்ப்பணித்தார். 
• சாலை, ரயில், பெட்ரோலியம் மற்றும் இயற்கை எரிவாயு மற்றும் உயர் கல்வி போன்ற முக்கிய துறைகள் இந்த வளர்ச்சித் திட்டங்களில் அடங்கும். நிகழ்ச்சியின் போது, காணொலி மூலம் ரயில் சேவையையும் பிரதமர் கொடியசைத்து தொடங்கி வைத்தார்.
• தேசிய நெடுஞ்சாலை -163 ஜி இன் வாரங்கலில் இருந்து கம்மம் பிரிவு வரை 108 கி.மீ நீளமுள்ள 'நான்கு வழி அணுகல் கட்டுப்பாட்டு கிரீன்ஃபீல்ட் நெடுஞ்சாலை' மற்றும் என்.எச் -163 ஜி இன் கம்மம் முதல் விஜயவாடா பிரிவு வரை 90 கி.மீ நீளமுள்ள 'நான்கு வழி அணுகல் கட்டுப்படுத்தப்பட்ட கிரீன்ஃபீல்டு நெடுஞ்சாலை' ஆகியவை இந்த திட்டங்களில் அடங்கும். சுமார் ரூ.6400 கோடி செலவில் இந்த சாலை திட்டங்கள் உருவாக்கப்படும்.
• தேசிய நெடுஞ்சாலை 365 பிபியின் சூர்யபேட்டை முதல் கம்மம் வரையிலான 59 கி.மீ நீளமுள்ள நான்கு வழிச்சாலை திட்டத்தை பிரதமர் நாட்டுக்கு அர்ப்பணித்தார். சுமார் ரூ.2,460 கோடி செலவில் கட்டப்பட்ட இந்த திட்டம் ஹைதராபாத் - விசாகப்பட்டினம் நடைபாதையின் ஒரு பகுதியாகும்

செப்., மாத 2023 - ஜிஎஸ்டி வசூல் ரூ.1.62 லட்சம் கோடி

• செப்., மாத ஜிஎஸ்டி வசூல் 1,62,712 கோடி ரூபாய் வசூல் ஆகி உள்ளது. இதில் சிஜிஎஸ்டி மூலம் ரூ.29,818 கோடியும் எஸ்ஜிஎஸ்டி மூலம் ரூ.37,657 கோடியும் ஐஜிஎஸ்டி மூலம் ரூ.83,623 கோடியும் (பொருட்கள் இறக்குமதி மூலம் கிடைத்த ரூ.41,145 கோடியும் சேர்த்து) செஸ் வரி மூலம் ரூ.11,613 கோடியும் (பொருட்கள் இறக்குமதி மூலம் கிடைத்த ரூ.881 கோடியும் சேர்த்து) அடங்கும்.
• 2023 செப்., மாத ஜிஎஸ்டி வசூல் ஆனது, கடந்த 2022 செப், மாதம் வசூல் ஆன தொகையை விட 10 சதவீதம் அதிகம் ஆகும்.
• 2023- 24 நிதியாண்டில் ஜிஎஸ்டி வசூல் ரூ.1.60 லட்சம் கோடியை தாண்டுவது இது நான்காவது முறையாகும்.
• செப்., மாதத்துடன் முடிவடைந்த இந்த நிதியாண்டின் முதல் காலாண்டில் ஜிஎஸ்டி மூலம் ரூ.9,92,508 கோடி வசூல் ஆகி உள்ளது.

மாலத்தீவு அதிபர் தேர்தலில் முகமது முயிஸ் வெற்றி

• இந்தியாவின் அண்டை நாடான மாலத்தீவு இந்தியப் பெருங்கடலில் 1200க்கும் மேற்பட்ட தீவுகளைக் கொண்ட ஒரு தீவு நாடாகும்.
• இங்கு நடந்த அதிபர் தேர்தலில் தற்போதைய அதிபரான இப்ராகிம் முகமது சோலிக்கும் அவரை எதிர்த்து மக்கள் ஜனநாயக கட்சியின் சார்பில் முகமது முயிஸ் போட்டியிட்டனர்.
• இதில் எதிர்க்கட்சி வேட்பாளரான முயிஸ் 53% வாக்குகளுடன் வெற்றி பெற்றார். சோலிக் 46% வாக்குகள் மட்டுமே பெற்றார். 
• மக்கள் ஜனநாயக கட்சியை சேர்ந்த முன்னாள் அதிபர் அப்துல்லா யாமீன் பண மோசடி மற்றும் ஊழல் வழக்குகளில் சிக்கி சிறையில் இருப்பதால் அவர் போட்டியிட கூடாது என்று அந்நாட்டு உச்ச நீதிமன்றம் தீர்ப்பளித்தை தொடர்ந்து, முயிஸ் போட்டியிட்டார்.