Why waste time, money at coaching center’s ?when we offer the best for you ?

Tuesday, 16 January 2018

TNPSC SHOUTERS - CURRENT AFFAIRS JANUARY 2018 TAMIL PDF - 14th & 15th JANUARY 2018

Tnpsc Shouters
ஏர் இந்தியாவை நான்காக பிரித்து விற்பனை செய்ய முடிவு
  • கடன் சுமையில் சிக்கி தவிக்கும் 'ஏர் இந்தியா'வின் பங்குகளை நான்காக பிரித்து விற்பனை செய்ய முடிவு செய்துள்ளதாக மத்திய இணை அமைச்சர் தெரிவித்தார்.
  • 'ஏர் இந்தியா' நிறுவனத்துக்கு 140 விமானங்கள் உள்ளன. 41 சர்வதேச நகரங்களையும், உள்நாட்டில் 72 நகரங்களையும் இணைக்கிறது. மொத்த உள்நாட்டு சந்தையில் 14 சதவீத சந்தையை ஏர் இந்தியா நிறுவனம் வைத்திருக்கிறது. 
  • எனினும் ரூ.52,000 கோடிக்கும் அதிமான அளவுக்கு கடன் சுமை உள்ளதால், அந்த நிறுவனத்தில் அரசுக்கு உள்ள பங்குகளை விற்க மத்திய அமைச்சரவை கடந்த ஆண்டு ஜூன் மாதம் ஒப்புதல் வழங்கியது.
  • பெரும் கடன் சுமையில் திணறும் ஏர் இ்ந்தியாவின் பங்குகள் நான்கு நிறுவனங்களாக பிரித்து விற்பனை செய்யப்படும் அதற்கான பணிகள் இந்தாண்டு இறுதிக்குள் நிறைவு பெறும்..மேலும் தேசிய விமான சேவை நிறுவனமான ஏர் இந்தியா மற்றும் ஏர் இந்தியா எக்ஸ்பிரஸ் ஆகியவை ஒரே நிறுவனமாக விற்கப்படும் என்றார்.
நாட்டின் ஏற்றுமதி ரூ.1.75 லட்சம் கோடியாக அதிகரிப்பு
  • நாட்டின் ஏற்றுமதி சென்ற டிசம்பர் மாதத்தில் 2,703 கோடி டாலராக (ரூ.1,75,695 கோடி) அதிகரித்துள்ளது.
  • பொறியியல் சாதனங்கள், பெட்ரோலியப் பொருள்கள் துறை நிறுவனங்களின் ஏற்றுமதி சென்ற டிசம்பரில் விறுவிறுப்பைக் கண்டுள்ளது. இதையடுத்து, அந்த மாதத்தில் ஏற்றுமதி 12.36 சதவீதம் அதிகரித்து 2,703 கோடி டாலரானது.
  • ஏற்றுமதி அதிகரித்துள்ள அதேசமயத்தில், இறக்குமதியும் 21.12 சதவீதம் உயர்ந்து 4,191 கோடி டாலராகியுள்ளது. இதற்கு, தங்கம், கச்சா எண்ணெய் ஆகியவற்றை அதிக அளவில் இறக்குமதி செய்ததே முக்கிய காரணம். ஏற்றுமதியை காட்டிலும் இறக்குமதி அதிகரித்துள்ளதையடுத்து நாட்டின் வர்த்தக பற்றாக்குறை 41 சதவீதம் உயர்ந்து 1,488 கோடி டாலரை எட்டியுள்ளது. 
ஜூலை 1 முதல் ஆதாரில் முகம் கண்டறியும் வசதி
  • மத்திய அரசின் பல்வேறு திட்டங்களும் ஆதாருடன் இணைக்கப்பட்டு வருகிறது. வங்கிக் கணக்கு, மொபைல் எண், பான் எண் உள்ளிட்டவைகளும் ஆதாருடன் இணைப்பது கட்டாயம் என மத்திய அரசு கூறி வருகிறது.
  • மத்திய அரசின் இந்த முடிவை எதிர்த்து வழக்குகளும் போடப்பட்டு, விசாரணை நடந்து வருகிறது. இது ஒருபுறம் இருக்க, ஆதாரில் உள்ள கைரேகையுடன், பலரின் கைரேகை ஒத்துப் போவதில்லை என்ற பிரச்னையும் எழுந்துள்ளது. 
  • பெரும்பாலும் மூத்த குடிமக்களுக்கே இந்த பிரச்னை இருந்து வருகிறது.இந்த பிரச்னையை சரி செய்வதற்காக முகம் கண்டறியும் தொழில்நுட்பம் ஆதாரில் அறிமுகம் செய்யப்பட உள்ளது. வரும் ஜூலை 1 முதல் இந்த புதிய வசதியை துவக்க உள்ளதாக உதய் (UDAI) இன்று தெரிவித்துள்ளது.

TNPSC SHOUTERS - CURRENT AFFAIRS JANUARY 2018 TAMIL PDF - 16th JANUARY 2018

Tnpsc Shouters
2017 - 2018ம் ஆண்டு முட்டை உற்பத்தியில் தமிழகம் முதலிடம்
  • 2017-2018ம் ஆண்டு முட்டை உற்பத்தி செய்யும் மாநிலங்களில் தமிழகம் முதலிடம் பிடித்துள்ளது. தமிழகத்திற்கு அடுத்தபடியாக ஆந்திரா, தெலங்கானா, மேற்குவங்கம், ஹரியானா உள்ளிட்ட மாநிலங்கள் அடுத்தடுத்த இடங்களை பிடித்துள்ளது. 
  • 2016-2017ல் 26.03 பில்லியனாக இருந்த முட்டை உற்பத்தி 2017-2018ல் 27.95 பில்லியனாக அதிகரித்துள்ளது குறிப்பிடத்தக்கது. 
ஜூனியர் பிரிவு குத்துச் சண்டை போட்டியில் 12 தங்கம் வென்று இந்தியர்கள் அசத்தல்
  • மகளிர் இளையோர் மற்றும் ஜூனியர் பிரிவு குத்துச் சண்டை போட்டியில் 12 தங்கமும், இரண்டு பிரிவுகளிலும் 2 வெள்ளியும், 3 வெண்கலமும் வென்று அசத்தியது இந்தியா.
  • மகளிர் இளையோர் மற்றும் ஜூனியர் பிரிவு குத்துச் சண்டை போட்டி செர்பியாவில் நேற்றுடன் நிறைவடைந்தது.
  • ஏழாவது 'நேஷன்ஸ் கப்' குத்துச்சண்டைப் போட்டியில், பல்வேறு எடைப் பிரிவுகளில் இந்திய இளையோர் மற்றும் ஜூனியர் வீராங்கனைகள் பதக்கங்களைக் வென்றனர்.
  • ஜூனியர் பிரிவில், ஏக்தா சரோஜ் 46 கிலோ எடைப்பிரிவு, பூணம் 54 கிலோ எடைப்பிரிவு, அருந்ததி சௌதரி 60 கிலோ எடைப்பிரிவு வின்கா 80 கிலோ எடைப்பிரிவு உள்பட ஒன்பது வீராங்கனைகள் தங்கம் வென்றனர்.
  • இதேபிரிவில், சஞ்சீதா, லிபாக்ஷி வெள்ளியும், அர்ஷி கனம், யஷி சர்மா ஆகியோர் வெண்கலம் வென்றனர்.
  • இளையோர் பிரிவில், ஜோனி 60 கிலோ எடைப்பிரிவு, லலிதா 64 கிலோ எடைப்பிரிவு, நந்தினி 81 கிலோ எடைப்பிரிவு தங்கம் வென்றனர். ராஜ்பாலா 54 கிலோ எடைப்பிரிவில் வெண்கலம் வென்றார்.
கலப்பு திருமணங்களைத் தடுக்க எவக்கும் அதிகாரம் இல்லை : உச்சநீதிமன்றம் அதிரடி உத்தரவு
  • கலப்பு திருமணங்களைத் தடுக்க எவக்கும் அதிகாரம் இல்லை என்று உச்சநீதிமன்றம் உத்தவிட்டுள்ளது.தமிழகம் உட்பட பல்வேறு மாநிலங்களில், கலப்பு திருமணம் செய்துகொள்வோர் மீது கொடூரத் தாக்குதல்கள் நடப்பதும், கொலை செய்யப்படுவதும் நடக்கின்றன.
  • குறிப்பாக ராஜஸ்தான், பஞ்சாப், உத்திரப்பிரதேசம், பீகார் ஆகிய பகுதிகளில் இருக்கும் ''காப்" என்ற கட்டப்பஞ்சாயத்து அமைப்பினால் கொடூர சம்பவங்கள் நடந்து வருகின்றன. இதைத்தடுக்க மத்திய அரசு நடவடிக்கை எடுக்க வேண்டும் என உச்சநீதிமன்றத்தில் ஒரு பொதுநல வழக்கு தொடரப்பட்டது.
  • இந்த வழக்கு கடந்த முறை விசாரணைக்கு வந்தபோது, கலப்பு திருமணம் செய்பவர்களை பாதுகாக்க மத்திய அரசு தனிச்சட்டம் இயற்ற வேண்டும் என உச்சநீதிமன்றம் உத்தரவிட்டது.
  • ஆனால் இது குறித்த சட்டம் இன்னும் இயற்றப்படவில்லை. இந்த நிலையில், குறிப்பிட்ட வழக்கு உச்சநீதிமன்றத்தின் தலைமை நீதிபதி தீபக்மிஸ்ரா. நீதிபதிகள் ஏஎம்.கன்வீல்கர், சந்திராசூட் ஆகிய மூன்று நீதிபதிகள் அடங்கிய அமர்வில் நேற்று மீண்டும் விசாரணைக்கு வந்தது.
  • அப்போது நீதிபதிகள், "சாதி மாறி கலப்புத் திருமணம் செய்பவர்களை எவரும் தடுக்க கூடாது. இரு வேறு சாதியினர் காதல் திருமணம் செய்து கொள்வதை தடுக்க எவருக்கம் அதிகாரம் கிடையாது. மேலும் சாதி மறுப்பு திருமணம் செய்பவர்களை பாதுகாக்கும் விதமாக தனி சட்டம் இயற்றக்கோரி ஏற்கனவே உச்சநீதிமன்றம் மத்திய அரசுக்கு உத்தரவிட்டும் இதுவரை அதற்கனெ தனிச்சட்டம் ஏன் இயற்றவில்லை?.
  • வட இந்தியாவில் கலப்புத் திருமணம் செய்பவர்கள் மீது கொடூர தாக்குதல் நடத்தும் காப் என்ற கட்டப்பஞ்சாயத்து அமைப்பிற்கு தடை விதிக்க மத்திய அரசு உடனடியாக நடவடிக்கை எடுக்க வேண்டும். இல்லை என்றால், நீதிமன்றம் அதை கையில் எடுக்க வேண்டிய கட்டாய நிலை ஏற்படும்" என்று தெரிவித்தார்கள்.
குறு, சிறு, நடுத்தர நிறுவனங்களில் மேற்கு வங்கம் முதலிடம்
  • குறு, சிறு மற்­றும் நடுத்­தர நிறு­வ­னங்­கள் அதி­க­முள்ள மாநி­லம் என்ற சிறப்பை, மேற்கு வங்­கம் பெற்­றுள்­ளது.மேற்கு வங்க அரசு, புதிய வர்த்­த­கங்­களை உரு­வாக்கி, தொழில் முனை­வோரை ஊக்­கு­வித்து, வேலை­வாய்ப்­பு­களை அதி­க­ரிப்­ப­தில் தீவி­ர­மாக ஈடு­பட்­டுள்­ளது. 
  • இதன் விளை­வாக, 2016 -– 17ம் நிதி­யாண்­டில், அதி­க­ள­வில், குறு, சிறு, நடுத்­தர நிறு­வ­னங்­களை கொண்ட, 10 மாநி­லங்­களில், மேற்கு வங்­கம், 11.62 சத­வீத பங்­க­ளிப்­பு­டன், முத­லி­டத்­திற்கு உயர்ந்­துள்­ளது. உ.பி., மஹா­ராஷ்­டிரா ஆகி­யவை, அடுத்த இடங்­களில் உள்ளன.
  • ஐந்து ஆண்­டு­களில், குறு, சிறு, நடுத்­தர நிறு­வ­னங்­க­ளுக்கு, அதிக வங்கி கடன் வழங்­கிய சிறப்­பும், மேற்கு வங்­கத்­திற்கு கிடைத்­துள்­ளது. இந்­நி­று­வ­னங்­க­ளுக்கு, 2017ல், 1,500 கோடி டாலர் வங்கி கடன் வழங்­கப்­பட்டு உள்­ளது. மாநி­லத்­தின் மொத்த உற்­பத்­தி­யில், குறு, சிறு, நடுத்­தர நிறு­வ­னங்­கள், 6 சத­வீத பங்­க­ளிப்பை வழங்­கு­கின்றன.
  • இது, தயா­ரிப்­புத் துறை­யில், 33 சத­வீ­தம்; ஏற்­று­ம­தி­யில், 45 சத­வீ­த­மாக உள்­ளது.அனைத்து மாநி­லங்­கள் மற்­றும் யூனி­யன் பிர­தே­சங்­களில், 2017ல், ‘பிராப்’ திட்­டம் அறி­மு­கப்­ப­டுத்­தப்­பட்­டது. இதன்­படி, தொழில் கொள்கை மற்­றும் வர்த்­தக மேம்­பாட்டு சீர்­தி­ருத்த நட­வ­டிக்­கை­களை, சிறப்­பாக மேற்­கொள்­ளும் மாநி­லங்­களில், மேற்கு வங்­கம் முத­லி­டத்தை பிடித்­துள்­ளது. 
  • மேற்கு வங்க சர்­வ­தேச வர்த்­தக மாநாடு, கோல்­கட்­டா­வில் நேற்று துவங்­கி­யது. இரு நாட்­கள் நடை­பெ­றும் இம்­மா­நாட்­டில், முகேஷ் அம்­பானி, சுனில் மிட்­டல் உள்­ளிட்­டோ­ரு­டன், சர்­வ­தேச தொழி­ல­தி­பர்­கள் பலர் பங்­கேற்­கின்­ற­னர்.
ஹஜ் மானியம் ரத்து: இந்திய அரசு அறிவிப்பு
  • இஸ்லாமியர்கள் மேற்கொள்ளும் ஹஜ் புனிதப் பயணத்திற்கு இந்த ஆண்டு முதல் மானியம் வழங்கப்பட மாட்டாது என மத்திய சிறுபான்மையினர் துறை அமைச்சர் முக்தர் அப்பாஸ் நக்வி தெரிவித்திருக்கிறார்.
  • 'சிறுபான்மையினரை மகிழ்விக்கும் போக்கைக் கைவிட்டு, அவர்களைக் கண்ணியத்துடன் நடத்தும் கொள்கையின் ஒரு பகுதியாக இந்த நடவடிக்கை மேற்கொள்ளப்பட்டுள்ளது. ஹஜ் மானியம் நிறுத்தப்பட்டாலும், இந்த ஆண்டு எப்போதும் இல்லாத அளவாக இந்தியாவிலிருந்து ஒன்றேமுக்கால் லட்சம் பேர் ஹஜ் யாத்திரை செய்வார்கள்' என செய்தியாளர்களிடம் பேசிய நக்வி தெரிவித்தார்.
  • "ஹஜ் மானியமாக அளிக்கப்பட்டுவந்த நிதி, சிறுபான்மை சமூகத்தைச் சேர்ந்த பெண்களுக்கு கல்வி அளிப்பதற்குப் பயன்படுத்தப்படும்" என்றும் நக்வி தெரிவித்தார்.
ராணுவத்துக்கு ஆயுதங்களை ரூ.3,547 கோடியில் வாங்க ஆயுத கொள்முதல் கவுன்சில் அனுமதி
  • ராணுவத்துக்கு ஆயுதங்களை ரூ.3,547 கோடியில் வாங்க ஆயுத கொள்முதல் கவுன்சில் அனுமதி அளித்துள்ளது. 72,400 துப்பாக்கிகள் உள்பட பல்வேறு ஆயுதங்கள் எல்லையில் உள்ள வீரர்களுக்காக வாங்கப்படும் எனவும் தெரிவித்துள்ளது.
குழந்தைகளை பள்ளிக்கு அனுப்பாத பெற்றோர்க்கு தண்டனை வழங்க புதிய சட்டம்: மத்திய அரசு முடிவு
  • குழந்தைகளை பள்ளிக்கு அனுப்பாத பெற்றோர்க்கு தண்டனை வழங்க புதிய சட்டத்திருத்தம் செய்ய மத்திய அரசு முடிவு செய்துள்ளது. மத்திய கல்வி ஆலோசனைகுழுவின் 65வது கூட்டம் மத்திய அமைச்சர் பிரகாஷ் ஜவடேகர் தலைமையில் நடைபெற்றது. கூட்டத்தில் அனைவருக்கும் கல்விசட்டம் 2009ஐ திருத்தம் செய்ய மத்திய அரசு முடிவு செய்துள்ளது.
இந்திய பெண் குழந்தைகள் தத்தெடுப்பு அதிகரிப்பு - மத்திய அரசு
  • இந்தியாவில் கடந்த 4 ஆண்டுகளில் பெண் குழந்தைகள் அதிகளவில் தத்தெடுக்கப்பட்டுள்ளது. தத்தெடுக்கப்பட்ட மொத்த எண்ணிக்கையில் 60 சதவீதம் பெண் குழந்தைகள் என்று மத்திய அரசு தெரிவித்துள்ளது..
  •  ''2017-18ம் ஆண்டு வரையிலான 4 ஆண்டுகளில் தத்தெடுக்கப்பட்ட 12 ஆயிரத்து 273 குழந்தைகளில், பெண் குழந்தைகள் மட்டும் 60 சதவீதமாகும். தத்தெடுப்புக்கான விதிமுறைகள் கடுமையாக்கப்பட்டதை தொடர்ந்து குழந்தைகள் தத்தெடுப்பு 20 சதவீதம் வீழ்ச்சியை ச ந்தித்துள்ளது.
  • 014-15ம் ஆண்டில் 3 ஆயிரத்து 988 என்று இருந்த எண்ணிக்கை 2016-17ம் ஆண்டில் 3 ஆயிரத்து 120 ஆக குறைந்துள்ளது. 50 ஆயிரம் அனாதை குழந்தைகள் இந்தியா வசம் உள்ளபோதும் இதில் ஆயிரத்து 600 குழந்தைகள் மட்டுமே தத்து கொடுக்கப்பட்டுள்ளது'' என்று குறிப்பிடப்பட்டுள்ளது.
  • 50 சதவீதத்திற்கும் மேற்பட்ட குழந்தைகளுக்கு உடல் ரீதியான பிரச்னைகளும், 2 வயதை கடந்த குழந்தைகளும் இருப்பது தான் தத்தெடுப்பு குறைவுக்கு காரணம். இந்திய குழந்தைகளை தத்தெடுத்தில் அமெரிக்கா, இத்தாலி, ஸ்பெயின், ஐக்கிய அரபு எமிரேட்ஸ், பிரான்ஸ் ஆகிய நாடுகள் முன்னிலையில் உள்ளன.
  • கடந்த 4 ஆண்டுகளில் 2 ஆயிரத்து 134 குழந்தைகளை இந்த நாடுகளை சேர்ந்தவர்கள் தத்தெடுத்துள்ளனர். இதில் 69 சதவீதம், அதாவது ஆயிரத்து 481 பேர் பெண் குழந்தைகள் ஆவர்.
  • அமெரிக்கர்கள் 776 இந்திய குழந்தைகளை தத்தெடுத்துள்ளனர். இதில் 566 பேர் பெண் குழந்தைகள். இதை தொடர்ந்து இத்தாலி 463 பெண் குழந்தைகள், ஸ்பெயின் 247 பெண் குழந்தைகளை தத்தெடுத்துள்ளனர். ஆண் குழந்தைகளை விட பெண் குழந்தைகளை தான் வெளிநாட்டு பெற்றோர்கள் அதிகளவில் தேர்வு செய்துள்ளனர்.
  • நாடுகளுக்கு இடையிலான தத்தெடுப்பில் மகாராஷ்டிரா 549 குழந்தைகளுடன் முன்னிலையில் உள்ளது. இதை தொடர்ந்து டில்லி 205 குழந்தைகளுடன் இரண்டாம் இடத்தில் உள்ளது'' என்று தெரிவிக்கப்பட்டுள்ளது.
  • கடந்த 4 ஆண்டுகளில் இந்தியாவிற்குள் மகாராஷ்டிரா 2 ஆயிரத்து 771 குழந்தைகளை தத்தெடுத்து முதலிடத்தில் உள்ளது. இதில் ஆயிரத்து 543 பேர் பெண் குழந்தைகள். ஆயிரத்து 228 பேர் ஆண் குழ ந்தைகள் ஆவர். இதை தொடர்ந்து ஆயிரத்து 140 குழந்தைகளுடன் கர்நாடகாவும், 786 குழந்தைகளுடன் மேற்குவங்கம் 3ம் இடத்திலும் உள்ளது.
இந்தியா - இஸ்ரேல் இடையே 9 ஒப்பந்தங்கள் கையெழுத்து
  • இந்தியா - இஸ்ரேல் நாடுகளிடையே இணையவெளி பாதுகாப்பு, மின்சாரம் உற்பத்தி உள்பட 9 ஒப்பந்தங்கள் கையெழுத்தாகி உள்ளன.
  • 15 ஆண்டுகளுக்கு பிறகு 6 நாள் பயணமாக இஸ்ரேல் பிரதமர் நெதன்யாகு இந்திய வந்துள்ளார். இந்தியாவில் பல்வேறு நிகழ்ச்சிகளில் கலந்துகொண்ட அவர் பிரதமர் மோடியை சந்தித்து பேசினார். அதைத்தொடர்ந்து இரு நாடுகளுக்கு இடையே பல ஒப்பந்தங்கள் கையெழுத்தானது.
  • இரு தரப்பினருக்கும் இடையே ராணுவம், பாதுகாப்பு, வர்த்தகம் உள்ளிட்ட துறைகளில் இரு நாடுகளுக்கு இடையேயான உறவை மேம்படுத்துவது குறித்து கூட்டத்தில் விரிவாக ஆலோசிக்கப்பட்டது.
  • இதனைத் தொடர்ந்து, இந்தியா - இஸ்ரேல் இடையே . இணையவெளி பாதுகாப்பு, மின்சாரம், வர்த்தகம், அறிவியல் தொழில்நுட்பம், விவசாயம் உள்ளிட்ட பல்வேறு துறைகள் தொடர் பாக 9 ஒப்பந்தங்கள் கையெழுத்தாகின.

Sunday, 14 January 2018

TNPSC SHOUTERS - CURRENT AFFAIRS JANUARY 2018 TAMIL PDF

Tnpsc Shouters
2018

S.NO
CURRENT AFFAIRS
DAY & MONTH
DOWNLOAD LINK
1.
1st JANUARY 2018
2.
2nd JANUARY 2018
3.
3rd  JANUARY 2018
4.
4th JANUARY 2018
5.
5th  JANUARY 2018
6.
6th  JANUARY 2018
7.
7th  JANUARY 2018
8.
8th  JANUARY 2018
9.
9th  JANUARY 2018
10.
10th  JANUARY 2018
11.
11th  JANUARY 2018
12.
12th  JANUARY 2018
13.
13th  JANUARY 2018
14.
14th  JANUARY 2018
DOWNLOAD HERE
15.
15th  JANUARY 2018
DOWNLOAD HERE
16.
16th  JANUARY 2018
DOWNLOAD HERE
17.
17th  JANUARY 2018
DOWNLOAD HERE
18.
18th  JANUARY 2018
DOWNLOAD HERE
19.
19th  JANUARY 2018
DOWNLOAD HERE
20.
20th JANUARY 2018
DOWNLOAD HERE
21.
21st JANUARY 2018
DOWNLOAD HERE
22.
22nd JANUARY 2018
DOWNLOAD HERE
23.
23rd  JANUARY 2018
DOWNLOAD HERE
24.
24th  JANUARY 2018
DOWNLOAD HERE
25.
25th  JANUARY 2018
DOWNLOAD HERE
26.
26th  JANUARY 2018
DOWNLOAD HERE
27.
27th  JANUARY 2018
DOWNLOAD HERE
28.
28th  JANUARY 2018
DOWNLOAD HERE
29.
29th  JANUARY 2018
DOWNLOAD HERE
30.
30th  JANUARY 2018
DOWNLOAD HERE
31.
31st   JANUARY 2018
DOWNLOAD HERE

சிவகங்கையில் கி.மு.3ம் நூற்றாண்டு பெருங்கற்கால கல்வட்டங்கள்
  • சிவகங்கை அருகே கி.மு. 3 ம் நுாற்றாண்டைச் சேர்ந்த பெருங்கற்கால கல்வட்டங்கள் அதிகம் காணப்படுகின்றன. சிவகங்கை மாவட்டம் திருமலை அருகே நாமனுார் நாமனிக்கண்மாயின் வடக்குகரைச் சரிவில் 100 க்கும் மேற்பட்ட கல்வட்டங்கள் காணப் படுகின்றன.
  • கண்மாய்க்குள் மூன்று ஏக்கரில் இக்கற்கள் பரவி காணப்படுகின்றன. கி.மு. 1000 முதல் கி.பி. 500 வரை பெருங்கற்காலமாக இருந்தாலும், நாமனுார் பகுதியில் காணப்படும் கல்வட்டங்கள் கி.மு. 3ம் நுாற்றாண்டைச் சேர்ந்தவை. 
  • இதனை கர்நாடகா பிரம்மகிரியில் நடந்த அகழாய்வு மூலம் அறிய முடிகிறது. கல்வட்டங்கள் காணப்படும் பகுதியை கிராமமக்கள் 'மதமதக்கச்சாலை' (அ) வெள்ளக்கல்பொட்டல் என்று அழைக்கின்றனர். முதுமக்கள் தாழி என்பதே திரிந்து 'மதமதக்கத்தாழி' என்று பேச்சுவழக்கில் வந்துஇருக்கலாம்.
  • திருமலை குன்றில் வாழ்ந்தோரை தான் நாமனிக் கண்மாயில் புதைத்துள்ளனர். இக்கண்மாயில் 30 ஆண்டுகளுக்கு முன் முதுமக்கள் தாழி தோண்டியெடுக்கப்பட்டது. அவை தற்போது சிவகங்கை அருங்காட்சியகத்தில் உள்ளன. கல்வட்டங்களை தொல்லியல் துறையினர் ஆய்வு செய்ய வேண்டும்.
ஆன்லைன் வர்த்தக நிறுவனங்களுக்கு புதிய கட்டுப்பாடு! இனி எம்.ஆர்.பி விலை அவசியம்
  • ஆன்லைன் மூலம் வர்த்தம் செய்யும் நிறுவனங்களுக்கு நேற்று முதல் எம்.ஆர்.பி எனப்படும் அதிகபட்ச சில்லறை விலை உள்பட ஒருசில முக்கிய விதிகள் கட்டாயமாக்கப்பட்டுள்ளது. ஆன்லைன் வர்த்தக நிறுவனங்கள் இந்த விதிமுறைகளை இனி கடைபிடிக்க வேண்டும் என்று மத்திய அரசு உத்தரவிட்டுள்ளது.
  • இணையதளங்கள் மூலம் பொருட்களை வாங்கும் நுகர்வோரின் நலனைப் பாதுகாக்கும் வகையில் இந்த புதிய விதிகள் புத்தாண்டு முதல் அமல்படுத்தப்பட்டுள்ளதாகவும், இதில் முக்கியமாக ஒரு பொருளின் எம்.ஆர்.பி எனப்படும் அதிகபட்ச விற்பனை விலை, காலாவதி நாள் மற்றும் நுகர்வோர் பாதுகாப்பு விவரங்கள் ஆகியவை அச்சிடப்பட்டிருக்க வேண்டும் என்றும் மத்திய அரசு உத்தரவிட்டுள்ளது. 
கடன் வட்டியை குறைத்தது எஸ்பிஐ
  • பாரத ஸ்டேட் வங்கி கடன் வட்டியை குறைத்துள்ளது. இதன் மூலம் இந்த வங்கியின் 80 லட்சம் வாடிக்கையாளர்கள் பயன்பெறுவார்கள். நாட்டின் மிகப்பெரிய பொதுத்துறை வங்கியான பாரத ஸ்டேட் வங்கி, தனது வாடிக்கையாளர்களுக்கு அடிப்படை கடன் வட்டியை 8.95 சதவீதத்தில் இருந்து 0.3 சதவீதம் குறைத்து 8.65 சதவீதமாக அறிவித்துள்ளது. 
  • இதுபோல் அடிப்படை முதன்மை கடன் வட்டி விகிதம் 13.7 சதவீதத்தில் இருந்து 13.4 சதவீதமாக குறைக்கப்பட்டுள்ளது. அதே நேரத்தில், டெபாசிட்களுக்கான எம்சிஎல்ஆர் வட்டி விகிதத்தில் எந்த மாற்றமும் செய்யவில்லை. எனவே, ஓராண்டுக்கான எம்சிஎல்ஆர் விகிதம் 7.95 சதவீதமாகவே நீடிக்கிறது. 
  • இந்த வட்டி குறைப்பு புத்தாண்டு தினமான நேற்று முதல் அமலுக்கு வந்துள்ளது என வங்கி வெளியிட்ட அறிவிப்பில் கூறப்பட்டுள்ளது. 
விதர்பா சாம்பியன் * ரஞ்சி கோப்பை வென்று வரலாறு
  • ரஞ்சி கோப்பை தொடரில் முதன் முறையாக கோப்பை வென்று வரலாறு படைத்தது விதர்பா அணி. 
  • டில்லி அணிக்கு எதிரான பைனலில், 9 விக்கெட் வித்தியாசத்தில் வெற்றி பெற்றது.
நெய்வேலியில் ரூ.655 கோடி செலவில் சூரியசக்தி மின்உற்பத்தி தொடக்கம்
  • நெய்வேலியில் ரூ.655 கோடி செலவில் 130 மெகாவாட் திறன் கொண்ட சூரியசக்தி மின்உற்பத்தி தொடங்கியது. 
  • மத்திய நிலக்கரித்துறை செயலர் சுஷில் குமார் சூரியசக்தி மின்உற்பத்தியை தொடங்கி வைத்தார். 
செளதி மற்றும் ஐக்கிய அரபு எமிரேட்ஸில் இன்று முதல் வாட் வரி அமல்
  • செளதி அரேபியா மற்றும் ஐக்கிய அரபு எமிரேட்ஸில் முதல்முறையாக வாட் எனப்படும் மதிப்பு கூட்டு வரி அறிமுகப்படுத்தப்படவுள்ளது. இருநாடுகளிலும் விற்கப்படும் பெரும்பாலான பொருட்களுக்கும், சேவைகளுக்கும் 5 சதவீதம் வரி விதிக்கப்படுகிறது.
  • வளைகுடா நாடுகள் நீண்ட காலமாக வரியில்லா வாழ்க்கை என்ற வாக்குறுதியின் மூலம் வெளிநாட்டு தொழிலாளர்களை ஈர்த்து வந்துள்ளது. இந்த வரிவிதிப்பு முறை இன்று (ஜனவரி 1) முதல் இருநாடுகளிலும் அமலாகிறது.
  • வாட் வரி காரணமாக முதல் ஆண்டில், சுமார் 12 பில்லியன் திராம் (3.3 பில்லியன் டாலர்கள்) வருவாய் கிடைக்கும் என ஐக்கிய அரபு எமிரேட்ஸ் மதிப்பீடு செய்துள்ளது. பெட்ரோல், டீசல், உணவு, ஆடைகள், அத்தியாவசிய சேவைகள் மற்றும் ஹோட்டல் அறைகள் ஆகியவற்றுக்கு வாட் பொருந்தும்.
  • ஆனால், மருத்துவ சிகிச்சை, நிதி சேவைகள் மற்றும் பொது போக்குவரத்து ஆகியவற்றுக்கு வாட் வரியிலிருந்து விலக்கு அளிக்கப்பட்டுள்ளது.
  • செளதி அரேபியாவில் 90 சதவீதத்திற்கும் மேற்பட்ட வருவாய் எண்ணெய் தொழிலிலிருந்து கிடைக்கிறது. ஆனால், ஐக்கிய அரபு எமிரேட்ஸில் அந்த வருவாய் என்பது தோராயமாக 80 சதவீதமாக உள்ளது.
175 மணிநேரம் மாரத்தான் யோகா: சென்னைப் பெண் கின்னஸ் சாதனை
  • தொடர்ந்து யோகா செய்து சென்னையைச் சேர்ந்த பெண் புதிய கின்னஸ் உலக சாதனைப் படைத்துள்ளார்.
  • சென்னையைச் சேர்ந்தவர் கவிதா பரணிதரன் (வயது 31). மூன்றரை வயது குழந்தைக்கு தாயான இவர் தற்போது யோகா செய்வதில் புதிய கின்னஸ் உலக சாதனையைப் படைத்துள்ளார்.
  • டிசம்பர் 23-ந் தேதி காலை 7 மணியளவில் இவருடைய மாரத்தான் யோகா முயற்சி தொடங்கியது. இதன்மூலம் 5-ஆம் நாளான டிசம்பர் 28-ந் தேதி பிற்பகல் 02:02 மணியளவில் இவர் முந்தைய மாரத்தான் யோகா கின்னஸ் உலக சாதனையை முறியடித்துள்ளார்.
  • ​இந்நிலையில், தொடர்ந்து மாரத்தான் யோகாவில் ஈடுபட்ட கவிதா, டிசம்பர் 30-ந் தேதி வரை இந்த சாதனை முயற்சியை நீட்டித்தார்.
  • அவ்வகையில், உலகளவில் நீண்ட நேரம் மாரத்தான் யோகா முயற்சியில் ஈடுபட்டவர் என்ற பெருமைக்குரியவர் ஆனார்.
தமிழகத்தில் 820 பள்ளிகளில் ஒரேயொரு ஆசிரியர்: மத்திய குழுவின் ஆய்வில் தகவல்
  • தமிழகத்தில் ஒரே ஒரு ஆசிரியருடன் 800க்கும் மேற்பட்ட பள்ளிகள் இயங்கி வருவதாக மத்தியக் குழுவின் ஆய்வில் தெரியவந்துள்ளது.
  • தமிழகத்தில் சுமார் 820 பள்ளிகளில் ஒரு ஆசிரியர் மட்டுமே பணியாற்றுவதாகவும், அவரே, அந்தப் பள்ளிகளில் ஒன்று முதல் எட்டாம் வகுப்பு வரையிலான மாணவர்களுக்கு அனைத்துப் பாடங்களையும் கற்றுக்கொடுக்கிறார் என்பதும் அண்மையில் நடத்தப்பட்ட மத்திய குழுவின் ஆய்வில் தெரியவந்துள்ளது. 
  • இதேபோல் 37 சதவிதிகத்திற்கும் அதிகமான உயர்நிலை மற்றும் மேல்நிலைப்பள்ளிகளில், சம்பந்தப்பட்ட பாடப்பிரிவுகளுக்கான ஆசிரியர்கள் இல்லை என்றும் தெரிவிக்கப்பட்டுள்ளது.
  • 9 முதல் 12ஆம் வகுப்பு வரை, ஒவ்வொரு பாடத்திற்கும் 30 மாணவர்களுக்கு ஒரு ஆசிரியர் என்ற விகிதத்தில் இருக்க வேண்டும், ஆனால் அறிவியல் பாடத்திற்கு 57 மாணவர்களுக்கு ஒரு ஆசிரியர் என்ற விகிதத்திலேயே தற்போது இருப்பதாக மத்தியக் குழுவின் ஆய்வில் தெரியவந்துள்ளது