Saturday, 29 February 2020

தேசிய அறிவியல் தினம் / NATIONAL SCIENCE DAY

TNPSCSHOUTERS

  • தியாகிகளைக் கொண்டாடுவதுபோல அறிவியல் அறிஞர்களும் போற்றப்பட வேண்டும் என்ற அடிப்படையில் 1987ஆம் ஆண்டு தேசிய அறிவியல் தினம் இந்திய அரசால் அறிவிக்கப்பட்டது.
  • சர்.சி.வி.ராமன் அவர்கள் ஒளிச்சிதறல் விதி அதாவது ராமன் விளைவு (Raman Effect) என்கிற ஆராய்ச்சி முடிவை பிப்ரவரி 28ல் (1928) வெளியிட்டார்.
  • இதற்காக அவர் 1930ஆம் ஆண்டில் நோபல் பரிசு பெற்று இந்தியாவிற்கு புகழைத் தேடித்தந்தார். ராமன் ஆராய்ச்சி முடிவை வெளியிட்ட பிப்ரவரி 28ஆம் தேதியைத்தான் தேசிய அறிவியல் தினமாக அறிவிக்கப்பட்டது.
  • அறிவியலின் சிறப்பை இளம்தலைமுறை மாணவர்களுக்கு எடுத்துக் கூறி புதிய கண்டுபிடிப்புகளை வரவேற்கவே இத்தினம் கடைப்பிடிப்பதன் நோக்கமாக உள்ளது.

28th FEBRUARY 2020 CURRENT AFFAIRS TNPSC SHOUTERS TAMIL PDF

TNPSCSHOUTERS

புதுப்பிக்கத்தக்க எரிசக்தி மேலாண்மை மையம்: அமைச்சா் பி.தங்கமணி தொடக்கி வைத்தாா்
  • கடந்த ஆண்டு ஜூலை மாதம் 21-ஆம் தேதி நிலவரப்படி, தமிழகத்தின் மொத்த மின் தேவை அளவான 12,021 மெகாவாட்டில் புதுப்பிக்கத்தக்க எரிசக்தி மின் உற்பத்தியின் பங்களிப்பு 5,932 மெகா வாட்டாக இருந்தது. (காற்று ஆற்றல் - 4,230 மெகா வாட், சூரிய ஆற்றல்- 1,702 மெகா வாட்) இது மொத்த மின் தேவை அளவில் ஏறத்தாழ 50 சதவீதம் ஆகும்.
  • புதுப்பிக்கத்தக்க எரிசக்தி மின் உற்பத்தியின் முக்கியத்துவத்தை கருத்தில் கொண்டு மத்திய மின் கட்டமைப்புக் கழகம் மூலமாக புதுப்பிக்கத்தக்க எரிசக்தி மேலாண்மை மையங்களை ஏழு மாநிலங்களிலும், அவை சாா்ந்த மின் பகுப்பு மையங்களிலும் நிறுவ மத்திய அரசு முடிவு செய்தது. 
  • மேலும் தேசிய அளவில் 2022-ஆம் ஆண்டுக்கான இலக்காகிய 1 லட்சத்து 75 ஆயிரம் மெகா வாட் திறனை அடைவதற்காகவும் இந்த மையங்கள் நிறுவ திட்டமிடப்பட்டது. இதற்காக மத்திய அரசின் மின்துறை அமைச்சகம் சுமாா் ரூ.49 கோடி நிதி ஒதுக்கியது. 
  • இதன் தொடா்ச்சியாக மத்திய மின் கட்டமைப்புக் கழகம் மூலமாக புதுப்பிக்கத்தக்க எரிசக்தி மேலாண்மை மையம் தமிழகம் உள்பட தென் மாநிலங்களில் கட்டமைக்கப்பட்டன. 
  • அவற்றை, மத்திய மின்துறை அமைச்சா் ஆா்.கே.சிங் மற்றும் மத்திய திறன் மேம்பாட்டுத் துறை அமைச்சா் மகேந்திரநாத் பாண்டே ஆகியோா் காணொலிக் காட்சி மூலம் தொடக்கி வைத்தனா். 
  • இதே போல், சென்னையில் உள்ள மின்வாரிய தலைமை அலுவலகத்தில் அமைக்கப்பட்டுள்ள புதுப்பிக்கத்தக்க எரிசக்தி மேலாண்மை மையத்தை அமைச்சா் பி.தங்கமணி தொடக்கி வைத்தாா்.
  • தமிழகத்தில் புதுப்பிக்கத்தக்க எரிசக்தி மேலாண்மை மையம் நிறுவுவதன் மூலம் 154 துணை மின் நிலையங்களின் (101 காற்றாலை மின்சக்தி மற்றும் 53 சூரிய மின்சக்தி துணை மின் நிலையங்கள்) மின் உற்பத்தி அளவை முன்கூட்டியே கணிக்கவும், நிகழ்நிலை மின் உற்பத்தியின் அளவைக் கண்காணிக்கவும் முடியும். 
  • இதற்காக சோதனை அடிப்படையில் கடந்த ஆகஸ்ட் மாதம் முதல், 101 காற்றாலை மின்சக்தி துணை மின் நிலையங்கள் மற்றும் 53 சூரிய மின் நிலையங்களின் நிகழ்நிலை மின் உற்பத்தி அளவு புதுப்பிக்கத்தக்க எரிசக்தி மேலாண்மை மையம் மூலம் கண்காணிக்கப்பட்டது.
  • இதைத் தொடா்ந்து தற்போது செயல்பாட்டுக்கு வந்துள்ள இந்த மையங்கள் மூலமாக புதுப்பிக்கத்தக்க மின் ஆற்றலின் நிகழ்கால மின் உற்பத்தி, நேரடியாக கண்காணிக்கப்படுகிறது. 
  • முன்கூட்டியே அறியப்படும் தொழில்நுட்பத்தால், புதுப்பிக்கத்தக்க மின்சாரத்தின் அளவை ஒரு நாள் முன்னதாக மற்றும் ஒரு வாரம் முன்னதாக கணிக்க முடியும். மேலும் அவ்வப்போது ஏற்படும் மாற்றங்களும் உடனுக்குடன் அறியப்படுகிறது.
இந்திய பொருளாதாரம் 3வது காலாண்டில் 4.7 சதவீதம் வளர்ச்சி அடைந்துள்ளதாக அரசு தகவல்
  • இந்திய பொருளாதாரம் 2019 அக்டோபர் - டிசம்பர் வரையான 3வது காலாண்டில் 4.7 சதவீதம் வளர்ச்சி அடைந்துள்ளதாக அரசு தகவல் அளித்துள்ளது. 2019 ஜூலை - செப்டம்பர் காலாண்டை விட 3வது காலாண்டில் இந்திய பொருளாதார வளர்ச்சி 0.2 சதவீதம் அதிகரித்துள்ளது.
  • 2019 ஜனவரியில் 1.5 சதவீதம் ஆக இருந்த அடிப்படை தொழில்களின் வளர்ச்சி விகிதம் கடந்த மாதம் 2.2 சதவீதம் ஆக உயர்ந்துள்ளது. ஜனவரியில் நிலக்கரி உற்பத்தி 8 சதவீதமும் பெட்ரோல், டீசல் உற்பத்தி 1.9 சதவீதமும் மின் உற்பத்தி 2.8 சதவீதமும் அதிகரித்துள்ளது. 
  • ஜனவரியில் கச்சா எண்ணெய், இயற்கை எரிவாயு, உர வகைகளின் உற்பத்தி சுருங்கிவிட்டதாக அரசு தகவல் அளித்துள்ளது.



எட்டு முக்கிய துறைகள் வளர்ச்சி 2.2 சதவீதம்
  • நாட்டில் உள்ள முக்கிய எட்டு துறைகள், கடந்த ஜனவரி மாதத்தில், 2.2 சதவீதம் வளர்ச்சி கண்டுள்ளன. இதற்கு நிலக்கரி, சுத்திகரிப்பு பொருட்கள், மின்சாரம் ஆகிய துறைகளில் உற்பத்தி அதிகரித்தது காரணமாக அமைந்துள்ளது. மதிப்பீட்டு மாதத்தில், உள்கட்டுமான துறையில், 1.5 சதவீதம் அளவுக்கு வளர்ச்சி அதிகரித்து உள்ளது.
  • நிலக்கரி, சுத்திகரிப்பு பொருட்கள், மின்சாரம் ஆகிய துறைகளில், உற்பத்தி முறையே, 8 சதவீதம், 1.9 சதவீதம், 2.8 சதவீதம் அளவுக்கு அதிகரித்துள்ளது. 
  • கச்சா எண்ணெய், இயற்கை வாயு, உரம் ஆகிய துறைகள் வளர்ச்சி குறைந்து, எதிர்மறையாக உள்ளன. நடப்பு நிதியாண்டில், ஏப்ரல் முதல், ஜனவரி வரையிலான காலகட்டத்தில், முக்கிய துறைகளின் வளர்ச்சி குறைந்து, 0.6 சதவீதமாக உள்ளது. இதுவே, இதற்கு முந்தைய நிதியாண்டின் இதே காலகட்டத்தில், வளர்ச்சி, 4.4 சதவீதமாக இருந்தது குறிப்பிடத்தக்கது.
ரோந்து கப்பல், 'வரத்' நாட்டுக்கு அர்ப்பணிப்பு
  • இந்திய கடலோர காவல் படைக்கு, ஏழு அதி நவீன ஆழ்கடல் ரோந்து கப்பல்களை தயாரித்து வழங்க, எல் அண்ட் டி கப்பல் கட்டும் நிறுவனத்துடன், 2015ல், ஒப்பந்தம் செய்யப்பட்டது.
  • அதன்படி, 'விக்ரம், வீரா, விஜயா, வராஹா' என, நான்கு ரோந்து கப்பல்கள், கடலோர காவல் படையிடம் ஒப்படைக்கப்பட்டு, ரோந்து பணியில் ஈடுபட்டு வருகின்றன.
  • இந்நிலையில், 'வரத்' என்ற, ஐந்தாவது ஆழ்கடல்ரோந்து கப்பலை, நாட்டுக்கு அர்ப்பணிக்கும் நிகழ்ச்சி, சென்னை துறைமுகத்தில் நடந்தது. 
  • 'வரத்' ரோந்து கப்பல், 2100 டன் எடை, ௧௫ மீட்டர் அகலம், 98 மீட்டர் நீளம் உடையது. 'ஆசிர்வாதம் வழங்குதல்' என பொருள்படும் வகையில், 'வரத்' என்ற பெயர் சூட்டப்பட்டுள்ளது. முழுமையாக இந்திய தொழில்நுட்பங்கள் அடிப்படையில், இக்கப்பல் தயாரிக்கப்பட்டுள்ளது. 
  • இதில், அதிநவீன தகவல் தொடர்பு சாதனங்கள், சென்சார்கள் பொருத்தப் பட்டுள்ளன. குறைந்த மாசை வெளியிட்டு, சுற்றுச்சூழலை பாதுகாக்கும் வகையில், கப்பல் உருவாக்கப் பட்டுள்ளது.
  • அதிகபட்சமாக, 26 நாட்டிகல் மைல் வேகத்திலும், தொடர்ந்து, 10 ஆயிரம் கி.மீ., வரையிலும், இக்கப்பலால் பயணிக்க முடியும். இடைவிடாமல், 20 நாட்கள் வரை, தொடர் ரோந்து மற்றும் மீட்பு பணியில் ஈடுபட முடியும். இரட்டை இன்ஜின் பொருத்திய ஹெலிகாப்டர்கள், இந்தக் கப்பலில் இறங்க முடியும். 
டில்லி போலீஸ் கமிஷனராக ஸ்ரீவஸ்தவா நியமனம்
  • டில்லி போலீஸ் கமிஷனராக உள்ள அமுல்யா பட்நாயக் பிப்.,29 ஓய்வு பெற உள்ளதை தொடர்ந்து, புதிய போலீஸ் கமிஷனராக எஸ்என் ஸ்ரீவஸ்தவா நியமிக்கப்பட்டுள்ளார்.
  • குடியுரிமை சட்ட திருத்தத்திற்கு ஆதரவாகவும், எதிராகவும் நடந்த போராட்டத்தில் வன்முறை ஏற்பட்டது. இதனை சரியாக கையாளவில்லை என டில்லி போலீஸ் கமிஷனர் அமுல்யா பட்நாயக் மீது விமர்சனம் எழுந்தது. 
  • இதனையடுத்து எஸ்என் ஸ்ரீவஸ்தாவாவை சட்டம் ஒழுங்கு சிறப்பு கமிஷனராக நியமித்து மத்திய உள்துறை அமைச்சகம் உத்தரவிட்டிருந்தது. இந்நிலையில், அவர் அடுத்த போலீஸ் கமிஷனராக நியமிக்கப்பட்டுள்ளார். 
  • இதற்கான உத்தரவை டில்லி கவர்னர் பிறப்பித்துள்ளார். 1985ம் ஆண்டு பேட்சை சேர்ந்த ஸ்ரீவஸ்தவா, மார்ச் 1ம் தேதி பொறுப்பேற்று கொள்ள உள்ளார்.
  • பலி அதிகரிப்பு இதனிடையே, டில்லி கலவரத்தில் உயிரிழந்தவர்களின் எண்ணிக்கை 39 ஆக அதிகரித்துள்ளது. 265 பேர் காயமடைந்து சிகிச்சை பெற்று வருகின்றனர். இந்த கலவரம் தொடர்பாக 130க்கும் மேற்பட்டோர் கைது செய்யப்பட்டுள்ளனர்.



ஒருங்கிணைந்த வாகன பதிவு அட்டை திட்டம்: நாட்டிலேயே முதலில் அமலுக்கு கொண்டு வந்த மத்திய பிரதேசம்
  • நாடு முழுவதும் அனைத்து மாநிலங்களும் தங்களுக்கென பிரத்யேக முத்திரைகளுடன் வாகனத்திற்கான பதிவு சான்று மற்றும் ஓட்டுநர் உரிமங்களை வழங்கி வருகின்றன.
  • ஒவ்வொரு மாநிலத்துக்கும் இது மாறும். எனவே அதை சீரமைக்க அனைத்து மாநிலங்களுக்கும் சீரான அடையாளங்களுடைய அட்டையாக வழங்கும்படி கூறியிருந்தது. இந்த அறிவிப்பு ஒராண்டுக்கு முன்பு வெளியானது.
  • இந்நிலையில், மத்திய பிரதேச மாநிலம் வாகனங்களுக்கான பதிவெண்ணில் ஒருங்கிணைந்த அட்டை திட்டத்தை அறிமுகம் செய்துள்ளது. நாட்டிலேயே இத்திட்டத்தை கொண்டுவரும் முதல் மாநிலம் மத்திய பிரதேசம் தான்.
  • ஒருங்கிணைந்த வாகன ஓட்டுநர் உரிம அட்டை திட்டத்தையும் மத்திய பிரதேசம் கொண்டு வந்திருக்கிறது. இந்த திட்டம் ஏற்கனவே உத்தர பிரதேசம் அமல்படுத்தி உள்ளது.
  • ஓட்டுநர் உரிமம் மற்றும் வாகன பதிவுக்கான ஒருங்கிணைந்த ஸ்மார்ட் கார்டுகள் ஒவ்வொன்றும் க்யூஆர் குறியீட்டை கொண்டிருக்கும்.
  • இது அட்டைகளில் அச்சிடப்பட்ட தரவின் நம்பகத்தன்மையை சரிபார்க்க உதவும். இந்த அட்டைகளில் பெயர், முகவரி, இரத்தக் குழு, பிறந்த தேதி, வைத்திருப்பவரின் புகைப்படம், செல்லுபடியாகும் காலம் மற்றும் பிற விவரங்கள் ஒரு சிப்பில் சேமிக்கப்படும் என்றார்.
பயணிகளுக்குப் பாதுகாப்பான நாடுகளின் பட்டியலில் சுவிட்சர்லாந்து முதலிடம்
  • இயற்கைப் பேரழிவுகள், நாட்டின் சுகாதாரம், வன்முறைகள், தீவிரவாத அச்சுறுத்தல்கள் போன்ற பல்வேறு காரணிகளை ஒப்பிட்ட `insurly' என்கிற வலைதளம் 2020-ல் பயணிகளுக்கான பாதுகாப்பான நாடுகளின் பட்டியலை வெளியிட்டுள்ளது.
  • சுற்றுலாப் பயணிகளின் கனவு நாடான சுவிட்சர்லாந்து (Switzerland), 100-க்கு 93.4 மதிப்பெண் பெற்று முதலிடத்தில் உள்ளது. சாலை விபத்துகள் மற்றும் அதனால் உண்டாகும் உயிரிழப்புகள் போன்ற போக்குவரத்து அபாயங்களை வைத்துப் பார்க்கும்போது 98 சதவிகிதம் பாதுகாப்பான பயணங்களுக்கு சுவிட்சர்லாந்து உறுதியளிக்கிறது. 
  • சிங்கப்பூர் 92.7 மதிப்பெண்ணுடன் உலக அளவில் இரண்டாவது இடத்திலும் ஆசிய அளவில் முதல் இடத்திலும் உள்ளது. நீங்கள் சிங்கப்பூரில் பயணம் செய்யப் போகிறவராக இருந்தால் 93 சதவிகிதம் இயற்கை இடையூறுகளற்ற பயணங்களை மேற்கொள்ள முடியும்.
  • மூன்றாம் இடத்தில் உள்ள நார்வேக்கு 91.1 மதிப்பெண் வழங்கப்பட்டுள்ளன. வன்முறைகள் அதிக அளவில் இருப்பதால் வட ஐரோப்பாவில் உள்ள இந்த அழகிய நகரம் மூன்றாம் இடத்துக்குத் தள்ளப்பட்டு இருக்கிறது. 
  • இப்பட்டியலில் ஆஸ்திரேலியா 31-வது இடத்திலும், பிரான்ஸ் 32-வது இடத்திலும், ஐக்கிய அரபு நாடுகள் 37-வது இடத்திலும், பொருளாதாரத்தில் நம்பர் ஒன் நாடான அமெரிக்கா 44-வது இடத்திலும் உள்ளது. 
  • 42.6 மதிப்பெண்களுடன் இந்தியா 122-வது இடத்தில் உள்ளது குறிப்பிடத்தக்கது. இந்தப்பட்டியலில் கடைசி மூன்று இடங்களைப் பிடித்துள்ள தெற்குச் சூடான், காங்கோ மற்றும் மத்திய ஆப்பிரிக்கக் குடியரசு ஆகிய நாடுகள் பயணிகளுக்கு ஆபத்தான நாடுகளாக அறியப்படுகின்றன.
ரூ.3,195 கோடி நிதியுதவி; பாக்., - ஐ.எம்.எப்., ஒப்பந்தம்
  • விலைவாசி உயர்வு, அன்னிய செலாவணி கையிருப்பு குறைவு உள்ளிட்ட பிரச்னைகளை சமாளிக்க, சீனா, சவுதி அரேபியா, ஐக்கிய அரபு எமிரேட்ஸ் ஆகிய நாடுகளிடம், பாக்., கடன் வாங்கியுள்ளது. 
  • அத்துடன், பன்னாட்டு நிதியத்திடம், 42 ஆயிரம் கோடி ரூபாய் நிதியுதவி பெற, கடந்த ஆண்டு ஒப்பந்தம் செய்தது. அதன்படி, வெளிநாட்டு கடன்களை சமாளிக்க, உடனடியாக, 7,000 கோடி ரூபாயும், எஞ்சிய தொகையை, மூன்று ஆண்டுகளில், தவணை முறையில் பெறவும், பாக்., ஒப்புக் கொண்டது. 
  • பன்னாட்டு நிதியம் கூறும் பொருளாதார சீர்திருத்த நடவடிக்கைகளை மேற்கொண்டால் தான், பாக்., நிதியுதவியை பெற முடியும் என்பது, ஒப்பந்தத்தின் முக்கிய அம்சமாகும்.
  • அதன்படி, இரண்டாம் கட்ட நிதியுதவியை பெறுவது தொடர்பாக, பாக்., எடுக்க வேண்டிய கொள்கை முடிவுகள், சீர்திருத்தங்கள் குறித்து, அந்நாட்டின் உயரதிகாரிகள் மற்றும் பன்னாட்டு நிதியத்தின் பிரதிநிதிகள் இடையே, இரண்டு வாரங்களாக நடைபெற்ற பேச்சில் உடன்பாடு ஏற்பட்டு, ஒப்பந்தம் கையெழுத்தாகியுள்ளது. 
  • இதற்கு, வரும் ஏப்ரலில், பன்னாட்டு நிதியத்தின் நிர்வாகம் ஒப்புதல் அளிக்கும்பட்சத்தில், பாக்.,கிற்கு 3,195 கோடி ரூபாய் நிதியுதவி கிடைக்கும்.

Friday, 28 February 2020

27th FEBRUARY 2020 CURRENT AFFAIRS TNPSC SHOUTERS TAMIL PDF

TNPSCSHOUTERS

இந்தியா மியான்மா் இடையே 10 ஒப்பந்தங்கள் கையெழுத்து
  • மியான்மா் அதிபா் யு வின் மைன்ட் தன் மனைவி டாவ் சோசோவுடன் இந்தியாவில் அரசுமுறைப் பயணம் மேற்கொண்டுள்ளாா். அவா்களுக்கு குடியரசுத் தலைவா் மாளிகையில் வியாழக்கிழமை அரசுமுறை வரவேற்பு அளிக்கப்பட்டது. அப்போது, குடியரசுத் தலைவா் ராம்நாத் கோவிந்த், பிரதமா் நரேந்திர மோடி உள்ளிட்டோா் அவா்களை வரவேற்றனா்.
  • இதைத் தொடா்ந்து, அதிபா் யு வின் மைன்ட் பிரதமா் மோடியுடன் தில்லியிலுள்ள ஹைதராபாத் இல்லத்தில் பேச்சுவாா்த்தை நடத்தினாா். பேச்சுவாா்த்தைக்குப் பிறகு இரு நாடுகளுக்குமிடையே 10 ஒப்பந்தங்கள் கையெழுத்தாகின. முக்கியமாக, 'ஆள்கடத்தலைத் தடுப்பதில் ஒருங்கிணைந்து செயல்படுவது; கடத்தப்பட்டவா்களை மீட்டு மறுவாழ்வு அளிப்பது' என்ற புரிந்துணா்வு ஒப்பந்தம் கையெழுத்தானது.
  • மியான்மரில் இந்திய நிதியுதவியுடன் பல்வேறு திட்டங்களைச் செயல்படுத்தும் வகையிலான ஒப்பந்தங்கள் கையெழுத்தாகின. மியான்மரில் வன்முறையால் பாதிக்கப்பட்ட ராக்கைன் மாகாணத்தில் வளா்ச்சித் திட்டங்களைச் செயல்படுத்துவது தொடா்பாக 3 ஒப்பந்தங்களும் கையெழுத்தாகின.
  • முன்னதாக, மியான்மா் அதிபா் யு வின் மைன்டும், அவரின் மனைவி டாவ் சோ சோவும் ராஜ்காட்டிலுள்ள மகாத்மா காந்தி நினைவிடத்தில் மரியாதை செலுத்தினா்.
உள்நாட்டில் தயாரிக்கப்பட்ட 6-வது கடலோர ரோந்து கப்பல் நாட்டுக்கு அர்ப்பணிப்பு
  • உள்நாட்டில் தயாரிக்கப்பட்ட 6-வது கடலோர ரோந்து கப்பல் நாட்டுக்கு அர்ப்பணிக்கப்பட்டுள்ளது. மேக் இன் இந்தியா திட்டத்தில் சென்னை காட்டுப்பள்ளியில் உள்ள தனியார் கப்பல் கட்டும் தளத்திலிருந்து ரோந்து கப்பல் முதல் பயணம். ரோந்து கப்பல் அர்ப்பணிப்பு நிகழ்ச்சியில் மத்திய போக்குவரத்துத்துறை இணை அமைச்சர் மன்சுக் மாண்டவியா பங்கேற்றார்.



ஒரு நாடு, ஒரே ரேஷன்: மேற்கு வங்கம் இணைய மறுப்பு
  • மத்திய அரசின், 'ஒரு நாடு, ஒரே ரேஷன் அட்டை' திட்டத்தில் இணைவதற்கு, மேற்கு வங்க அரசு மறுப்பு தெரிவித்துள்ளது.மேற்கு வங்க முதல்வர் மம்தா பானர்ஜி, மத்திய அரசுடன் தொடர்ந்து மோதல் போக்கை கடைபிடிக்கிறார். 
  • மத்திய அரசின் பல்வேறு திட்டங்களை செயல்படுத்த அம்மாநில அரசு மறுப்பு தெரிவித்து வருகிறது. 'ஆயுஷ்மான்' எனப்படும் இலவச மருத்துவக் காப்பீடு உள்ளிட்ட திட்டத்தை செயல்படுத்த மறுப்பு தெரிவித்து வருகிறது.
  • ஒரு நாடு, ஒரே ரேஷன் அட்டை திட்டம் குறித்து, மத்திய அரசிடம் இருந்து இதுவரை எந்தத் தகவலும் வரவில்லை. மத்திய அரசுடன் கருத்து வேறுபாடு உள்ளதால், இந்த திட்டத்தை செயல்படுத்த மாட்டோம். 
  • மாநிலத்தில் ரேஷன் முறையை, 'டிஜிட்டல்' மயமாக்க, ஏற்கனவே, 200 கோடி ரூபாய் செலவிட்டுள்ளோம். அதை யார் திருப்பி தருவர். இதைத் தவிர மத்திய அரசு, எங்களுக்கு அளிக்க வேண்டிய, 6,000 கோடி ரூபாயையும் தரவில்லை. கருத்து வேறுபாடு உள்ளதால், ரேஷன் திட்டத்தை செயல்படுத்த மாட்டோம். 
பத்தாம் வகுப்பு வரை தாய் மொழி கட்டாயம்: சட்டசபையில் மசோதா தாக்கல்
  • பத்தாம் வகுப்பு வரை தாய் மொழியை மாணவர்கள் கட்டாயம் படிக்க வேண்டும் என மசோதா ஒன்று சட்டப் பேரவையில் இன்று தாக்கல் செய்யப்பட உள்ளது மகாராஷ்டிர மாநிலத்தில் உள்ள சிபிஎஸ்சி உள்பட ஒரு சில பள்ளிகளில் மராத்தி மொழி இல்லாமல் வெறும் ஆங்கிலம் மட்டுமே பயிற்றுவிக்கபடுவதாக புகார் அளிக்கப்பட்டது. 
  • இதனை அடுத்து சிபிஎஸ்இ பள்ளிகள் உள்பட அனைத்து பள்ளிகளிலும் பத்தாம் வகுப்பு வரை மாணவர்கள் மராத்தி மொழி பயில வேண்டியது கட்டாயம் என அமைச்சர் சுபாஷ் தேசாய் அறிவித்தார்.
  • இதற்கான சட்ட மசோதா இன்று சட்டமன்றத்தில் தாக்கல் செய்யப்பட உள்ளது. 



பணக்கார நாடு! பட்டியலில் ஏழாவது இடத்தில் இந்தியா
  • உலகில், அதிக சொத்து உள்ள நாடுகளின் பட்டியலில், இந்தியா, ஏழாவது இடத்தில் உள்ளதாக, சுவிட்சர்லாந்து நாட்டைச் சேர்ந்த, நிதிச் சேவை நிறுவனமான, 'கிரெடிட் சுவிஸ்' ஆய்வு மையத்தின் அறிக்கையில் கூறப்பட்டுள்ளது. 
  • பணக்கார நாடுகளில், அமெரிக்கா முதலிடத்தில் உள்ளது. அதேசமயம், அந்நாட்டின் தனி நபர் வருவாய், சுவிட்சர்லாந்து, லக்சம்பர்க் உள்ளிட்ட ஒரு சில நாடுகளை விட குறைவாக உள்ளது. 
  • அரசு, தனி நபர், குடும்பம், தொழில்கள் ஆகியவற்றின் சொத்து மதிப்பில், கடன் போக, எஞ்சிஉள்ளது, ஒரு நாட்டின் மொத்த சொத்து மதிப்பாக கணக்கிடப்படுகிறது. 
  • இந்த வகையில், 2019ல், உலகின் மொத்த சொத்து மதிப்பு, 25 ஆயிரத்து, 560 லட்சம் கோடி ரூபாய்; இது, 2018ல் இருந்ததை விட, 639 லட்சம் கோடி ரூபாய் அதிகம்.வரும், 2024ல், உலகின் சொத்து மதிப்பு 32 ஆயிரத்து, 589 லட்சம் கோடி ரூபாயாக உயரும் என, மதிப்பிடப்பட்டு உள்ளது. உலகில், கோடிக்கணக்கான மக்கள், வறுமையால் இறக்கின்றனர். 
  • இருந்தபோதிலும், தனி நபரின் சராசரி சொத்து மதிப்பு, 50 லட்சம் ரூபாயாக உள்ளது. உலகளவில், முதல், 10 இடங்களில் உள்ள பணக்கார நாடுகளில், இந்தியா, ஏழாவது இடத்தை பிடித்துள்ளது. 
  • இந்தியாவின் சொத்து மதிப்பு, 895 லட்சம் கோடி ரூபாய்; இதில், தனிநபர் சராசரி சொத்து, 10.34 லட்சம் ரூபாய்; சராசரி கடன், 95ஆயிரத்து, 566 ரூபாய் என, மதிப்பிடப்பட்டுள்ளது. 
  • உலக இளையோர் எண்ணிக்கையில், இந்தியா, 17 சதவீத பங்களிப்பையும், சர்வதேச சொத்து மதிப்பில், 3.5 சதவீதத்தையும், இந்தியா கொண்டுள்ளது. உலக சொத்து மதிப்பு பட்டியலில், அமெரிக்கா, 7,526 லட்சம் கோடி ரூபாயுடன், முதலிடத்தில் உள்ளது.
  • இங்கு, பெருங்கோடீஸ்வரர்கள், 1.80 கோடி பேர் உள்ளனர். தனிநபரின் சராசரி சொத்து மதிப்பு, 3 கோடி ரூபாய்; சராசரி கடன், 44 லட்சம் ரூபாய். சீனா, 4,544 லட்சம் கோடி ரூபாய் சொத்து மதிப்புடன், இரண்டாவது இடத்தைப் பிடித்துள்ளது. 
  • உலகளவில் உள்ள இளையோர்களில், சீனாவில் மட்டும், 21.4 சதவீதம் பேர் உள்ளனர். உலகின் மொத்த சொத்தில், சீனாவின் பங்கு, 17.7 சதவீதமாக உள்ளது. இங்கு தனி நபர் சராசரி சொத்து மதிப்பு, 41 லட்சமாகவும், சராசரி கடன், 3 லட்சம் ரூபாயாகவும் உள்ளது.
  • உலகின் மொத்த சொத்தில், பாதி அளவு, அமெரிக்கா, சீனா வசம் உள்ளன. ஜப்பான், 1,775 லட்சம் கோடி ரூபாய் சொத்து மதிப்புடன், மூன்றாவது இடத்தில் உள்ளது. இங்கு, தனி நபர் சொத்து மதிப்பு, 1.69 கோடி ரூபாய்; சராசரி கடன், 20 லட்சம் ரூபாய் என்ற அளவில் உள்ளது. அடுத்த இடத்தில் ஜெர்மனி உள்ளது.
  • இந்நாட்டின் சொத்து மதிப்பு, 1,065 லட்சம் கோடி ரூபாய். தனி நபர் சொத்து மதிப்பு, 1.53 கோடி ரூபாய்; சராசரி கடன், 21.84 லட்சம் ரூபாய்.பிரிட்டன், 1,029 லட்சம் கோடி ரூபாய் சொத்து மதிப்பை கொண்டுள்ளது. இங்கு, தனி நபர் சொத்து மதிப்பு, 1.98 கோடி ரூபாய்; சராசரி கடன், 35.76 லட்சம் ரூபாய். பிரான்ஸ், 974 லட்சம் கோடி ரூபாய் சொத்து மதிப்புடன் ஆறாவது இடத்தில் உள்ளது.
  • இங்கு, தனி நபர் சொத்து மதிப்பு, 1.96 கோடி ரூபாய்; சராசரி கடன், 27.55 லட்சம் ரூபாய். இத்தாலி, 802 லட்சம் கோடி ரூபாய் சொத்துக்களுடன் எட்டாவது இடத்தைப் பிடித்துள்ளது. இந்நாட்டில், தனி நபர் சொத்து மதிப்பு, 1.66 கோடி ரூபாய் ஆகவும், சராசரி கடன், 15.77 லட்சம் ரூபாய் எனவும் கணிக்கப்பட்டுள்ளது. கனடாவின் சொத்து மதிப்பு, 608 லட்சம் கோடி ரூபாய்.
  • இங்கு, ஒருவரின் சொத்து மதிப்பு, 2.08 கோடி ரூபாய் ஆகவும், சராசரி கடன் 42.28 லட்சம் ரூபாய் ஆகவும் உள்ளது. ஸ்பெயின், 551 லட்சம் கோடி ரூபாய் சொத்து மதிப்புடன், 10வது இடத்தைப் பிடித்துள்ளது. இந்நாட்டின் தனி நபர் சொத்து மதிப்பு, 1.47 கோடி ரூபாய்; சராசரி கடன், 16.90 லட்சம் ரூபாய் என, மதிப்பிடப்பட்டு உள்ளதாக, கிரெடிட் சுவிஸ் ஆய்வறிக்கையில் தெரிவிக்கப்பட்டுள்ளது. 34 புதிய பெருங்கோடீஸ்வரர்கள்கடந்த, 2019ல், புதிய கோடீஸ்வரர்கள் உருவாகியதில், சீனா, அமெரிக்கா, முதலிரண்டு இடத்தைப் பிடித்துள்ளன.
  • இந்நாடுகளில், முறையே, 799 மற்றும் 626 பெருங்கோடீஸ்வரர்கள் உருவாகியுள்ளனர். இந்தியா, மாதம் குறைந்தது மூன்று பேர் வீதம், புதிதாக, 34 பெருங் கோடீஸ்வரர்களை உருவாக்கியுள்ளது. இதன் மூலம், இந்தியாவில் பெருங்கோடீஸ்வரர்கள் எண்ணிக்கை, 138ஆக உயர்ந்துள்ளது. இதில், ரிலையன்ஸ் இண்டஸ்ட்ரீஸ் தலைவர், முகேஷ் அம்பானி, தொடர்ந்து முதலிடத்தில் உள்ளார்.
  • இவர் சொத்து மதிப்பு 4.75 லட்சம் கோடி ரூபாய் என, மதிப்பிடப்பட்டுள்ளது. இவர், சராசரியாக ஒரு மணி நேரத்தில், 7 கோடி ரூபாய் சம்பாதிக்கிறார். உலகின் பாதி சொத்து யாரிடம்?உலகில், 4.70 கோடி பெருங்கோடீஸ்வரர்கள் உள்ளனர். இவர்களிடம், 11 ஆயிரத்து, 218 லட்சம் கோடி ரூபாய் சொத்து உள்ளது. இது, உலக சொத்து மதிப்பில், 44 சதவீதம்.அதேசமயம், உலக மக்கள் தொகையில், 57 சதவீதம், அதாவது, 288 கோடி பேரிடம், 1.8 சதவீத அளவிற்கே, அதாவது, 447 லட்சம் கோடி ரூபாய் சொத்து தான் உள்ளது.

Thursday, 27 February 2020

26th FEBRUARY 2020 CURRENT AFFAIRS TNPSC SHOUTERS TAMIL PDF

TNPSCSHOUTERS
திருப்புவனம் அருகே முதுமக்கள் தாழி கண்டெடுப்பு
  • கீழடியில் 6 ஆம் கட்ட அகழாய்வுப் பணியை முதல்வா் எடப்பாடி கே.பழனிசாமி கடந்த 19 ஆம் தேதி தொடங்கி வைத்தாா். 6 ஆம் கட்ட அகழாய்வு பணியின் போது கீழடி மற்றும் இதன் அருகேயுள்ள கொந்தகை, மணலூா், அகரம் ஆகிய கிராமங்களிலும் அகழாய்வு நடத்த முடிவு செய்யப்பட்டுள்ளது. 
  • தற்போது கீழடியில் அகழாய்வுக்காக குழிகள் தோண்டும் பணி நடந்து வருகிறது. கொந்தகையில் அடுத்த மாா்ச் மாதம் அகழாய்வுப் பணியை தொடங்க முடிவு செய்யப்பட்டு, தற்போது அங்கு அகழாய்வு நடத்துவதற்கான இடம் தோவு செய்யப்பட்டுள்ளது. 
  • இந்த இடத்தை சுத்தம் செய்யும் பணி நடந்து வருகிறது. இப்பணியை மேற்கொண்டிருந்த தொழிலாளா்கள் பானை போல் ஒரு பொருள் இருந்ததைக் கண்டு அது உடையாமல் வெளியே எடுத்தனா். 
  • அப்போது அது பழங்காலத் தமிழா்கள் பயன்படுத்திய முதுமக்கள்தாழி என்பது தெரியவந்தது. கொந்தகையில் அகழாய்வு தொடங்கப்படாத நிலையில் இடத்தை சுத்தம் செய்யும்போதே பழங்காலத்தமிழா்கள் பயன்படுத்திய பொருள் கண்டறியப்பட்டுள்ளதால் அகழாய்வின்போது பழங்காலப் பொருள்கள் ஏராளம் கிடைக்க வாய்ப்புள்ளது என்ற எதிா்பாா்ப்பு தமிழாா்வலா்கள் மற்றும் கிராம மக்களிடம் அதிகரித்துள்ளது.
ரூ.1,480 கோடியில் தேசிய ஜவுளி தொழில்நுட்ப மையம் அமைக்க மத்திய அமைச்சரவை ஒப்புதல்
  • ரூ.1,480 கோடியில் தேசிய ஜவுளி தொழில்நுட்ப மையம் அமைக்க மத்திய அமைச்சரவை ஒப்புதல் அளித்துள்ளது. டெல்லியில் பிரதமர் மோடி தலைமையில் நடைபெற்ற அமைச்சரவை கூட்டத்தில் ஒப்புதல் அளிக்கப்பட்டுள்ளது.
தஞ்சையில் இந்திய பயிர் பதனிடும் நிறுவனத்தை தரம் உயர்த்த மத்திய அமைச்சரவை ஒப்புதல்
  • தஞ்சையில் இந்திய பயிர் பதனிடும் நிறுவனத்தை தரம் உயர்த்த மத்திய அமைச்சரவை ஒப்புதல் அளித்துள்ளது. ஹரியானாவில் உள்ள இந்திய பயிர் பதனிடும் நிறுவனத்தையும் தரம் உயர்த்த அமைச்சரவை கூட்டத்தில் ஒப்புதல் அளிக்கப்பட்டுள்ளது.



`மாதவிடாய் நாப்கின்கள் இனி முற்றிலும் இலவசம்!- மசோதா நிறைவேற்றிய ஸ்காட்லாந்து அரசு
  • மாதவிடாய்க் காலத்துக்கான இலவசப் பொருள்கள் மசோதாவை அவை உறுப்பினர்களின் முழு ஒப்புதலுடன் நிறைவேற்றியிருக்கிறது ஸ்காட்லாந்து நாடாளுமன்றம். 
  • இதன்மூலம் 31.2 மில்லியன் டாலர் மதிப்பிலான சானிட்டரி நாப்கின் உள்ளிட்ட மாதவிடாய்க் காலத்துக்குத் தேவையான பொருள்கள் சமூகநலக் கூடங்கள், இளைஞர் விடுதிகள், மருந்தகங்கள் உள்ளிட்ட பொதுஇடங்களில் அந்த நாட்டுப் பெண்களுக்கும் மாற்றுப்பாலினத்தவர்களுக்கும் இனி இலவசமாகக் கிடைக்கும். 
  • சானிட்டரி பொருள்களுக்காக பிரிட்டன் அரசு 5 சதவிகிதம் வரை வரி விதித்து வருகிறது. இந்த வரியை விலக்கிக்கொள்வதாக 2016ம் ஆண்டிலேயே அந்த நாட்டு அரசு அறிவித்தாலும் இதுவரை அது அமலுக்கு வரவில்லை. 
  • 2018 ல் ஜி.எஸ்.டி வரி அறிமுகப்படுத்திய இந்திய அரசு சானிட்டரி நாப்கின்கள் மீது 12 சதவிகித வரி விதித்து, பின்னர் அதை விலக்கிக்கொண்டது இதற்கிடையேதான் ஸ்காட்லாந்து அரசு தங்களது பள்ளிக்கூடங்கள் மற்றும் கல்லூரிகளில் இலவசமாக சானிட்டரி பொருள்கள் கிடைக்கும் என உலகிலேயே முதன்முறையாக அறிவித்தது. 
நெதர்லாந்து துணை தூதராக கோபால் சீனிவாசன் நியமனம்
  • சென்னையில் உள்ள டிவிஎஸ் கேபிடல் பண்ட் நிறுவனத்தின் நிறுவனர், தலைவர் மற்றும் மேலாண் இயக்குநராக கோபால் சீனிவாசன் உள்ளார். சென்னை லயோலா கல்லூரியில் இளநிலை பட்டம், மிச்சிகன் பல்கலையில் எம்பிஏ பட்டம் பெற்றுள்ளார். இவர் தற்போது நெதர்லாந்து நாட்டின் கவுவர துணைத் தூதராக நியமிக்கப்பட்டுள்ளார். 
போர்க்குற்ற தீர்மானத்தில் இருந்து விலகல்; இலங்கை அதிகாரப்பூர்வ அறிவிப்பு
  • இலங்கையில் நடந்த உள்நாட்டுப் போரின் இறுதிக் கட்டத்தில், இலங்கை ராணுவத் தளபதி ஷவேந்திர சில்வா மனித உரிமை மீறல்களில் ஈடுபட்டதாகக்கூறி, ஷவேந்திர சில்வா மற்றும் அவரது குடும்பத்தாருக்கு, தங்கள் நாட்டிற்குள் நுழைய அமெரிக்கா தடை விதித்தது. 
  • இதற்கு, இலங்கை அரசிற்கு ஆலோசனைகள் வழங்கும் பவுத்த மத அமைப்பு கண்டனம் தெரிவித்தது.'இலங்கையில் நடைபெற்ற உள் நாட்டுப் போரின் போது, போர்க்குற்றங்கள் நடந்தன. மனித உரிமைகள் மீறப்பட்டுள்ளன. 
  • அதுகுறித்து விசாரிக்க வேண்டும்' என, ஐக்கிய நாடுகள் சபையின், மனித உரிமை பேரவையில் 30/1 மற்றும் 40/1 தீர்மானங்கள் நிறைவேற்றப்பட்டன. அதற்கு அப்போதைய இலங்கை அரசு உடன்பட்டு, தீர்மானத்தை ஏற்றுக்கொண்டது. 
  • அந்த தீர்மானங்களில் இருந்து விலகுவதாக, இலங்கை பிரதமர் மஹிந்த ராஜபக்சே கடந்த 19ம் தேதி அறிவித்தார்.இந்நிலையில், கடந்த, 24ம் தேதி, ஐக்கிய நாடுகள் சபையின் மனித உரிமைகள் பேரவையின், 43வது அமர்வு ஜெனிவாவில் துவங்கியது. 
  • அதில் நேற்று, இலங்கையின் வெளி விவகாரத் துறை அமைச்சர் தினேஷ் குணவர்த்தன பேசியதாவது:ஐ.நா.,வின் 30/1 மற்றும் 40/1 தீர்மானங்களில் குறிப்பிட்டுள்ளவை, இலங்கை அரசியல் அமைப்பின் கட்டமைப்பிற்குள் செயற்படுத்த முடியாதவையாக உள்ளன. மேலும், இலங்கை மக்களின் இறையாண்மைக்கு எதிராகவும் உள்ளன.
  • இந்தத் தீர்மானங்களுக்கு அப்போதைய அரசு, அமைச்சரவையில் அங்கீகாரம் பெறவில்லை; நாடாளுமன்றத்திலும் இவற்றை சமர்ப்பிக்கவில்லை. அப்போதைய ஜனாதிபதியிடமும் ஆலோசனை பெறவில்லை. 
  • இப்படி, ஜனநாயக நடைமுறைகளைப் பின்பற்றாமல் தீர்மானத்தை அப்போதைய அரசு ஏற்றுள்ளது.நடைமுறைக்குச் சாத்தியமற்ற, அரசியல் அமைப்பிற்கு எதிரான இந்தத் தீர்மானங்களில் இருந்து இலங்கை அரசு விலகுகிறது.

Wednesday, 26 February 2020

25th FEBRUARY 2020 CURRENT AFFAIRS TNPSC SHOUTERS TAMIL PDF

TNPSCSHOUTERS

சென்னை​யில் சா்வதேச வாா்ப்​ப​டத் துறை கண்​காட்சி
  • சென்னை வா்த்தக மையத்தில் சா்வதேச வாா்ப்படத் துறை கண்காட்சிக்கு (ஐஎஃப்இஎக்ஸ் 2020) இந்திய வாா்ப்பட மையம் ஏற்பாடு செய்துள்ளது.
  • நாடு தழுவிய அளவில் 4,500 வாா்ப்படத் தொழிற்சாலைகளைக் கொண்டு இந்தியா அதன் உற்பத்தியில் உலக அளவில் இரண்டாவது இடத்தில் உள்ளது. சிறு, குறு மற்றும் நடுத்தர நிறுவனங்கள் பெருமளவு ஆதிக்கம் செலுத்தும் இத்தொழில் 20 லட்சம் பேருக்கு வேலைவாய்ப்புகளை வழங்கி வருகிறது.
  • இத்தனை முக்கியத்துவம் வாய்ந்த வாா்ப்படத் துறையின் சிறப்புகளை எடுத்துக்காட்டும் விதமாக, சா்வதேச வாா்ப்படத் துறை கண்காட்சிக்கு சென்னையில் ஏற்பாடு செய்யப்பட்டுள்ளது. சென்னை வா்த்தக மையத்தில் 2020 பிப்ரவரி 28 முதல் மாா்ச் 1 வரையில் இந்த கண்காட்சி நடைபெறவுள்ளது. இதில், ஏராளமான நிறுவனங்கள் கலந்து கொண்டு தங்களது வாா்ப்பட தொழில்நுட்பம், சாதனங்கள், சேவைகளை காட்சிப்படுத்தவுள்ளன.
மொழி பெயர்ப்பாளர் ஜெயஸ்ரீக்கு விருது
  • இந்திய மொழிகளின் சிறந்த இலக்கியங்களுக்கான அங்கீகாரமாக, சாகித்ய அகாடமி விருது மதிக்கப்படுகிறது. அந்த வகையில், 2019க்கான சிறந்த தமிழ் நாவலுக்கான சாகித்ய அகாடமி விருது, 'சூல்' நாவலுக்காக, எழுத்தாளர் சோ.தர்மனுக்கு அறிவிக்கப்பட்டுள்ளது.
  • இந்நிலையில், நேற்று டில்லியில் உள்ள, சாகித்ய அகாடமியின் அலுவலகமான ரவீந்திர பவனில், அதன் தலைவர், சந்திரசேகர் கம்பரின் தலைமையில் கூடிய தேர்வு குழுவினர், ஹிந்தி, அசாமி, பெங்காலி, குஜராத்தி, தமிழ், மலையாளம் உள்ளிட்ட, 23 மொழிகளுக்கான மொழிபெயர்ப்பு விருதாளர்களின் பட்டியலை அறிவித்தனர். 
  • இந்த விருதுக்கான தேர்வுக்குழுவில், ஒவ்வொரு மொழியிலும், மூன்று பேர் இடம் பெற்றிருந்தனர். தமிழுக்கான தேர்வுக்குழுவில், ஆர்.வெங்கடேஷ், பிரேமா நந்தகுமார், எஸ்.தேவதாஸ் ஆகியோர் இடம் பெற்றனர். 
  • அவர்கள், தமிழ் மொழிக்கான மொழிபெயர்ப்பாளர்  விருதுக்கு, 'நிலம் பூத்து மலர்ந்த நாள்' நாவலை மொழிபெயர்த்த, எழுத்தாளர் கே.வி.ஜெயஸ்ரீயை தேர்வு செய்தனர். 
  • எழுத்தாளர் மனோஜ் குரூர் மலையாளத்தில் எழுதிய நாவலை, 'நிலம் பூத்து மலர்ந்த நாள்' என்ற தலைப்பில், தமிழில் மொழிபெயர்த்ததற்காக இந்த விருது அறிவிக்கப்பட்டுள்ளது.
  • விருதுக்கு தேர்வாகி உள்ள, 23 பேருக்கும், தலா, ஒரு செப்பு பட்டயமும், 50 ஆயிரம் ரூபாய் ரொக்கமும் வழங்கப்படும். 'விருது வழங்கும் தேதி, பின்னர் அறிவிக்கப்படும்' என, சாகித்ய அகாடமி தெரிவித்துள்ளது.



ரூ.21 ஆயிரம் கோடிக்கு ராணுவ ஒப்பந்தம்; இந்தியா - அமெரிக்கா இடையே கையெழுத்தானது
  • இந்தியாவில் சுற்றுப்பயணம் மேற்கொண்டுள்ள அமெரிக்க அதிபர் டொனால்ட் டிரம்ப் டெல்லியில் உள்ள ஐதராபாத் இல்லத்தில் பிரதமர் மோடியை சந்தித்து பேசினார். இந்தியா-அமெரிக்கா இடையிலான பல்வேறு துறை விவகாரங்கள் குறித்து இரு தலைவர்களும் பேசினர்.
  • முதலில் டிரம்ப்பும், மோடியும் தனியாக பேச்சு நடத்தினார்கள். வர்த்தகம், ராணுவம் மற்றும் இரு நாட்டு ராஜ்ஜிய உறவுகள் குறித்து விவாதித்தனர். இதைத் தொடர்ந்து இரு நாட்டு அதிகாரிகள் குழு அளவிலான பேச்சு நடத்தப்பட்டது.
  • இந்த பேச்சுவார்த்தையின் நிறைவில் இந்தியா- அமெரிக்கா இடையே எரிசக்தி உள்ளிட்ட 3 புரிந்துணர்வு ஒப்பந்தங்கள் கையெழுத்தாகின. 
  • மேலும் பாதுகாப்பு ஒத்துழைப்பை மேம்படுத்தும் வகையில் 300 கோடி டாலர் (ரூ.21,606 கோடி) மதிப்பிலான ஒப்பந்தம் இறுதி செய்யப்பட்டது. டிரம்ப்-மோடி முன்னிலையில் இதற்கான ஒப்பந்தத்தில் அதிகாரிகள் கையெழுத்திட்டனர்.
  • இந்த ஒப்பந்தத்தின்படி அமெரிக்காவின் அப்பாச்சி மற்றும் எம்எச்-60 ரோமியோ ஹெலிகாப்டர்கள் உள்ளிட்ட நவீன ராணுவ உபகரணங்கள் இந்திய ராணுவத்திற்கு வாங்கப்படும்.
  • நாட்டின் பாதுகாப்புக்காக மிக அதிநவீன ஆயுதங்களை உருவாக்கி இருப்பதாக சமீபத்தில் அமெரிக்க அதிபர் டிரம்ப் கூறி இருந்தார். அந்த அதிநவீன பாதுகாப்பு கருவிகளை இந்தியாவுக்கு வழங்க அமெரிக்கா முன்வந்துள்ளது. குறிப்பாக பயங்கரவாதத்துக்கு எதிராக அதிநவீன ஆயுதங்களை இந்தியா பயன்படுத்த அமெரிக்கா உதவும் என்று கூறப்படுகிறது.
  • எம்.எச்.60 ரோமியோ வகையை சேர்ந்த அந்த ஹெலிகாப்டர்கள் பல்வேறு பணிகளுக்கும் பயன்படுத்தக் கூடிய சிறப்புகள் கொண்டது. நீண்ட நேரம் பறக்கும் ஆற்றல் வாய்ந்த அந்த ஹெலிகாப்டர்கள் மூலம் கடற்படைக்கு மேலும் வலிமை கொடுக்க முடியும். பாதுகாப்புத் துறையில் செய்யப்பட்ட இந்த புதிய ஒப்பந்தங்கள் இந்திய ராணுவ துறைக்கு முக்கியத்துவம் வாய்ந்ததாக கருதப்படுகிறது.
மன நலம், எண்ணெய், மருந்துப் பொருள் பாதுகாப்பு ஒப்பந்தங்கள் கையெழுத்து
  • டெல்லியில் டிரம்பும் மோதியும் சந்தித்ததில் அமெரிக்கா மற்றும் இந்தியாவுக்கிடையே சுகாதாரம் மற்றும் எண்ணெய் வளத்துறையில் மூன்று ஒப்பந்தங்கள் கையெழுத்திடப்பட்டுள்ளன.
  • இரு நாடுகளின் சுகாதாரத்துறைகளுக்கு இடையே மனநலம் குறித்து புரிந்துணர்வு ஒப்பந்தம் கையெழுத்திடப்பட்டுள்ளது.
  • அமெரிக்க உணவு மற்றும் மருந்து நிர்வாகத்திற்கும் இந்திய மத்திய மருந்து தரக் கட்டுப்பாட்டு அமைப்பிற்கும் இடையே மருத்துவ பொருள் பாதுகாப்பு குறித்து புரிந்துணர்வு ஒப்பந்தம் கையெழுத்திடப்பட்டுள்ளது.
  • இந்தியன் ஆயில் கார்ப்பரேஷன், எக்சான் மொபில் இந்தியா நிறுவனம் மற்றும் அமெரிக்க சார்ட் தொழிற்சாலைகள் இடையே ஒத்துழைப்புக் கடிதம் கையெழுத்திடப்பட்டுள்ளது.
CAA-க்கு எதிராக தீர்மானம் நிறைவேற்றிய பீகார் சட்டமன்றம்
  • குடியுரிமை எதிர்ப்புச் சட்டம், குடிமக்களின் தேசிய பதிவு (NRC) மற்றும் தேசிய மக்கள் தொகை பதிவு (NPR) தொடர்பாக பீகாரின் பல்வேறு பகுதிகளில் நடந்து வரும் போராட்டங்களுக்கு மத்தியில், பீகார் சட்டமன்றம் பிப்., 25 NRC-யை மாநிலத்தில் செயல்படுத்தக்கூடாது என்ற தீர்மானத்தை நிறைவேற்றியது. 
  • சட்டசபை தேசிய மக்கள் தொகை NPR-யை அதன் 2010 வடிவத்தில் ஒரு திருத்தத்துடன் செயல்படுத்த ஒரு தீர்மானத்தையும் நிறைவேற்றியது.
  • இந்த தீர்மானம் சபையில் சபாநாயகர் விஜய் குமார் சவுத்ரி தாக்கல் செய்து ஒருமனதாக நிறைவேற்றப்பட்டது. தீர்மானத்தில் பீகாரில் NRC தேவையில்லை என்றும், 2010 வடிவத்தில் NPR நிறைவேற்றபட்டது. 

Tuesday, 25 February 2020

24th FEBRUARY 2020 CURRENT AFFAIRS TNPSC SHOUTERS TAMIL PDF

TNPSCSHOUTERS
பெண் குழந்தைகளுக்கு பாதுகாப்புத் திட்டம்: முதல்வா் தொடக்கி வைத்தாா்
  • முன்னாள் முதல்வா் ஜெயலலிதாவின் பிறந்த தினம், மாநில பெண் குழந்தைகள் பாதுகாப்பு தினமாகக் கடைப்பிடிக்கப்படும் என்று சட்டப்பேரவையில் முதல்வா் கே. பழனிசாமி அறிவித்தாா். 
  • அந்த அறிவிப்புக்கிணங்க பெண் குழந்தைகள் பாதுகாப்பு தொடா்பான திட்டங்களை அவா் தலைமைச் செயலகத்தில் திங்கள்கிழமை தொடக்கி வைத்தாா்.
  • பெண் குழந்தைகளுக்கு எதிரான குற்றங்களைத் தடுக்கவும், அனைத்து பெண் குழந்தைகளும் 18 வயது வரை கல்வி கற்றலை உறுதி செய்யவும், பெண் குழந்தை தொழிலாளா் முறையை ஒழிக்கவும் பல்வேறு விழிப்புணா்வு பிரசாரங்களை கடலூா் மாவட்டம் மாலுமியா்பேட்டையைச் சோந்த 9 வயது பெண் குழந்தை ச.பவதாரணி மேற்கொண்டாா். 
  • இதற்காக மாநில அரசின் விருதாக ரூ.1 லட்சத்துக்கான காசோலையும், பாராட்டுப் பத்திரமும் வழங்கி முதல்வா் எடப்பாடி கே.பழனிசாமி வாழ்த்துத் தெரிவித்தாா்.
  • மேலும், பெண் குழந்தை பாதுகாப்புத் திட்டத்தின் கீழ், புதிதாக இணைந்துள்ள 14 பெண் குழந்தைகளுக்கு தமிழக அரசின் சாா்பில் அந்தக் குழந்தைகளின் பெயரில் தலா ரூ.25 ஆயிரத்துக்கான வைப்பீட்டுத் தொகை செய்யப்பட்டதற்கான பத்திரங்களை முதல்வா் கே. பழனிசாமி வழங்கினாா்.
  • மேலும், 18 வயது நிறைவடைந்த ஏழு பெண்களுக்கு முதிா்வுத் தொகைக்கான காசோலைகளையும் பயனாளிகளுக்கு அவா் அளித்தாா்.
72 லட்சம் மரக்கன்றுகள் நடும் திட்டம்:முதல்வா் எடப்பாடி கே.பழனிசாமி தொடக்கி வைத்தாா்
  • தமிழகத்தில் வனம் மற்றும் மரங்களின் பரப்பை அதிகரித்து, பசுமைப் போா்வையை மேம்படுத்தும் நோக்கிலும், வனப் பகுதிகளில் மட்டுமின்றி வனத்துக்கு வெளியே இருக்கும் காலியிடங்களில் அதிக எண்ணிக்கையில் மரக்கன்றுகளை நட்டு வளா்க்கவும் மாபெரும் மரக்கன்றுகள் நடும் திட்டத்தை தமிழக அரசு செயல்படுத்தி வருகிறது.
  • ஆண்டுதோறும் முன்னாள் முதல்வா் ஜெயலலிதாவின் பிறந்த தினத்தையொட்டி, இந்த மரக்கன்றுகள் நடும் திட்டம் நடைமுறைப்படுத்தப்பட்டு வருகிறது. கடந்த 2012-ஆம் ஆண்டு 64 லட்சம் மரக்கன்றுகளும், 2013-ஆம் ஆண்டு 65 லட்சமும், 2014-இல் 66 லட்சமும், 2015-இல் 67 லட்சமும், 2016-இல் 68 லட்சமும், 2017-இல் 69 லட்சமும், 2018-இல் 70 லட்சமும், 2019-இல் 71 லட்சம் மரக்கன்றுகளும் நடப்பட்டன.
  • இந்தத் திட்டத்துக்கு பல்வேறு தரப்பினரிடையே மிகுந்த வரவேற்பு உள்ளதால், நிகழாண்டிலும் 72 லட்சம் மரக்கன்றுகள் நடப்படும் என அறிவிக்கப்பட்டது.
  • மரக்கன்றுகளை நடும் பணியானது பிப்ரவரியில் தொடங்கப்பட்டு டிசம்பரில் முடிக்கப்படும். மரக்கன்றுகள் வனப் பகுதிகளிலும், பள்ளிகள், கல்லூரிகள், அரசு மற்றும் தனியாா் அலுவலக வளாகங்களிலும், சாலையோரங்கள், பூங்காக்கள், பெரிய அளவிலான குடியிருப்புகளிலும் நடப்பட்டு பராமரித்து பாதுகாக்கப்படும்.
  • இந்தத் திட்டத்தின்கீழ், தமிழ்நாடு பருவநிலை மற்றும் மண்வளத்துக்கு ஏற்ற மரக்கன்றுகளான ஆல், இலுப்பை, புன்னை, மந்தாரை, புங்கன், மகிழம், பூவரசு, வேம்பு போன்ற பல்வேறு மரக்கன்றுகள் நடப்படும். இந்தத் திட்டமானது சுற்றுச்சூழல் மற்றும் வனத்துறை, ஊரக வளா்ச்சி மற்றும் ஊராட்சித் துறை ஆகிய துறைகளால் இணைத்துச் செயல்படுத்தப்படும்.
  • மரக்கன்றுகள் நடும் பணியை முதல்வா் கே.பழனிசாமி சென்னை தலைமைச் செயலகம் எதிரேயுள்ள பொதுப்பணித் துறை பூங்காவில் மகிழம் மரக் கன்றை நட்டு தொடக்கி வைத்தாா்.



ஏலகிரியில் புலிக்குத்திப்பட்டான், சித்திரமேழிக் கல் கண்டெடுப்பு
  • திருப்பத்தூா் மாவட்டம் ஜோலாா்பேட்டைக்கு அருகே ஏலகிரிமலை அடிவாரத்தில் இயற்கை எழிலோடு ஏலகிரி கிராமம் அமைந்துள்ளது. இவ்வூரைச் சுற்றி மதில் போல் ஏலகிரிமலை சூழ்ந்துள்ளது. 
  • இந்த ஊரில் ஜெயச்சந்திரன் என்பருக்குச் சொந்தமான விளைநிலத்தில் சோழா் காலத்துப் புலிக்குத்திப்பட்டான் நடுகல் ஒன்றும் வேளாண்மையை வெளிப்படுத்தும் சித்திரமேழிக் கல் ஒன்றும் அருகருகே காணப்படுகின்றன.
  • புலிக்குத்திப்பட்டான் கல் சோழா் காலத்தைச் சோந்ததாகும். புலியோடு போரிட்டுத் தம் மக்களையும், கால்நடைகளையும் பாதுகாத்து இறந்து போன வீரனுக்கு எடுக்கப்படும் நடுகல் இதுவாகும். சில நூற்றாண்டுகளுக்கு முன்பு ஏலகிரி மலையில் ஏராளமான புலிகள் வாழ்ந்திருக்க வேண்டும். 
  • இம்மலையின் அடிவாரத்தில் ஏலகிரி கிராமம் இருப்பதால், அடிக்கடி புலிகள் ஊருக்குள் புகுந்து மக்களையும், ஆடு, மாடுகளையும் கொன்றிருக்க வேண்டும். அந்த ஆட்கொல்லிப் புலியைக் கொல்ல துணிந்துள்ளான் ஒரு வீர மறவன். அவனுக்கு இந்நடுகல் எடுக்கப்பட்டுள்ளது.
  • 3.5 அடி உயரமும் 3 அடி அகலமும் கொண்டதாக இந்நடுகல் உள்ளது. புலியானது வீரனின் இடது காலை தன்னுடைய முன்னங்கால்களால் பிடித்துள்ளது. மேலும், தன் கொடிய வாயால் வீரனின் தொடையைக் கடிப்பது போல் காட்சிப்படுத்தப்பட்டுள்ளது. இரண்டு பின்னங்கால்கள், வால் எனப் புலி அழகாக சித்தரிக்கப்பட்டுள்ளது. 
  • வீரன் நீண்ட கொண்டையுடன் இடது கையிலுள்ள குறுவாளால் புலியின் முதுகில் குத்தியும், வலது கையிலுள்ள வாளால் புலியைக் குத்த ஓங்கியவாறும் காட்சிப்படுத்தப்பட்டுள்ளது. இப்போரில் புலியும் வீரனும் இறந்து போயினா் என்பதை இப்புடைப்புச் சிற்பத்தால் அறியலாம்.
  • இரண்டாவதாக உள்ளது சித்திரமேழி (தாய் தெய்வக் கல்) மூன்றடுக்கு இருக்கையில், தலையில் கிரீடத்துடன் தாய் தெய்வம் அமா்ந்த கோலத்தில் உள்ளது. இடது மற்றும் வலது புறங்களில் பறவைகள், விலங்குகளின் புடைசூழ தெய்வம் அமா்ந்துள்ளது. தெய்வத்தின் அருகே இசைக்கருவிகள் காணப்படுகின்றன. தெய்வத்தின் கீழ்ப்புறத்தில் கும்பிட்ட நிலையில் மனித உருவம் காணப்படுகிறது.
  • குத்து விளக்கு, அரிவாள் உருவங்களும் உள்ளன. இதை வேளாண்மையைப் பெருக்கும் வளமைக் கடவுளாக அறியலாம். மழை மற்றும் மண் வளத்தைக் காக்கும் பூமிதேவியாகவும் இத்தெய்வம் அறியப்படுகிறது. 
  • மேலும் இவ்வூரிலுள்ள சென்னகேசவப் பெருமாள் கோயிலின் பின்புறம் உள்ள சுவற்றில் குலோத்துங்கன் என்னும் கல்வெட்டு தொடங்குகிறது. எனவே, சோழரின் ஆளுகையின் கீழ் திருப்பத்தூா் உள்ளிட்ட பகுதிகள் இருந்ததை அறிய முடிகிறது என்றாா் அவா்.
நமஸ்தே டிரம்ப் நிகழ்ச்சி மூலம் இந்திய பயணத்தை தொடங்குகிறார்
  • 5 மாதங்களுக்கு முன்பு 'ஹவ்டி மோடி' நிகழ்ச்சி மூலம் தன்னுடைய அமெரிக்க பயணம் தொடங்கியது போல், 'நமஸ்தே டிரம்ப்' நிகழ்ச்சி மூலம் இந்திய பயணத்தை அமெரிக்க அதிபர் டிரம்ப் தொடங்குகிறார் என பிரதமர் மோடி தெரிவித்துள்ளார்.
  • இந்தியா வந்துள்ள அமெரிக்க அதிபர் டிரம்பிற்கு அகமதாபாத் விமான நிலையத்தில் உற்சாக வரவேற்பு அளிக்கப்பட்டது. இதனையடுத்து சபர்மதி ஆசிரமத்திற்கு பிரதமர் மோடியுடன் சென்று பார்வையிட்ட டிரம்ப் மற்றும் அவரது மனைவி மெலனியா, ஆமதாபாத்தில் உள்ள சர்தார் பட்டேல் ஸ்டேடியத்தை திறந்து வைத்தனர். 
  • உலகின் மிகப்பெரிய ஜனநாயகமான இந்தியா, டிரம்பை வரவேற்கிறது. இந்தியா - அமெரிக்கா நட்புறவு நெடுங்காலம் நீடிக்க வேண்டும். 
  • 5 மாதங்களுக்கு முன்பு 'ஹவ்டி மோடி' நிகழ்ச்சி மூலம் எனது அமெரிக்க பயணம் தொடங்கியது. தற்போது எனது நண்பர் டிரம்ப், தனது இந்திய பயணத்தை 'நமஸ்தே டிரம்ப்' நிகழ்ச்சி மூலம் தொடங்குகிறார். 
ஈரோட்டில் தேசிய எறிபந்து போட்டி: கர்நாடகா அணி சாம்பியன் பட்டத்தை வென்றது
  • ஈரோடு மாவட்ட எறிபந்து கழகம் சார்பில் தேசிய அளவிலான எறிபந்து போட்டி ஈரோடு சூர்யா என்ஜினீயரிங் கல்லூரியில் கடந்த 21 ஆம் தேதி தொடங்கியது. 
  • இந்த போட்டியில் தமிழ்நாடு, கர்நாடகா, தெலங்கானா, ஆந்திரம், கேரளம், புதுச்சேரி, மேற்கு வங்கம், சத்தீஸ்கர், புதுதில்லி, சண்டிகர், கோவா, மத்திய பிரதேசம், அரியானா ஆகிய 13 மாநிலங்களை சேர்ந்த அணிகள் பங்கேற்று விளையாடின. இதில் ஆண்கள் பிரிவில் 13 அணிகளும், பெண்கள் பிரிவில் 11 அணிகளும் என மொத்தம் 24 அணிகளை சேர்ந்த 350 வீரர்-வீராங்கனைகள் விளையாடினார்கள்.
  • லீக் மற்றும் நாக்-அவுட் முறையில் போட்டி நடத்தப்பட்டது. இதில் ஆண்கள் பிரிவில் கர்நாடக மாநில அணி முதலிடம் பிடித்து சாம்பியன் பட்டத்தை வென்றது. தமிழ்நாடு அணி 2-வது இடத்தையும், சத்தீஸ்கர் மாநில அணி 3-வது இடத்தையும் பிடித்தன. இதேபோல் பெண்கள் பிரிவில் கர்நாடக மாநில அணி முதலிடத்தை பிடித்தது.

Monday, 24 February 2020

23rd FEBRUARY 2020 CURRENT AFFAIRS TNPSC SHOUTERS TAMIL PDF

TNPSCSHOUTERS
சாஸ்த்ரா பல்கலை.க்கு பிரிட்டனின் உயர்நிலைத் தர அங்கீகாரம்
  • சாஸ்த்ரா நிகர்நிலைப் பல்கலைகழகத்தின் 12 பொறியியல் பட்டப்படிப்புகளுக்கு, பிரிட்டனின் ஐஇடி எனப்படும் பொறியியல் மற்றும் தொழில்நுட்ப நிறுவனத்தினால் உயர்ந்தபட்ச அங்கீகாரம் வழங்கப்பட்டுள்ளது. 
  • சாஸ்த்ரா நிகர்நிலைப் பல்கலைக்கழகம் தனது தஞ்சாவூர் மற்றும் கும்பகோணம் வளாகங்களுக்காக 2015-இல் ஐஇடியின் அங்கீகாரத்துக்காக விண்ணப்பித்தது. 
  • இதைத் தொடர்ந்து, சாஸ்த்ராவின் எலக்டிரிக்கல்ஸ் மற்றும் எலக்ட்ரானிக்ஸ் கம்ப்யூட்டர், மெக்கானிக்கல், கெமிக்கல் மற்றும் பயோடெக்னாலஜி ஆகிய புலங்களைச் சேர்ந்த 12 பட்டப்படிப்புகளுக்குத் தற்போது அங்கீகாரம் கிடைத்துள்ளது. 
  • ஒன்பது ஆண்டுகளுக்கு வழங்கப்பட்டுள்ள இந்த அங்கீகாரத்தால் 2020 முதல் 2028- ஆம் ஆண்டு வரை, பட்டப்படிப்பில் ஒவ்வொரு ஆண்டும் தேர்ச்சி பெறும் மாணவ, மாணவிகளுக்கு மிக நல்ல தாக்கத்தை ஏற்படுத்தும்.
  • இந்த அங்கீகாரம் மாணவர்களுக்கு உலகளவில் வேலைவாய்ப்புக்கும், வெளிநாட்டு பல்கலைக்கழகங்களால் உயர் படிப்புக்கு எளிதில் ஏற்கப்படுவதற்கும், பல்துறை ஆய்வுகள் மேற்கொள்ளவும் மற்றும் பரிமாற்றத்துக்கும் பெரிய அளவில் பயன்படும்.
  • இந்த அங்கீகார செயல்முறையை முடித்திருப்பதன் மூலம், சாஸ்த்ரா நிகர்நிலைப் பல்கலைக்கழகம் ஐஇடியின் 85-க்கும் அதிகமான உலகளாவிய கல்வி நிறுவனங்களின் பட்டியலில் இடம் பிடிக்கிறது.
சீருடைப் பணியாளா் தோவாணைய தலைவராக டி.ஜி.பி. சுனில்குமாா் நியமனம்
  • ஏ.டி.ஜி.பி.-யாக இருந்து டி.ஜி.பி. பதவி உயா்வு பெற்ற சுனில்குமாா், தமிழ்நாடு சீருடைப் பணியாளா் தோவாணையத் தலைவராக நியமிக்கப்பட்டுள்ளாா்.
  • ஏ.டி.ஜி.பி.-யாக இருந்து டி.ஜி.பி. பதவி உயா்வு பெற்ற சுனில் குமாா் சிங், சிறைத் துறைத் தலைவராக நியமிக்கப்பட்டுள்ளாா்.
  • ஐ.ஜி.-யாக இருந்து ஏ.டி.ஜி.பி.-யாக பதவி உயா்வு பெற்ற டேவிட்சன் தேவாசீா்வாதம், மதுரை மாநகர காவல் ஆணையராக நியமிக்கப்பட்டுள்ளாா்.
  • அதுபோல ஐ.ஜி.-யாக இருந்து ஏ.டி.ஜி.பி.-யாக பதவி உயா்வு பெற்ற எஸ்.என்.சேஷசாயி, ஈரோடு சிறப்பு அதிரடிப் படை ஏ.டி.ஜி.பி.-யாக நியமிக்கப்பட்டுள்ளாா்.
  • சிறைத் துறைத் தலைவராகப் பணியாற்றி வந்த ஏ.டி.ஜி.பி.அபாஷ் குமாா், சென்னை பொருளாதாரக் குற்றப் பிரிவு ஏ.டி.ஜி.பி.-யாக பணியிட மாற்றம் செய்யப்பட்டுள்ளாா்.



கொரோனா பாதிப்பு - மிகப்பெரிய சுகாதார அவசரநிலையாக அறிவித்தார் சீன அதிபர்
  • கொரோனா வைரஸ் தாக்குதல் என்பது சீனாவின் 'மிகப்பெரிய பொது சுகாதார அவசரநிலை' என்று அறிவித்துள்ளார் அந்நாட்டு அதிபர் ஜி ஜின்பிங்.
  • இதுவரை, அந்த வைரஸ் தாக்குதலுக்கு பலியானோரின் எண்ணிக்கை 2,440ஐ தாண்டியுள்ள நிலையில், பாதிக்கப்பட்டோரின் எண்ணிக்கையும் 77,000 என்பதைத் தொட்டுள்ளது.
  • இந்த வைரஸ் கோவிட்-19 என்று அழைக்கப்படுகிறது. இந்த வைரஸ் பரவலைக் கட்டுப்படுத்தி, நிலைமையைக் கட்டுக்குள் கொண்டு வருவது குறித்த ஒரு சந்திப்பில் கலந்துகொண்டபோது இவ்வாறு தெரிவித்தார் சீன அதிபர்.
ஹங்கேரி ஓபன் டேபிள் டென்னிஸ்: சரத் கமல்-சத்யனுக்கு வெள்ளிப் பதக்கம்
  • ஹங்கேரி ஓபன் டேபிள் டென்னிஸ் போட்டி ஆடவா் இரட்டையா் பிரிவில் இந்தியாவின் சரத்கமல்-சத்யன் ஞானசேகரன் இணை அபாரமாக ஆடி வெள்ளிப் பதக்கத்தை வென்றனா்.
  • இதில் 5-11, 9-11, 11-8, 9-11 என்ற கேம் கணக்கில் போராடி தோல்வியுற்றது சரத்-சத்யன் இணை.
  • இறுதிச் சுற்றுக்கு நுழையும் முன்னா் உலகின் 6, 12, 17--ஆம் நிலை வீரா்களை வீழ்த்தியிருந்தனா்.
  • கலப்பு இரட்டையா் பிரிவில் சரத்கமல்-மனிகா பத்ரா இணை வெண்கலப் பதக்கம் வென்றிருந்தது.
சுவீடன் ஜூனியர் ஓபன் டேபிள் டென்னிஸ் : வெண்கலப்பதக்கம் வென்ற சென்னை வீராங்கனை
  • சுவீடன் நாட்டின் ஒரிப்ரோ நகரில் நடைபெற்று வரும் ஜூனியர் மற்றும் கேடட் ஓபன் டேபிள் டென்னிஸ் போட்டியில் மினி கேடட் பிரிவில் களம் இறங்கிய 10 வயதான சென்னை வீராங்கனை எம்.ஹன்சினி 2 ஆட்டங்களில் வெற்றி பெற்று அரைஇறுதியை எட்டினார்.
  • தொடர்ந்து அரைஇறுதி ஆட்டத்தில் 12-10, 9-11, 5-11, 8-11 என்ற செட் கணக்கில் லுலியா புகோவ்கினாவிடம் (ரஷியா) போராடி தோல்வி அடைந்தார். அரைஇறுதிக்கு வந்ததன் மூலம் ஹன்சினிக்கு வெண்கலப்பதக்கம் கிடைத்தது.



ஆசிய மல்யுத்த சாம்பியன்ஷிப் : இந்திய வீரர் ஜிதேந்தர் குமாருக்கு வெள்ளிப்பதக்கம்
  • டெல்லியில் நடைபெற்று வரும் ஆசிய மல்யுத்த சாம்பியன்ஷிப் போட்டியில் கடைசி நாளான நேற்று இந்திய வீரர் ஜிதேந்தர் குமார் 74 கிலோ உடல் எடைப்பிரிவு ஆட்டத்தில் மங்கோலியா வீரர் ஜன்டான்புட்டை வீழ்த்தி இறுதிப்போட்டிக்கு முன்னேறினார். 
  • ஆனால் இறுதி ஆட்டத்தில் ஜிதேந்தர் 1-3 என்ற புள்ளி கணக்கில் நடப்பு சாம்பியன் கஜகஸ்தானின் டேனியர் காசனோவிடம் தோற்றதால் வெள்ளிப்பதக்கத்துடள் வெளியேறினார்.
  • ஆனால் இந்த ஆட்டத்தில் ஜிதேந்தர் இறுதிப்போட்டிக்கு முன்னேறியதன் மூலம் ஒலிம்பிக் தகுதிசுற்று போட்டிக்கான இந்திய அணியிலும் இடத்தை உறுதி செய்தார். இந்த போட்டியில் மற்ற இந்திய வீரர்களான தீபக் பூனியா (86 கிலோ), ராகுல் அவாரே (61 கிலோ) ஆகியோர் வெண்கலப்பதக்கம் பெற்றனர்.
உலக ஹெவிவெயிட் குத்துச்சண்டைசாம்பியன் டைசின் பியூரி
  • உலக குத்துச்சண்டை கூட்டமைப்பு சாா்பில் லாஸ்வேகாஸிஸ் சனிக்கிழமை இரவு இதற்கான போட்டி நடைபெற்றது. இதில் நடப்பு சாம்பியன் டியான்டி வைல்டா்-டைசன் பியூரி மோதினா்.
  • நாக் அவுட் மன்னன் என்ற பெயா் பெற்ற டியான்டி எளிதில் வெல்வாா் எனக் கருதப்பட்ட நிலையில், தொடக்கம் முதலே டைசன் பியூரி ஆதிக்கம் செலுத்தி சரமாரியாக குத்துகளை விட்டாா்.
  • ஒரு கட்டத்தில் வைல்டா் தரப்பு போட்டியை நிறுத்த முயற்சித்தது. எனினும் 7-ஆவது சுற்றில் தோல்வியை ஒப்புக் கொணண்டாா் வைல்டா்.
  • இதன் மூலம் புதிய உலக ஹெவிவெயிட் சாம்பியனாக ஆனாா் டைசன் பியூரி.
ஆசிய மல்யுத்த சாம்பியன்ஷிப் போட்டியில் ரவி தாஹியா தங்கப்பதக்கம் வென்றார்
  • ஆசிய மல்யுத்த சாம்பியன்ஷிப் போட்டி டெல்லியில் நடந்து வருகிறது. இதில் நடந்த ஆடவர் 57 கிலோ எடை பிரிவில் இந்தியாவின் ரவி தாஹியா மற்றும் தஜிகிஸ்தானின் ஹிக்மடுல்லோ மோதினர். இதில் ரவி தாஹியா 10-0 என்ற கணக்கில் வென்றார். இதன்மூலம் தாஹியா தங்கப்பதக்கம் வென்றார்.
ஆசிய சாம்பியன்ஷிப் போட்டியில் வெள்ளி வென்ற பஜ்ரங் பூனியா
  • டெல்லியில் நடந்து வரும் ஆசிய மல்யுத்த சாம்பியன்ஷிப் போட்டியின் இன்று நடந்த ஆடவர் 65 கிலோ எடை பிரிவில் இந்தியாவின் மல்யுத்த வீரர் பஜ்ரங் பூனியா – ஜப்பானின் டகுடோ ஒட்டாகுரோ மோதினர். இந்த போட்டியில் பூனியா, ஒட்டாகுரோவிடம் தோல்வியடைந்தார். 
  • இதனால், பூனியா பதக்கத்தை வென்றார். நேற்று நடந்த பெண்கள் 65 கிலோ எடைப்பிரிவின் இறுதி ஆட்டத்தில் இந்திய வீராங்கனை சாக்‌ஷி மாலிக், ஜப்பானின் நவோமி ருகேவை எதிர்கொண்டார். இதில் நவோமியிடம் தோற்ற சாக்ஷிக்கு வெள்ளி பதக்கத்தை வென்றார்.

Sunday, 23 February 2020

22nd FEBRUARY 2020 CURRENT AFFAIRS TNPSC SHOUTERS TAMIL PDF

TNPSCSHOUTERS
கடலூா், நாகை மாவட்டங்களில் பெட்ரோலியம் - ரசாயன முதலீடு மண்டல உத்தரவு ரத்து: தமிழக அரசு நடவடிக்கை
  • பெட்ரோலியம், ரசாயனப் பொருள்கள் மற்றும் பெட்ரோலியம் சாா்ந்த வேதிப் பொருள்களுக்கான திட்டங்களில் முதலீடு செய்வதற்கான மண்டலமாக கடலூா், நாகப்பட்டினம் மாவட்டங்களைச் சோந்த 45 கிராமங்கள் அறிவிக்கப்பட்டிருந்தன. 
  • கடலூா் மற்றும் நாகப்பட்டினம் மாவட்டங்களில் உள்ள உள்ளூா் திட்டக் குழுமத்தின் பரிந்துரையை ஏற்று தமிழக அரசு கடந்த 2017-ஆம் ஆண்டில் உத்தரவைப் பிறப்பித்திருந்தது.
  • எனவே, கடலூா் மற்றும் நாகப்பட்டினம் மாவட்டங்களில் பெட்ரோலியம் மற்றும் ரசாயனப் பொருள்களை ஆய்வு செய்து அவற்றை எடுப்பதற்காக அறிவிக்கப்பட்டுள்ள முதலீட்டு மண்டலம் என்ற உத்தரவை ரத்து செய்யலாம் என நகா் மற்றும் ஊரமைப்புத் துறை இயக்குநரகம் தனது கடிதத்தில் தெரிவித்திருந்தது.
  • இந்தப் பரிந்துரைகளை ஏற்றுக் கொண்டு, கடலூா் மற்றும் நாகப்பட்டினத்தில் உள்ள 45 கிராமங்களை பெட்ரோலியம் மற்றும் ரசாயன முதலீட்டு மண்டலமாக தமிழக அரசு பிறப்பித்த உத்தரவு ரத்து செய்யப்படுவதாக தனது உத்தரவில் வீட்டு வசதி மற்றும் நகா்ப்புற வளா்ச்சித் துறை முதன்மைச் செயலாளா் ராஜேஷ் லக்கானி தெரிவித்துள்ளாா்.
தகவல் தொழில்நுட்பக் கட்டடங்கள்ரூ.162 கோடி நிதி ஒதுக்கி தமிழக அரசு உத்தரவு
  • தகவல் தொழில்நுட்பவியல் மற்றும் அதனைச் சாா்ந்த வணிகத்தைத் தொடங்க ஏதுவாக, கோவை மாவட்டம் விளாங்குறிச்சியிலும், திருச்சியிலும் தகவல் தொழில்நுட்பக் கட்டடங்கள் கட்டப்படும் என்று முதல்வா் பழனிசாமி அறிவித்திருந்தாா். 
  • அதில் கோவை மாவட்டம் விளாங்குறிச்சியில் 2.66 லட்சம் சதுர அடி பரப்பில் ரூ.114.16 கோடியில் புதிய கட்டடம் கட்டப்பட உள்ளது. 
  • மேலும், திருச்சி மாவட்டம் நாவல்பட்டில் 1.16 லட்சம் சதுர அடி பரப்பில் புதிய கட்டடம் கட்டப்பட உள்ளது. இந்தக் கட்டடமானது ரூ.48.10 கோடியில் அமைக்கப்பட இருக்கிறது. இதற்கான நிதிகளை தமிழக அரசு ஒதுக்கியுள்ளது என்று உத்தரவில் தெரிவிக்கப்பட்டுள்ளது.
'தினத்தந்தி' பா.சிவந்தி ஆதித்தனாருக்கு திருச்செந்தூரில் மணிமண்டபம் திறப்பு
  • 'தினத்தந்தி' பா.சிவந்தி ஆதித்தனார் நினைவாக, தமிழக அரசு சார்பில், துாத்துக்குடி மாவட்டம், திருச்செந்துாரில் 1.34 கோடி ரூபாய் செலவில் கட்டப்பட்ட மணிமண்டபத்தை, முதல்வர் பழனிசாமி திறந்து வைத்தார்.
  • திருச்செந்துார் - -துாத்துக்குடி சாலையில் வீரபாண்டியன் பட்டணத்தில், ஆதித்தனார் கலை, அறிவியல் கல்லுாரி அருகே பா.சிவந்தி ஆதித்தனாரின் சிலையுடன் மணிமண்டபம் கட்டப்பட்டுள்ளது. 
  • சி.பா.ஆதித்தனார்- - கோவிந்தம்மாள் தம்பதியருக்கு, இரண்டாவது மகனாக 1936 செப்.,24ல் பிறந்தவர் பா.சிவந்திஆதித்தனார்.அவரை சி.பா.ஆதித்தனார் பத்திரிகை துறையில் தன் வாரிசாக உருவாக்கினார். 
  • 1959ல் சிவந்தி ஆதித்தனார் பொறுப்பேற்றபோது, மூன்று பதிப்புகளில் வெளிவந்த தினத்தந்தி தற்போது 15 இடங்களில் வெளியாகிறது.திருச்செந்துாரில், பா.சிவந்தி ஆதித்தனார், பல்வேறு கல்வி நிறுவனங்களை ஏற்படுத்தினார். பல்வேறு இடங்களிலும் கல்வி நிறுவனங்கள் கட்டுவதற்கு, நிதியுதவி வழங்கியுள்ளார்.
  • எம்.ஜி.ஆர்., சத்துணவு திட்டத்தை துவங்கியபோது, திருச்சி, பாப்பாகுறிச்சியில், தன் தந்தை பெயரில், சத்துணவு கட்டடம் கட்டி கொடுத்தார்.திருநெல்வேலி, மனோன்மணியம் சுந்தரனார் பல்கலையில் சி.பா.ஆதித்தனார் பெயரில் 15 ஆயிரம் சதுர அடியில், ஒரு கட்டடத்தையும் கட்டி கொடுத்துள்ளார். 
  • தமிழ்நாடு ஒலிம்பிக் சங்க தலைவராக இருந்தவர், 1987ல், இந்திய ஒலிம்பிக் சங்க தலைவரானார். தொடர்ந்து, ஆசிய ஒலிம்பிக் சங்க துணைத் தலைவர், சர்வதேச ஒலிம்பிக் சங்கம் போன்றவற்றிலும் பொறுப்பு வகித்து, இந்தியாவிற்கு பெருமை சேர்த்தார்.
  • பா.சிவந்தி ஆதித்தனாரை, 1982, 83 ஆகிய ஆண்டுகளில், இரண்டு முறை, சென்னை நகரின் ஷெரீப் ஆக நியமித்து, எம்.ஜி.ஆர்., கவுரவப்படுத்தினார். மத்திய அரசு, அவருக்கு, 2008ல், பத்மஸ்ரீ பட்டம் வழங்கியது.பல்வேறு பல்கலைகள், அவருக்கு டாக்டர் பட்டம் வழங்கி கவுரவித்துள்ளன. பத்திரிகை, கல்வி, விளையாட்டு, தொழில் என, பல்வேறு துறைகளில் சாதனையாளராக திகழ்ந்துள்ளார்.



தமிமுன் அன்சாரிக்கு சிறந்த இளம் எம்.எல்.ஏ. விருது..
  • கடந்த 2016 ஆம் ஆண்டு நடைபெற்ற சட்டமன்ற தேர்தலில் நாகப்பட்டினம் தொகுதியில் இருந்து சட்டமன்றத்திற்கு தேர்ந்தெடுக்கப்படவர் தமிமும் அன்சாரி. இவர் மனித நேய ஜனநாயக கட்சியைச் சேர்ந்தவர். 2016 ஆம் ஆண்டு சட்டசபை தேர்தலில் அதிமுகவுடன் அக்கட்சி கூட்டணி வைத்தது.
  • இந்நிலையில் மஹாராஷ்டிரா மாநிலம் பூனே அமைதி பல்கலைக்கழகம் சார்பில் வழங்கப்படும் சிறந்த இளம் எம்.எல்.ஏ.க்கான விருது, தமிமுன் அன்சாரிக்கு டெல்லி விஞ்ஞான் பவனில் வழங்கப்பட்டது.
பிரதமருக்கு 2 புதிய ஆலோசகர்கள் நியமனம்
  • பிரதமர் மோடிக்கு இரண்டு புதிய ஆலோசகர்களாக ஓய்வுபெற்ற ஐஏஎஸ் அதிகாரிகள் குல்புலே மற்றும் அமர்ஜித் சின்ஹா நியமனம் செய்யப்பட்டுள்ளனர்.ஓய்வு பெற்ற ஐ.ஏ.எஸ். அதிகாரிகளான பாஸ்கர் குல்புலே, அமர்ஜித் சின்ஹா ஆகியோரை பிரதமரின் தனி ஆலோசகர்களாக நியமித்து மத்திய அமைச்சரவையின் நியமனக் குழு உத்தரவு பிறப்பித்துள்ளது. 
  • 1993 ஐ.ஏ.எஸ் பட்டம் பெற்ற இரு அதிகாரிகளில் குல்புலே மேற்கு வங்கத்தை சேர்ந்தவர் . அவர் ஏற்கனவே பிரதமர் அலுவலக அதிகாரியாக பணியாற்றி ஓய்வு பெற்றவர். சின்ஹா பீகார் மாநிலத்தை சேர்ந்தவர். ஊரக வளர்ச்சித்துறை செயலாளராக பணிபுரிந்து ஓய்வு பெற்றுள்ளார்.
  • இவர்கள் இருவரும் முதல்கட்டமாக ஒப்பந்த அடிப்படையில் 2 ஆண்டுகளுக்கு நியமனம் செய்யப்பட்டுள்ளனர். தேவைப்படும் பட்சத்தில் இவர்களின் பதவிக்காலம் நீட்டிக்கப்படும் என தெரிவிக்கப்பட்டுள்ளது. மற்றபடி புதிதாக நியமிக்கப்படும் போது கடைப்பிடிக்கப்படும் அனைத்து விதிகளும் பின்பற்றப்படும் எனவும் தெரிவிக்கப்பட்டுள்ளது.
இந்திய வீரர் ரவி தாஹியா தங்கம் வென்றார்
  • டெல்லியில் ஆசிய மல்யுத்தம் சாம்பியன்ஷிப் போட்டிகள் நடைபெற்று வருகிறது.இன்று நடந்த ஆடவர் 57 கிலோ எடை பிரிவில் இந்தியாவின் ரவி தாஹியா, தஜிகிஸ்தானின் ஹிக்மடுல்லோவுடன் மோதினர்.இதில் ரவி தாஹியா 10-0 என்ற கணக்கில் தங்கப்பதக்கம் வென்றார்.
  • இதேபோல், இன்று நடந்த ஆடவர் 65 கிலோ எடை பிரிவில் இந்தியாவின் மல்யுத்த வீரர் பஜ்ரங் பூனியா, ஜப்பானின் டகுடோ ஒட்டாகுரோவிடம் தோற்றதால் வெள்ளி பதக்கம் கிடைத்தது.

Saturday, 22 February 2020

21st FEBRUARY 2020 CURRENT AFFAIRS TNPSC SHOUTERS TAMIL PDF

TNPSCSHOUTERS

தமிழகத்தில் ரூ.1,255 கோடியில் புதிய தொழில் திட்டங்கள்: முதல்வா் கே.பழனிசாமி தொடக்கி வைத்தாா்
  • வெளிநாட்டுத் தூதரக அதிகாரிகளின் சங்கமம் மற்றும் தமிழகத்தில் தொழில் முதலீட்டுக்கான வாய்ப்புகள் குறித்த நிகழ்ச்சி சென்னையில் நடைபெற்றது. இந்த நிகழ்ச்சியில் முதல்வா் பழனிசாமி முக்கிய திட்டங்களைத் தொடக்கி வைத்ததுடன், அவரது முன்னிலையில் திட்டங்களுக்கான புரிந்துணா்வு ஒப்பந்தங்களும் செய்யப்பட்டன. 
  • திருவள்ளூா் மாவட்டம், கும்மிடிப்பூண்டியில் சிப்காட் தொழில் வளாகம் செயல்பட்டு வருகிறது. இந்த வளாகத்தில் ஜப்பான் நாட்டைச் சோந்த மிட்சுபா சிகால் நிறுவனம் ரூ.504 கோடி முதலீடுகளைச் செய்து புதிய ஆலையைத் தொடங்கியுள்ளது. 
  • இதேபோன்று, காஞ்சிபுரம் மாவட்டம், மல்ரோசாபுரத்தில் கொரிய நாட்டைச் சோந்த ஹானான் ஆட்டோமோட்டிவ் நிறுவனம் ரூ.500 கோடி வரை முதலீடுகளைச் செய்யவுள்ளது. இந்த முதலீட்டின் மூலம் ஆட்டோமொபைல் உற்பத்திப் பணிகளை அந்த நிறுவனம் மேற்கொள்கிறது.
  • அமெரிக்காவைச் சோந்த ஜோகோ ஹெல்த் நிறுவனம் தமிழகத்தில் ரூ.15 கோடி அளவிலான முதலீட்டைச் செய்ய முன்வந்திருந்தது. இப்போது, ரூ.250 கோடியில் மிகப்பெரிய அளவில் முதலீடுகளைச் செய்யவுள்ளது. முந்தைய புரிந்துணா்வு ஒப்பந்தத்துடன் ஒப்பிடும்போது உறுதி செய்யப்பட்ட முதலீடு பல மடங்கு அதிகரித்துள்ளது.
  • திருவள்ளூா் மாவட்டத்தில் பாலிமா் தொழில் பூங்கா தொடங்கப்பட உள்ளது. ரூ.217 கோடி முதலீட்டிலான இந்தத் திட்டமானது டிட்கோ மற்றும் சிப்காட் ஆகிய நிறுவனங்களின் கூட்டு முயற்சி வழியாகத் தொடங்கப்படுகிறது. இந்தத் திட்டத்துக்கு முதல்வா் பழனிசாமி வெள்ளிக்கிழமை அடிக்கல் நாட்டினாா்.
  • மேலும், சென்னை- பெங்களூா் தொழில்வழித் தடம் தொடா்பாக தமிழ்நாடு அரசு மற்றும் தேசிய தொழில்வழித் தட மேம்பாடு மற்றும் நடைமுறை அறக்கட்டளை இடையே ஒப்பந்தம் கையெழுத்தானது. 
புதுச்சேரியில் இலவச அரிசிக்குப் பதில் பணம்: ஆளுநரின் உத்தரவு செல்லும்
  • புதுச்சேரியில் உள்ள குடும்ப அட்டைதாரா்களுக்கு இலவச அரிசிக்குப் பதிலாக ரொக்கப்பணம் வழங்கப்படும் என குடியரசுத் தலைவரின் அறிவுறுத்தலின்படி மத்திய உள்துறை அமைச்சகமும், ஆளுநரும் உத்தரவிட்டுள்ளனா். 
  • எனவே இந்த உத்தரவுக்கு புதுச்சேரி யூனியன் பிரதேச அரசு கட்டுப்பட்டு நடக்க வேண்டும் எனக்கூறி, துணைநிலை ஆளுநா் கிரண்பேடி உத்தரவை ரத்து செய்யக் கோரி புதுச்சேரி முதல்வா் நாராயணசாமி தாக்கல் செய்த வழக்கை தள்ளுபடி செய்து உத்தரவிட்டுள்ளாா்.
நிதி தொழில்நுட்ப முதலீடு உலகில் 3வது இடத்தில் இந்தியா
  • இந்தியாவில், நிதி தொழில்நுட்பங்களில் செய்யப்படும் முதலீடு, கடந்த ஆண்டில், 26 ஆயிரத்து, 270 கோடி ரூபாயாக அதிகரித்துள்ளது. இது, இதற்கு முந்தைய ஆண்டுடன் ஒப்பிடும்போது, இரு மடங்கு அதிகம். 
  • இதையடுத்து, உலகத்திலேயே, மூன்றாவது பெரிய நிதி தொழில்நுட்ப சந்தையாக இந்தியா முன்னேறி உள்ளது. அமெரிக்கா, ஐரோப்பிய ஒன்றியம் ஆகியவற்றுக்கு அடுத்த இடத்தை, இந்தியா பிடித்துள்ளது.
  • கடந்த ஆண்டில், 198 ஒப்பந்தங்கள் மேற்கொள்ளப்பட்டுள்ளன. கடந்த, 2018ல் இது, 193 ஆக இருந்தது. பணப் பரிமாற்ற நிறுவனங்களில் செய்யப்பட்ட முதலீடுகள், கடந்த ஆண்டில் மும்மடங்கு அதிகரித்துள்ளது.
  • கடந்த, 2018ம் ஆண்டில், இப்பிரிவில், 4,686 கோடி ரூபாய் முதலீடு செய்யப்பட்டிருந்தது. இதுவே, கடந்த ஆண்டில், 14 ஆயிரத்து, 910 கோடி ரூபாயாக அதிகரித்துள்ளது.காப்பீடு தொழில்நுட்பத்தில், கடந்த ஆண்டில் முதலீடுகள், 74 சதவீதம் அதிகரித்துள்ளது.
  • முதலீடு செய்யப்பட்டுள்ள மொத்த தொகையில், பணப் பரிமாற்ற நிறுவனங்களில், 58 சதவீத அளவுக்கும், காப்பீடு தொழில்நுட்பத்தில், 13.7 சதவீத அளவுக்கும், முதலீடு செய்யப்பட்டுள்ளது.



பொருளாதார வளா்ச்சி 4.9 சதவீதமாக இருக்கும்: என்சிஏஇஆா்
  • இந்தியாவின் பொருளாதார வளா்ச்சி நடப்பு நிதியாண்டில் 4.9 சதவீதமாக இருக்கும் என நேஷனல் கவுன்சில் ஆஃப் அப்ளைடு எகனாமிக் ரிசா்ச் (என்சிஏஇஆா்) தெரிவித்துள்ளது.
  • இந்தியப் பொருளாதாரம் கடந்த 2018-19 இல் 6.1 சதவீதம் வளா்ச்சி கண்டிருந்த நிலையில், நடப்பு நிதியாண்டில் அது 4.9 சதவீதமாக இருக்கும். அதிலும் குறிப்பாக இந்த வளா்ச்சி, மூன்றாவது காலாண்டில் 4.9 சதவீதமாகவும், நான்காவது காலாண்டில் 5.1 சதவீதமாகவும் காணப்படும்.
  • இருப்பினும், 2020-21 இல் பொருளாதாரம் 5.6 சதவீதமாக வளா்ச்சி காணும் என்று என்சிஏஇஆா் தெரிவித்துள்ளது.
  • தேசிய புள்ளியியல் அலுவலகம் நடப்பு நிதியாண்டின் பொருளாதார வளா்ச்சி 5 சதவீதமாக இருக்கும் என மதிப்பிட்டிருந்த நிலையில், என்சிஏஇஆா் கணிப்பு அதை விட குறைவாக இருப்பது குறிப்பிடத்தக்கது.
மின் துறைக்கு நிலக்கரி வழங்கல் 6% சரிவு: கோல் இந்தியா
  • பொதுத் துறை நிறுவனமான கோல் இந்தியா நடப்பு நிதியாண்டின் ஏப்ரல்-ஜனவரி வரையிலான காலகட்டத்தில் மின் துறைக்கு வழங்கிய நிலக்கரி 6.8 சதவீதம் குறைந்து 37.78 கோடி டன்னாக இருந்தது. இது கடந்த நிதியாண்டின் இதே காலகட்டத்தில் 40.56 கோடி டன்னாக அதிகரித்து காணப்பட்டது.
  • இருப்பினும் ஜனவரியில் மின் துறை நிறுவனங்களுக்கு கோல் இந்தியாவின் நிலக்கரி சப்ளை 2.9 சதவீதம் உயா்ந்து 4.32 கோடி டன்னாக இருந்தது. 2019 ஜனவரி மாதத்தில் நிலக்கரி சப்ளை 4.20 கோடி டன்னாக காணப்பட்டது.
  • ஏப்ரல்-ஜனவரி காலகட்டத்தில் பொதுத் துறையைச் சோந்த சிங்கரேணி கொலிரிஸ் நிறுவனத்தின் (எஸ்சிசிஎல்) நிலக்கரி சப்ளை 2.6 சதவீதம் குறைந்து 4.40 கோடி டன்னாக இருந்தது. முந்தைய காலகட்டத்தில் நிலக்கரி வழங்கல் 4.52 கோடி டன்னாக காணப்பட்டது.
  • நடப்பு நிதியாண்டின் ஜூலையிலிருந்து சில மாதங்களுக்கு மழை காரணமாக நிலக்கரி உற்பத்தி சரிவைக் கண்டது. இதையடுத்து ஏப்ரல்-ஜனவரியில் கோல் இந்தியாவின் நிலக்கரி உற்பத்தி 3.9 சதவீதம் குறைந்து 45.15 கோடி டன்னாக இருந்தது. இது, கடந்த நிதியாண்டின் இதே காலகட்டத்தில் 46.96 கோடி டன்னாக காணப்பட்டது.
  • இந்த நிலையில், வரும் 2024-ஆம் ஆண்டுக்குள் கோல் இந்தியா நிறுவனத்தின் நிலக்கரி உற்பத்தி 100 கோடி டன்னாக அதிகரிக்கும் என மத்திய நிலக்கரித் துறை அமைச்சா் பிரஹலாத் ஜோஷி தெரிவித்திருந்தாா்.
  • கோல் இந்தியா நிறுவனம் 66 கோடி டன் நிலக்கரியை உற்பத்தி செய்ய இலக்கு நிா்ணயிக்கப்பட்டுள்ளது. இது, நாட்டின் ஒட்டுமொத்த நிலக்கரி உற்பத்தியில் 82 சதவீதமாகும்.
உத்தரப்பிரதேசத்தில் 3,350 டன் கொண்ட 2 தங்கச் சுரங்கம்: புவியியல் ஆய்வு மையம் கண்டுபிடிப்பு
  • இந்திய புவியியல் ஆய்வு மையம் மற்றும் உத்தரப்பிரதேச புவியியல் மற்றும் சுரங்க இயக்குநரகம் ஆகியவை இணைந்து ஆய்வு நடத்தின. அதன் முடிவில் இந்த விவரங்கள் வெளியாகி இருக்கின்றன.
  • சோன்பத்ரா மாவட்டத்தின் சோன்பாகதீ என்ற இடத்தில் 2,700 டன் அளவுள்ள தங்க படிமங்களும், ஹார்டீ என்ற பகுதியில் 650 டன் அளவுள்ள தங்க படிமங்களும் இருப்பதாக கூறப்பட்டுள்ளது.
  • இந்த சுரங்கத்தை குத்தகைக்கு விட அரசாங்கம் ஆலோசித்து வருகிறது. சோன்பத்ராவில் தங்க வைப்புக்கள் இருப்பதாக இந்திய புவியியல் மையம் முதன்முதலில் 2005ல் கூறியது.
  • உத்தரப்பிரதேசத்தின் நக்சல் பாதிப்புக்குள்ளான மாவட்டத்தில் மலைகளுக்கு அடியில் தங்க சுரங்கங்கள் உள்ளன என்ற கூற்று 2012ல் உறுதி செய்யப்பட்டது என்றார்.
  • இந்தியாவிடம் தற்போது, 626 டன் தங்கம் கையிருப்பு உள்ளது. உத்தரப்பிரதேசத்தில் கண்டறியப்பட்டுள்ள 3,350 டன் தங்கம் வெட்டி எடுக்கப்பட்டால், நம் நாட்டின் தங்கம் கையிருப்பு 5 மடங்கு அதிகரிக்கும் என்று எதிர்பார்க்கப்படுகிறது.
  • தற்சமயம், அமெரிக்காவிடம் 8133 டன்னும், ஜெர்மனியிடம் 3366 டன்னும், சர்வதேச நாணய நிதியமான ஐஎம்எப்பிடம் 2814 டன்னும் தங்கம் கையிருப்பு உள்ளது குறிப்பிடத்தக்கது.



டில்லியில் 39 ஏக்கரில் புதிய ராணுவ தலைமையகம்
  • டில்லியில் சுமார் 39 ஏக்கருக்கும் அதிகமான பரப்பளவில் ராணுவத்திற்கு புதிய தலைமையகம் அமைக்கப்பட உள்ளது. டில்லியில் அமைய உள்ள புதிய 'தால் சேனா பவன்' கட்டிடத்திற்கு மத்திய பாதுகாப்புத்துறை அமைச்சர் ராஜ்நாத் சிங் பூமி பூஜையை நடத்தி வைத்து, அடிக்கல் நாட்டினார். 
  • அலுவலகம் கட்டிடம், பார்க்கிங் என ஏறக்குறைய 7.5 லட்சம் சதுர மீட்டரில் ராணுவ தலைமையக வளாகம் அமைய உள்ளது.மொத்தம் 6014 அலுவலகங்கள், 1684 அலுவலர்களுக்கான வீடுகள் ஆகியனவும் இந்த வளாகத்தில் அமைய உள்ளது. 
யாழ்ப்பாணம் விமான நிலைய மேம்பாட்டுக்காக ரூ.11.83 கோடி நிதி வழங்க இந்தியா ஒப்புதல்
  • இலங்கையின் வடக்கு மாகாணத்தில் தமிழர்கள் பெருவாரியாக வாழ்கின்றனர். அங்குள்ள யாழ்ப்பாணம், அந்த நாட்டின் முக்கிய நகரங்களில் ஒன்றாகும். இதுதான் விடுதலைப் புலிகளின் தலைமையகமாக திகழ்ந்தது.
  • இந்தியாவின் அலையன்ஸ் ஏர் நிறுவனம் கடந்த நவம்பர் மாதம் சென்னைக்கு ஒரு விமான சேவையை தொடங்கியபோது, யாழ்ப்பாணத்தில் உள்ள பலாலி விமான நிலையத்தில் இருந்து விமானங்களை இயக்கும் முதல் நிறுவனமாக மாறியது. இந்த மாதம்தான் கொழும்பு நகரில் இருந்து யாழ்ப்பாணம் பலாலிக்கு முதல் பயணிகள் விமான சேவை தொடங்கியது.
  • இதன் மூலம் யாழ்ப்பாணம் பலாலி, சென்னை இடையே பயணிகள் விமான போக்குவரத்து சீராக நடைபெறும். இந்த விமான நிலையத்தை மேம்படுத்த இந்தியா முன்வந்துள்ளது. இதற்காக இந்தியா ரூ.11 கோடியே 83 லட்சம் நிதி வழங்க ஒப்புக்கொண்டுள்ளது. இந்த திட்டத்துக்கு மந்திரிசபை ஒப்புதல் அளித்தது.
தலிபான் - அமெரிக்கா ஒப்பந்தம்
  • ஆப்கானிஸ்தானில் வன்முறையை கட்டுப்படுத்தும் நோக்கில் அங்குள்ள தலிபான் அமைப்புடன் அமெரிக்கா ஒப்பந்தம் செய்து கொள்ள உள்ளது. இந்த ஒப்பந்தம் வரும் 29ம் தேதி கையெழுத்தாக உள்ளதாக ஆப்கன் தேசிய பாதுகாப்பு கவுன்சில் செய்தி தொடர்பாளர் ஜாவேத் பைசல் தெரிவித்துள்ளார்.
ஆசிய சாம்பியன்ஷிப் மல்யுத்த இறுதிப்போட்டியில் இந்திய வீராங்கனை சாக்க்ஷி மாலிக் தோல்வி
  • ஆசிய சாம்பியன்ஷிப் மல்யுத்த இறுதிப்போட்டியில் இந்திய வீராங்கனை சாக்க்ஷி மாலிக் தோல்வி அடைந்தார். 65 கிலோ எடை பிரிவில் ஜப்பானின் நவோமி ருகியிடம் தோல்வியடைந்து சாக்க்ஷி மாலிக் வெள்ளிப் பதக்கம் வென்றார்.

Friday, 21 February 2020

20th FEBRUARY 2020 CURRENT AFFAIRS TNPSC SHOUTERS TAMIL PDF

TNPSCSHOUTERS
சிறப்பு வேளாண் மண்டல மசோதா நிறைவேறியது
  • டெல்டா பகுதிகளை பாதுகாக்கப்பட்ட சிறப்பு வேளாண் மண்டலமாக மாற்றும் மசோதா சட்டசபையில் நிறைவேறியது.காவிரி டெல்டா பகுதிகளை பாதுகாக்கப்பட்ட சிறப்பு வேளாண் மண்டலமாக மாற்றப்படும் என முதல்வர் இ.பி.எஸ்., அறிவித்திருந்தார். 
  • பிப்.,19 தலைமை செயலகத்தில் முதல்வர் இ.பி.எஸ்., தலைமையில் நடந்த தமிழக அமைச்சரவை கூட்டத்தில், காவிரி டெல்டா மாவட்டங்களை பாதுகாக்கப்பட்ட சிறப்பு வேளாண் மண்டலமாக மாற்ற அமைச்சரவை ஒப்புதல் அளித்தது.
  • இதனையடுத்து இந்த மசோதாவை முதல்வர் இ.பி.எஸ்., சட்டசபையில் தாக்கல் செய்தார். அனுமதி கிடைக்காது. 
காவிரி டெல்டா வேளாண் மண்டல மசோதாவின் அம்சங்கள் 
  • மசோதாவின் படி, துத்தநாக உருக்காலை, இரும்புத்தாது ஆலை, ஒருங்கிணைந்த எஃகு ஆலை, இரும்பு உருக்காலை, செம்பு, அலுமினிய உருக்காலை, விலங்குகளின் உடல் பாகங்களை பதப்படுத்துதல், தோல் பதனிடுதல், மீத்தேன் எரிவாயு, ஹைட்ரோ கார்பன் உள்ளிட்ட இயற்கை எரிவாயு ஆய்வு எடுத்தல், கப்பல் உடைக்கும் தொழிற்சாலை ஆகியவற்றுக்கு தடை விதிக்கப்பட்டுள்ளது.
  • இந்த தடை தஞ்சாவூர், திருவாரூர், நாகை உள்ளிட்ட டெல்டா மாவட்டங்கள் முழுவதிலும் கடலூர் மாவட்டத்தில் காட்டுமன்னார்கோவில், மேல் புவனகிரி, ப.கீரப்பாளையம், பரங்கிப்பேட்டை, குமராட்சி வட்டாரங்கள், புதுக்கோட்டை மாவட்டத்தில் அறந்தாங்கி, ஆவுடையார்கோவில், மணமேல்குடி, திருவரங்குளம், கரம்பக்குடி வட்டாரங்களுக்கும் பொருந்தும்.
  • வேளாண் மண்டல சட்டம் அமல்படுத்துவதற்கு முன்னர் இந்த பகுதிகளில் செயல்பாட்டில் இருக்கும் திட்டங்களுக்கு பாதிப்பு இல்லை. துறைமுகம், குழாய் இணைப்பு சாலை, தொலைதொடர்புகள், மின்சாரம், நீர் விநியோகம் உள்ளிட்ட உள்கட்டமைப்பு ஆகியவை இந்த சட்டத்தினால் பாதிக்கப்படாது.
  • இந்த சட்டத்தின் நோக்கம் நிறைவேற்றுவதற்கு 30 உறுப்பினர்களை உள்ளடக்கிய தமிழ்நாடு பாதுகாக்கப்பட்ட வேளாண் மண்டல அமைப்பு என்ற பெயரில் ஓர் அதிகார அமைப்பு உருவாக்கப்படுகிறது. முதல்வர் தலைமையில் துணை முதல்வர், நிதித் துறை அமைச்சர், சட்டத் துறை அமைச்சர், வேளாண்துறை அமைச்சர், தமிழக வேளாண் பல்கலை துணைவேந்தர் உள்பட 30 பேர் குழுவில் இருப்பர்.
  • இந்த சட்டத்தை மீறி தடை செய்யப்பட்ட தொழில்களை தொடங்கினால் 5 ஆண்டுகள் சிறை தண்டனை விதிக்கப்படும். அது போல் ரூ 50 லட்சம் அபராத தொகை விதிக்கப்படும்.
கருவுறுதல் கிளினிக்குகளை ஒழுங்குபடுத்தும் மசோதாவுக்கு மத்திய அமைச்சரவை ஒப்புதல்
  • இனப்பெருக்க உதவி சேவைகளை வழங்குவதில் ஈடுபட்டுள்ள கிளினிக்குகளை ஒழுங்குபடுத்துவதற்கான மசோதாவுக்கு மத்திய அமைச்சரவை ஒப்புதல் அளித்தது, அதாவது இன்-விட்ரோ கருத்தரித்தல் (ஐவிஎஃப்), செயற்கை கருவூட்டல் மற்றும் வாடகைத்தாய்.
  • உதவி இனப்பெருக்க தொழில்நுட்பம் (ART) ஒழுங்குமுறை மசோதா, 2020 என அழைக்கப்படும் இந்த மசோதா, கருவுறாத தம்பதிகளுக்கு சிகிச்சையளிக்கும் மையங்களை 'பாதுகாப்பு மற்றும் முறையான வழிமுறைகளை' பின்பற்ற ஒழுங்குபடுத்தும் ஒரு மசோதாவாக இந்த மசோதா இருக்கும் என்று கூறப்படுகிறது.
  • பிரதமர் நரேந்திர மோடி தலைமையிலான அமைச்சரவை கடந்த மாதம், 2020 ஆம் ஆண்டு கர்ப்பம் தொடர்பான மருத்துவ முடிவு (திருத்தம்) மசோதாவைத் தெளிவுபடுத்திய பின்னர் இந்த மசோதாவுக்கு ஒப்புதல் அளித்தது.
  • இந்தியாவின் கருவுறாமை பிரச்சினை பெங்களூரைச் சேர்ந்த மருத்துவ தொழில்நுட்ப நிறுவனமான இனிட்டோ நடத்திய ஆய்வின்படி, இந்தியாவில் திருமணமான தம்பதிகளில் சுமார் 10-15 சதவீதம் பேர் அல்லது சுமார் 27.5 மில்லியன் தம்பதிகள் கருவுறாமைக்கு ஆளாகின்றனர்.
  • இத்தகைய தம்பதிகள் கட்டுப்பாடற்ற ஏ.ஆர்.டி ஆய்வகங்களின் சேவைகளை எடுத்துக்கொள்கிறார்கள், அவற்றில் விந்து தானம், கருப்பையக கருவூட்டல் (ஐ.யு.ஐ), ஐ.வி.எஃப், இன்ட்ராசைட்டோபிளாஸ்மிக் விந்து ஊசி (ஐ.சி.எஸ்.ஐ), முன்கூட்டியே மரபணு நோயறிதல் (பி.ஜி.டி) மற்றும் கர்ப்பகால வாடகைத்தாய் ஆகியவை அடங்கும்.



அமெரிக்க ஹெலிகாப்டர் ஒப்பந்தத்திற்கு அமைச்சரவைக் குழு ஒப்புதல்
  • அமெரிக்காவிலிருந்து 24 லாக்ஹீட் மார்டின் எம்.எச் -60 ரோமியோ ஹெலிகாப்டர்களை (24 Lockheed martin MH-60 Romeo Helicopters) வாங்குவதற்கான ஒப்பந்தத்திற்கு பாதுகாப்பு அமைச்சரவை குழு (சி.சி.எஸ் - Cabinet Committee on Security) ஒப்புதல் அளித்தது.
  • டிரம்பின் இரண்டு நாள் இந்தியா பயணத்தின் போது இந்த ஒப்பந்தம் கையெழுத்திடப்படலாம். இந்த ஒப்பந்தம் கையெழுத்தானால் இந்தியாவின் கடற்படை (Indian Navy) தாக்குதல் திறனை அதிகரிக்கும் என்று எதிர்பார்க்கப்படுகிறது. இந்திய கடற்படைக்காக வாங்கப்படும் இந்த ஹெலிகாப்டர் ஒப்பந்த மதிப்பு சுமார் 4 2.4 பில்லியனாக இருக்கும்.
சிறார் ஆரோக்கியம்: இந்தியா 77வது இடம்
  • ஐ.நா. உலக சுகாதார அமைப்பின் சிறார் ஆரோக்கிய வல்லுனர்கள் குழு 180 நாடுகளில் சிறார் நிலை குறித்த ஆய்வறிக்கையை வெளியிட்டு உள்ளது.
  • ஸ்திரக் குறியீட்டிற்கு 2030ல் நிர்ணயிக்கப்பட்ட இலக்கை விட அதிக கரியமில வாயு வெளியிடும் நாடுகள் ஆய்வுக்கு எடுத்துக் கொள்ளப்பட்டன. இந்நாடுகளில் தனி நபரின் சராசரி கரியமில வாயு வெளியீட்டால் சிறார் ஆரோக்கியத்தில் ஏற்படும் தாக்கம் ஆய்வு செய்யப்பட்டது. 
  • அதில் ஸ்திரமான நிலைப்பாடு உள்ள நாடுகளில் இந்தியா 77வது இடத்தை பிடித்துள்ளது.ஐந்து வயதிற்கு உட்பட்ட குழந்தைகளின் வாழ்நாள், சிறார் ஆரோக்கிய சேவைகள், கல்வி, அடிப்படை சுகாதாரம், வறுமையற்ற சூழல் ஆகியவற்றின் அடிப்படையில் சிறார் உயிர் பிழைத்து வளரக் கூடிய நாடுகள் ஆய்வு செய்யப்பட்டன. 
  • அதன்படி சிறார் நலன் மற்றும் உயிர்வாழ்வு அடிப்படையிலான குறியீட்டில் இந்தியா 131வது இடத்தை பிடித்துள்ளது.உலகளவில் சிறார் நலன் மற்றும் உயிர்வாழ்வு அடிப்படையிலான குறியீட்டில் நார்வே முதலிடத்தில் உள்ளது. 
  • அடுத்த இரு இடங்களில் தென்கொரியா, நெதர்லாந்து நாடுகள் உள்ளன. இந்த பட்டியலில் இறுதி இடத்தில் மத்திய ஆப்ரிக்க குடியரசு, சாட் மற்றும் சோமாலியா நாடுகள் உள்ளன.
  • தனிநபர் கரியமில வாயு வெளியீடு அடிப்படையிலான ஸ்திரத்தன்மை குறியீட்டில் நார்வே 156வது இடத்தை பிடித்துள்ளது. நெதர்லாந்து, கொரியா ஆகியவை முறையே 160 மற்றும் 166வது இடத்தை பிடித்துள்ளன.
  • அதிக கரியமில வாயு வெளியிடும் முதல் பத்து நாடுகளில் அமெரிக்கா, ஆஸ்திரேலியா, சவுதி அரேபியா இடம் பெற்று உள்ளன. குறைந்த கரியமில வாயு வெளியிடும் நாடுகளில் புருண்டி, சாட், சோமாலியா முதல் மூன்று இடங்களில் உள்ளன. இவ்வாறு அதில் கூறப்பட்டுள்ளது.
ஆசிய மல்யுத்த சாம்பியன்ஷிப்பில் தங்கம் வென்றார் இந்திய வீரர் திவ்யா கக்ரான்
  • ஆசிய மல்யுத்த சாம்பியன்ஷிப்பில் இந்திய வீரர் திவ்யா கக்ரான் தங்கம் வென்றார். இந்த போட்டியில் தங்கம் வென்ற இரண்டாவது இந்திய பெண் என்ற பெருமையை பெற்றார். அவர் ஜப்பானிய ஜூனியர் உலக சாம்பியனான நருஹா மாட்சுயுகியை வீழ்த்தி தங்கம் வென்றுள்ளார்.

காவிரி டெல்டா வேளாண் மண்டல மசோதா / Cauvery Delta Protected Agricultural Zone Bill

TNPSCSHOUTERS
  • டெல்டா பகுதிகளை பாதுகாக்கப்பட்ட சிறப்பு வேளாண் மண்டலமாக மாற்றும் மசோதா சட்டசபையில் நிறைவேறியது. காவிரி டெல்டா பகுதிகளை பாதுகாக்கப்பட்ட சிறப்பு வேளாண் மண்டலமாக மாற்றப்படும் என முதல்வர் இ.பி.எஸ்., அறிவித்திருந்தார். 
  • பிப்.,19 தலைமை செயலகத்தில் முதல்வர் இ.பி.எஸ்., தலைமையில் நடந்த தமிழக அமைச்சரவை கூட்டத்தில், காவிரி டெல்டா மாவட்டங்களை பாதுகாக்கப்பட்ட சிறப்பு வேளாண் மண்டலமாக மாற்ற அமைச்சரவை ஒப்புதல் அளித்தது.
  • இதனையடுத்து இந்த மசோதாவை முதல்வர் இ.பி.எஸ்., சட்டசபையில் தாக்கல் செய்தார்.
காவிரி டெல்டா வேளாண் மண்டல மசோதாவின் அம்சங்கள் 
  • மசோதாவின் படி, துத்தநாக உருக்காலை, இரும்புத்தாது ஆலை, ஒருங்கிணைந்த எஃகு ஆலை, இரும்பு உருக்காலை, செம்பு, அலுமினிய உருக்காலை, விலங்குகளின் உடல் பாகங்களை பதப்படுத்துதல், தோல் பதனிடுதல், மீத்தேன் எரிவாயு, ஹைட்ரோ கார்பன் உள்ளிட்ட இயற்கை எரிவாயு ஆய்வு எடுத்தல், கப்பல் உடைக்கும் தொழிற்சாலை ஆகியவற்றுக்கு தடை விதிக்கப்பட்டுள்ளது.
  • இந்த தடை தஞ்சாவூர், திருவாரூர், நாகை உள்ளிட்ட டெல்டா மாவட்டங்கள் முழுவதிலும் கடலூர் மாவட்டத்தில் காட்டுமன்னார்கோவில், மேல் புவனகிரி, ப.கீரப்பாளையம், பரங்கிப்பேட்டை, குமராட்சி வட்டாரங்கள், புதுக்கோட்டை மாவட்டத்தில் அறந்தாங்கி, ஆவுடையார்கோவில், மணமேல்குடி, திருவரங்குளம், கரம்பக்குடி வட்டாரங்களுக்கும் பொருந்தும்.
  • வேளாண் மண்டல சட்டம் அமல்படுத்துவதற்கு முன்னர் இந்த பகுதிகளில் செயல்பாட்டில் இருக்கும் திட்டங்களுக்கு பாதிப்பு இல்லை. துறைமுகம், குழாய் இணைப்பு சாலை, தொலைதொடர்புகள், மின்சாரம், நீர் விநியோகம் உள்ளிட்ட உள்கட்டமைப்பு ஆகியவை இந்த சட்டத்தினால் பாதிக்கப்படாது.
  • இந்த சட்டத்தின் நோக்கம் நிறைவேற்றுவதற்கு 30 உறுப்பினர்களை உள்ளடக்கிய தமிழ்நாடு பாதுகாக்கப்பட்ட வேளாண் மண்டல அமைப்பு என்ற பெயரில் ஓர் அதிகார அமைப்பு உருவாக்கப்படுகிறது. முதல்வர் தலைமையில் துணை முதல்வர், நிதித் துறை அமைச்சர், சட்டத் துறை அமைச்சர், வேளாண்துறை அமைச்சர், தமிழக வேளாண் பல்கலை துணைவேந்தர் உள்பட 30 பேர் குழுவில் இருப்பர்.
  • இந்த சட்டத்தை மீறி தடை செய்யப்பட்ட தொழில்களை தொடங்கினால் 5 ஆண்டுகள் சிறை தண்டனை விதிக்கப்படும். அது போல் ரூ 50 லட்சம் அபராத தொகை விதிக்கப்படும்.

ஐ.நா. உலக சுகாதார அமைப்பின் ஸ்திரக் குறியீடு 2020 / UN World Health Organization's Establishment Code 2020

TNPSCSHOUTERS
  • ஐ.நா. உலக சுகாதார அமைப்பின் சிறார் ஆரோக்கிய வல்லுனர்கள் குழு 180 நாடுகளில் சிறார் நிலை குறித்த ஆய்வறிக்கையை வெளியிட்டு உள்ளது.
  • ஸ்திரக் குறியீட்டிற்கு 2030ல் நிர்ணயிக்கப்பட்ட இலக்கை விட அதிக கரியமில வாயு வெளியிடும் நாடுகள் ஆய்வுக்கு எடுத்துக் கொள்ளப்பட்டன. இந்நாடுகளில் தனி நபரின் சராசரி கரியமில வாயு வெளியீட்டால் சிறார் ஆரோக்கியத்தில் ஏற்படும் தாக்கம் ஆய்வு செய்யப்பட்டது. 
  • அதில் ஸ்திரமான நிலைப்பாடு உள்ள நாடுகளில் இந்தியா 77வது இடத்தை பிடித்துள்ளது. ஐந்து வயதிற்கு உட்பட்ட குழந்தைகளின் வாழ்நாள், சிறார் ஆரோக்கிய சேவைகள், கல்வி, அடிப்படை சுகாதாரம், வறுமையற்ற சூழல் ஆகியவற்றின் அடிப்படையில் சிறார் உயிர் பிழைத்து வளரக் கூடிய நாடுகள் ஆய்வு செய்யப்பட்டன. 
  • அதன்படி சிறார் நலன் மற்றும் உயிர்வாழ்வு அடிப்படையிலான குறியீட்டில் இந்தியா 131வது இடத்தை பிடித்துள்ளது.உலகளவில் சிறார் நலன் மற்றும் உயிர்வாழ்வு அடிப்படையிலான குறியீட்டில் நார்வே முதலிடத்தில் உள்ளது. 
  • அடுத்த இரு இடங்களில் தென்கொரியா, நெதர்லாந்து நாடுகள் உள்ளன. இந்த பட்டியலில் இறுதி இடத்தில் மத்திய ஆப்ரிக்க குடியரசு, சாட் மற்றும் சோமாலியா நாடுகள் உள்ளன.
  • தனிநபர் கரியமில வாயு வெளியீடு அடிப்படையிலான ஸ்திரத்தன்மை குறியீட்டில் நார்வே 156வது இடத்தை பிடித்துள்ளது. நெதர்லாந்து, கொரியா ஆகியவை முறையே 160 மற்றும் 166வது இடத்தை பிடித்துள்ளன.
  • அதிக கரியமில வாயு வெளியிடும் முதல் பத்து நாடுகளில் அமெரிக்கா, ஆஸ்திரேலியா, சவுதி அரேபியா இடம் பெற்று உள்ளன. குறைந்த கரியமில வாயு வெளியிடும் நாடுகளில் புருண்டி, சாட், சோமாலியா முதல் மூன்று இடங்களில் உள்ளன. இவ்வாறு அதில் கூறப்பட்டுள்ளது.

Thursday, 20 February 2020

19th FEBRUARY 2020 CURRENT AFFAIRS TNPSC SHOUTERS TAMIL PDF

TNPSCSHOUTERS
கீழடியில் 6ம் கட்ட அகழாய்வுப்பணிகள்; முதல்வர் எடப்பாடி பழனிச்சாமி தொடக்கி வைத்தார்
  • அகழாய்வுப் பணி தொடக்கம்... சிவகங்கை மாவட்டம் கீழடியில் 6-ஆம் கட்ட அகழாய்வுப் பணிகளை முதலமைச்சர் எடப்பாடி பழனிசாமி தொடங்கி வைத்தார்.
  • சென்னை தலைமைச் செயலகத்தில் இருந்து காணொலிக் காட்சி மூலம் நிகழ்ச்சியில் பங்கேற்று அகழாய்வுப் பணிகளை அவர் துவக்கி வைத்தார். கீழடியில் கடந்த 2015-ஆம் ஆண்டு முதல் இதுவரை 5 கட்ட அகழாய்வுப் பணிகள் நடைபெற்றுள்ளன.
  • முதல் மூன்று கட்ட அகழாய்வை மத்திய தொல்லியல் துறையினரும் நான்கு மற்றும் ஐந்தாம் கட்ட அகழாய்வை தமிழக தொல்லியல் துறையினரும் நடத்தினர்.
  • இதில் 2600 ஆண்டுகள் பழமையான 2 ஆயிரத்துக்கும் மேற்பட்ட பொருட்கள் மற்றும் கட்டுமானங்கள் கண்டறியப்பட்டுள்ளன. இந்நிலையில் 6-ஆம் கட்டமாக இரண்டு ஏக்கர் பரப்பளவில் அகழாய்வுப் பணிகள் நடைபெற உள்ளன.
காவிரி வேளாண் மண்டலம்: அமைச்சரவை ஒப்புதல்
  • காவிரி டெல்டா பகுதிகளை பாதுகாக்கப்பட்ட வேளாண் சிறப்பு மண்டலமாக்க தமிழக அமைச்சரவையில் ஒப்புதல் அளிக்கப்பட்டது.
  • சட்ட விஷயங்களை ஆய்வு செய்ய முதல்வா் பழனிசாமி தலைமையில் தனி குழு அமைக்கப்பட்டது. இந்தக் குழு சில முக்கிய அம்சங்களை ஆய்வு செய்து, சட்டச் சிக்கல்கள் ஏதும் இல்லாத மசோதாவை தயாரித்துள்ளது. அதனால், சட்ட மசோதா வியாழக்கிழமை தாக்கல் செய்ய அதிக வாய்ப்பு உள்ளது.
  • வக்ஃப் வாரிய நிறுவனங்களில் ஓய்வு பெற்ற பேஷ் இமாம், மோதினாா், அரபி ஆசிரியா், முஜாவா் ஆகியோரில் பலா் வறிய நிலையில் உள்ளனா். அவா்களுக்கு ரூ.1, 500 மாதாந்திர ஓய்வூதியம் அளிக்கப்படுகிறது. இந்தத் தொகையானது ரூ.3 ஆயிரமாக உயா்த்தி அளிக்கப்படும். 
  • தமிழ்நாடு குழுவின் மூலம் ஆண்டுதோறும் 4 ஆயிரம் பயணிகள் ஹஜ் பயணம் மேற்கொள்கின்றனா். பயணிகள் தங்களுடைய பயணத்துக்கு முன்பாக சென்னையில் தங்கி கடவுச்சீட்டு, பயண உடமைகள் சமா்ப்பித்தல் உள்ளிட்ட பல்வேறு பணிகளை சிரமமின்றி மேற்கொள்ள வசதி செய்யப்படும். அதன்படி தமிழ்நாடு வக்ஃப் வாரியம் சென்னையில் ஒதுக்கீடு செய்யும் நிலத்தில் ரூ.15 கோடி அரசு நிதியில் புதிய ஹஜ் இல்லம் கட்டப்படும்.
  • வக்ஃப் வாரியத்தில் பதிவு செய்யப்பட்ட 2 ஆயிரத்து 814 வக்ஃப் நிறுவனங்கள் தமிழகத்தில் உள்ளன. பதிவு செய்யப்பட்ட நிறுவனங்களில் பணியாற்றும் உலமாக்களுக்கு புதிதாக இரு சக்கர வாகனங்கள் வாங்க ரூ.25 ஆயிரம் அல்லது வாகனத்தின் விலையில் 50 சதவீதம் இரண்டில் எது குறைவோ அந்தத் தொகை மானியமாக அளிக்கப்படும் என்று முதல்வா் பழனிசாமி அறிவித்தாா்.
பெண் குழந்தைகள் பாதுகாப்பு தினமாகிறது பிப்.,24
  • மறைந்த முன்னாள் முதல்வர் ஜெயலலிதாவுக்கு, மிகப்பெரிய கவுரவம் அளிக்கும் வகையில், அவரது பிறந்த நாளான, பிப்., 24ம் தேதி, பெண் குழந்தைகள் பாதுகாப்பு தினமாக அறிவிக்கப்பட்டுள்ளது. 
  • அரசு இல்லங்களில் வாழும், பெற்றோர் மற்றும் பாதுகாவலர்கள் இல்லாத குழந்தைகள், 21 வயதை நிறைவு செய்யும்போது, அவர்களது பெயரில், தலா, 2 லட்சம் ரூபாய் வங்கியில் செலுத்தப்படும். அந்த குழந்தைகள், சமுதாயத்தில், தங்கள் வாழ்க்கையை அமைத்துக் கொள்ள, இது உதவும்
  • பெற்றோர், பாதுகாவலர் இல்லாத பெண் குழந்தைகள், 18 வயது முடித்து, அரசு இல்லத்தில் இருந்து வெளியேறியபின், அவர்களது சமூக, பொருளாதார பாதுகாப்பை உறுதி செய்ய, சிறப்பு உதவி தொகுப்பை, அரசு வழங்கும். இந்த உதவித் தொகுப்பில், உயர் கல்வி படித்தல், திறன் மேம்பாட்டு பயிற்சி, வேலைவாய்ப்பு, சுய தொழில் செய்தல் போன்றவை அடங்கும். அந்த பெண்கள், 50 வயது நிறைவடையும் வரை, இந்த உதவி வழங்கப்படும்
  • தமிழகத்தில் உள்ள பராமரிப்பு இல்லங்களில், ஆதரவற்ற மற்றும் முற்றிலும் கைவிடப்பட்ட குழந்தைகள், நல்ல குடும்ப சூழ்நிலையில் வளர்வதற்கு, தகுந்த குடும்பங்களை அடையாளம் கண்டு, அந்த குழந்தைகளை சிறந்த முறையில் வளர்ப்பதற்கும், பராமரிப்பதற்கும், வளர்ப்பு பெற்றோருக்கு, மூன்று ஆண்டுகளுக்கு, மாதம், 2,000 ரூபாய் வழங்கப்படுகிறது. இந்த தொகை, 4,000 ரூபாயாக உயர்த்தப்பட்டு, ஐந்து ஆண்டுகளுக்கு வழங்கப்படும்
  • பெண் சிசுக் கொலைகள் குறைந்து வரும் நிலையில், சில மாவட்டங்களில் மட்டும், குழந்தைகள் பாலின விகிதம், சராசரி பாலின விகிதத்தை காட்டிலும் குறைவாக உள்ளது. எனவே, குழந்தைகள் பாலின விகிதத்தை உயர்த்துவதற்கு, சிறப்பாக செயலாற்றும் 3 மாவட்டங்களுக்கு, தங்கம், வெள்ளி, வெண்கல பதக்கங்களும், சான்றிதழும் வழங்கப்படும்
  • குழந்தைகள் பராமரிப்பு இல்லங்களில் உள்ள, முற்றிலும் ஆதரவற்ற மற்றும் கைவிடப்பட்ட குழந்தைகள், சமூக நலன் மற்றும் சத்துணவு திட்டத் துறை அலுவலகங்களில் ஏற்படும், 'சி' மற்றும், 'டி' பிரிவு பணிஇடங்களில், வயது, கல்வி மற்றும் பிற தகுதிகளுக்கேற்ப, முன்னுரிமை அடிப்படையில் பணியமர்த்தப்படுவர்.
  • இது தவிர, சத்துணவு மற்றும் அங்கன்வாடி மையங்களில் உள்ள பணியிடங்களிலும், தகுதிக்கேற்ப, முன்னுரிமை அடிப்படையில் பணியமர்த்தப்படுவர்.
குடியாத்தம் அருகே கி.பி. 16-ஆம் நூற்றாண்டைச் சோந்த 'போத்தராஜா' சிற்பம் கண்டெடுப்பு
  • குடியாத்தம் அருகே கி.பி.16ஆம் நூற்றாண்டைச் சோந்த 'போத்தராஜா' சிற்பம் கண்டெடுக்கப்பட்டுள்ளது.
  • இச்சிற்பத்தில் ஒரு ஆண் தனது இடது காலைத் தரையில் ஊன்றியவாறு காட்சியளிக்கிறாா். இடையில் பெரிய போா் வாளையும் வலது கையில் கத்தியையும் ஏந்திய நிலையில், தன் இடது கையால் ஒரு விலங்கைப் பிடித்தவாறு சித்தரிக்கப்பட்டுள்ளாா். 
  • இச்சிற்பத்தில் உள்ளவா் திரெளபதியம்மன் கோயில்களில் காவல் தெய்வமாக வழிபடப்படும் 'போத்தராஜா'ஆவாா். வட மாநிலங்களில் இத்தெய்வ வழிபாடு பிரபலமானது.
  • இக்கோயிலுக்கு 10 அடி முன்னால் கற்களால் ஆன மண்டபம் ஒன்றும் உள்ளது. இது பராமரிப்பு இன்றிப் பாழடைந்த நிலையில் புதா்மண்டிக் கிடக்கிறது. அநேகமாக இது திரெளபதியம்மன் கோவிலாக இருந்திருக்க வாய்ப்பு உள்ளது. 
  • ஏனென்றால் திரெளபதி கோயிலின் முன்பாக 'போத்தராஜா' சிற்பம் இடம்பெறுவதுண்டு. பிற்காலக் கட்டடக் கலையை ஒத்திருக்கும் இக்கோயிலானது கி.பி. 16-ஆம் நூற்றாண்டுக்குப் பிந்தையதாக இருக்கக்கூடும்.
இந்தோனேஷிய பல்கலை.யுடன் சென்னைப் பல்கலை. கூட்டு ஆராய்ச்சி
  • இந்தோனேஷிய பல்கலைக்கழகத்துடன் கூட்டு ஆராய்ச்சிக்கான புரிந்துணா்வு ஒப்பந்தத்தை சென்னைப் பல்கலைக்கழகம் மேற்கொண்டுள்ளது.
  • இதையொட்டி, இந்தோனேஷியாவின் ஏஸ் மாகாண கவா்னா் உள்பட சியா குவாலா பல்கலைக்கழக நிா்வாகிகள் 25 போ சென்னைப் பல்கலைக்கழகம் வந்தனா்.
  • இந்தப் புரிந்துணா்வு ஒப்பந்தத்தின் மூலம் இரு கல்வி நிறுவனங்களிடையே ஆசிரியா் - மாணவா் பரிமாற்றம் மட்டுமின்றி, கூட்டு ஆராய்ச்சி, கூட்டு கல்வித் திட்டப் பணிகளிலும் இரு பல்கலைக்கழகங்களும் ஈடுபட உள்ளன என்று தெரிவிக்கப்பட்டுள்ளது.



24 மணி நேர வர்த்தக நிறுவனங்கள்: கேரள அரசு முடிவு
  • மும்பையை தொடர்ந்து, திருவனந்தபுரம் நகரின் குறிப்பிட்ட பகுதிகளில் ,24 மணி நேரமும் வர்த்தக நிறுவனங்கள் செயல்படும் சிறப்பு பகுதிகள் அமைக்க, முடிவு செய்யப்பட்டுள்ளது.
  • திருவனந்தபுரத்தில், சுற்றுலா துறை, காவல்துறை, தொழிலாளர் துறை மற்றும் மாநகராட்சி அதிகாரிகள் கொண்ட நிரந்தர குழு உருவாக்கப்பட்டு, அந்த குழுவின் கண்காணிப்பில், 24 மணி நேர வர்த்தக நிறுவனங்கள் செயல்படும் சிறப்பு பகுதிகள் அமைக்கப்படும்.
  • இத்திட்டம், தலைநகரைத் தொடர்ந்து, மாநிலத்தில் உள்ள அனைத்து பெரு நகரங்களுக்கும், வரும், ஏப்ரலுக்குள் விரிவுபடுத்தப்படும். இதுகுறித்து, சம்பந்தப்பட்ட மாநகராட்சிகளுக்கு தேவையான வழிகாட்டுதல்கள் வழங்கப்படும்.
உலகின் 100 சிறந்த பல்கலைகளில் 11 இந்திய நிறுவனங்கள்
  • ஐரோப்பிய நாடான பிரிட்டன் தலைநகர் லண்டனை சேர்ந்த 'டைம்ஸ் ஹையர் எஜுகேஷன்' என்ற செய்தி நிறுவனம் வளர்ந்து வரும் பொருளாதார நாடுகளில் உள்ள சிறந்த பல்கலைகள் அடங்கிய பட்டியலை வெளியிட்டது. 
  • இதற்காக 533 பல்கலைகளை தேர்வு செய்து தர வரிசைப்படுத்தியது. அதில் மொத்தம் 47 நாடுகளைச் சேர்ந்த பல்கலைகள் இடம்பெற்றுள்ளன.அந்தப் பட்டியலில் 56 இந்திய பல்கலைகள் இடம் பிடித்துள்ளன. 
  • முதல் 100 இடங்களில் அதிகபட்சமாக சீனாவைச் சேர்ந்த 30 பல்கலைகள் இடம்பிடித்துள்ளன. அதற்கு அடுத்தபடியாக இந்தியாவைச் சேர்ந்த 11 கல்வி நிறுவனங்கள் இடம் பிடித்துள்ளன. அதில் ஐ.ஐ.எஸ்சி. எனப்படும் இந்திய அறிவியல் நிறுவனம் 16வது இடத்தைப் பிடித்துள்ளது.
  • அதைத்தொடர்ந்து காரக்பூரில் உள்ள இந்திய தொழில்நுட்ப நிறுவனமான ஐ.ஐ.டி. 32வது இடத்தையும், மும்பை ஐ.ஐ.டி. 34வது இடத்தையும், டில்லி ஐ.ஐ.டி. 38வது இடத்தையும், ரூர்கி ஐ.ஐ.டி. 58வது இடத்தையும், இந்துார் ஐ.ஐ.டி. 61வது இடத்தையும், சென்னை ஐ.ஐ.டி. 63வது இடத்தையும் பிடித்துள்ளன.
  • ஐ.சி.டி.எனப்படும் வேதியியல் தொழில்நுட்ப நிறுவனம் 73வது இடத்தை பிடித்துள்ளது. இதில் காரக்பூர் ஐ.ஐ.டி. 23 இடங்களும், டில்லி ஐ.ஐ.டி. 28 இடங்களும், சென்னை ஐ.ஐ.டி.
  • 12 இடங்களும் முன்னேறியுள்ளன. ரோபர் ஐ.ஐ.டி. மற்றும் ஐ.சி.டி. நிறுவனங்கள் முதன்முறையாக இந்த பட்டியலில் இணைந்திருப்பது குறிப்பிடத்தக்கது.
ராமஜென்மபூமி அறக்கட்டளை தலைவராக நித்ய கோபால் தாஸ் நியமனம்
  • ராமஜென்மபூமி அறக்கட்டளையின் தலைவராக நித்யகோபால் தாஸ் தேர்ந்தெடுக்கப்பட்டுள்ளார். துணைத் தலைவராக விஸ்வ ஹிந்து பரிஷத்தின் துணைத் தலைவர் சம்பத் ராய் தேர்வாகியுள்ளார்.
  • இதனிடையே ராமர் கோவில் கட்டுமான குழுவின் தலைவராக பிரதமர் மோடியின் முன்னாள் முதன்மை செயலாளர் நிர்பேந்திரா மிஸ்ரா நியமிக்கப்பட்டுள்ளார்.
ஆசிய மல்யுத்த சாம்பியன்ஷிப் வென்றார் சுனில் குமார்
  • ஆசிய மல்யுத்த சாம்பியன்ஷிப் போட்டியில் இந்திய வீரர் சுனில்குமார் சாம்பியன்ஷிப் பட்டத்தை தட்டிச்சென்றார்.
  • முன்னதாக அரையிறுதிப் போட்டியில் கஜகஸ்தான் வீரர் அஜாமத் குஸ்துபயேவை சந்தித்த சுனில் குமார் 12-8 என்ற புள்ளி கணக்கில் போராடி வெற்றி பெற்று இறுதி போட்டிக்கு முன்னேறினார்.
  • இந்நிலையில் டெல்லியிலுள்ள கே.டி. ஜாதவ் உள்விளையாட்டு அரங்கில் இறுதி போட்டி நடைபெற்றது. இதில் கிர்கிஸ்தான் வீரர் அசாத் சாலிடிநோவை சந்தித்த சுனில்குமார் 5-0 என்ற புள்ளி கணக்கில் அவரை தோற்கடித்தார்.
  • கடந்த 1993ம் ஆண்டு பப்பு யாதவ் என்பவர் ஆசிய சாம்பியின்ஷிப் மல்யுத்தப் போட்டியில் பட்டம் வென்ற நிலையில், அதன் பின்பு சுமார் 27 ஆண்டுகளுக்கு பின்பு இந்த விருதை தற்போது சுனில் குமார் தட்டி சென்றுள்ளார்.



டெல்லியில் நடைபெற்ற மல்யுத்தம் சாம்பியன்ஷிப்பில் ஆதித்யா குந்து வெண்கல பதக்கம் 
  • டெல்லியில் ஆசிய மல்யுத்த சாம்பியன்‌ஷிப் போட்டி தொடங்கியது. 
  • கிரேக்கோ-ரோமன் பிரிவின் 72 கிலோ எடைப்பிரிவில் இந்திய வீரர் ஆதித்யா குந்து – ஜப்பானைச் சேர்ந்த பிராப்ளரை எதிர்கொண்டார். 
  • இதில் 8-0 என்ற கணக்கில் ஆதித்யா குந்துவெற்றி பெற்று வெண்கல பதக்கம் வென்றார். இதன்மூலம் இந்தியா நான்கு பதக்கங்களை வென்றுள்ளது.
ஆசிய மல்யுத்தம்: இந்தியாவுக்கு வெண்கலம்
  • புது தில்லியில் நடைபெற்று வரும் ஆசிய மல்யுத்த சாம்பியன்ஷிப் போட்டியின் ஒரு பகுதியாக புதன்கிழமை நடைபெற்ற கிரேக்கோ ரோமன் 67 கிலோ எடைப்பிரிவில் சிரியாவின் அப்துல் கரீம் முகமதை வீழ்த்தி வெண்கலப் பதக்கம் வென்ற இந்திய வீரா் அஷூ.
ஆசிய மல்யுத்த போட்டி: இந்திய வீரர் அர்ஜூன் ஹலாகுர்கி வெண்கலப்பதக்கம் வென்றார்
  • ஆசிய மல்யுத்த போட்டியில், 55 கிலோ உடல் எடைப்பிரிவில் இந்திய வீரர் அர்ஜூன் ஹலாகுர்கி 7-4 என்ற புள்ளி கணக்கில் தென்கொரியாவின் டோங்யோக் வானை வீழ்த்தி வெண்கலப்பதக்கம் பெற்றார்.
  • 130 கிலோ எடைப்பிரிவின் அரைஇறுதியில் இந்திய வீரர் மெஹர் சிங் 1-9 என்ற புள்ளி கணக்கில் தென்கொரியாவின் மின்செக் கிம்மிடம் தோல்வி அடைந்தார்.
ஆசிய மல்யுத்தம்: அஷு வெண்கலம்
  • ஆசிய மல்யுத்த சாம்பியன்ஷிப் போட்டியில் இந்திய வீரர் அஷு ('கிரிகோ-ரோமன்' 67 கி.கி.,), ஆதித்யா ('கிரிகோ-ரோமன்' 72 கி.கி.,), ஹர்தீப் சிங் ('கிரிகோ-ரோமன்' 97 கி.கி.,) வெண்கலம் வென்றனர்.
  • டில்லியில், ஆசிய மல்யுத்த சாம்பியன்ஷிப் தொடர் நடக்கிறது. இதில் 'கிரிகோ-ரோமன்' 67 கி.கி., எடைப்பிரிவு வெண்கலப் பதக்கத்துக்கான போட்டியில் இந்தியாவின் அஷு8-1 என,சிரியாவின் அப்துல்கரீம் முகமது அல்-ஹசனை வீழ்த்தினார்.
  • 'கிரிகோ-ரோமன்' 72 கி.கி., எடைப்பிரிவு வெண்கலப் பதக்கத்துக்கான போட்டியில் இந்தியாவின் ஆதித்யா 8-0 என, ஜப்பானின் நாவோ குசாகாவை தோற்கடித்தார்.
  • 'கிரிகோ-ரோமன்' 97 கி.கி., எடைப்பிரிவில் இந்தியாவின் ஹர்தீப் சிங் 3-1 என, கிரிகிஸ்தானின் பெக்சுல்தானை வீழ்த்தி வெண்கலம் கைப்பற்றினார்.இம்முறை 'கிரிகோ-ரோமன்' பிரிவில் இந்தியாவுக்கு 4வது பதக்கம் (ஒரு தங்கம், 4 வெண்கலம்) கிடைத்துள்ளது. 
  • ஏற்கனவே சுனில் குமார் (தங்கம், 'கிரிகோ-ரோமன்'87 கி.கி.,), அர்ஜுன் (வெண்கலம், 'கிரிகோ-ரோமன்' 55 கி.கி.,) பதக்கம் வென்றிருந்தனர்.
  • 'கிரிகோ-ரோமன்' 60 கி.கி., எடைப்பிரிவு வெண்கலப் பதக்கத்துக்கான போட்டியில் இந்தியாவின் ஞானேந்தர் 0-6 என, தோல்வியடைந்து ஏமாற்றினார். இப்பிரிவில் தங்கப் பதக்கத்தை ஜப்பானின் கெனிசிரோ புமிதா வென்றார்.

Wednesday, 19 February 2020

18th FEBRUARY 2020 CURRENT AFFAIRS TNPSC SHOUTERS TAMIL PDF

TNPSCSHOUTERS
கடற்படைக்கு நவீன போர் கப்பல்
  • ராணுவ பொதுத் துறை நிறுவனமான, கார்டன் ரீச் கப்பல் கட்டும் நிறுவனம் தயாரித்துள்ள, அதி நவீன வசதிகள் கொண்ட, நீர்மூழ்கி கப்பலால் தகர்க்க முடியாத, கண்டுபிடிக்க முடியாத போர்க் கப்பல், கடற்படையிடம் ஒப்படைக்கப்பட்டது. 
  • மேற்கு வங்க மாநிலம் கோல்கட்டாவைச் சேர்ந்த இந்த நிறுவனம் தயாரித்து, ஒப்படைத்துள்ள நான்காவது போர்க் கப்பலான இதற்கு, 'கவரட்டி' என்று பெயரிடப்பட்டு உள்ளது.
பாதுகாப்புத் துறை நிறுவனத்திற்கு மனோகர் பரிக்கரின் பெயர்
  • மறைந்த முன்னாள் கோவா முதல்வரின் பெயரை இன்ஸ்டிட்யூட் ஆஃப் டிஃபன்ஸ் ஸ்டடீஸ் அண்ட் அனலைசிஸ் என்றழைக்கப்படும்.
  • இதன்படி அந்நிறுவனம் மனோகர் பாரிக்கர் இன்ஸ்டிட்யூட் ஆஃப் டிஃபன்ஸ் ஸ்டடீஸ் அண்ட் அனலைசிஸ் என்று அழைக்கப்படும். 
பாக். ராணுவம் புதிய ஏவுகணை சோதனை
  • பாக். ராணுவம் தயாரித்தராத் ௨, ஏவுகணை நேற்று பரிசோதிக்கப்பட்டது. கப்பல்களில் இருந்து செலுத்தப்படும் இந்த ஏவுகணை ௬௦௦ கி.மீ. வரை சென்று இலக்கை துல்லியமாக தாக்கும். 
  • இதுகுறித்து பாக். ராணுவம் வெளியிட்டுள்ள செய்திக்குறிப்பில் 'ராத்- ௨ ஏவுகணை அதிநவீன வழிகாட்டுதல் மற்றும் செலுத்துல் அமைப்புகளைக் கொண்டுள்ளது' என கூறப்பட்டுள்ளது.
ஆப்கானிஸ்தான் அதிபராக அஷ்ரப் கானி மீண்டும் தேர்வு
  • ஆப்கானிஸ்தான் நாட்டு அதிபராக அஷ்ரப் கானி 70 இரண்டாவது முறையாக தேர்வு செய்யப்பட்டுள்ளார்.அண்டை நாடான ஆப்கனில் கடந்தாண்டு செப்டம்பரில் அதிபர் தேர்தல் நடந்தது. 
  • இதில் தற்போதைய அதிபர் அஷ்ரப் கானி வெற்றி பெற்றதாக முதலில் தகவல்கள் வெளியாகின. ஆனால் தேர்தலில் முறைகேடு நடந்ததாக எதிர்க்கட்சிகள் குற்றம் சாட்டியதை அடுத்து அதிகாரப்பூர்வ அறிவிப்பு நிறுத்தி வைக்கப்பட்டது.
  • இந்நிலையில் ஐந்து மாத தாமதத்துக்குப் பின் நேற்று அதிகாரப்பூர்வ அறிவிப்பை ஆப்கன் தேர்தல் ஆணையம் வெளியிட்டது. இதில் அஷ்ரப் கானி 54 சதவீத ஓட்டுகளை பெற்று மீண்டும் அதிபராக தேர்வு செய்யப்பட்டுள்ளதாக கூறப்பட்டது.



ஆசிய பளுதூக்குதல் சாம்பியன்ஷிப் இந்தியாவுக்கு 5 வெள்ளி, 6 வெண்கலம்
  • ஆசிய இளைஞர் மற்றும் ஜூனியர் பளுதூக்குதல் சாம்பியன்ஷிப் போட்டி உஸ்பெகிஸ்தானின் தாஷ்கண்டில் நடைபெற்று வருகிறது. 
  • இப்போட்டியில் இந்தியா ஐந்து வெள்ளி மற்றும் ஆறு வெண்கல பதக்கங்களைப் பெற்றது. 45 கிலோ எடை பிரிவில், கேவிஎல் பவானி குமாரி இளைஞர் பெண்கள் மற்றும் ஜூனியர் பெண்கள் பிரிவில் வெள்ளிப் பதக்கங்களை வென்றார். 
  • சித்தாந்தா கோகோய் சிறுவர்கள் மற்றும் ஜூனியர் ஆண்கள் போட்டிகளில் 61 கிலோ பிரிவில் வெள்ளி வென்றார்.
  • பின்னர், 49 கிலோ பிரிவில் முகுந்த் அஹெர் இளைஞர் சிறுவர் பிரிவில் ஒரு வெள்ளி வென்றார். 45 கிலோ பிரிவில் ஹர்ஷாதா கவுட் இரண்டு வெண்கலப் பதக்கங்களை வென்றார். 
  • வெண்கலப் பதக்கங்களை வென்றவர் பட்டியலில் 55 கிலோ பிரிவில் போனி மங்க்க்யா, 59 கிலோ பிரிவில் நிர்மலா தேவி, 49 கிலோ பிரிவில் எஸ்.குருனைடு மற்றும் 55 கிலோவில் கோலம் டிங்கு ஆகியோர் உள்ளனர். 
ஆசிய மல்யுத்தம்: சுனில் 'தங்கம்'
  • ஆசிய மல்யுத்த சாம்பியன்ஷிப் 87 கி.கி., பிரிவில் இந்திய வீரர் சுனில் குமார் தங்கம் வென்றார்.ஆசிய மல்யுத்த சாம்பியன்ஷிப் டில்லியில் நடக்கிறது. இதன் 87 கி.கி., பிரிவில் இந்திய வீரர் சுனில் குமார் பங்கேற்றார். 
  • இவர் காலிறுதியில் 8-2 என ஜப்பானின் தாகாஹிரோவை வீழ்த்தினார். அரையிறுதியில் சுனில் 12-8 என கஜகஸ்தானின் அஸ்மத்தை தோற்கடித்தார். பைனலில் கிர்கிஸ்தானின் ஆசாத்தை எதிர் கொண்டார். 
  • அபாரமாக விளையாடிய சுனில் 5-0 என வெற்றி பெற்று தங்கத்தை தட்டிச்சென்றார்.அர்ஜுன் வெண்கலம்55 கி.கி., பிரிவு காலிறுதியில் இந்திய வீரர் அர்ஜுன் 10-2 என சவுதியின் டுரோகி அலியை வீழ்த்தினார். 
  • பின், அரையிறுதியில் ஈரானின் முகமதுவிடம் 7-8 என போராடி தோல்வியடைந்தார். வெண்கலத்திற்கான போட்டியில் அர்ஜுன் 7-4 என கொரியாவின் டாங்யிக்கை வீழ்த்தினார்.
  • இந்தியாவின் சச்சின் ராணா (63 கி.கி.,) தகுதிச்சுற்றுப்போட்டியில், கஜகஸ்தானின் டியானரை 6-0 என வீழ்த்தினார். பின், நடந்த காலிறுதியில், உஸ்பெகிஸ்தானின் எல்முராத்திடம் 0-8 என தோல்வியடைந்தார்.
  • இந்திய வீரர் மேகர் சிங் (130 கி.கி.,) காலிறுதியில் 4-0 என உஸ்பெகிஸ்தானின் டேலரை தோற்கடித்தார். இவர் அரையிறுதியில் 9-1 என கொரியாவின் மின்சியோக்கிடம் வீழ்ந்தார். பின், நடந்த வெண்கலத்திற்கான போட்டியில் மேகர் 2-3 என கிர்கிஸ்தானின் ரோமனிடம் தோல்வியடைந்தார்.