Wednesday, 8 November 2017

TNPSC SHOUTERS - CURRENT AFFAIRS NOVEMBER 2017 TAMIL PDF - 8th NOVEMBER 2017


அமெரிக்காவில் மேயராக சீக்கியர் ரவீந்தர் தேர்வு
  • அமெரிக்காவின், நியூஜெர்ஸி மாகாணம், ஹோபோகென் நகர மேயர் தேர்தலில், சீக்கியரான, ரவீந்தர் பல்லா வெற்றி பெற்றுள்ளார்.அமெரிக்காவின், நியூஜெர்சி மாகாணம், ஹோபோகென் நகர் மேயர் தேர்தல் நடந்தது. 
  • இந்திய வம்சாவளியைச் சேர்ந்த, சீக்கியரான, ரவீந்தர் பல்லாவுக்கு ஆதரவு தெரிவித்தார். ரவீந்தர் பல்லாவை தவிர, மேலும் ஐந்து பேர், தேர்தலில் போட்டியிட்டனர்.
  • மேயர் தேர்தலில், ரவீந்தர் பல்லா வெற்றி பெற்றார். ஹோபோகென் நகர மேயராக பொறுப்பேற்க உள்ள, முதல் சீக்கியர் என்ற பெருமை, ரவீந்தருக்கு கிடைத்து உள்ளது.
ஆசிய சாம்பியன்ஷிப் தொடர்... மேரி கோம் தங்கம் வென்றார்
  • ஆசிய குத்துச்சண்டை சாம்பியன்ஷிப் தொடரில், இந்தியாவின் மேரிகோம் தங்கம் வென்றார். 48 கிலோ எடைப்பிரிவில் வட கொரியாவின் ஹியாங் மி கிம்மை வீழ்த்தி பதக்கம் வென்றார்.
  • ஆசிய குத்து சண்டை போட்டியில் மேரி கோம் தங்கம் வெல்வது இது 5வது முறையாகும்.
தேசிய பாட்மின்டன்: செய்னா சாம்பியன்
  • தேசிய பாட்மின்டன் பெண்கள் ஒற்றையர் பிரிவில் செய்னா நேவல், சாம்பியன் பட்டம் வென்றார். பைனலில், சிந்துவை தோற்கடித்தார். மகாராஷ்டிரா மாநிலம் நாக்பூரில், சீனியர் தேசிய பாட்மின்டன் சாம்பியன்ஷிப் தொடர் நடந்தது.
  •  இதன் பெண்கள் ஒற்றையர் பிரிவு பைனலில், உலகின் 'நம்பர்-2' சிந்து, 11வது இடத்தில் உள்ள செய்னா நேவல் மோதினர். முதல் செட்டை செய்னா 21-17 எனக் கைப்பற்றினார். இரண்டாவது செட்டில் இருவரும் மாறி, மாறி, புள்ளி எடுத்தனர். 
  • ஆனால், போராட்டமான ஆட்டத்தை வெளிப்படுத்திய செய்னா 27-25 என கைப்பற்றினார். 53 நிமிடம் நீடித்த போட்டியில் செய்னா 21-17, 27-25 என்ற நேர் செட் கணக்கில் வெற்றி பெற்றார். இதன் மூலம், மூன்றாவது முறையாக (2006,07,17) கோப்பை வென்றார்.
தேசிய சீனியர் பாட்மிண்டன்: பிரணாய் சாம்பியன்
  • மகாராஷ்டிர மாநிலம், நாகபுரியில் 82-வது தேசிய சீனியர் பாட்மிண்டன் சாம்பியன்ஷிப் போட்டி நடைபெற்று வருகிறது.
  • இன்று நடைபெற்ற ஆடவர் ஒற்றையர் பிரிவு இறுதிச்சுற்றில், போட்டித் தரவரிசையில் முதலிடத்தில் இருக்கும் ஸ்ரீகாந்தை 21-15, 16-21, 21-7என்ற செட் கணக்கில் ஹெச்.எஸ். பிரணாய் வீழ்த்தி சாம்பியன் பட்டம் வென்றார்.
  • தேசிய சீனியர் பாட்மிண்டன் சாம்பியன்ஷிப் போட்டியை பிரணாய் முதல்முறையாக வென்றுள்ளார்.
பாரம்பரிய இசை நகரம்: சென்னைக்கு யுனெஸ்கோ அங்கீகாரம்
  • இந்தியாவின் பாரம்பரிய இசை நகரங்கள் பட்டியலில் சென்னையையும் இணைத்து யுனெஸ்கோ கவுரவித்துள்ளது. இதற்கு முன் இந்தியாவின் பாரம்பரிய இசை நகரங்கள் பட்டியலில் ஜெய்பூர் மற்றும் வாரணாசி ஆகியவை மட்டுமே இடம்பெற்றிருந்தன. 
  • யுனெஸ்கோ கவுரவம் : பாரம்பரிய இசை மற்றும் நாட்டுப்புற கலைகளின் வளர்ச்சிக்காக பங்காற்றி வரும் நகரங்களுக்கு யுனெஸ்கோ இந்த கவுரவத்தை அளித்து வருவது குறிப்பிடத்தக்கது. பாரம்பரிய இசை நகரங்கள் பட்டியலில் சென்னையையும் சேர்க்கக் கோரி மத்திய கலாச்சார அமைச்சகம் சார்பில் கடந்த சில மாதங்களுக்கு முன் யுனெஸ்கோவின் கிரியேடிவ் சிட்டிஸ் நெட்வொர்க் இடம் பரிந்துரை செய்தது. 
  • இதனை ஏற்றுக் கொண்ட சிசிஎன், சென்னையை பாரம்பரிய இசை நகரங்கள் பட்டியலில் இணைத்துள்ளது. இதுவரை இந்த பட்டியலில் 54 நாடுகளைச் சேர்ந்த 116 நகரங்கள் இடம்பெற்றுள்ளன. 
'பற்ற வைக்கப்பட்ட தீயுடன் ஓடும்' யானைகளின் புகைப்படத்திற்கு சர்வதேச விருது
  • தங்களுக்கு தீ வைத்த ஒரு குழுவிடமிருந்து தப்பியோடும் இரண்டு யானைகளின் புகைப்படம் வனவிலங்கு புகைப்பட போட்டியொன்றில் முதன்மையான பரிசை வென்றுள்ளது.
  • மனிதர்கள் - யானைகள் இடையிலான மோதல்கள் நிறைந்த இந்தியாவின் மேற்கு வங்க மாநிலத்தில் பிப்லாப் ஹஸ்ரா என்பவர் எடுத்த அப்புகைப்படத்தில் தன் காலில் பற்றி எரியும் தீயுடன் யானைக்குட்டி ஒன்று, மற்றொரு யானையுடன் சேர்ந்து தங்களது உயிரை காப்பாற்றிக் கொள்ள ஓடுகிறது.
  • பிப்லாப் ஹஸ்ரா இந்த புகைப்படத்தை எடுத்துக் கொண்டிருந்தபோது, "ஊளையிடும் ஒரு ஆடவர் கூட்டம்" இரண்டு யானைகளை நோக்கி "எரியும் தார் பந்துகள் மற்றும் பட்டாசுகளை" எறிந்ததாக அக்குறிப்பில் குறிப்பிடப்பட்டுள்ளது.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a Comment