Monday, 18 December 2017

TNPSC SHOUTERS - CURRENT AFFAIRS DECEMBER 2017 TAMIL PDF - 18th DECEMBER 2017

வேறு தொலைத்தொடர்பு நிறுவனத்துக்கு மொபைல் எண்ணை மாற்றும் செலவை ரூ.4ஆக குறைக்க டிராய் திட்டம்
  • மொபைல் எண்ணை மாற்றாமலேயே வேறு நிறுவன சேவைக்கு மாறும் (எம்என்பி) செலவை ரூ.4 ஆக குறைக்க டிராய் திட்டமிட்டுள்ளது.
  • இதற்கு முற்றுப்புள்ளி வைக்கும் விதமாக, மொபைல் எண்ணை மாற்றாமலேயே வேறு நிறுவனத்துக்கு மாறும் நடைமுறை (எம்என்பி) அறிமுகம் செய்யப்பட்டது. இதன்படி கடந்த 2015ம் ஆண்டு ஜூலை 3ம் தேதியில் இருந்து இதுவரை வேறு நிறுவன சேவைக்கு எண்ணை மாற்றக்கோரும் வாடிக்கையாளர்கள் எண்ணிக்கை பெருகி வருகிறது. 
  • தற்போது இவ்வாறு சேவையை மாற்றுவதற்கு அதிபட்ச கட்டணமாக 19 நிர்ணயிக்கப்பட்டுள்ளது. எம்என்பி கோரும் வாடிக்கையாளர்கள் எண்ணிக்கை அதிகரித்து வருவதை கருத்தில் கொண்டு, இந்த கட்டணத்தை சுமார் 80 சதவீதம் குறைத்து 4 ஆக நிர்ணயிக்க இந்திய தொலைத்தொடர்பு ஒழுங்குமுறை ஆணையம் (டிராய்) வலியுறுத்தியுள்ளது. 
  • தற்போது எம்என்பி செயல்பாட்டுக்கான செலவுகளும் குறைந்துள்ளன. இதற்கேற்ப கட்டணத்தையும் குறைக்க வேண்டியுள்ளது. எனவே இந்த கட்டணத்தை 4ஆக நிர்ணயிக்க வேண்டும் என தெரிவித்துள்ள டிராய், இதுதொடர்பாக ஆலோசனை நடத்தி வருகிறது. 
ரூ. 8 ஆயிரம் கோடி கணக்கில் வராத வருவாய் கண்டுபிடிப்பு நாடாளுமன்றத்தில் மத்திய அரசு தகவல்
  • கடந்த ஆண்டு நவம்பர் மாதத்தில் இருந்து இந்த ஆண்டு மார்ச் மாதம்வரை ரூ. 7 ஆயிரத்து 961 கோடி கருப்புபணத்தை வருமான வரித் துறையினர் கண்டுபிடித்துள்ளனர் என நாடாளுமன்றத்தில் தெரிவிக்கப்பட்டது.
  • மத்திய அரசு பணமதிப்பிழப்பு நடவடிக்கையை கொண்ட வந்ததற்கு பின், கடந்த ஆண்டு நவம்பர் முதல் இந்தஆண்டு மார்ச் மாதம் வரை, ஏறக்குறைய 900 இடங்களில் வருமான வரித் துறையினர் சோதனை நடத்தியுள்ளனர். இதில் ரூ.900 கோடிக்கு சொத்துக்கள், கணக்கில் வராத ரூ. 7 ஆயிரத்து 961 கோடி கருப்பு பணம் கைப்பற்றப்பட்டுள்ளது.
  • தேசிய குற்ற ஆவண அறிக்கையின் விவரங்கள் படி, ரூபாய்நோட்டு தடைக்குப் பின், ரூ.18.70 கோடி கள்ளநோட்டுகள் இந்த ஆண்டு நவம்பர் 30-ந்தேதி வரை போலீசாரால் கைப்பற்றப்பட்டுள்ளது. இது கடந்த ஆண்டு ரூ.15.70 கோடியாக மட்டுமே இருந்தது.
பொறியியல் கல்லூரிகளில் ஆசிரியர் மாணவர் விகிதம் 1:20 ஆகக் குறைப்பு: ஏஐசிடிஇ நடவடிக்கை
  • நாடு முழுவதும் உள்ள பொறியியல், தொழில்நுட்பக் கல்லூரிகளில் ஆசிரியர், மாணவர் விகிதத்தை 1:20 ஆகக் குறைத்து அகில இந்திய தொழில்நுட்பக் கல்விக் கவுன்சில் (ஏஐசிடிஇ) அறிவிப்பு வெளியிட்டுள்ளது. 20 மாணவ-மாணவியருக்கு ஓர்ஆசிரியர் என்ற இந்த அறிவிப்புக்கு பொறியியல் கல்லூரிகள் வரவேற்புத் தெரிவித்துள்ளன. 
  • நாடு முழுவதும் உள்ள பொறியியல், தொழில்நுட்பக் கல்லூரிகள் ஒவ்வோர் ஆண்டும் ஏஐசிடிஇயிடம் அனுமதி பெற வேண்டும். இதற்காக, ஒவ்வோர் ஆண்டும் ஏஐசிடிஇ அனுமதிக் கையேட்டை (வழிகாட்டி புத்தகம்) வெளியிடும். 2018-19 ஆம் ஆண்டுக்காக வெளியிடப்பட்ட அனுமதிக் கையேட்டில் பல்வேறு புதிய அறிவிப்புகளை ஏஐசிடிஇ வெளியிட்டிருக்கிறது. 
  • தகுதியான, தரமான பேராசிரியர்கள் கிடைப்பதில் சிக்கல் நீடிப்பதால் ஆசிரியர் மாணவர் விகிதத்தை 1:15 என்ற அளவிலிருந்து அதாவது 15 மாணவர்களுக்கு 1 ஆசிரியர் என்ற அளவிலிருந்து மேலும் குறைக்க வேண்டும் என பொறியியல் கல்லூரிகள் சார்பில் பல ஆண்டுகளாகக் கோரிக்கை வைக்கப்பட்டு வந்தது. இந்தக் கோரிக்கையை ஏஐசிடிஇ இப்போது ஏற்றுள்ளது. இனி பொறியியல் கல்லூரிகளில் 20 மாணவர்களுக்கு 1 ஆசிரியர் (1:20) என்ற அளவில் இருந்தால் போதும் என ஏஐசிடிஇ அறிவித்திருக்கிறது.
  • கல்லூரிக் கணினி ஆய்வகங்களில் 6 மாணவர்களுக்கு ஒரு கணினி (1:6) அல்லது மடிக் கணினி இடம் பெற்றிருக்க வேண்டும், அதோடு நூலகம், கழிவறை, புகார் மையம் என பிற அனைத்து வசதிகளும் அறிவிக்கப்பட்டுள்ளபடி இடம்பெற்றிருக்க வேண்டும் எனத் தெரிவித்துள்ளது.
  • இணையதளத்தில் கட்டண விவரம்: கல்லூரிகளில் வசூலிக்கப்படும் கல்விக் கட்டணம், தேர்வுக் கட்டணம் உள்ளிட்ட மாணவர்களிடம் வசூலிக்கப்படும் பிற அனைத்துக் கட்டணங்களின் விவரங்கள் அந்தந்த கல்லூரி இணையதளங்களில் வெளியிடப்பட வேண்டும். அதோடு, சம்பந்தப்பட்ட மாநில அரசு அல்லது கட்டண நிர்ணயக் குழு நிர்ணயித்த கட்டணத்தைக் காட்டிலும் கூடுதல் கட்டணத்தை மாணவர்களிடம் வசூலிக்கக் கூடாது. அவ்வாறு கூடுதல் கட்டணம் வசூலிக்கும் கல்லூரிகள் மீது கடும் நடவடிக்கைகள் எடுக்கப்படும் என ஏஐசிடிஇ எச்சரித்துள்ளது.
  • இடங்கள் பாதியாகக் குறைய வாய்ப்பு: பொறியியல் கல்லூரிகளில் தொடர்ந்து 5 ஆண்டுகளுக்கு 30 சதவீதத்துக்கும் குறைவான மாணவர் சேர்க்கை நடைபெற்றிருப்பது தெரியவந்தால், அந்தக் கல்லூரியின் அங்கீகரிக்கப்பட்ட மாணவர் சேர்க்கை அளவு பாதியாகக் குறைக்கப்பட்டு விடும். ஒருவேளை கல்லூரியில் தொடர்ந்து 5 ஆண்டுகளாக மாணவர் சேர்க்கை பூஜ்ஜியமாக இருந்தால், அந்தப் படிப்புகளுக்கு 2018-19 கல்வியாண்டில் அனுமதி மறுக்கப்படும் என ஏஐசிடிஇ அறிவுறுத்தியுள்ளது.
தனியார், சிறுபான்மை பள்ளி ஆசிரியர்களுக்கு தகுதி தேர்வு கட்டாயம்.மும்பை உயர்நீதிமன்றம்
  • தனியார், அரசு உதவி பெறாத சிறுபான்மை கல்வி நிறுவனங்களில் மகாராஷ்டிரா அரசு நடத்தும் தகுதி தேர்வில் தேர்ச்சி பெறாத நபர்களை ஆசிரியர்களாக நியமனம் செய்யக் கூடாது என்று மும்பை உயர்நீதிமன்றம் உத்தரவிட்டுள்ளது.
  • 2013ம் ஆண்டு ஆகஸ்ட் மாதம் பிறப்பிக்கட்ட அம்மாநில அரசின் இந்த உத்தரவு இந்த கல்வி நிறுவனங்களுக்கும் பொருந்தும் என்று நீதிமன்றம் உத்தரவிட்டுள்ளது.
  • மேலும், அவர்கள் கூறுகையில், ''மாநிலம் முழுவதும் தகுதியான ஆசிரியர்களை நியமனம் செய்ய ஒரே சீரான நடைமுறை இருக்க வேண்டும் என்ற அடிப்படையில் அரசு இந்த முடிவை அறிவித்துள்ளது'' என்றனர்.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

5 comments:

  1. Sir / Madam departmental exam method ethho change agiducam. Athukku undana syllabus question pattern thara mudiyuma? Any news any help please

    ReplyDelete
  2. Judicial department. How many papers? Syllabus old question papers. Age aagi thaan grp 4 la select aagi irukken adhanala guide pannunga sir please

    ReplyDelete
  3. Sir/Madam, ethavathu information therinjutha. Departmental exam path thi,judicial department

    ReplyDelete
    Replies
    1. Sorry for the late Reply..therila sir...wait for 2 days...ping me on whatsapp 9698694597

      Delete