Tuesday, 27 February 2018

TNPSC SHOUTERS - CURRENT AFFAIRS FEBRUARY 2018 TAMIL PDF - 27th FEBRUARY 2018

Tnpsc Shouters


கடற்பயிற்சி இந்தியாவின் அழைப்பை நிராகரித்த மாலத்தீவு
  • இந்தியா `மிலன்' என்ற பெயரில் கடற்பயிற்சியை நடத்த இருக்கிறது. மார்ச் 6-ம் தேதி இந்தப் பயிற்சி தொடங்குகிறது. இதில் 16 நாடுகள் பங்கேற்க இருக்கின்றன. இந்தப் பயிற்சியில் பங்கேற்குமாறு இந்தியா, மாலத்தீவுக்கு அழைப்பு விடுத்தது. ஆனால், இந்த அழைப்பை மாலத்தீவு நிராகரித்திருக்கிறது. 
சவுதி அரேபியாவில் முதல் முறையாக முக்கியமான துறைக்கு துணை அமைச்சராக பெண் நியமனம்
  • சவுதி அரேபிய அரசர் சல்மான் அதிரடியாக ராணுவ தலைவர்களை மாற்றம் செய்துள்ளார். இந்த நிலையில் துணை அமைச்சர் அந்தஸ்தில் பெண் ஒருவரையும் அவர் நியமித்துள்ளார். சமூக முன்னேற்றம் மற்றும் தொழிலாளர் நலத்துறையில் டாக்டர் தாமாதர் பின்ட் யூசுப் அல் ரம்மா என்பவர் துணை அமைச்சராாக நியமிக்கப்பட்டுள்ளார்.
  • இதுபோன்ற முக்கிய துறையில் பெண் ஒருவர் துணை அமைச்சராக நியமிக்கப்படுவது அந்த நாட்டில் முதல் முறையாகும் என்பதால் முக்கியத்துவமாக பேசப்படுகிறது.
தொழில் முதலீட்டாளர்களை ஈர்ப்பதில் முந்திய கர்நாடகா - பிந்திய தமிழகம்
  • நாடு முழுவதும் பல்வேறு திட்டங்களுக்கு 3.95 லட்சம் கோடி ரூபாய் முதலீடு பெறப்பட்டுள்ளது. இதில் 0.8 சதவிகிதம் மட்டுமே தமிழகத்தில் தொழில் முதலீடு செய்யப்பட்டுள்ளதாக வர்த்தகம் மற்றும் தொழில்துறை அமைச்சகத்தின் அறிக்கையில் தெரிவித்துள்ளது.
  • இந்திய மாநிலங்களில் 1.52 லட்சம் கோடி ரூபாய் முதலீட்டை பெற்று கர்நாடக முதலிடத்தில் இருக்கிறது. 79,068 கோடி ரூபாய் முதலீட்டை பெற்று குஜராத் 2ஆம் இடத்தை பிடித்திருக்கிறது. 
  • மராட்டிய மாநிலம் 2017ஆம் ஆண்டில் 48,581 கோடி ரூபாயை முதலீட்டாக பெற்று 3ஆம் இடத்தில் உள்ளது. ஆனால் தமிழகமோ 3,131 கோடி ரூபாயை மட்டுமே பெற்றிருக்கிறது.


கர்நாடகாவில் இந்திரா உணவகத்தை அடுத்து சவிருச்சி உணவகம்!
  • கர்நாடக சட்டமன்ற தேர்தல் விரைவில் வருவதையொட்டி ஆளும் அரசு பல்வேறு திட்டங்களை அறிவித்து வருகிறது! அந்த வகையில் இன்று "சவிருச்சி" மொபைல் கேண்டின் திட்டத்தினை மகளிர் சுய உதவி குழுக்களுக்காக அறிமுகம் செய்துள்ளார். 
  • முன்னதாக கர்நாடக அரசின் மூலம் "இந்திரா உணவகம்" என்னும் பெயரில் குறைந்த விலை உணவகம் அறிமுகம் செய்யப்பட்டது. இந்நிலையில் இன்று வாகனங்களின் மூலம் இயக்கப்படும் மொபைல் உணவகம் அறிமுகம் செய்யப்பட்டுள்ளது. 
மணலியில் மிகு எண்ணை மேம்படுத்தும் புதிய ஆலை நாட்டுக்கு அர்ப்பணிப்பு
  • மணலியில் ரூ.3,110 கோடி செலவில் அமைக்கப்பட்ட மிகு எண்ணை மேம்படுத்தும் புதிய ஆலையை மத்திய அமைச்சர் தர்மேந்திரா பிரதான் நாட்டுக்கு அர்ப்பணித்தார். 
நரிமணத்தில் ரூ.27 ஆயிரம் கோடியில் பெட்ரோலிய சுத்திகரிப்பு ஆலை விரிவாக்கம்
  • நாகை மாவட்டம், நரிமணத்தில் ரூ.27 ஆயிரம் கோடியில் பெட்ரோலிய சுத்திகரிப்பு ஆலை விரிவாக்கம் செய்யப்படவுள்ளது. இதன் மூலம் 10 மில்லியன் மெட்ரிக் டன் பெட்ரோலியப் பொருள்களைக் கையாண்டு சுத்திகரிக்க முடியும்.
தமிழ்நாடு அரசுப் போக்குவரத்து கழகங்களுக்கு 11 விருதுகள்
  • அனைத்து இந்திய மாநில சாலைப் போக்குவரத்துக் கழகங்களின் கூட்டமைப்பு ஆண்டுதோறும் வழங்கும் விருதுகளில் 2016-17ஆம் ஆண்டுக்கு வழங்கப்பட்ட 35 விருதுகளில் 11 விருதுகளை மாநகர் போக்குவரத்துக் கழகம், தமிழ்நாடு அரசு விரைவுப் போக்குவரத்துக் கழகம் மற்றும் தமிழ்நாடு அரசு போக்குவரத்துக்கழகங்களான விழுப்புரம், சேலம், கோயம்புத்தூர் மற்றும் கும்பகோணம் ஆகியன பெற்றுள்ளன. 
ஜிஎஸ்டி வசூல் ரூ.86,318 கோடியாக குறைந்தது
  • மத்திய அரசின் சரக்கு மற்றும் சேவை வரி (ஜிஎஸ்டி) வசூல் சென்ற ஜனவரியில் ரூ.86,318 கோடியாக குறைந்தது.
  • மொத்தம் வசூலான ரூ.86,318 கோடியில், சிஜிஎஸ்டி மூலமாக ரூ.14,233 கோடியும், எஸ்ஜிஎஸ்டி வாயிலாக ரூ.19,961 கோடியும், ஐஜிஎஸ்டி மூலமாக ரூ.43,794 கோடியும், இழப்பீடு வரி வாயிலாக ரூ.8,331 கோடியும் பெறப்பட்டுள்ளன. 
  • பிப்ரவரி 25-ஆம் தேதி வரையிலுமாக, ஜிஎஸ்டி-யின் கீழ் பதிவு செய்து கொண்டுள்ள வரி செலுத்துவோரின் எண்ணிக்கை 1.03 கோடி என நிதி அமைச்சகத்தின் அறிக்கையில் தெரிவிக்கப்பட்டுள்ளது.
கோப்பை வென்றது கர்நாடகா
  • விஜய் ஹசாரே டிராபி தொடரில் கர்நாடகா அணி கோப்பை வென்றது. பைனலில் சவுராஷ்டிரா அணியை 41 ரன் வித்தியாசத்தில் வீழ்த்தியது. கர்நாடகா அணி 3வது முறையாக கோப்பை கைப்பற்றியது. இதற்கு முன், 2013-14, 2014-15 'சீசனில்' பட்டம் வென்றிருந்தது.
  • கர்நாடகா அணி வீரர் மயங்க் அகர்வால், 27. உள்ளூர் போட்டியில் கலக்கி வருகிறார். நடப்பு 'சீசனில்' 2141 ரன் எடுத்துள்ளார். இதன் மூலம், இந்தியாவில் நடந்த உள்ளூர் தொடரில், ஒரே 'சீசனில்' அதிக ரன் குவித்த வீரர் என்ற சாதனை படைத்தார். 
  • இத்தொடரில், மயங்க் அகர்வால் 4 லீக் போட்டி, காலிறுதி, அரையிறுதி, பைனல் என 8 போட்டிகளில் பங்கேற்றார். இதில் 3 சதம், 4 அரை சதம் உட்பட மொத்தம் 723 ரன் குவித்துள்ளார். 
  • இதன் மூலம், 'லிஸ்ட் ஏ' அரங்கில், ஒரே தொடரில், அதிக ரன் குவித்த இந்திய வீரர் என்ற சாதனையை எட்டினார். இதற்கு முன், ஜாம்பவான் சச்சின் 2003ல் நடந்த உலக கோப்பை தொடரில் 673 ரன் குவித்ததே அதிகம்.
வெளிநாட்டு சிறுநீரகங்களை தானம் பெற இலங்கை அரசு தடை
  • இந்திய இளைஞர்களிடமிருந்து சட்ட விரோதமான முறையில் சிறுநீரகங்கள் அதிகப் பணம் கொடுத்து வாங்கப்படுவதாக எழுந்த சர்ச்சையைடுத்து இலங்கை அரசு வெளிநாட்டவர்களிடமிருந்து கிட்னி தானம் பெறுவதற்கு தற்காலிக தடை விதித்துள்ளது.
  • 2012ஆம் ஆண்டிலிருந்து 2016ஆம் ஆண்டு வரையிலும் சுமார் 1,200 இந்தியர்கள் இலங்கையில் உள்ள தனியார் மருத்துவமனைகளில் சிறுநீரகங்களை தானம் செய்திருப்பதும் தெரியவந்தது.

Monday, 26 February 2018

சீருடைப் பணியாளர் தேர்வு: நுழைவுச் சீட்டு இன்று இணையத்தில் வெளியீடு - Hall Ticket for TNUSRB February 2018

Tnpsc Shouters


  • தமிழக காவல்துறையில் காலியாக உள்ள காவலர் பணியிடத்துக்கு வரும் மார்ச் 11-ம் தேதி எழுத்துத் தேர்வை நடத்த உள்ளதாக தமிழ்நாடு சீருடைப் பணியாளர் தேர்வுக் குழுமம் அறிவித்துள்ளது.
  • இதற்கு, 3.26 லட்சம் பேர், விண்ணப்பித்துள்ளனர். இவர்களுக்கான நுழைவு சீட்டு இன்று மதியம் முதல், தமிழக சீருடை பணியாளர் தேர்வு வாரிய இணையதளத்தில் வெளியிடப்பட உள்ளது.
  • விண்ணப்பதாரர்கள் http://www.tnusrbonline.org/ இணையப் பக்கத்தில் சென்று நுழைவு சீட்டை பதிவிறக்கம் செய்து கொள்ளலாம் என தேர்வு வாரியம் அறிவித்துள்ளது.


TNPSC SHOUTERS - CURRENT AFFAIRS FEBRUARY 2018 TAMIL PDF - 26th FEBRUARY 2018

Tnpsc Shouters
சென்னை - பெங்களூரு இடையே ஹைப்பர்லூப்
  • ஆந்திராவின் புதிய தலைநகரான, அமராவதியில், 'ஹைப்பர்லுாப்' போக்குவரத்து தொழில்நுட்பத்தில் இணைக்கும் திட்டத்தை, அம்மாநில அரசு பரிசீலித்து வருகிறது. இந்த திட்டப்படி, விஜயவாடா, புதிய தலைநகர் அமராவதி ஆகியவை, ஹைப்பர்லுாப் போக்குவரத்து வசதி மூலம் இணைக்கப்படும்.
  • இந்த திட்டம் நிறைவேறினால், விஜயவாடா - அமராவதி இடையிலான, 40 கி.மீ., துாரத்தை, சில நிமிடங்களில் கடந்து விடலாம். ஹைப்பர்லுாப் தொழில் நுட்ப முறைப்படி, பிரத்யேகமாக தயாரிக்கப்படும் நவீன வாகனம், காற்று புகாத டியூப்பில், மணிக்கு, 1,100 கி.மீ., வேகத்தில் செல்லும்.'பாட்' எனப்படும் இவ்வகை வாகனம், காந்த விசையை பயன்படுத்தி, காற்று புகாத டியூப்புக்குள் அசுர வேகத்தில் கடந்து செல்லும். 
  • இந்த தொழில் நுட்பத்தை பயன்படுத்தி, அதற்கான கட்டமைப்புகளை உருவாக்கும் பணிகளை, அமெரிக்காவின், 'ஹைப்பர்லுாப் ஒன்' என்ற நிறுவனம் மேற்கொண்டு வருகிறது.
  • இந்த நிறுவனம், பெங்களூரு - சென்னை, பெங்களூரு வழியாக, மும்பை - சென்னை, பெங்களூரு - திருவனந்தபுரம், மும்பை - டில்லி, மும்பை - கோல்கட்டா ஆகிய ஐந்து மார்க்கங்களில், ஹைப்பர்லுாப் தொழில்நுட்ப பாதைகளை அமைக்கும் திட்டத்தை கடந்தாண்டு அறிவித்தது குறிப்பிடத்தக்கது.
  • சென்னை - பெங்களூரு இடையே, ஹைப்பர்லுாப் திட்டம் நிறைவேற்றப்பட்டால், 20 நிமிடத்தில் இலக்கை அடைந்து விட முடியும் என கூறப்படுகிறது.
சவுதியில் பெண்கள் ராணுவத்தில் சேர அனுமதி
  • சவுதி அரேபியா இளவரசர் முகமது பின் சல்மான் சவுதி அரேபியா விஷன் 2030 என்ற தொலைநோக்குத் திட்டத்தில் பல்வேறு மாற்றங்களை ஏற்படுத்தி வருகிறார். குறிப்பாக பெண்களுக்கு பல்வேறு சலுகைகளை அறிவித்து வருகிறார்.
  • இந்த வகையில் சில நாட்களுக்கு முன் ஆண்களின் அனுமதி இல்லாமல் பெண்கள் தொழில் தொடங்கலாம் என்று அறிவித்தார். அரசின் அதிகாரப்பூர்வ முடிவுகளை எடுக்க பெண்களுக்கு அனுமதி, கார் ஓட்ட அனுமதி வழங்கப்பட்டது.
  • தற்போது அந்நாட்டு ராணுவத்தில் பெண்கள் பணியாற்ற அனுமதி வழங்கப்படும் என அறிவிக்கப்பட்டள்ளது. ரியாத், மக்கா, அல்-குசைம், அல் மதினா மாகாண பெண்கள் ராணுவத்தில் வீராங்கனையாக சேர விண்ணப்பிக்கலாம் என்று அழைப்பு விடுக்கப்பட்டுள்ளது.
நெதர்லாந்து கட்டாய உடல் உறுப்பு தான சட்டம் இயற்றம்
  • ஐரோப்பாவில் ஸ்பெயின், பெல்ஜியம் போன்ற ஒரு சில நாடுகளில் மக்கள் அனைவரும் தங்கள் மரணத்துக்கு பின் உடல் உறுப்புக்கள் தானம் செய்ய வேண்டும் என சட்டம் உள்ளது. 
  • தற்போது அதே போல ஒரு சட்டம் நெதர்லாந்து நாட்டிலும் இயற்றப்பட்டுள்ளது. இந்த சட்டம் அந்நாட்டின் பாராளுமன்ற இரு அவைகளின் ஒப்புதலுக்கு பின் நிறைவேற்றப்பட்டுள்ளது.
  • இந்த சட்டத்தின் படி 18 வயதுக்கு மேற்பட்ட அனைவரிடமும் உடல் உறுப்பு தானம் செய்ய சம்மதக் கடிதம் கோரப்படும். 
மூன்று ஆண்டுகளில் முதல் சர்வதேச பட்டம் வென்றார் இந்தியாவின் காஷ்யப்
  • ஆஸ்திரேலிய ஓபன் சர்வதேச சேலஞ்ச் பாட்மிண்டன் போட்டி ஆஸ்திரேலியாவில் நடைப்பெற்றது. இதில், இறுதி ஆட்டத்தில், போட்டித் தரவரிசையில் 3-வது இடத்தில் இருந்த இந்தியாவின் காஷ்யப், மலேசியாவின் ஜூன் வெய் சீமுடன் மோதினார்.
  • இதில், 23-21, 21-14 என்ற செட்களில் ஜூன் வெய் சீமை வீழ்த்தினார். இந்த ஆட்டம் 44 நிமிடங்களில் முடிவுக்கு வந்தது.
  • இந்த வெற்றியின் மூலம் கடந்த மூன்று ஆண்டுகளில் அவர் வெல்லும் முதல் சர்வதேச பட்டம் இதுவாகும்.
சர்வதேச குத்துச்சண்டை போட்டியில் இந்தியாவின் மேரி கோம் வெள்ளிப் பதக்கம் வென்றார்
  • சர்வதேச குத்துச்சண்டை போட்டி பல்கேரியாவில் நடைபெற்றது. இதில், மகளிருக்கான 48 கிலோ பிரிவில் போட்டியிட்டார் இந்தியாவின் மேரி கோம்.
  • அவர், இறுதிச்சுற்றில் பல்கேரியாவின் செவ்தா அசினோவாவிடம் வீழ்ந்தார். இதனால் அவர் வெள்ளிப்பதக்கம் வென்றார்.
  • இதேபோல மகளிருக்கான 81 கிலோவுக்கு அதிகமான எடைப் பிரிவு இறுதிச்சுற்றில் சீமா பூனியா, ரஷியாவின் அன்னா இவானோவாவிடம் தோற்று வெள்ளியுடன் வெளியேறினார்.
  • இதனையடுத்து இப்போட்டியில் பங்கேற்ற இந்திய வீராங்கனைகள் வென்ற பதக்கத்தின் எண்ணிக்கை 6 ஆனது.
  • மற்ற வீராங்கனைகளான மீனா குமாரி தேவி (54 கிலோ), சரிதா தேவி (60 கிலோ), சவீதி பூரா (75 கிலோ), பாக்யவதி கச்சாரி (81 கிலோ) ஆகியோர் தங்களது பிரிவில் அரையிறுதியில் தோற்று வெண்கலம் வென்றிருந்தனர். 
பியோங்சாங் குளிர்கால ஒலிம்பிக் போட்டிகள் நிறைவடைந்தது
  • தென் கொரியாவின் பியோங்சாங் நகரில் நடைபெற்று வந்த 23-ஆவது குளிர்கால ஒலிம்பிக் போட்டிகள் நேற்று கண்கவர் கலைநிகழ்ச்சிகளுடன் கோலாகலமாக நிறைவடைந்தன.
  • கடந்த 9-ஆம் தேதி தொடங்கி 17 நாள்கள் நடைபெற்ற இந்த ஒலிம்பிக் போட்டியின் பதக்கப் பட்டியலில் நார்வே 14 தங்கம், 14 வெள்ளி, 11 வெண்கலம் என 39 பதக்கங்களுடன் முதலிடம் பிடித்தது.
  • ஜெர்மனி 14 தங்கம், 10 வெள்ளி, 7 வெண்கலம் என 31 பதக்கங்களுடன் 2-ஆம் இடம் பிடித்தது.
  • னடா 11 தங்கம், 8 வெள்ளி, 10 வெண்கலம் என 29 பதக்கங்களுடன் 3-ஆம் இடம் பிடித்தது.
  • போட்டியை நடத்திய தென் கொரியா 5 தங்கம், 8 வெள்ளி, 4 வெண்கலம் என 17 பதக்கங்களுடன் 7-வது இடம் பிடித்தது.
சர்வதேச குத்துச்சண்டை: இந்தியாவின் அமித் பாங்கல், விகாஸ் கிருஷன் தங்கம் வென்று அசத்தல்
  • சர்வதேச குத்துச்சண்டை போட்டியில் இந்திய வீரர்கள் அமித் பாங்கல் மற்றும் விகாஸ் கிருஷன் தங்களது பிரிவில் தங்கம் வென்று அசத்தியுள்ளனர்.
  • மற்றொரு பிரிவான 52 கிலோ பிரிவில் இந்தியரான கெளரவ் சோலங்கி, உக்ரைனின் டிமைட்ரோ ஜமோடேவிடம் தோற்று வெள்ளி பதக்கம் வென்றார்.
  • மகளிர் பிரிவில் மேரி கோம், சீமா பூனியா ஆகியோர் வெள்ளிப் பதக்கம் வென்றனர். 48 கிலோ பிரிவில் போட்டியிட்ட மேரி கோம், இறுதிச்சுற்றில் பல்கேரியாவின் செவ்தா அசினோவாவிடம் வீழ்ந்தார்.
  • அதேபோன்று 81 கிலோவுக்கு அதிகமான எடைப் பிரிவு இறுதிச்சுற்றில் சீமா பூனியா, ரஷியாவின் அன்னா இவானோவாவிடம் தோற்று வெள்ளியுடன் வெளியேறினார்.
  • இந்தியா மொத்தமாக 2 தங்கங்கள், 3 வெள்ளிகள், 6 வெண்கலங்கள் என மொத்தம் 11 பதக்கங்கள் வென்றுள்ளது.
ஐஐடி மெட்ராஸ் - மத்திய கப்பல் போக்குவரத்துத்துறை இடையே சாகர்மாலா ஒப்பந்தம் கையெழுத்து
  • ஐஐடி மெட்ராஸ் மற்றும் மத்திய கப்பல் போக்குவரத்துத்துறை இடையே சாகர்மாலா புரிந்துணர்வு ஒப்பந்தம் கையெழுத்திடப்பட்டுள்ளது. கப்பல் போக்குவரத்து, துறைமுகம், நீர்வழி தொடர்பான தேசிய தொழில்நுட்ப மையம் உள்ளிட்ட அம்சங்கள் ஒப்பந்தத்தில் இடம்பெற்றுள்ளது. 

Sunday, 25 February 2018

TNPSC SHOUTERS - CURRENT AFFAIRS FEBRUARY 2018 TAMIL PDF - 25th FEBRUARY 2018

Tnpsc Shouters


குழந்தைகளுக்கு தனி ஆதார் அட்டை
  • அரசின் பல்வேறு திட்டங்களின் பலன்களை பெறுவதற்கும், மொபைல் போன் எண், வங்கி கணக்கிற்கும் ஆதார் அவசியம் ஆக்கப்பட்டு வரும் நிலையில் 5 வயதிற்கு உட்பட்ட குழந்தைகளுக்கு தனி ஆதார் அட்டையை மத்திய அரசு அறிமுகம் செய்துள்ளது.
  • 'பால் ஆதார்' என பெயரிடப்பட்டுள்ள இத்திட்டத்தின்படி 5 வயதிற்கு உட்பட்ட குழந்தைகளுக்கு நீள நிறத்தில் ஆதார் அட்டை வழங்கப்பட உள்ளது. 5 வயதிற்கு உட்பட்ட குழந்தைகளுக்கு பயோ மெட்ரிக் தகவல்கள் தேவையில்லை. 
  • 5 வயது வரை இந்த ஆதார் அட்டையை பயன்படுத்தலாம்.குழந்தைக்கு 5 வயது ஆன பிறகு பயோமெட்ரிக் தகவல்களை இணைக்க வேண்டும். 5 வயதிற்கு உட்பட்ட குழந்தைகள் வெளிநாட்டில் கல்வி பயில்வதற்கோ, அரசின் கல்விச்சலுகையை பெறுவதற்கோ ஆதாரை பதிவு செய்ய வேண்டும் என்ற கட்டாயமில்லை. 
  • பால் ஆதாரை பெற்றோரின் ஆதாருடன் இணைத்துக் கொள்ளலாம்.குழந்தையின் 5, 10, 15 வயதுகளில் அவரின் பிறப்பு சான்றிதழ் மற்றும் பள்ளி அடையாள சான்றுடன், பயோமெட்ரிக் தகவல்களையும் இணைக்க வேண்டியது அவசியம்.
12-ஆம் நூற்றாண்டை சேர்ந்த சோழர் கால கல்வெட்டு கண்டுபிடிப்பு
  • சிவகங்கையில் 12-ஆம் நூற்றாண்டை சேர்ந்த வட்டெழுத்துகள் பொறிக்கப்பட்ட சோழர் கால கல்வெட்டு கண்டுபிடிக்கப்பட்டு உள்ளது.
  • சிவகங்கை மாவட்டம், திருமலை, கள்ளராதினிப்பட்டி கிராமத்தில் ஆதினிகண்மாயின் வடக்கு பகுதியில் பழமையான மடை உள்ளது. இந்த மடையின் இருபுறமும் 15 அடி உயரமுடைய 2 கற்கள் உள்ளன. அவற்றின் தெற்குபுறம் உள்ள கல்லின் கீழ்ப்பகுதியில் வட்டெழுத்துகள் காணப்படுகின்றன.

'ருஸ்டம்-2' ஆளில்லா விமானம் சோதனை வெற்றி
  • இந்திய ராணுவ ஆய்வு மற்றும் மேம்பாட்டு நிறுவனம் (டி.ஆர்.டி.ஓ.) சார்பில், ருஸ்டம் என பெயரிடப்பட்ட ஆளில்லா விமானங்கள் தயாரிக்கப்பட்டு ராணுவத்தில் பயன்படுத்தப்பட்டு வருகின்றன. 
  • ஏற்கனவே ரூஸ்டம்-1 வெற்றிகரமாக உபயோகப்படுத்தப்பட்டு வரும் நிலையில், முழுவதும் உள் நாட்டிலேயே மேம்படுத்தப்பட்ட நிலையில் ரூஸ்டம்-2 தயாரிக்கப்பட்டது.
  • மேலும், இந்த விமானம் மூலம் எதிரிகளின் இடங்களை கண்காணிப்பதுடன், ஆயுதங்களையும் சுமந்து செல்லும் திறனும் உடையது என்ற அவர், இந்த விமானம் தொடர்ந்து 24 மணி நேரம் வரை ஒரே கட்டமாக பறக்கும் திறன் வாய்ந்தது.
சென்னை-சேலம் நெடுஞ்சாலை இடையே ரூ. 10 ஆயிரம் கோடியில் பசுமை வழித்தடம்
  • ரூ. 10 ஆயிரம் கோடி செலவில் சென்னை-சேலம் நெடுஞ்சாலை இடையே பசுமை வழித்தடம் அமைக்கப்படும் என்று மத்திய அமைச்சகம் தெரிவித்துள்ளது. 

ஜிட்டு கிருஷ்ணமூர்த்தி அல்லது ஜே. கிருஷ்ணமூர்த்தி (J Krishnamurti) TNPSC HISTORY NOTES IN TAMIL PDF BY TNPSCSHOUTERS

Tnpsc Shouters


ஜிட்டு கிருஷ்ணமூர்த்தி அல்லது ஜே. கிருஷ்ணமூர்த்தி (மே 121895பெப்ரவரி 171986), இந்திய (தத்துவ) மெய்யறிவாளர்களுள் முக்கியமானவர். உலகளவிலும் முக்கியமான தத்துவ ஆசிரியர்களுள் ஒருவராக மதிக்கப்படுவர். பல நாடுகளிலுள்ள மக்களைச் சந்தித்து சொற்பொழிவுகளையும் கலந்துரையாடல்களையும் நிகழ்த்தினார்;
சுருக்கமாக ஜே.கே என்றழைக்கப்பட்ட இவர், இவரது இளம் வயதிலேயே அப்போதைய் தியோசபிகல் சொசைட்டியின் அன்னிபெசன்ட் அம்மையால் தத்தெடுக்கப்பட்டு, எதிர்கால தியொசபில் தலைவராக அறிவிக்கப்பட்டிருந்தார். எனினும் பின்னர் ஜே.கிருஷ்ணமூர்த்தி அவ்வியக்கத்தைத் துறந்து தன்னிச்சையான கொள்கை கொண்டார்.
அவர் யோகியோ முனிவரோ அல்ல. குருவோ மடாதிபதியோ அல்ல. எந்தத் தத்துவத்தையும் அவர் உருவாக்கவில்லை. ஆனால், 20-ம் நூற்றாண்டின் முக்கியமான தத்துவ ஞானிகளில் ஒருவராக உலகம் முழுவதும் அவர் மதிக்கப்படுகிறார்.
எந்த நூலையும் யாருடைய வார்த்தையையும் மேற்கோள் காட்டாமல் வாழ்க்கை பற்றியும் அதன் பொருள் (அல்லது பொருளின்மை) பற்றியும் பேசியவர் கிருஷ்ணமூர்த்தி. உண்மையைத் தேடும் யாத்திரையை ஒவ்வொருவருக் குள்ளும் சாத்தியப்படுத்தும் வழிமுறை அவருடையது. கவித்துவமான சொற்களில் தன் எண்ணங்களை இயல்பாக வெளிப்படுத்தியவர்.
முக்கியமான அறிவியலாளர்களும் தத்துவச் சிந்தனை கொண்டோரும் படைப்பாளிகளும் அவரை மதிக்கிறார்கள். அவர் உயிரோடு இருந்தபோது சாமானிய மனிதர்களிலிருந்து அறிவுஜீவிகள், அறிவியலாளர்கள்வரை பலரும் அவரோடு தொடர்ந்து உரையாடிவந்தனர். அவர் மறைந்த பின்பும் அவரது உரையாடல்களின், உரைகளின் பதிவுகள் ஆழ்ந்த அக்கறையோடு கேட்கவும் படிக்கவும்படுகின்றன.
அன்றாட வாழ்வில் அவனுக்குத் தோன்றும் எண்ணங்களையும் உணர்வுகளையும் விழிப்புணர்வுடன் கவனிப்பதன் மூலம் மனிதன் தன்னையே உருமாற்றிக் கொள்ள முடியும் என்று கூறி வந்தார்.
வாழ்க்கை வரலாறு
மெட்ராஸ் மாகாணம் மதனப்பள்ளியில் (தற்போது ஆந்திர மாநிலம் சித்தூரில் உள்ளது) 1895-ல் பிறந்தார். இவரது தந்தை பிரிட்டிஷ் காலனி நிர்வாகத்தில் அதிகாரியாகப் பணியாற்றியவர். இவருக்கு 10 வயது இருந்தபோது தாய் இறந்துவிட்டார்.குடும்பம் 1903-ல் கடப்பாவில் குடியேறியது. பலவீனமானவன், கற்பனை உலகில் சஞ்சரிப்பவன், அறிவுக்கூர்மை இல்லாதவன் என்று உறவினர்களும் அக்கம்பக்கத்தினரும் சிறு வயது முதலே இவரை விமர்சித்தனர்.
1907-ல் ஓய்வு பெற்ற அப்பாவுக்கு சென்னை அடையாறில் உள்ள தியசாபிகல் சொசைட்டியில் கிளார்க் வேலை கிடைத்தது. அதன் தலைவராக இருந்த அன்னிபெசன்ட் அம்மையார் சிறுவனிடம் மிளிர்ந்த ஆன்மிகத் தேடல் அறிகுறிகளையும் திறனையும் உணர்ந்தார். அவனை தத்தெடுத்துக்கொண்டார்.அமைப்பின் சார்பில் கல்வியும், பல்வேறு நாடுகளில் சிறப்பு பயிற்சிகளும் பெற்றார். அனைத்துலக ஆசான்என்று அறிமுகப்படுத்தப்பட்ட இவர், தியசாபிகல் அமைப்பின் எதிர்காலத் தலைவராகவும் அறிவிக்கப்பட்டார். குண்டலினி யோக முறையைக் கற்றுத் தேர்ந்தார்.18 வயதில் வினோதமான அனுபவங்கள் ஏற்படத் தொடங்கின.
மொழிகளில் மிகுந்த ஆர்வம் கொண்டவர். தத்துவம், ஆன்மிகம் குறித்துப் பேசவும் எழுதத் தொடங்கினார். வாழ்வியல், தியானம், தேடல், மனித உறவுகள், சமூக மாற்றம், மனம், சிந்தனை, விடுதலை ஆகியவை குறித்து உலகம் முழுவதும் ஏராளமான கூட்டங்களில் பேசினார்.தி ஃபர்ஸ்ட் அண்ட் லாஸ்ட் ஃப்ரீடம், தி ஒன்லி ரெவல்யூஷன், கிருஷ்ணமூர்த்தீஸ் நோட்புக் உள்ளிட்ட அவரது நூல்கள் மிகவும் பிரசித்தம். இவரது உரைகள், உரையாடல்களில் பெரும்பாலானவை புத்தகங்களாக வந்துள்ளன.
வெளி உலகில் தோன்றவேண்டிய மலர்ச்சியைவிட மனிதனின் மனத்தில் மலர்ச்சி தோன்றுவதே முக்கியம் என்றார். புரட்சி என்பது மத, அரசியல், சமூக ரீதியான வெளிமுக மாற்றம் அல்ல. அகத்தில் இயல்பான மறுவடிவம் பெறுதல்தான் புரட்சி என்றார்.இவர் 1922-ல் பலமுறை ஆன்மிக விழிப்புணர்வு நிலை அடைந்ததாகவும் அந்த அனுபவங்கள் இவரது வாழ்க்கையையே புரட்டிப் போட்டதாகவும் கூறப்படுகிறது. தான் ஒரு தனிமனிதனாக மாறவேண்டும் என்ற உணர்வை இவரது அனுபவங்கள் தந்தன. எல்லாவிதமான தளைகளில் இருந்தும் விடுபட முடிவு செய்தார்.
அறக்கட்டளைகள், அமைப்புகளின் பொறுப்புகளில் இருந்து வெளியேறினார். 1929-ல் அனைத்துலக ஆசான்பட்டத்தையும் பல கோடி ரூபாய் மதிப்புள்ள சொத்துகளையும் துறந்தார். நான் யாருக்கும் குருவாக இருக்க விரும்பவில்லை. எந்த அமைப்புக்கும் கட்டுப்படாமல் சுதந்திரமாக இருந்தால்தான் என்னால் சுதந்திரம் பற்றிப் பிறருக்குக் கூறமுடியும்என்றார். கடவுள், கோயில், புனித நூல்கள், சாதியம், மொழிப்பற்று உள்ளிட்ட அனைத்துமே மனிதகுல ஒருமைப்பாட்டுக்கு எதிரானவை என்றார். மத மாற்றம், கொள்கை மாற்றம் என்பதெல்லாம் மனித குலத்துக்கு எந்த நன்மையும் செய்யப் போவதில்லை என்றும் கூறினார்.மனிதகுல மேம்பாட்டுக்காக தனது பேச்சாலும், எழுத்தாலும் முக்கியப் பங்காற்றிய ஜிட்டு கிருஷ்ணமூர்த்தி 91 வயதில் (1986) மறைந்தார்.
பீடங்களைத் தவிர்த்த பயணம்
தத்துவ ஞானிகளின் தீர்க்கதரிசனத்தில் சொல்லப்பட்டிருக்கும் உலக குரு கிருஷ்ணமூர்த்திதான் என்று அன்னிபெசன்ட்டும் அவரது நண்பர்களும் அறிவித்தார்கள்.
அத்தகைய மகானின் வெளிப்பாட்டுக்கு உலகைத் தயார்ப்படுத்துவதற்காக உலகளாவிய ஓர் அமைப்பை (ஆர்டர் ஆஃப் த ஸ்டார் இன் தி ஈஸ்ட்) நிறுவி இளம் கிருஷ்ணமூர்த்தியை அதன் தலைவராக நியமித்தார்கள்.பின்னாளில், பல்வேறு படிமங்களையும் பீடங்களையும் அதிகாரக் கோட்பாடுகளையும் கலைக்கவிருந்த இளம் கிருஷ்ணமூர்த்தி, 1929-ல் அந்தப் பதவியைத் துறந்தார். பெரிய அளவில் ஆதரவாளர்களையும் ஏகப்பட்ட சொத்துகளையும் கொண்டிருந்த அந்த அமைப்பையும் கலைத்தார். அதன் பிறகு, 1986 பிப்ரவரி 17-ல் மரணம் அடைவதுவரையிலும் சுமார் 60 ஆண்டுகள் உலகம் முழுவதும் சுற்றுப்பயணம் செய்தார். மனித இனத்தில் தீவிரமான மாற்றங்கள் நிகழ வேண்டியதன் அவசியம் குறித்துப் பேசிவந்தார்.
கிருஷ்ணமூர்த்தி என்ன சொன்னார்? அவர் எதையுமே சொல்லவில்லை என்று சொல்லலாம். எதையும் சொல்ல வில்லை. எதையும் கற்றுத்தரவில்லை. எந்தத் தத்துவத்தையும் கண்டுபிடிக்கவோ நிறுவவோ இல்லை. பிறகு எப்படி அவர் முக்கியமான தத்துவ ஞானியாகப் பார்க்கப்படுகிறார்?கிருஷ்ணமூர்த்தி தெளிவாகப் பார்க்கச் சொல்கிறார். அதையும் அவர் கற்றுத்தருவதில்லை. பார்க்க உதவுகிறார். எதைப் பார்க்க உதவுகிறார்?
எல்லா ஞானிகளையும் மார்க்கதரிசிகளையும் போலவே அவரும் மனித துக்கத்தைப் பற்றிப் பேசுகிறார். துயரம், அவலம், பகைமை, பொறாமை, வன்முறை, நிம்மதியின்மை, துரோகம், மதம், சேவை, கள்ளத்தனம், அதிகாரம், மோசடி, தியாகம், உன்னதம் என எல்லாவற்றையும் பற்றிப் பேசுகிறார். அவரிடம் வருபவர்கள் தங்கள் கேள்விகளையும் குறைகளையும் பகிர்ந்துகொள்கிறார்கள். அவர் உரைகளிலும் உரையாடல்களிலும் இவற்றைப் பற்றி விரிவாகப் பேசுகிறார். ஆனால், எந்தத் தீர்வையும் அவர் தருவதில்லை.
இவற்றையெல்லாம் நாம் அணுகும் விதத்திலேயே பிரச்சினை இருக்கிறது என்கிறார். நமக்கு உவப்பற்ற விஷயங்களை மாற்ற வேண்டும் என்று நினைக்கும் அணுகுமுறையில் பிரச்சினை இருக்கிறது என்கிறார். என்ன இருக்கிறது என்பதைப் பார்க்காமல் என்ன இருக்க வேண்டும் என்பதையே பார்த்துக்கொண்டும் யோசித்துக்கொண்டும் இருப்பதன் விபரீதத்தை அடையாளம் காட்டுகிறார்.
மோதல்கள் பற்றிப் பேசுகிறார். வெவ்வேறு மனிதர் களுக்கிடையிலும் இனக் குழுக்களுக்கிடையிலும் சமூகங்களுக் கிடையிலும் நாடுகளுக்கிடையிலும் இருக்கும் மோதல்கள் பற்றி மட்டுமல்ல. ஒவ்வொரு மனிதருக்குள்ளும் இருக்கும் மோதல்கள் பற்றியும் பேசுகிறார். நாம் எதிர்மறையானது என்று நினைக்கும் ஒன்றின் இருப்பைப் போக்குவதாலோ அதை மாற்றுவதாலோ இந்த மோதல் இல்லாமல் ஆகிவிடாது என்கிறார். மாறாக, இத்தகைய முயற்சியால் அந்த மோதல் அதிகரிக்கவே செய்யும் என்கிறார். மாற்ற வேண்டும் என்ற முயற்சியே மோதலுக்கு வழிவகுக்கும் அல்லது மோதலை அதிகரிக்கும் என்கிறார் ஜித்து.
எனில், நம்மைத் துன்புறுத்தும் விஷயங்களை என்னதான் செய்வது? பாருங்கள் என்கிறார் ஜே.கே. நன்றாகப் பாருங்கள், அதன் சகல அம்சங்களையும் அவற்றின் வேர்களோடும் கிளைகளோடும் கண்டு உணருங்கள் என்கிறார். இந்த ஆழமான அறிதல் அல்லது உணர்தலே தேவை. இந்த உணர்தல் மாற்றத்தைக் கொண்டுவரும் என்கிறார். மாற்ற வேண்டும் என்னும் முயற்சி மோதலைத்தான் கொண்டுவரும். ஆகவே, நாம் செய்ய வேண்டியது நம்மைப் பற்றியும் நமது சூழலைப் பற்றியுமான நமது புரிந்துகொள்ளலை, விழிப்புணர்வை ஆழமாக்கிக்கொண்டே போவதுதான்.
சுய படிமங்கள் அற்ற, சுயநலம் அற்ற, உரிமைகோரல்கள் அற்ற, அதிகார வேட்கை அற்ற, வசதியைக் கருத்தில் கொள்ளாத நிஜமான விழிப்புணர்வாக, புரிந்துணர்வாக இது அமைய வேண்டும். இது இயல்பான மாற்றங்களை நமக்குள் ஏற்படுத்தும் என்கிறார் கிருஷ்ணமூர்த்தி.
உரையாடல் என்னும் தரிசனம்
கிருஷ்ணமூர்த்தியைப் போல உரையாடியவர்கள் அரிது. கேள்விகளை எதிர்கொண்டவர்களும் அரிது. ஆனால், கேள்விகளுக்குப் பதிலளிப்பது தன் வேலை அல்ல என்று அவர் கருதுகிறார். ஆனாலும் அவரிடம் பேசுபவர்களுக்குத் தங்கள் கேள்விகளுக்கான பதில்கள் கிடைக்கவே செய்கின்றன. இது எப்படிச் சாத்தியம்?
கேட்டவரிடமிருந்தே பதில்கள் வருகின்றன. கிருஷ்ணமூர்த்தி கேள்விகளுக்குப் பதிலாகக் கேள்விகளையே முன்வைப்பார். எனக்குக் கோபம் அதிகமாக வருகிறது, இதுதான் என் பிரச்சினை என்று அவரிடம் ஒருவர் வருகிறார் என்றால், கோபம் என்பது என்ன என்று அவரைக் கேட்பார் ஜே.கே.
இது என்ன? எங்கிருந்து வருகிறது? ஏன் வருகிறது? இதன் வேர்கள் என்ன? கிளைகள், விழுதுகள் என்னென்ன? விளைவுகள் என்ன? இவற்றையெல்லாம் கிருஷ்ணமூர்த்தியும் அவரைச் சந்திக்க வருபவரும் சேர்ந்து ஆராயத் தொடங்குவார்கள். பதில்கள் அந்த நபரிடமிருந்து வரும். உரையாடல் தொடரத் தொடர அந்த நபர் தனக்கான விடைகளைக் கண்டுகொள்வார். ஜே.கே-வுடனான உரையாடல் என்பது அகம் காட்டும் கண்ணாடி.
இதுதான் கிருஷ்ணமூர்த்தியின் ஆகப் பெரிய பங்களிப்பு என்று சொல்லலாம். அவர் சொன்ன ஒரே ஒரு சொல்லைக்கூட நீங்கள் நினைவுவைத்திருக்க வேண்டியதில்லை. அவர் சொன்ன எதையும் நீங்கள் பின்பற்ற வேண்டியதில்லை. உங்களை நீங்களே நிர்வாணப்படுத்திக்கொண்டு உங்களைப் பற்றிய அப்பட்டமான உண்மைகளை, பூச்சுகள் அற்ற உண்மைகளை உணரத் தலைப்பட்டீர்கள் என்றால், அந்தப் பாதையில் பயணிக்கிறீர்கள் என்றால், நீங்கள் ஜே.கே-வைப் புரிந்துகொண்டுவிட்டீர்கள் என்று பொருள்.
ஜே.கே-யின் சிந்தனைகளின் மூலம் வாழ்க்கையுடன் இயல்பாக உறவாடுதல் நமக்குச் சாத்தியமாகலாம். ஒரு மலையைப் பார்த்து ரசிக்கும்போது, அந்த மலையின் காட்சியில் தன்னை இழப்பது ஓர் அனுபவம். அந்த மலையின் நிலவியல் பற்றியோ அதன் கடந்த காலம், எதிர்காலம் பற்றியோ யோசிக்க ஆரம்பிக்கும்போதே அந்த மலைக்கும் நமக்குமான அனுபவம் நீர்த்துப்போகிறது.
இவ்வளவு அழகான மலையைப் பார்த்து ரசிக்க மற்றவர்களுக்குத் தெரியவில்லையே என்று நினைக்கும்போது நீங்கள் பார்த்துக்கொண்டிருக்கும் மலை உங்களை விட்டு விலகுகிறது. காலம், இடம், ஆளுமைகள், உறவுகள், சொந்தம் கொண்டாடுதல், உரிமைகோரல், அறிவு, துக்கம், அதிகாரம், படிமம், விருப்பு, வெறுப்பு, பதற்றம், மார்தட்டல் என எந்தக் குறுக்கீடும் அற்று ஒன்றும்போதுதான் உண்மையான அனுபவம் சாத்தியமாகிறது. இந்த அனுபவம் சாத்தியமாகும் இடத்தில் மோதலுக்கோ வன்முறைக்கோ துயரங்களுக்கோ இடமில்லை.
உலகில் நமக்கான பாத்திரத்தை ஏற்றுச் செயல்படுவது ஒரு தளம். நடைமுறை வாழ்க்கைக்குத் தேவையானது இது. நம் சூழலோடு இசைவிணக்கத்துடன் உறவாடுவது இன்னொரு தளம். இந்த இரு தளங்களுக்கிடையிலும் சமநிலை காண்பதே நாம் செய்யக்கூடிய ஆகப் பெரிய சாதனை. இந்தச் சமநிலை நிலவும் சூழலில் வன்முறைக்கும் மோதல்களுக்கும் இடம் இருக்காது. ஜே.கே-யின் சொற் களோடு புழங்கப் புழங்க இதுபோன்ற எண்ணங்கள் உங்களுக்கு வரலாம். இதை அடைவதற்கான பார்வையை ஜே.கே-யின் சிந்தனைகளிலிருந்து பெறலாம்.
திறந்த சிந்தனையின் வீச்சு
கிருஷ்ணமூர்த்தியின் சிந்தனைகள் பல்வேறு நூல் களிலும் ஒலிப் பேழைகளிலும் கிடைக்கின்றன. கல்வி, வன்முறை, சமாதானம், கடவுள், போர்கள், அறிவு எனப் பல விஷயங்களைப் பற்றியும் ஜே.கே. பேசுகிறார். இவை முன்கூட்டியே யோசிக்கப்பட்ட எண்ணங்களின் வெளிப்பாடு கள் அல்ல. அடிவாரத்திலிருந்து படிப்படியாக மலை ஏறும் அனுபவம் போன்றது. அந்தக் கணத்தில் நிகழும் பயணம். பயணத்தினூடே உருவாகும் பாதைகள்.
மனக் கட்டுப்பாடு, புலனடக்கம் ஆகியவற்றை ஜே.கே. ஏற்கவில்லை. கட்டுப்பாடு, நீக்குதல், களைதல் என்பவை எல்லாமே எதிர்மறையான அணுகுமுறைகள் என்கிறார் ஜே.கே. விழிப்புதான் தீர்வு என்கிறார். அன்பு செலுத்து என்று அவர் சொல்லவில்லை. தேர்வுகள் அற்ற மெய்யான விழிப்பு இருந்தால் அன்பு செலுத்தும் மனமும் பொறாமை அம்சங்கள் தவிர்த்த மனமும் இயல்பாக மலரும் என்பதே ஜே.கே-யின் அணுகுமுறை.
தேர்வுகள் அற்ற விழிப்புணர்வு, வாழ்வெனும் நீரோட்டத்தில் முடங்கிவிடாமல், மூழ்கிவிடாமல் மிதந்தபடி இருத்தல், படிமங்களின் சுமைகளிலிருந்து விடுதலை, அறிவின் சுமையிலிருந்து விடுதலை, அனுபவத்துக்கும் அனுபவிப்பவருக்கும் இடையேயான இடைவெளி தவிர்த்தல், தற்கணத்தில் வாழுதல் எனப் பல சொற்றொடர்களைக் கிருஷ்ணமூர்த்தியின் சிந்தனைகளாகச் சொல்லலாம்.
இவற்றைப் பின்பற்ற முயற்சிசெய்யலாம். பிரச்சாரம்கூடச் செய்யலாம். ஆனால், தன்னை உள்ளது உள்ளபடியே அறிதல் என்னும் முயற்சியில் ஒரு சில எட்டுக்களேனும் எடுத்து வைக்க இயலாதவர்களுக்கு இந்தச் சொற்களால் எந்தப் பலனும் இல்லை.
இந்த இடத்துக்கு வந்து சேரப் பாதை இல்லை. ஜே.கே. சொல்வதுபோல, உண்மை என்பது பாதைகள் அற்ற நிலம். உண்மையான அறிதலை, விழிப்பை, விழையும் மன இயக்கம் கொண்டவர் ஜித்து கிருஷ்ணமூர்த்தியைத் தன் சக பயணியாகக் கண்டு உணர்வார்.

நெருக்கடி நிலையை இந்தியாவில் அறிவித்திருந்த இந்திராகாந்தி, ஆலோசனைக்காக தத்துவ மேதை ஜே.கிருஷ்ணமூர்த்தியிடம் வந்திருந்தார்.

கங்குபாய் ஹங்கல் (GANGUBHAI HANGAL) - TNPSC HISTORY NOTES IN TAMIL PDF BY TNPSCSHOUTERS

Tnpsc Shouters
‘கங்குபாய் ஹங்கல்’ என்பவர் இந்துஸ்தானி இசை உலகின் மிக பிரபலமானவர்களுள் ஒருவராவார். கர்நாடக இசை வல்லுனரான ஒரு தாய்க்கு பிறந்த கங்குபாய் ஹங்கல் அவர்களின் பாடும் திறன், அவரது மரபணுக்களில் ஏற்கனவே இருந்தது எனலாம். ஆத்மார்த்தமான, சக்தி வாய்ந்த பண்புகளைக் கொண்டு, கங்குபாய் ஹங்கல் அவர்களின் குரலை அடையாளம் காணலாம். அவர் ‘கிரானா காரனா’ என்னும் கரானாவை சேர்ந்தவர் மற்றும் 1930 களின் ஆரம்பத்தில், சிறந்த படைப்பாற்றல் மிக்க இந்துஸ்தானி காயல் கரானாக்களில் ஒன்றான காயல் வகையில் பயிற்சி மேற்கொண்டார். மிகச் சிறிய வயதிலேயே அவர் பள்ளியை விட்டு விலகினாலும், பாரம்பரிய இசையில் சிறந்து விளங்கிய ஆசிரியர்களிடமிருந்து இசைக் கற்று, இசை கல்வியில் புலமைப் பெற்று விளங்கினார். இசைத்துறையில் அவருக்குள்ள திறமைகளையும், சாதனைகளையும் கௌரவிக்கும் ‘இசை பேராசிரியர்’ பதவியையும் கர்நாடகா பல்கலைக்கழகத்திலிருந்து பெற்றார். இத்தகைய சிறப்புமிக்க இந்துஸ்தானி இசைப் பாடகரான கங்குபாய் ஹங்கல் அவர்களின் வாழ்க்கை வரலாறு மற்றும் சாதனைகள் பற்றி மேலுமறிய தொடர்ந்துப் படிக்கவும்.
பிறப்பு: மார்ச் 5, 1913
பிறந்த இடம்: தர்வத், கர்நாடகா, இந்தியா
இறப்பு: ஜூலை 21, 2009
தொழில்: இந்துஸ்தானி இசை பாடகி
நாட்டுரிமை: இந்தியா
பிறப்பு
கங்குபாய் ஹங்கல் அவர்கள், இந்தியாவில் கர்நாடகா மாநிலத்தில் உள்ள தர்வத் நகரில் மார்ச் 5, 1913 அன்று பிறந்தார். அவரது தந்தை, சிக்குராவ் நாடிகர் தொழில்ரீதியாக ஒரு விவசாயி ஆவார், மேலும் அவரது தாயார் அம்பாபாய் ஒரு  கர்நாடக இசைப் பாடகியாக இருந்தார்.
ஆரம்ப வாழ்க்கையும், கல்வியும்
தனது பள்ளிப்படிப்பை சிறு வயதிலேயே முடித்துக்கொண்ட கங்குபாய் ஹங்கல் அவர்கள், ஆரம்ப கல்வி மட்டுமே கற்றிருந்தார். 1928ல், அவரது தொடக்கக் கல்வியை முடித்த பின்னர், அவரது குடும்பம் ஹூப்ளி நகருக்கு குடிபெயர்ந்தது, மேலும் அங்கு அவர் தீவிரமாக ஹிந்துஸ்தானி பாரம்பரிய இசை பாடங்களைக் கற்கத் தொடங்கினார்.
இசைப் பயிற்சி
ஹங்கல் அவர்களுக்கு பதிமூன்று வயதிருக்கும் போது, அவரது முதலாவது, முறையான இந்துஸ்தானி பாரம்பரிய இசைப் பாடத்தை ‘கிருஷ்ணா ஆச்சார்யா இசை அகாடமியில்’ மேற்கொண்டார். அவர் ஹூப்ளி வந்த பிறகு, தத்தோபன்ட் தேசாய் அவரது இசை ஆசிரியர்களுள் ஒருவராக இருந்தாலும், இந்துஸ்தானி பாரம்பரிய இசைத் துறையில் அவரது உண்மையான குருவாக கருதியது ‘சவாய் கந்தர்வா’ என்பவரைத் தான். ஹங்கல் அவர்களின் குடும்பம் ஹூப்ளிக்கு வந்த போது, சவாய் கந்தர்வா அவர்கள் அங்கு வசிக்கவிட்டாலும், அவர் ஹூப்ளிக்கு வரும் போதெல்லாம் அவரிடம் இசைப் பயிற்சி மேற்கொண்டார். ஒரு சில ஆண்டுகளுக்குப் பின்னர், சவாய் கந்தர்வா ஹூப்ளி நகருக்குக் குடிபெயர்ந்ததால்,  கங்குபாய் ஹங்கல் அவரது குருவான அவரிடம், மூன்று ஆண்டுகளுக்கான ஒரு இசைப் பயிற்சியை மேற்கொண்டார். ஹங்கல் அவர்களின் குழந்தைப் பருவம் இனிமையானதாகவும், பாரம்பரியமிக்கதாகவும் இல்லை என்று அறிக்கைகள் கூறுகின்றன. அவர் ஒரு வேசி குடும்பத்தில் இருந்து வந்ததால், சமுதாயத்தில் மற்ற குழந்தைகள் அவரை பெரும்பாலும் அவமானப்படுத்தினார்கள். இதே எண்ணம், அவர் வளர்ந்து, இசைத்துறையை தனது தொழிலாக தேர்ந்தெடுத்த போதும் கூட, பலரது மனதிலும் நீடித்திருந்தது.
மூன்று ஆண்டுகளுக்குப் பின்னர், ஹங்கல் அவர்கள் ஹூப்ளிக்கு இடம்பெயர்ந்ததை அடுத்து, ஹூப்ளிவாசியான குருராவ் கால்கி என்ற ஒரு பிராமண வழக்கறிஞரைத் திருமணம் செய்தார். குழந்தைத் திருமணங்கள், சமுதாயத்தில் பொதுவானதாக மட்டுமல்லாமல், கட்டாயமானதாகவும் இருந்து வந்ததன் விளைவாக, அவருக்கும் இளம் வயதிலேயே திருமணம் நடந்தது எனலாம். திருமண வாழ்க்கை அவரது இசைத்துறைக்கு முற்றுப்புள்ளி வைக்காததால், அவர் இந்துஸ்தானி பாரம்பரிய இசையில் தொடர்ந்து பயிற்சி மேற்கொண்டு, பல விருதுகளும், அங்கீகாரங்களும் பெற்றார்.
இசைப் பயணம்
கங்குபாய் ஹங்கல் அவர்கள், கர்நாடகாவின் சிறிய நகரங்களில் வாழ்ந்ததால், அவர் பல மோசமான விளைவுகளை சந்தித்தார். அந்த காலக்கட்டத்தில் சமூகத்தில் ஆண்கள் ஆதிக்கத்தால், பெண்கள் அவர்களுடைய விருப்பப்படி எதையும் செய்வதற்கு உரிமை இல்லை, மீறி அவர்களது எண்ணப்படி நடந்து கொண்டால், அவர்களை சமூகத்திலிருந்து ஒதுக்கிவிடுவார்கள். அதே நேரத்தில், கங்குபாய் ஹங்கல் அவர்கள், ஒரு பாடகியாக வேண்டும் என்று ஆசைக் கொண்டு அதில் உறுதியாகவும் இருந்தாலும், சமூகம் அவருக்குத் தடைகளை அளித்து, அவரது எண்ணத்தைத் தடுக்க எண்ணியது. எனினும், ஹங்கல் அவர்கள், எந்தவொரு அடக்குமுறைக்கும் அடங்கிவிடாமல், இந்துஸ்தானி இசைப் பாடகராக தன்னை நிலைநிறுத்த மிகக் கடுமையாகப் போராடினார். 1945 ஆம் ஆண்டு வரை, கங்குபாய் ஹங்கல் அவர்கள், இந்தியா முழுவதும் பல நகரங்களில் காயல், பஜனைகள் மற்றும் தும்ரிக்களைப் பொதுமக்கள் முன் பாடினார். அவரது குரல், வானொலி வலையமைப்பான ‘ஆல் இந்தியா ரேடியோவில்’ வழக்கமாக ஒளிபரப்பாகின. இந்தியாவில் கொண்டாடப்படும் பல்வேறு பண்டிகைகளில் கலந்து கொள்ள வழக்கமாக அவருக்கு அழைப்பு வந்தால், பாட வேண்டுமென்ற எண்ணம் ஹங்கல் அவர்களுக்கு எப்போதும் இருந்தது, அதிலும் குறிப்பாக மும்பையில் நடத்தப்படும் கணேஷுதவாஸ்  கொண்டாட்டங்களில் பாடுவதற்கு, அவர் மிகுந்த ஆர்வம் காட்டினார். பல நிகழ்ச்சிகளுக்குப் பிறகு, கங்குபாய் ஹங்கல் அவர்கள் படிப்படியாக தனது விருப்பத்தை ராகங்களுக்கு மாற்றினார். 1945க்கு பிறகு, அவர் ராகங்களில் மட்டுமே நிகழ்ச்சிகள் அரங்கேற்ற வேண்டுமென்று வலியுறுத்தினார். அவர் கர்நாடக பல்கலைக்கழகத்தின் ‘கெளரவ இசைப் பேராசிரியராக’ நியமிக்கப்பட்ட பிறகும் கூட, பொது கச்சேரிகளிலும் தோன்றினார். அவரது மரணத்திற்கு மூன்று ஆண்டுகளுக்கு முன்பு தான், அவர் பாடுவதை முழுவதுமாக நிறுத்திக்கொண்டார்.
இல்லற வாழ்க்கை
1929ல், தனது பதினாறாவது வயதில், கங்குபாய் ஹங்கல் அவர்கள், திருமணம் செய்து கொண்டார். அவரது கணவரான குருராவ் கால்கிக்கும், அவருக்கும் இரண்டு மகன்களும், ஒரு மகளும் பிறந்தனர். அவர்களின் திருமண வாழ்க்கையில் நான்கு ஆண்டுகளுக்கு பிறகு, அவரது 20வது வயதில், அவரை அதிர்ச்சி நிலையில் விட்டு, அவரது கணவர் இறைவனடி சேர்ந்தார். தனது குழந்தைகளை வளர்க்க பணம் திரட்டும் விதமாக, கங்குபாய் அவர்கள், தனது நகைகள் மற்றும் பிற வீட்டுப் பொருள்களை விற்றார். அவரது மகளான கிருஷ்ணா, புற்றுநோயால் பாதிக்கப்பட்டு,  2004 ஆம் ஆண்டில் இறந்தார். கங்குபாய் ஹங்கல் அவர்களும் எலும்பு மஜ்ஜை புற்றுநோய் நோயாளியாக இருந்ததால், சிகிச்சை மேற்கொண்டு, வெற்றிகரமாக 2003 ஆம் ஆண்டில், அந்நோயிலிருந்து மீண்டு வந்தார்.
விருதுகளும், அங்கீகாரங்களும்
இந்துஸ்தானி இசையில், கங்குபாய் ஹங்கல் அவர்களின் பங்களிப்பையும், சாதனைகளையும் அங்கீகரிக்கும் விதமாக, இந்திய அரசும், கர்நாடக மாநில அரசும் பல்வேறு விருதுகளை அவரது நீண்ட இசைப் பயணத்தில் வாரி வழங்கின. கீழ் வருவன, அவர் வாங்கிய விருது பட்டியல்:
  1962: கர்நாடக சங்கீத நிருத்யா அகாடமி விருது
  1971: பத்ம பூஷன் விருது.
  1973: சங்கீத நாடக அகாடமி விருது
  1996: சங்கீத் நாடக அகாடமி விருது
  1997: தீனநாத் பிரதிஷ்டான்
  1998: மாணிக் ரத்தன்
  2002: பத்ம விபூஷன் விருது
இறப்பு
கங்குபாய் ஹங்கல் அவர்கள், ஒரு கடுமையான மாரடைப்பால் ஜூலை 21, 2009 ஆம் ஆண்டு கர்நாடகாவிலுள்ள ஹூப்ளி நகரில் அவரது வீட்டில் மரணமடைந்தார். அப்போது அவருக்கு வயது 96. ஒரு சில ஆண்டுகள் நோயால் அவதியுற்றார். ஜூலை 22 மற்றும் 23 ஆம் தேதிகளை கர்நாடக மாநில அரசாங்கம், துக்கம் அனுஷ்டிக்கும் நாட்களாக அறிவித்தது. அவருடைய சாதனைகளைக் கொண்டாடும் விதமாகவும், திறமைகளை மதிக்கும் விதமாகவும் தர்வத் ஆணையர், ஒரு மாநில இறுதி ஊர்வலத்தை ஹூப்ளியில் ஜூலை 22 ஆம் தேதி ஒருங்கிணைத்தார். தான் வாழ்ந்த சமூகத்தில் தனக்குண்டான முக்கிய கடமைகளையும், தனது வாழ்வில் முக்கிய பங்காற்றிய மனிதர்களையும், கங்குபாய் ஹங்கல் அவர்கள், ஒரு போதும் மறந்ததில்லை. உறுப்பு நன்கொடை முக்கியத்துவத்தை, சமுதாயத்திற்கு கற்பிக்கும் விதமாக, அவரது மரணத்திற்கு முன்பு, அவர் தனது கண்களை தானம் செய்தார்.
காலவரிசை
1913 கங்குபாய் ஹங்கல் அவர்கள், மார்ச் 5 ம் தேதி பிறந்தார்.
1926: கிருஷ்ணா ஆச்சார்யா இசை அகாடமியில், இந்துஸ்தானி பாரம்பரிய இசையில் அவரது முதல் பாடத்திற்கான பயிற்சி மேற்கொண்டார்.
1928: அவரது குடும்பம் தர்வத்திலிருந்து ஹூப்ளி நகருக்கு இடம்பெயர்ந்தனர் .
1929: அவர் குருராவ் கால்கி என்ற வழக்கறிஞரை மணமுடித்தார்.
1933: அவரது கணவர், திருமணமான நான்கு ஆண்டுகள் கழித்து இறந்துவிட்டார்.
1945: காயல், பஜனைகள் மற்றும் தும்ரிக்களை பாடுவது தவிர்த்து, ராகங்களை மட்டுமே பாடத் தொடங்கினார்.
1962: ‘கர்நாடக சங்கீத நிருத்யா அகாடமி விருது’ பெற்றார்.
1971: இந்திய அரசாங்கம் ‘பத்ம பூஷண் விருதினை’ அவருக்கு அள்ளிக் கொடுத்தது.
1973: ‘சங்கீத நாடக அகாடமி விருது’ பெற்றார்.
1996: ‘சங்கீத நாடக அகாடமி ஃபெல்லோஷிப்’ வென்றார்.
1997: ‘தீனநாத் பிரதிஷ்டான்’ வழங்கப்பட்டது.
1998: ‘மாணிக் ரத்தன்’ பெற்றார்.
2002: ‘பத்ம விபூஷன் விருது’ பெற்றார்.
2006: பொது நிகழ்ச்சிகளில் பாடுவதை நிறுத்திக் கொண்டார்.
2009: கடுமையான மாரடைப்பால் ஜூலை 21 ஆம் தேதி இறந்தார்.

TNPSC SHOUTERS - CURRENT AFFAIRS FEBRUARY 2018 TAMIL PDF - 24th FEBRUARY 2018

Tnpsc Shouters
70 ஆண்டுகளுக்கு பின் எலிபண்டா தீவுக்கு மின்சார இணைப்பு கிடைத்துள்ளது
  • இருளில் 70 ஆண்டுகள் செலவிட்ட பிறகு, எலிபண்டா தீவுகளில் உள்ள மூன்று கிராமங்கள் இறுதியாக மின்சார இணைப்புகளை பெற்றுள்ளதாக பிரதமர் மோடி தெரிவித்துள்ளார். 
மாநிலங்களுக்கு இடையிலான சரக்கு போக்குவரத்து ஏப்ரல் 1ம் தேதி முதல் இ-வே பில் அறிமுகம்
  • 'ஜிஎஸ்டி அமலானதை தொடர்ந்து, மாநிலங்களுக்கு இடையிலான சரக்கு போக்குவரத்துக்கு வழி வகுக்கும் வகையில் ஏப்ரல் 1ம் தேதியில் இருந்து இ-வே பில் முறை அமல் செய்யப்பட வேண்டும்' என மாநில நிதி அமைச்சர்கள் குழு பரிந்துரைத்துள்ளது.
  • ஜிஎஸ்டியின் படி ஒரு பொருள் உற்பத்தி செய்யப்பட்டு பிற மாநிலங்களுக்கு எடுத்து செல்லும்போது, ஆன்லைனில் பதிவு செய்யப்பட்ட இ-வே பில் இருக்க வேண்டும் என முன்பு அறிவிக்கப்பட்டது. 
  • இத்திட்டம் பிப்ரவரி முதல் அமலாகும் என அறிவிக்கப் பட்டது. இதற்கான முன்னோட்டம் கடந்த ஜனவரி 16ம் தேதி முதல் நாடு முழுவதும் நடைமுறைப்படுத்தப்பட்டது. சில நடைமுறை சிக்கல்கள் காரணமாக இப்போது இந்த முறை தள்ளி வைக்கப்பட்டுள்ளது. 
  • இந்நிலையில், மாநில நிதியமைச்சர்கள் குழு கூட்டம் நேற்று அதன் தலைவரும் பீகார் மாநில துணை முதல்வருமான சுஷில் மோடி தலைமையில் நடைபெற்றது. 
  • அதில், 'ரூ.50,000க்கும் அதிகமான மதிப்புள்ள பொருட்களை பிற மாநிலங்களுக்கு எடுத்து செல்ல படிப்படியாக அனுமதிக்க வேண்டும் என முடிவானது. இதை மாநிலங்களுக்கு இடையிலான சரக்கு போக்குவரத்து குறித்து மதிப்பீடு செய்த பிறகு அமல்படுத்த வேண்டும். 
  • ஏப்ரல் முதல் தேதியில் இருந்து மின்னணு இ-வே பில் முறை அமல்படுத்தப்பட வேண்டும்' என இக்குழு பரிந்துரைத்துள்ளது. இந்த பரிந்துரை அடுத்த மாதம் 10ம் தேதி நடைபெறும் ஜிஎஸ்டி கவுன்சில் கூட்டத்தில் விவாதத்துக்கு எடுத்து கொள்ளப்படும் என சுஷில் மோடி தெரிவித்தார். 
  • இ-வே நடைமுறைக்கு வந்தால்,வரி ஏய்ப்பு தவிர்க்கப்பட்டு அரசின் வருவாய் 15-20 சதவீதம் வரை அதிகரிக்கும் என்றார். சரக்குகளை கொண்டு செல்லஇ-வே பில் இணைய தளத்தில் இருந்து இ-வே பில்லை பெறலாம். ரூ.50,000க்கு அதிகமான பொருட்களை இ-வே பில் இல்லாமல் பதிவு செய்தவர்கள் கொண்டு செல்ல முடியாது. 
  • இ-வே பில்லை எஸ்எம்எஸ் மூலமும் பெற முடியும்; ரத்து செய்யவும் முடியும். இ-வே உருவாக்கப்படும் போது, பிரத்யேக எண் ஒதுக்கப்படும். இது பொருட்களை விற்பவர், வாங்குபவர் மற்றும் சரக்கு கையாளும் முகமைக்கு தரப்படும்.
ஜிம்னாஸ்டிக் துறையில் வரலாறு படைத்த இந்திய வீராங்கனை
  • இன்றைய ஜிம்னாஸ்டிக்ஸ் உலகக் கோப்பை போட்டியில் பதக்கம் வென்றதன் மூலம் இந்திய வீராங்கனை அருணா புத்தா ரெட்டி புதிய சாதனை படைத்துள்ளார்!
  • ஜிம்னாஸ்டிக் போட்டியில் தனிநபர் பதக்கத்தை வென்ற முதல் இந்திய ஜிம்னாஸ்ட் வீராங்கனை என்ற வரலாற்று பெருமை படைத்துள்ளார் அவர்.
  • ஹைதராபாத்தைச் சேர்ந்த 22 வயதான ரெட்டி, 13.649 சராசரி புள்ளிகள் பெற்று வெண்கல பதகத்தினை வென்றார்.
  • ஸ்லோவானியாவின் டிஜாஸ் க்ச்செல்ஃப் 13.800 புள்ளிகளுடன் தங்கம் தட்டிச் சென்றார். அதே வேலையில் ஆஸ்திரேலியாவின் எமிலி வொய்ட்ஹெட் 13.699 புள்ளிகளுடன் வெள்ளி பதக்கம் பெற்றார்.
  • இறுதி சுற்றுவரை முன்னேறிய மற்றொரு இந்திய வீரங்கனை பிரணதி நாயக், 13.416 புள்ளிகளுடன் ஆறாவது இடத்தை பிடித்தார்.

Saturday, 24 February 2018

Free Download Model Question Paper of Indian National Movement for TNPSC Group - 1, Group 2, Group 2A, Group 4 & VAO Exam in PDF 2018

Tnpsc Shouters


Hey TNPSC Shouters,

We are happy to provide Free Model Question Paper of INDIAN NATIONAL MOVEMENT for TNPSC Group - 1, Group 2, Group 2A, Group 4 & VAO Exam including General Tamil, Current Affairs, General Science, Economics, Geography, Indian History, Indian Politics, Indian National Movement & Aptitude in PDF.


Any Problem on Download : Call @ 9698694597 or 
Mail at tnpscshouters@gmail.com

INDIAN NATIONAL MOVEMENT

S.NO
NAME OF THE TEST
MEDIUM
LINK
INDIAN NATIONAL MOVEMENT– Full Test
1.
Indian National Movement Full Test – 1
Tamil
2.
Indian National Movement Full Test – 2
Tamil

Free Download Model Question Paper of TNPSC Group - 4 Exam in PDF 2018

Tnpsc Shouters


Hey TNPSC Shouters,

We are happy to provide Free Model Question Paper  TNPSC Group - 1, Group 2, Group 2A, Group 4 & VAO Exam including General Tamil, Current Affairs, General Science, Economics, Geography, Indian History, Indian Politics, Indian National Movement & Aptitude in PDF.


Any Problem on Download : Call @ 9698694597 or 
Mail at tnpscshouters@gmail.com

GROUP - 4 EXAMINATION


S.NO
NAME OF THE TEST
MEDIUM
LINK
TNPSC POTHU TAMIL FOR ALL EXAMS
1.
GENERAL TAMIL / POTHU TAMIL
Tamil
TNPSC GENERAL STUDIES FOR ALL EXAMS
1.
GENERAL SCIENCE
(PHYSICS, CHEMISTRY,
BOTANY & ZOOLOGY )
Tamil
2.
CURRENT AFFAIRS / GENERAL KNOWLEDGE
Tamil
3.
GEOGRAPHY
Tamil
4.
HISTORY AND CULTURE OF
INDIA, TAMIL NADU
Tamil
5.
INDIAN POLITY
Tamil
6.
INDIAN ECONOMY
Tamil
7.
INDIAN NATIONAL MOVEMENT
Tamil
8.
APTITUDE & MENTAL ABILITY TEST
Tamil
TNPSC GROUP – 4 EXAMINATIONS
FULL TEST
1.
GROUP 4 FULL TEST - 1
Tamil
2.
GROUP 4 FULL TEST – 2
Tamil
3.
GROUP 4 FULL TEST – 3
Tamil
4.
GROUP 4 FULL TEST – 4
Tamil
5.
GROUP 4 FULL TEST - 5
Tamil
6.
GROUP 4 FULL TEST – 6
Tamil
7.
GROUP 4 FULL TEST – 7
Tamil
8.
GROUP 4 FULL TEST – 8
Tamil
9.
GROUP 4 FULL TEST – 9
Tamil
10.
GROUP 4 FULL TEST – 10
Tamil
11.
GROUP 4 FULL TEST – 11
Tamil
12.
GROUP 4 FULL TEST – 12
Tamil
13.
GROUP 4 FULL TEST – 13
Tamil
14.
GROUP 4 FULL TEST - 14
Tamil
15.
GROUP 4 FULL TEST – 15
Tamil
16.
GROUP 4 FULL TEST – 16
Tamil
17.
GROUP 4 FULL TEST – 17
Tamil
18.
GROUP 4 FULL TEST – 18
Tamil
19.
GROUP 4 FULL TEST – 19
Tamil
20.
GROUP 4 FULL TEST – 20
Tamil
21.
GROUP 4 FULL TEST – 21
Tamil
22.
GROUP 4 FULL TEST – 22
Tamil
23.
GROUP 4 FULL TEST – 23
Tamil
24.
GROUP 4 FULL TEST – 24
Tamil
25.
GROUP 4 FULL TEST – 25
Tamil
26.
GROUP 4 FULL TEST – 26
Tamil
27.
GROUP 4 FULL TEST – 27
Tamil
28.
GROUP 4 FULL TEST – 28
Tamil
TNPSC PREVIOUS YEAR (OLD) QUESTION PAPER FOR GROUP – 4 EXAMINATIONS
1.
OLD QUESTION PAPER – 1
Tamil
2.
OLD QUESTION PAPER – 2
Tamil
3.
OLD QUESTION PAPER – 3
Tamil
4.
OLD QUESTION PAPER – 4
Tamil
5.
OLD QUESTION PAPER – 5
Tamil
6.
OLD QUESTION PAPER – 6
Tamil
OTHER TESTS
1.
TET MODEL QUESTION PAPER
Tamil
2.
SAIDAI DURAI SAMY TNPSC
MODEL QUESTION PAPER
Tamil
3,
TNPSC FULL TEST FOR
GENERAL STUDIES
ENGLISH