Sunday, 30 June 2019

DOWNLOAD JUNE 2019 CURRENT AFFAIRS TNPSC SHOUTERS TAMIL PDF

TNPSCSHOUTERS


TNPSC SHOUTERS  - JUNE 2019
CURRENT AFFAIRS
S.NO
DAY & MONTH
DOWNLOAD LINK
1.
1st JUNE 2019
2.
2nd JUNE 2019
3.
3rd JUNE 2019
4.
4th JUNE 2019
5.
5th JUNE 2019
6.
6th JUNE 2019
7.
7th JUNE 2019
8.
8th JUNE 2019
9.
9th JUNE 2019
10.
10th JUNE 2019
11.
11th JUNE 2019
12.
12th JUNE 2019
13.
13th JUNE 2019
14.
14th JUNE 2019
15.
15th JUNE 2019
16.
16th JUNE 2019
17.
17th JUNE 2019
18.
18th JUNE 2019
19.
19th JUNE 2019
20.
20th JUNE 2019
21.
21st JUNE 2019
22.
22nd JUNE 2019
23.
23rd JUNE 2019
24.
24th JUNE 2019
25.
25th JUNE 2019
26.
26th JUNE 2019
27.
27th JUNE 2019
28.
28th JUNE 2019
29.
29th JUNE 2019
30.
30th JUNE 2019



மே மாத ஜிஎஸ்டி வசூல் ரூ.1,00,289 கோடி
  • 2019 ம் ஆண்டின் மே மாதத்தில் ரூ.1,00,289 கோடி ஜிஎஸ்டி வசூலிக்கப்பட்டுள்ளதாக மத்திய நிதியமைச்சகம் அறிவிப்பு வெளியிட்டுள்ளது.
  • இந்த அறிவிப்பின் படி,மொத்த ஜிஎஸ்டி வசூல் - ரூ.1,00, 289 கோடி சிஜிஎஸ்டி - ரூ.17,811 கோடி எஸ்ஜிஎஸ்டி - ரூ.24,462 கோடி ஐஜிஎஸ்டி - ரூ.49,891 கோடி (இறக்குமதியுடன் ரூ.24,875 கோடி) செஸ் - ரூ.8,125 கோடி (இறக்குமதி உள்ளிட்ட வசூல் ரூ.953 கோடி)
சமூக நல திட்டங்களைப் பெற வருமான உச்சவரம்பு ரூ.72 ஆயிரமாக உயர்வு
  • பெண் குழந்தைகள், மகளிர் மற்றும் சமூகத்தில் மிகவும் பின்தங்கிய நிலையில் உள்ளவர்களின் மேம்பாட்டை உறுதி செய்யும் வகையிலும், நிலையான வளர்ச்சிக்கான இலக்குகளை எட்டும் வகையிலும் தமிழக அரசின் மகளிர் நலத் திட்டங்கள் செயல்படுத்தப்பட்டு வருகின்றன. 
  • ஆதரவற்ற பெண்கள், விதவைகள், ஆதரவற்ற குழந்தைகள், மூன்றாம் பாலினத்தவர் ஆகியோரை மேம்படுத்தவும், சமநிலை அடையவும் பல சிறப்புத் திட்டங்களை தமிழக அரசு செயல்படுத்தி வருகிறது. 
  • மூவலூர் ராமாமிர்தம் அம்மையார் நினைவு திருமண நிதியுதவித் திட்டம், ஈ.வெ.ரா. மணியம்மையார் நினைவு ஏழை விதவையர் மகள் திருமண நிதியுதவித் திட்டம் ஆகிய திட்டங்களின் கீழ் பயன்பெற இதுவரை நிர்ணயிக்கப்பட்டிருந்த ஆண்டு வருமான உச்சவரம்பு, ரூ.24 ஆயிரத்தில் இருந்து ரூ.72 ஆயிரமாக உயர்த்தப்பட்டு வழங்கப்பட்டு வருகிறது.
தேசிய தரவரிசையில் சென்னை பல்கலைக்கழகத்திற்கு முன்னேற்றம்
  • தேசிய தரவரிசையில் 2 ஆண்டுகளுக்கு முன் 41-வது இடத்தில் இருந்த சென்னை பல்கலைக்கழகம் தற்போது முதல் 20 இடங்களுக்குள் முன்னேற்றியிருப்பதாக துணைவேந்தர் துரைசாமி தெரிவித்துள்ளார்.
தேசிய சப்-ஜூனியர் வலுதூக்கும் போட்டி: ஆண்கள் பிரிவில் தமிழ்நாடு சாம்பியன்
  • குடியாத்தத்தில் கே.எம்.ஜி. கல்லூரியில் 5 நாள்கள் நடைபெற்ற தேசிய அளவிலான சப்-ஜூனியர் வலுதூக்கும் போட்டிகளில் தமிழ்நாடு ஆண்கள் பிரிவு சாம்பியன் பட்டம் வெற்றது.
  • தமிழ்நாடு வலுதூக்கும் சங்கமும், வேலூர் மாவட்ட வலுதூக்கும் சங்கமும் இணைந்து சப்- ஜூனியர், மாஸ்டர்ஸ் வலுதூக்கும் போட்டிகளை நடத்தின. ஆண்களுக்கான மாஸ்டர் 2-ஆம் பிரிவில் சிறந்த வலுதூக்கும் வீரர் மற்றும் இந்தியாவின் இரும்பு மனிதர் பட்டத்தை தமிழகத்தைச் சேர்ந்த சீவூர் சி. மூர்த்தி, மாஸ்டர் 4-ஆம் பிரிவில் தமிழகத்தைச் சேர்ந்த ஏ. இளமுருகன் சிறந்த வலுதூக்கும் வீரர் என்ற பட்டத்தையும் தட்டிச் சென்றனர்.
  • சப்- ஜூனியர் பிரிவில் சிறந்த வலுதூக்கும் வீரர் பட்டத்தை ராஜஸ்தானைச் சேர்ந்த நரேஷ் ராம்வாத், பெண்கள் பிரிவில் கேரளத்தைச் சேர்ந்த நந்தனா ஆகியோர் பெற்றனர். ஆண்கள் பிரிவில் 190 புள்ளிகள் பெற்று தமிழ்நாடு முதலிடத்தையும், 161 புள்ளிகள் பெற்று மகாராஷ்டிரம் 2-ஆம் இடத்தையும், 125 புள்ளிகள் பெற்று மத்தியப் பிரதேசம் 3-ஆம் இடத்தையும் பிடித்தன. பெண்கள் பிரிவில் 65 புள்ளிகள் பெற்று மகாராஷ்டிரம் முதலிடத்தையும், 53 புள்ளிகள் பெற்று மணிப்பூர் 2-ஆம் இடத்தையும், 32 புள்ளிகள் பெற்று அஸ்ஸாம் 3-ஆம் இடத்தையும் பிடித்தன.
டிரம்ப் அதிரடிக்குப் பதிலடி: ரூ.4.2 லட்சம் கோடி அமெரிக்கப் பொருள்கள் மீது சீனா கூடுதல் வரி விதிப்பு
  • தங்கள் நாட்டுப் பொருள்களுக்கு அமெரிக்கா கூடுதல் வரி விதித்துள்ளதற்குப் பதிலடியாக, அந்த நாட்டிலிருந்து இறக்குமதியாகும் ரூ.4.2 லட்சம் கோடி (6,000 கோடி டாலர்) மதிப்பிலான பொருள்களுக்கு 25 சதவீதம் வரை கூடுதல் வரி விதிப்பதாக சீனா அறிவித்துள்ளது.
  • 10 சதவீதம் முதல் 25 சதவீதம் வரை இந்த வரி உயர்வு இருக்கும். அமெரிக்காவிலிருந்து இறக்குமதியாகும் அழகுசாதனப் பொருள்கள், விளையாட்டு சாதனங்கள், இசைக் கருவிகள், ஒயின், ஆணுறைகள், வைரம், மரப் பொருள்கள், துணி வகைகள், பொம்மைகள் ஆகிய பொருள்கள் மீது கூடுதல் வரி விதிக்கப்படுகிறது.

30th JUNE CURRENT AFFAIRS 2019 TNPSC SHOUTERS TAMIL PDF

TNPSCSHOUTERS
தமிழகத்தின் வண்ணத்துப்பூச்சியாக "தமிழ் மறவன்' தேர்வு: அரசு அறிவிப்பு
  • தமிழ்நாட்டின் அடையாளங்களாக சிலவற்றை மாநில அரசு அங்கீகரித்துள்ளது. அதன்படி, மாநில விலங்காக வரையாடும், பறவையாக மரகதப் புறாவும், மலராக செங்காந்தளும், மரமாக பனை மரமும் உள்ளன. அந்த வரிசையில் தற்போது மாநில வண்ணத்துப்பூச்சியாக "தமிழ் மறவன்' என்ற வகை வண்ணத்துப்பூச்சியை தமிழக அரசு தேர்வு செய்து அறிவித்துள்ளது.
  • நாடு சுதந்திரம் அடைவதற்கு முன்பு, ஆங்கிலேயர்கள் வண்ணத்துப்பூச்சிகள் கணக்கெடுப்பை நடத்தினர். இதில் 324 வகை வண்ணத்துப்பூச்சிகள் இருப்பதாக அட்டவணைப்படுத்தியுள்ளனர். இதில் 311 வகை வண்ணத்துப்பூச்சி வகைகளை, வண்ணத்துப்பூச்சி ஆர்வலர்கள் தற்போது கண்டறிந்து அதனை வகைப்படுத்தியுள்ளனர். மேலும், 13 வகை வண்ணத்துப்பூச்சிகளைத் தேடி வருகின்றனர்.
  • "சிர்ரோசாரா தாய்ஸ்' என்ற அறிவியல் பெயர் கொண்ட இந்த வண்ணத்துப்பூச்சி தமிழகத்தில் மேற்குத் தொடர்ச்சி மலையில் நீரோடைகள், ஈரமான பகுதிகளில் வாழும். குறிப்பாக மேட்டுப்பாளையத்தை அடுத்த கல்லாறு, சிறுவாணி பகுதிகளில் இவற்றை அதிகமாக காணலாம்.
  • பழுப்பு ஆரஞ்ச் நிறத்தில் கருப்பு புள்ளிகள் கொண்ட இவை மரவொட்டி என்ற தாவரத்தில் முட்டையிட்டு, வளரும் தன்மை கொண்டதாகும். மேற்குத் தொடர்ச்சி மலைப் பகுதிகளில் பிப்ரவரி மாதம் முதல் மே மாதம் வகையில் அதிக அளவில் இவற்றைக் காணலாம். 
  • 60 மி.மீ. முதல் 75 மி.மீ. வரை இதன் உடல் அளவும், ஒரு வாரம் முதல் 3 மாதங்கள் வரை இதன் ஆயுள்காலமும் இருக்கும். 
திருப்பத்தூர் அருகே கி.பி.13-ஆம் நூற்றாண்டு நடுகற்கள் கண்டெடுப்பு
  • திருப்பத்தூரில் இருந்து 10 கி.மீ. தொலைவில் உள்ள தாதனவலசு என்ற இடத்தில் அமைந்துள்ள வேடியப்பன் கோவில் வளாகத்தில் நான்கு நடுகற்கள் காணப்படுகின்றன. 
  • திருப்பத்தூரில் இருந்து ஜவ்வாதுமலைக்குச் செல்லும் குறுக்குப் பாதையான வழித்தடத்தில் சாலையோரம் வேடியப்பன் கோவில் அமைந்துள்ளது. இங்கு பழைமையான எட்டிமரத்தின் அடியில் வலக்கரங்களில் அம்பும் இடக்கரங்களில் வில்லும் ஏந்திய நிலையில் மூன்று வீரர்கள் காணப்படுகின்றனர். 
  • இவ்வீரர்கள் மூவரும் அலங்கரிக்கப்பட்ட நேரான கொண்டையை முடிந்துள்ளனர். கழுத்தில் ஆறு அடுக்குகளைக் கொண்ட கழுத்தணியை அணிந்துள்ளனர். முதுகில் அம்புகள் தாங்கிய கூட்டையும், இடைக் கச்சையுடன் குறுவாளும், காதுகளில் குண்டலமும், புயங்களில் பூண்களும், கால்களில் வீரக்கழலும் அணிந்துள்ளனர்.
  • இத்தோற்றம் இவர்களை இங்கு நடைபெற்ற போரில் தலைமையேற்றவர்கள் என்பதை உணர்த்துகின்றன. இவர்களுக்கு நேரெதிரே வலக்கரத்தில் கட்டாரியும் இடக்கரத்தில் குறு வாளும் ஏந்திய வீரன் உருவமும் உள்ளது. சற்று தொலைவில் கையில் மதுக்குடத்துடன் ஒரு பெண் சிற்பமும் இடம்பெற்றுள்ளது. இவை இவ்வட்டாரத்தில் நடைபெற்ற போரில் மடிந்த வீரர்களுக்கான நடுகற்களாகும்.
  • கையில் மதுக்குடத்துடன் வீற்றிருக்கும் பெண் வீரர்களில் எவரேனும் ஒருவரது மனைவியாக இருக்கக் கூடும். வீரனோடு அப்பெண்ணும் இறந்த செய்தியை இச்சதிக்கல் அறிவிக்கிறது.
  • இந்நடுகற்கள் விஜயநகரப் பேரரசின் தொடக்க காலகட்டத்தைச் சேர்ந்தவையாக இருக்கக்கூடும். அவற்றை வேடியப்பன் கல் என்றும், அவை அமைந்துள்ள கோயில்களை வேடியப்பன் கோயில் என்றும் அழைப்பது வட தமிழகத்தில் பரவலாகக் காணப்படுகிறது.



ஜி.எஸ்.டி., வரி வசூலில் தெலுங்கானா 'டாப்'
  • கடந்த நிதியாண்டில், இந்திய அளவில் அதிக ஜி.எஸ்.டி., வசூலில் ஐதராபாத் மண்டலம் சாதனை படைத்துள்ளது. ஒட்டுமொத்த ஜி.எஸ்.டி,. வசூல்தொகையில் இந்தியாவிலேயே, 4 சதவீதத்தை தெலுங்கானா மட்டும் வசூலித்துள்ளது. 
  • ரூ.36,212 கோடி வசூல் கடந்த 2018-19 நிதியாண்டில், தெலுங்கானா மொத்தமாக 36 ஆயிரத்து 212 கோடி ரூபாய் வசூலித்துள்ளது. இது இந்திய அளவில் 4 சதவீத தொகையாகும். இதில், தெலுங்கானாவின் தலைநகரான ஐதராபாத் மண்டலம் 28 சதவீத கூடுதல் ஜி.எஸ்.டி., வசூலித்து சாதனை படைத்துள்ளது. இது நாட்டிலேயே அதிகமாகும். 
  • தெலுங்கானாவில் நாட்டிலேயே 3 சதவீதமான வரி செலுத்துவோர் உள்ளனர். இந்த வரி இலக்கு 19 ஆயிரத்து 420 கோடி ரூபாயாகும். 
ரஷ்யாவுடன் ரூ.200 கோடியில் டாங்க் எதிர்ப்பு ஏவுகணை ஒப்பந்தம்
  • ரஷ்யாவிடமிருந்து இந்தியா ரூ.200 கோடிக்கு நவீன டாங்க் எதிர்ப்பு ஏவுகணைகளை வாங்குவதற்கு ஒப்பந்தம் போட்டுள்ளது. எம்.ஐ.- 35 ஹெலிகாப்டர் இந்தியாவின் எம்.ஐ.35 போர் ஹெலிகாப்டர்களில் பொருத்தி ஏவுவதற்கு ஏற்றாற்போன்றவை இந்த ஏவுகணைகள். 
  • இந்திய விமானப்படையின் பழமையான அமெரிக்க வகை அப்பாச்சி கன்சிப்ஸ்ஐ மாற்றிவிட்டு, இந்தவகை ஏவுகணைகள் பொருத்தப்பட உள்ளன. 
பாகிஸ்தானுக்கு ரூ.5,322 கோடி கடன்
  • நிதி நெருக்கடியில் சிக்கி தவிக்கும் பாகிஸ்தானுக்கு, ரூ.5,322 கோடி ரூபாய் கடன் அளிக்க, உலக வங்கி சம்மதம் தெரிவித்துள்ளது. 
  • மொத்த தொகையான ரூ.4,495 கோடி கராச்சி நகரின் மேம்பாடு, பொது போக்குவரத்து, குடிநீர், சுகாதாரம் போன்ற வளர்ச்சி திட்டங்களுக்கு பயன்பட உள்ளது. 
  • மீதி உள்ள ரூ.482 கோடி அந்நாட்டின் கைபர் - பக்துன்வா மாகாணத்தின் சுற்றுலா மேம்பாட்டுக்காவும் வழங்கப்படுகிறது.

Saturday, 29 June 2019

29th JUNE CURRENT AFFAIRS 2019 TNPSC SHOUTERS TAMIL PDF

TNPSCSHOUTERS
புதிய தலைமைச் செயலாளராக க.சண்முகம் நியமனம்
  • தமிழக அரசின் புதிய தலைமைச் செயலாளராக க.சண்முகம் நியமிக்கப்பட்டுள்ளார். இதற்கான அறிவிப்பை ஆளுநர் பன்வாரிலால் புரோஹித்தின் ஒப்புதலுடன் பணியில் இருந்து ஓய்வு பெறவுள்ள தலைமைச் செயலாளர் கிரிஜா வைத்தியநாதன் சனிக்கிழமை பிறப்பித்தார். புதிய தலைமைச் செயலாளர் க.சண்முகம் திங்கள்கிழமை பொறுப்பேற்க உள்ளார்.
காவல்துறை சட்டம் - ஒழுங்கு டி.ஜி.பி.யாக ஜே.கே.திரிபாதி நியமனம்
  • தமிழக காவல்துறை சட்டம் மற்றும் ஒழுங்கு டி.ஜி.பி.யாக ஜே.கே.திரிபாதியை நியமித்து தமிழக அரசு சனிக்கிழமை உத்தரவிட்டது.
  • தமிழக சட்டம் மற்றும் ஒழுங்கு டி.ஜி.பி.யாக இருந்து வந்த தே.க.ராஜேந்திரன் ஞாயிற்றுக்கிழமையுடன் (ஜூன் 30) ஓய்வு பெறுகிறார்.
  • இந்த பதவிக்கு பணி ஓய்வு பெறுவதற்கு 6 மாதங்களுக்கு மேல் இருக்கும் டி.ஜி.பி.க்கள் ஜே.கே.திரிபாதி, ஜாபர்சேட், லட்சுமி பிரசாத், அசுதோஷ் சுக்லா உள்ளிட்ட உயரதிகாரிகள் தகுதி உடையவர்களாகக் கருதப்பட்டனர். இவர்களில் பணிமூப்பு அடிப்படையில் தமிழ்நாடு சீருடைப் பணியாளர் தேர்வு குழுமத்தின் தலைவர் டி.ஜி.பி. ஜே.கே.திரிபாதிக்கு அதிக வாய்ப்பு இருப்பதாக கூறப்பட்டது.
பருவநிலை மாற்றம் ஒப்பந்தந்தை தொடர்ந்து செயல்படுத்த ஜி20 நாடுகள் ஒப்புதல்
  • உலக வெப்பமயமாதல் பிரச்னைக்கு காரணமாக பசுமை குடில் வாயுக்களின் வெளியேற்றத்தை கட்டுப்படுத்த, அமெரிக்கா மற்றும் 187 நாடுகள் செய்து கொண்ட ஒப்பந்தம் பாரீஸ் பருவநிலை மாற்ற ஒப்பந்தம் எனப்படுகிறது.
  • அமெரிக்க அதிபராக ஒபாமா இருந்த போது ஏற்படுத்தப்பட்ட இந்த ஒப்பந்தத்தில் இருந்து விலகுவதாக சில மாதங்களுக்கு முன்னர் டிரம்ப் அறிவித்தார். 
  • இந்நிலையில், ஜப்பானின் ஒசாகா நகரில் நடந்த ஜி20 மாநாட்டின் நிறைவு நாளான இன்று (ஜூன் 29) பருவநிலை மாற்றத்திற்கு எதிரான பாரீஸ் பருவநிலை மாற்ற ஒப்பந்தத்தை முழுவீச்சில் செயல்படுத்த அமெரிக்காவை தவிர்த்த 19 நாட்டு தலைவர்கள் உறுதியேற்றனர்.
ஆப்பிரிக்கா - ஐரோப்பாவை இணைக்கும் ஆழ்கடல் கேபிள் திட்டம்: ஈக்வானோ
  • கூகிள் நிறுவனத்தின் தாய் நிறுவனமான ஆல்பபெட் நிறுவனம் மேகக்கணிமை கட்டமைப்பினை மேம்படுத்த ஆப்பிரிக்கா - ஐரோப்பாவை இணைக்கும் ஆழ்கடல் கேபிள் திட்டம் : ஈக்வானோ திட்டத்தினை ஆரம்பிக்க உள்ளதாகவும், அதற்கான முழு செலவையும் கூகிளே செய்ய உள்ளதாக அந்நிறுவனம் தெரிவித்துள்ளது. உலக அளவில் ஆழ்கடல் இணையம் வழியை அளிக்கும் நிறுவனங்களில் கூகிள் மூன்றாவதாக உள்ளது குறிப்பிடத்தக்கது
  • உலக அளவில் இணைய இணைப்பினை அதிவேகமாக மாற்றுவதற்காக இந்நிறுவனத்தின் 14 வது ஆழ்கடல் திட்டமாக ஆப்பிரிக்கா-ஐரோப்பா திட்டம் விளங்குவதாக தெரிவித்துள்ளார்
  • இந்தப்பணியை அல்காடெல் சப்மரைன் நெட்வொர்க்ஸ் செய்ய உள்ளது. முதல்கட்டமாக இந்நிறுவனம் தென் ஆப்பிரிக்கா-, போர்ச்சுக்கல் இடையே ஆழ்கடல் கேபிள் மூலம் 2021ம் ஆண்டு இணைக்கும் என்றும் தெரிவித்தார்



மிஸ் யுனிவர்ஸ் ஆஸ்திரேலியாவாகத் தேர்வான இந்திய வம்சாவளி பெண்
  • இந்தியாவைப் பூர்வீகமாகக் கொண்ட பிரியா செராரோ, 2019-ம் ஆண்டின் 'மிஸ் யுனிவர்ஸ் ஆஸ்திரேலியா' பட்டத்தை வென்றிருக்கிறார். இவர், இந்த ஆண்டு நடைபெறவிருக்கும் 'பிரபஞ்ச அழகிப் போட்டியில்', ஆஸ்திரேலியா சார்பாகப் பங்குபெறப்போகிறார்.
2025-க்குள் ரூ.3.5 லட்சம் கோடி மதிப்பில் வர்த்தகம்: இந்தியா-இந்தோனேசியா ஒப்பந்தம்
  • ஜப்பானின் ஒசாகா நகரில் ஜி20 நாடுகளின் 14-ஆவது உச்சிமாநாடு சனிக்கிழமை நடைபெற்றது. மாநாட்டினிடையே, துருக்கி, பிரேசில் உள்ளிட்ட 6 நாடுகளின் தலைவர்களுடன் பிரதமர் நரேந்திர மோடி இருதரப்பு பேச்சுவார்த்தை நடத்தினார்.
  • "மோடி-ஜோகோ விடோடோ இடையேயான சந்திப்பின்போது, பாதுகாப்பு, கடல்சார் பாதுகாப்பு, விண்வெளி ஆராய்ச்சி, வர்த்தகம் மற்றும் முதலீடு உள்ளிட்ட பல்வேறு துறைகளில் இருநாடுகளுக்கிடையேயான ஒத்துழைப்பை மேம்படுத்த இருவரும் உறுதிபூண்டனர். 
  • வரும் 2025-ஆம் ஆண்டுக்குள் ரூ.3.5 லட்சம் கோடி மதிப்பில் வர்த்தகம் மேற்கொள்ளவும் இருநாட்டுத் தலைவர்கள் இலக்கு நிர்ணயித்தனர்' என்று குறிப்பிட்டிருந்தார்.
  • இந்தியாவுக்கும் இந்தோனேசியாவுக்கும் இடையேயான வர்த்தக மதிப்பு கடந்த 2016-ஆம் ஆண்டில் சுமார் ரூ.90,300 கோடியாக இருந்தது. இது கடந்த 2017-ஆம் ஆண்டு ரூ.1.26 லட்சம் கோடியாக அதிகரித்தது. இந்நிலையில், தற்போது ரூ.3.5 லட்சம் கோடி மதிப்பில் வர்த்தகம் மேற்கொள்ள இலக்கு நிர்ணயிக்கப்பட்டுள்ளது.
  • இருநாட்டு வர்த்தகத்தில் இந்தோனேசியாவின் கையே ஓங்கியிருக்கிறது. சுமார் ரூ.98,000 கோடி மதிப்பிலான பொருள்களை அந்நாடு இந்தியாவுக்கு ஏற்றுமதி செய்கிறது. இந்தோனேசியாவுக்கான இந்தியப் பொருள்களின் ஏற்றுமதி சுமார் ரூ.28,000 கோடியாக உள்ளது.
பயங்கரவாத நிதி முடக்கம்: ஜி20 நாடுகள் தீர்மானம்
  • பயங்கரவாதத்துக்கு நிதி கிடைப்பதை முடக்க நடவடிக்கை எடுப்பது என்று ஜி20 அமைப்பு நாடுகளால் வெளியிடப்பட்ட பிரகடனத்தில் தெரிவிக்கப்பட்டுள்ளது. உலக வர்த்தக அமைப்பில் சீர்திருத்தம் மேற்கொள்ளப்பட வேண்டும் என்றும் அந்தப் பிரகடனத்தில் வலியுறுத்தப்பட்டுள்ளது.
  • உலகப் பொருளாதார வளர்ச்சி தேக்கம் அடைந்துள்ள நிலையில், உலகளாவிய வர்த்தகம் மற்றும் புவி அரசியல் தொடர்பான பதற்றங்கள் தீவிரமாகியுள்ளன. இந்த இடர்களுக்கு தீர்வு காணவும், இதற்கான நடவடிக்கையை எடுக்கவும் தயாராக இருப்பது என்று வலியுறுத்தப்பட்டுள்ளது. வலுவான மற்றும் அனைத்தையும் உள்ளடக்கிய வளர்ச்சியை அடைவதற்கு நம்பிக்கையை ஏற்படுத்தும் நடவடிக்கைகள் மற்றும் பேச்சுவார்த்தையை தீவிரப்படுத்துவது, இதற்காக பல்வேறு கொள்கைத் திட்டங்களை பயன்படுத்துவது என்று முடிவு செய்யப்பட்டுள்ளது. 
  • வளங்களை பயன்படுத்துதல் மற்றும் நிர்வாக சீர்திருத்தம் ஆகியவற்றுக்கு முன்னுரிமை கொடுத்து சர்வதேச செலாவணி நிதியம் (ஐஎம்எஃப்) செயல்பட வேண்டும். பலமுனை அணுகுமுறையின்கீழ் கடன் பதிவு, கண்காணித்தல் மற்றும் தகவல் அளித்தல் உள்ளிட்ட துறைகளில் வாங்குவோருக்கான திறனை அதிகரிப்பதற்குரிய நடவடிக்கைகளை சர்வதேச செலாவணி நிதியமும், உலக வங்கிக் குழுமமும் தொடர்ந்து எடுக்க வேண்டும் என்று ஜி20 நாடுகள் வலியுறுத்துகின்றன.
  • சர்வதேச நிதி ஸ்திரத்தன்மைக்கு நவீன டிஜிட்டல் செலாவணியால் எந்த வகையிலும் சவால் உருவாகிவிடக் கூடாது. ஊழலை எதிர்கொள்ளும் விவகாரத்தில், 2019-2021-ஆம் ஆண்டுக்கான ஊழல் எதிர்ப்பு செயல் திட்டத்தை செயல்படுத்துவதற்கு ஜி20 நாடுகள் உறுதிபூண்டுள்ளன. வெளிநாடுகளால் அளிக்கப்படும் லஞ்சத்துக்கு எதிரான நடவடிக்கைகளை தீவிரப்படுத்தவும், வெளிநாட்டு லஞ்சத்தை கிரிமினல் குற்றமாக்கும் வகையில் ஜி20 அமைப்பில் அங்கம் வகிக்கும் நாடுகளில் தேசிய சட்டம் கொண்டு வரவும் தீர்மானிக்கப்பட்டுள்ளது.
  • ஊழல் குற்றங்களில் தேடப்படும் நபர்களுக்கு புகலிடம் அளிக்காமல், ஊழலை தடுக்கும் சர்வதேச நடவடிக்கைக்கு தலைமை ஏற்கவும், ஊழல்வாதிகளின் சொத்துகளை பறிமுதல் செய்யும் நடவடிக்கையில் இணைந்து செயல்படவும் ஜி20 நாடுகள் முடிவு செய்துள்ளன என்று அந்தப் பிரகடனத்தில் குறிப்பிடப்பட்டுள்ளது.



தேசிய டென்னிஸ் ஒற்றையர் பிரிவு சாம்பியன்கள்
  • சென்னையில் நடைபெற்ற தேசிய யு-14 டென்னிஸ் தொடரின் சிறுவர் ஒற்றையர் பிரிவு பைனலில், மேற்கு வங்க வீரர் அருனவா மஜும்தார் 7-5, 6-0 என்ற நேர் செட்களில் தமிழகத்தின் நிதிஷ் பாலாஜியை வீழ்த்தி சாம்பியன் பட்டத்தை தட்டிச் சென்றார்.
  • சிறுமியர் ஒற்றையர் பிரிவு பைனலில் தமிழக வீராங்கனை குந்தனா 6-2, 6-0 என்ற நேர் செட்களில் மகாராஷ்டிராவின் ரூமா அசுதோஷை வீழ்த்தி முதலிடம் பிடித்தார். சாம்பியன்கள் அருனவா, குந்தனா இருவரும் உற்சாகமாக போஸ் கொடுக்கின்றனர்.
அகில இந்திய கைப்பந்து போட்டியில் தென் மத்திய ரெயில்வே அணி 'சாம்பியன்'
  • அகில இந்திய கைப்பந்து போட்டி சென்னை எழும்பூரில் உள்ள மேயர் ராதாகிருஷ்ணன் மைதானத்தில் நடந்து வருகிறது. இதில் 6-வது நாளான நேற்று பெண்கள் பிரிவில் நடந்த இறுதிப்போட்டியில் தென் மத்திய ரெயில்வே (செகந்திராபாத்)-சாய் (தலச்சேரி) அணிகள் மோதின. 
  • விறுவிறுப்பான இந்த போட்டியில் தென் மத்திய ரெயில்வே அணி 25-20, 25-19, 25-21 என்ற நேர்செட்டில் சாய் அணியை தோற்கடித்து சாம்பியன் பட்டத்தை கைப்பற்றியது.
பெங்களூரு தேசிய கிரிக்கெட் அகாடமியின் தலைவராக ராகுல் டிராவிட் நியமனம்
  • பெங்களூரு தேசிய கிரிக்கெட் அகாடமியின் தலைவராக ராகுல் டிராவிட் நியமிக்கப்பட்டுள்ளார்.நாளை ஜூலை 1ம் தேதி அவர் தலைவராக பொறுப்பேற்கிறார்.
  • இந்திய அணியின் முன்னாள் கிரிக்கெட் வீரரும், 19 வயதுக்குட்பட்டோருக்கான கிரிக்கெட் அணியின் பயிற்சியாளருமான ராகுல் டிராவிட் பெங்களூருவில் இயங்கி வரும்தேசிய கிரிக்கெட் அகாடமியின் தலைவராக நியமிக்கப்பட்டுள்ளார்.

Friday, 28 June 2019

28th JUNE CURRENT AFFAIRS 2019 TNPSC SHOUTERS TAMIL PDF

TNPSCSHOUTERS
இந்தியாவிலிருந்து ஆண்டுக்கு கூடுதலாக 30,000 பேர் ஹஜ் பயணம் செல்லலாம் ஒப்புதல் அளித்தது சவுதி
  • ஜப்பான் சென்றுள்ள பிரதமர் நரேந்திர மோடி சவுதி இளவரசர் பின் சல்மானை சந்தித்து பேசினார். அப்போது இந்தியாவிலிருந்து வரும் ஹஜ் பயணிகளின் எண்ணிக்கையை உயர்த்த நடவடிக்கை எடுக்கப்படும் என சல்மான் உறுதி அளித்தார்.
  • ஹஜ் யாத்திரை என்பது முஸ்லிம்கள் ஆண்டு தோறும் சவூதி அரேபியா நாட்டில் உள்ள மக்கா நகருக்கு மேற்கொள்ளும் புனிதப் பயணம். இது முஸ்லிம்களின் ஐம்பெரும் கடமைகளில் ஒன்றாகக் கருதப்படுகிறது.
  • ரு முஸ்லிம் தன் வாழ்க்கையில் ஒருமுறையாவது இப்பயணத்தை செய்ய வேண்டும் என்று கூறப்பட்டுள்ளது. இது இறைவனை வணங்குவதற்கான ஓர் தனி முறையாகும். உடல் நலமும் பணவசதியும் உள்ள இசுலாமியர் ஓவ்வொரும் தன் ஆயுளில் ஒரு முறையேனும் ஹஜ் செய்ய வெண்டும் என அம்மார்கத்தில் அறிவுறுத்தப்பட்டுள்ளது.
  • இந்நிலையில் ஜி20 மாநாட்டிற்காக ஜப்பான் சென்றுள்ள பிரதமர் மோடி, சவுதி அரேபிய இளவரசரை சந்தித்து இரு நாடுகளுக்கிடையேயான உறவுகளை மேம்படுத்துவது குறித்து ஆலோசித்தார். மேலும் இந்த சந்திப்பின் போது முதலீடு, எரிசக்தி பாதுகாப்பு, தீவிரவாதத்தை ஒழித்தல் உட்பட பல்வேறு முக்கிய விவகாரங்கள் குறித்தும் விரிவாக ஆலோசிக்கப்பட்டதாக தெரிகிறது.
  • இந்தியா - சவுதி தரப்பு பேச்சு குறித்து செய்தியாளர்களிடம் பேசிய இந்திய வெளியுறவுத்துறை அமைச்சக செய்தி தொடர்பாளர் விஜய் கோகலை, தற்போது நாடு முழுவதிலுமிருந்து ஆண்டுதோறும் 1.70 லட்சம் முஸ்லிம்கள் புனித ஹஜ் பயணம் செல்கின்றனர்.
  • இந்த எண்ணிக்கையை 2 லட்சமாக அதிகரிக்க பிரதமர் மோடி, சவுதிஅரேபிய இளவரசரிடம் கோரிக்கை விடுத்திருந்தார். இந்த கோரிக்கையை ஏற்று கொண்ட சவுதி இளவரசர், கூடுதலாக 30 ஆயிரம் இந்திய முஸ்லிம்களுக்கு ஹஜ் புனித யாத்திரை வர அனுமதி அளிக்கப்படும் என உறுதி கூறியுள்ளார்.
2020-இல் உணவு சில்லறை விற்பனை ரூ. 61 லட்சம் கோடியை எட்டும்: மத்திய இணை அமைச்சர் பேச்சு
  • தஞ்சாவூரில் உள்ள இந்திய உணவு பதன தொழில்நுட்பக் கழகத்தில் வெள்ளிக்கிழமை நடைபெற்ற உணவு பதப்படுத்துதலில் வளர்ந்து வரும் தொழில்நுட்பம் குறித்த தேசிய அளவிலான கருத்தரங்கத்தில் பங்கேற்ற அவர் பேசியது:
  • உலக அளவில் உணவு தானியங்கள் உற்பத்தியில் இந்தியா முன்னணியில் இருக்கிறது. உணவு சந்தையில் நாம் வளர்ந்து வரும் நிலையில், உணவு சில்லறை விற்பனையில் 2020 -ஆம் ஆண்டில் ரூ. 61 லட்சம் கோடியை எட்டுவோம் என எதிர்பார்க்கப்படுகிறது. 
  • பால், வாழை, மாம்பழம், நறுமணப் பொருள்கள், இறால், பயறு வகைகள், சிறு தானியங்கள், காய்கறிகள், தேயிலை ஆகியவற்றில் இந்தியா முதன்மை இடத்தில் உள்ளது. அறுவடைக்குப் பிந்தைய இழப்பானது விநியோகத் துறையில் மிகப் பெரிய பாதிப்பை ஏற்படுத்துகிறது. இதனால், ஒவ்வொரு ஆண்டும் இழப்பு கணிசமாக தொடர்வது வருத்தமளிக்கிறது.
  • அழுகாத விளைபொருள்களில் 3 முதல் 10 சதவீதமும், பாதி அழுகும் தன்மையுடைய பொருள்களான பால், மீன், மாமிசம், முட்டை ஆகியவற்றில் 10 முதல் 20 சதவீதமும், பழங்கள், காய்கறிகளில் 10 முதல் 20 சதவீதமும், தோட்டக்கலைப் பொருள்களில் 5 முதல் 16 சதவீதமும் தோராய இழப்பாக உள்ளது. எனவே, உணவு உற்பத்திக்குப் பிறகு பதப்படுத்துதல், பாதுகாத்தல் போன்றவற்றில் கவனம் செலுத்த வேண்டிய தேவை அதிகரித்துள்ளது.
  • விவசாயிகளின் வறுமையை ஒழிக்கும் வகையில் மத்திய அரசு ரூ. 6,000 கோடி ஒதுக்கீடு செய்துள்ளது. இந்தியாவின் உணவு சந்தையில் உணவு பதப்படுத்துதலின் பங்களிப்பு 32 சதவீதமாக உள்ளது. உணவு பதப்படுத்துதல் மாறி வரும் சூழலில் ஒவ்வொரு நாளும் புதிய கண்டுபிடிப்புகள் வருவதால், அத்துறை விரிவடைந்து வருகிறது.



ஜம்முவில் ஜனாதிபதி ஆட்சி நீட்டிப்பு மசோதா நிறைவேற்றம்
  • ஜம்மு - காஷ்மீரில், ஜனாதிபதி ஆட்சியை மேலும் ஆறு மாதங்கள் நீட்டிக்க செய்யும் மசோதா, லோக்சபாவில் நேற்று நிறைவேறியது.ஜம்மு - காஷ்மீரில், முதல்வர் மெஹபூபா முப்தி தலைமையில், மக்கள் ஜனநாயக கட்சி - பா.ஜ., கூட்டணி ஆட்சி நடைபெற்று வந்தது. 
  • கடந்த ஆண்டு ஜூனில், இந்த கூட்டணி முறிந்ததை அடுத்து, அங்கு ஜனாதிபதி ஆட்சி பிரகடனம் செய்யப்பட்டது. இங்கு, லோக்சபா தேர்தலுடன், சட்டசபை தேர்தலையும் நடத்த, தேர்தல் ஆணையம் திட்டமிட்டது.ஆனால், மார்ச்சில் நடந்த புல்வாமா தாக்குதலுக்கு பின், சட்டம் - ஒழுங்கு நிலை கருதி, சட்டசபை தேர்தல் ஒத்திவைக்கப்பட்டது.
  • இந்நிலையில், மத்திய உள்துறை அமைச்சர் அமித் ஷா, இரண்டு நாள் பயணமாக, ஜம்மு - காஷ்மீர் சென்றார். அங்கு, கவர்னர் உட்பட, உளவு மற்றும் பாதுகாப்பு துறை உயர் அதிகாரிகளை சந்தித்து, மாநிலத்தின் சட்டம் - ஒழுங்கு நிலை குறித்து ஆய்வு செய்தார்.
  • பின், டில்லி திரும்பிய அவர், ஜம்மு - காஷ்மீர் மாநிலத்தில், ஜனாதிபதி ஆட்சியை மேலும், ஆறு மாதங்கள் நீட்டிக்கும் மசோதாவை, லோக்சபாவில், நேற்று தாக்கல் செய்தார்.
  • ஜம்மு - காஷ்மீர் மாநிலத்தில், பயங்கரவாதத்தை முழுமையாக ஒழித்து, மக்கள் அமைதியான வாழ்க்கை வாழ தேவையான அனைத்து நடவடிக்கைகளையும், நரேந்திரமோடி அரசு செய்து வருகிறது. இங்கு பாதுகாப்பை பலப்படுத்துவதற்காக, 2,307 கோடி ரூபாய் செலவிடப்பட்டுள்ளது. 
ஜப்பானில் சவுதி இளவரசருடன் மோடி சந்திப்பு
  • ஜி20 நாடுகளின் உச்சி மாநாடு, ஜப்பான் நாட்டின், ஒசாகா நகரில் தொடங்கி நடந்து வருகிறது. இதில் பங்கேற்க நேற்று அதிகாலை ஒசாகா சென்றடைந்தார் பிரதமர் மோடி. ஜப்பான் பிரதமர் ஷின்சோ அபியை நேற்று அவர் சந்தித்து ஆலோசனை நடத்தினார்.
  • அப்போது, இரு நாடுகள் நடுவேயான வர்த்தகம், முதலீடு, மின்சக்தி, பாதுகாப்பு, தீவிரவாத எதிர்ப்பு உள்ளிட்ட பல விஷயங்கள் பேசப்பட்டது. இவ்வாறு அந்த ட்வீட்டில் தெரிவிக்கப்பட்டுள்ளது.