Monday, 6 November 2017

TNPSC SHOUTERS - CURRENT AFFAIRS NOVEMBER 2017 TAMIL PDF - 6th NOVEMBER 2017

காமன்வெல்த் துப்பாக்கி சுடுதலில் இந்தியாவுக்கு மொத்தம் 20 பதக்கங்கள்; அதில் ஆறு தங்கம்.
  • காமன்வெல்த் துப்பாக்கி சுடுதல் சாம்பியன்ஷிப் போட்டியில் இந்தியாவுக்கு ஆறு தங்கங்கள் உள்பட 20 பதக்கங்கள் பெற்று நிறைவு செய்துள்ளது.
  • காமன்வெல்த் துப்பாக்கி சுடுதல் சாம்பியன்ஷிப் போட்டியின் கடைசி நாளான நேற்று ஆடவருக்கான 50 மீட்டர் ரைஃபிள் மூன்று பொசிஷன்ஸ் பிரிவில் இந்தியாவின் சத்யேந்திர சிங் தங்கமும், சஞ்சீவ் ராஜ்புத் வெள்ளியும் வெற்றிப் பெற்றனர்.
  • சத்யேந்திர சிங் 454.2 புள்ளிகளுடன் முதலிடத்தையும், சஞ்சீவ் ராஜ்புத் 453.3 புள்ளிகளுடன் 2-வது இடத்தையும், ஆஸ்திரேலியாவின் டேன் சாம்சன் 3-வது இடத்தையும் பிடித்தனர்.
  • ஆடவருக்கான 'டிராப்' பிரிவில் இறுதிச்சுற்றுக்கு முன்னேறிய இந்திய வீரர் பீரேந்தீப் சோதி, அதில் 4-வது இடம் பிடித்தார்.
  • இந்த காமன்வெல்த் துப்பாக்கி சுடுதல் போட்டியை இந்தியா 6 தங்கம், 7 வெள்ளி, 7 வெண்கலப் பதக்கங்க: என மொத்தம் 20 பதக்கங்களுடன் நிறைவு செய்தது.
நிதித்துறைச் செயலாளராகப் பதவி உயர்வு பெற்றார் ஹஸ்முக் அதியா
  • மத்திய நிதித்துறைச் செயலாளராகப் பதவி உயர்வு பெற்றிருக்கிறார், ஹஸ்முக் அதியா. இவர், இந்திய வருவாய்த்துறைச் செயலாளராகப் பணியாற்றிவந்தார். இவரது பதவி உயர்வுக்கான உத்தரவை, மத்திய பணியாளர் நலன் மற்றும் பயிற்சித்துறை பிறப்பித்துள்ளது. 
  • மத்திய நிதித்துறைச் செயலாளராக இருந்த அசோக் லவாசா ஓய்வுபெற்றுவிட்டதால், நிதித்துறைச் செயலாளர் பதவி காலியாகவே இருந்தது. இந்நிலையில், அப்பதவிக்கு அதியா நியமிக்கப்பட்டிருக்கிறார். மத்திய அரசின் நியமனக் கமிட்டி இவரது பதவி உயர்வுக்கு ஒப்புதல் அளித்துள்ளது.
ஜிஎஸ்டி குழுவில் உறுப்பினராக பிரவீண் கண்டேல்வால் நியமனம்
  • மத்திய அரசின் ஜிஎஸ்டி குழு உறுப்பினராக அகில இந்திய வர்த்தகர்களின் கூட்டமைப்பின் (சிஏஐடி) தலைமை இயக்குநர் பிரவீண் கண்டேல்வால் நியமனம் செய்யப்பட்டுள்ளார். 
  • மத்திய நிதி அமைச்சர் ஒப்புதலின்பேரில் அமைக்கப்பட்டுள்ள அந்தக் குழுவில், ஆரகியா சென்குப்தா (ஆராய்ச்சி இயக்குநர், சட்டக் கொள்கை ஆய்வு மையம்), வினோத் ஜெயின்(பட்டயக் கணக்காளர்), அனுஜ் சஹாய் (இந்திய ஏற்றுமதியாளர்களின் கூட்டமைப்பின் தலைமை செயல் அதிகாரி), ஓம் பிரகாஷ் மிட்டல் (லகு உத்யோக் பார்தி தலைவர்) ஆகியோரும் உறுப்பினர்களாக நியமிக்கப்பட்டுள்ளதாக சிஏஐடி தெரிவித்துள்ளது.
பணப் பரிவர்த்தனைகளுக்கான கட்டணத்தை முழுமையாக நீக்கிய தனியார் வங்கி
  • இந்திய தனியார் வங்களில் ஒன்றான எச்டிஎப்சி வங்கி டிஜிட்டல் பரிவர்த்தனையை ஊக்குவிக்க RTGS மற்றும் NEFT பரிவர்த்தனைகளுக்கான கட்டணத்தை முழுமையாக நீக்கியுள்ளது.
  • மிகப்பெரிய தனியார் வங்கிகளில் ஒன்றான எச்டிஎப்சி வங்கி டிஜிட்டல் பரிவர்த்தனையை ஊக்குவிக்கும் வகையில் RTGS மற்றும் NEFT பரிவர்த்தனைகளுக்கான கட்டணத்தை முழுமையாக நீக்கியுள்ளது. ஆனால் காசோலை மீதான பரிவர்த்தனை கட்டணத்தை உயர்த்தியுள்ளது.
  • இந்த கட்டண நீக்கம் நவம்பர் 1ஆம் தேதி முதல் அமலுக்கு வந்துள்ளது. சேமிப்பு கணக்கு மற்றும் சம்பள கணக்குகள் வாடிக்கையாளர்களுக்கு இந்த சலுகை வழங்கப்பட்டுள்ளது. ஆனால் IMPS பரிவர்த்தனைகளுக்காக கட்டணத்தில் எந்த மாற்றமும் இல்லை.
ஜெ., மரணம் விசாரணை: வழக்கறிஞர் நியமனம்
  • ஜெ., மரணம் குறித்து விசாரிக்கும் விசாரணை கமிஷனின் வழக்கறிஞராக ரஞ்சன் என்பவர் நியமிக்கப்பட்டுள்ளார்.ஜெ., மரணம் குறித்து விசாரிக்க, ஓய்வுபெற்ற நீதிபதி, ஆறுமுகசாமி, விசாரணை கமிஷன் தலைவராக நியமிக்கப்பட்டார். 
  • கமிஷன் செயல்பட, சென்னை, எழிலகம் அருகே, பசுமை தீர்ப்பாயம் இயங்கும், கலாஸ் மஹால் கட்டடத்தின் முதல் மாடியில், இடம் ஒதுக்கப்பட்டு உள்ளது.
  • 'ஜெ., மரணம் குறித்தும், மருத்துவமனையில், அவருக்கு அளிக்கப்பட்ட சிகிச்சைகள் குறித்தும், விபரம் அறிந்தவர்கள், நவ., 22க்குள் நேரடியாகவோ, தபால் மூலமாகவோ, தகவல்கள் அளிக்கலாம்' என, நீதிபதி, ஆறுமுகசாமி அறிவித்துள்ளார். 
  • விசாரணையை முடித்து, மூன்று மாதங்களில் அறிக்கை அளிக்கும்படி, அரசு அறிவுறுத்தி உள்ளது.விசாரணை கமிஷன் அலுவலகத்தில், துணை செயலர் அந்தஸ்திலான அதிகாரி உள்ளிட்ட, நீதித் துறை மற்றும் பொதுத் துறை ஊழியர்கள், 10 பேர் நியமிக்கப்பட்டுஉள்ளனர். இந்த சூழ்நிலையில், வழக்கறிஞராக ரஞ்சன் என்பவர் நியமிக்கப்பட்டுள்ளார்.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a Comment