Sunday, 5 November 2017

TNPSC SHOUTERS - CURRENT AFFAIRS NOVEMBER 2017 TAMIL PDF - 5th NOVEMBER 2017

35 ஆயிரம் நிறுவனங்களின் பதிவு ரத்து..! மத்திய அரசு அதிரடி
  • பண மதிப்பு நீக்க நடவடிக்கைக்குப் பிறகு, 17 ஆயிரம் கோடி ரூபாய் டெபாசிட் செய்து, திருப்பி எடுத்த 35 ஆயிரம் நிறுவனங்களின் பதிவை மத்திய அரசு ரத்துசெய்துள்ளது.
  • கடந்த ஆண்டு நவம்பர் 8-ம் தேதி, 1000, 500 ரூபாய் நோட்டுகள் செல்லாது என்று அறிவிக்கப்பட்ட பிறகு, மக்களிடம் இருந்த நோட்டுகள் வங்கிகளில் செலுத்தப்பட்டன. இந்த நேரத்தில், 35 ஆயிரத்துக்கும் மேற்பட்ட நிறுவனங்கள் 17 ஆயிரம் கோடி ரூபாய்க்கு மேலான தொகையை வங்கிகளில் டெபாசிட் செய்து, மீண்டும் திருப்பி எடுத்துள்ளன. அதில், ஒரு நிறுவனத்தின் வங்கிக் கணக்கில் மட்டும் 2,484 கோடி ரூபாய் செலுத்தப்பட்டு திரும்பி எடுக்கப்பட்டுள்ளது.
  • நவம்பர் 8-ம் தேதிக்கு முன்னர், இந்த வங்கிக் கணக்கில் மைனஸில் பணம் இருந்தது தெரியவந்துள்ளது. இதைப்போல மற்றொரு நிறுவனம் 2,134 வங்கிக் கணக்குகள் வைத்திருந்ததும் தெரியவந்துள்ளது. இந்த 35,000 நிறுவனங்களின் பதிவையும் மத்திய அரசு ரத்துசெய்துள்ளது. 
  • இந்த நிறுவனங்கள்மீது அடுத்தகட்ட நடவடிக்கை எடுப்பதுகுறித்து அமலாக்கத்துறைக்கு தகவல் தெரிவித்துள்ளதாக மத்திய கம்பெனிகள் விவகாரத்துறை அமைச்சகம் தெரிவித்துள்ளது.
  • மேலும், இந்த நிறுவனங்களின் பெயரில் சொத்துகளைப் பதிவுசெய்ய அனுமதிக்கக்கூடாது என மாநில அரசுகளைக் கேட்டுக்கொண்டி ருப்பதாகவும் மத்திய அரசு கூறியுள்ளது. மேலும், கடந்த இரண்டு ஆண்டுகளாக செயல்பாட்டில் இல்லாத 2.24 லட்ச நிறுவனங்கள் அடையாளம் காணப்பட்டுள்ளன. 
  • அதில், போலி நிறுவனங்கள் என்று அடையாளப்படுத்தப்படும் நிறுவனங்கள்குறித்த தகவலை அரசு ஆவணங்களிலிருந்து நீக்கவும் நடவக்கை எடுக்கப்படும் என்று தெரிவிக்கப்பட்டுள்ளது.
  • கடந்த 3 ஆண்டுகளாக, தங்கள் நிறுவனத்தின் வருமானக் கணக்குகளைத் தாக்கல்செய்யத் தவறிய 3.09 லட்சம் இயக்குநர்களையும் மத்திய அரசு தகுதிநீக்கம் செய்திருப்பதாக, நிறுவனங்கள் விவகாரத்துறை அமைச்சகம் தெரிவித்துள்ளது.
பங்கனபள்ளி மாம்பழத்துக்கு புவிசார் குறியீடு
  • ஆந்திரத்தின் முக்கிய அடையாளமாகத் திகழும் பங்கனபள்ளி மாம்பழம் உள்ளிட்ட மேலும் ஆறு பொருள்களுக்கு புவிசார் குறியீடு கிடைத்துள்ளது அனைவருக்கும் தித்திப்பான செய்தியாக அமைந்துள்ளது.
  • புவியியல் ரீதியில் ஒரு பகுதியில் இயற்கையாக விளையும் சிறந்த வேளாண் பொருட்களுக்கு இந்திய காப்புரிமை அலுவலகம் புவிசார் குறியீடு வழங்கி வருகிறது. உலக அளவில் பிரசித்தி பெற்ற கைவினைப் பொருட்கள் மற்றும் ஆலை தயாரிப்புகளுக்கும் இந்த குறியீடு வழங்கப்படுகிறது.
  • புவிசார் குறியீடு என்பது குறிப்பிட்ட பகுதியில் உற்பத்தி செய்யப்படும் பொருளின் தரத்தையும், தனித்துவத்தையும் உலக அரங்கில் கொண்டு சேர்க்கிறது. இதனால், இந்தக் குறியீட்டைப் பெறுவதற்கு மாநிலங்களுக்கிடையே போட்டி அதிகம். 
  • டார்ஜீலிங் தேயிலை, திருப்பதி லட்டு, காங்ரா ஓவிய பாணி, நாகபுரி ஆரஞ்சுப்பழம், காஷ்மீர் பஷ்மினா உள்ளிட்டவை இதுவரையில் புவிசார் குறியீட்டைப் பெற்றுள்ளன.
  • மேற்கு வங்கத்தின் துலபஞ்சி அரிசி, கோவிந்தபோக் அரிசி, தெலங்கானாவின் போச்சம்பள்ளி சேலைகள், ஆந்திரத்தின் துர்கி கற்சிற்பங்கள், எட்டிகோப்பக்கா பொம்மைகள், நாகாலாந்தின் சக்சேசாங் சால்வைகள் ஆகியவையும் நடப்பு ஆண்டில் புவிசார் குறியீட்டை பெற்றுள்ளதாக இந்திய காப்புரிமை அலுவலக வலைதளத்தில் தெரிவிக்கப்பட்டுள்ளது.
  • கடந்த 2016-17 இல் 33 பொருள்கள் புவிசார் குறியீட்டை பெற்றுள்ளன என்பது குறிப்பிடத்தக்கது.
மகளிர் ஆசிய கோப்பை ஹாக்கியில் இந்தியா சாம்பியன்; உலகக்கோப்பை தொடருக்கும் தகுதி
  • மகளிர் ஆசிய கோப்பை ஹாக்கி போட்டிகள் ஜப்பான் நாட்டில் நடைபெற்று வருகிறது. இதில் இந்திய அணி, சீன அணியை வீழ்த்தி இரண்டாவது முறையாக ஆசிய சாம்பியன் பட்டத்தைக் கைப்பற்றியது.
  • இறுதியில் இந்திய மகளிர் அணி சிறப்பாக செயல்பட்டு சீன அணியை 5-4 கோல் கணக்கில் வீழ்த்தி ஆசிய சாம்பியன் பட்டத்தை கைப்பற்றியது. 13 வருடங்களுக்குப் பிறகு இந்திய மகளிர் அணி ஆசிய கோப்பையைக் கைப்பற்றியுள்ளது. சமீப காலங்களில் இந்திய மகளிர் அணியின் பெரிய வெற்றியாக இது பார்க்கப்படுகிறது.
  • இது மகளிர் அணிக்கு இரண்டாவது ஆசிய கோப்பையாகும். இதற்கு முன் 2004 -ம் ஆண்டு ஆசிய கோப்பையைக் கைப்பற்றி இருந்தது. இதன்மூலம் அடுத்தாண்டு இங்கிலாந்தில் நடைபெறும் உலகக்கோப்பை தொடரில் இந்திய அணி விளையாட தகுதி பெற்றது. வாழ்த்துகள் கேர்ள்ஸ்.
ரிலையன்ஸ் மொபைல் சேவை டிசம்பர் 1ம் தேதி முதல் நிறுத்தம்
  • கடும் நஷ்டத்தில் சிக்கிய ஆர்காம் எனப்படும் ரிலையன்ஸ் கம்யூனிகேஷன் அதன் அனைத்து வகை மொபைல் சேவைகளை அடுத்த மாதம் 1ம் தேதி முதல் நிறுத்திக் கொள்கிறது. அதன் வாடிக்கையாளர்கள் வேறு மொபைல் சேவை நிறுவனங்களுக்கு இந்தாண்டு கடைசி வரை மாறி கொள்ளலாம். 
  • 4 ஜி டேட்டா சேவைகளை மட்டுமே தொடர்ந்து ஆர்காம் அளிக்கும் என தெரிவிக்கப்பட்டுள்ளது. ரிலையன்ஸ் இன்போகாம் என முன்பு அழைக்கப்பட்ட ரிலையன்ஸ் கம்யூனிகேசன் (ஆர்காம்) நிறுவனம் திருபாய் அம்பானியால் உருவாக்கப்பட்ட ரிலையன்ஸ் குழுமத்தின் ஒரு அங்கமாகும். இந்நிறுவனம் 2004ம் ஆண்டு முதல் ஜிஎஸ்எம் வகை நகர்பேசி சேவை, சிடிஎம்ஏ வகை நகர்பேசி சேவை, கம்பிவழி இணையம், கம்பியில்லா இணையம், இணையவழி தொலைக்காட்சி ஆகிய சேவைகளை வழங்குகிறது. 
  • இதன் மொத்த கடன் ரூ.44,000கோடியை தொட்டது. வர்த்தகத்தை வலுப்படுத்த ஏர்செல்ஸ், டாடா டொகோமோ போன்ற நிறுவனங்களுடன் இணைக்க முயன்றது. பல்வேறு சட்ட சிக்கல்காரணமாக அவை ரத்தாகின. மேலும்,முகேஷ் அம்பானியின் ஜியோ வரவு காரணமாக பாதிப்பு பெருகியது. 
  • இதையடுத்து,இந்நிறுவனம் அளித்து வந்த 2ஜி மற்றும் 4ஜி ேசவை௳ளை இம்மாதம் 30 ம் தேதியுடன் நிறுத்தப்படுவதாக அறிவித்தது. இவை ஆந்திரம், அரியானா, மஹாராஷ்டிரா, உத்தரப் பிரதேசம் ( கிழக்கு, மேற்கு),தமிழகத்தில் 8 தொலைத் தொடர்பு வட்டங்கள் மூலம் அளித்து வருகிறது. 
  • இம்மாதம் 30ம் தேதிக்கு பிறகு 4 ஜி டேட்டா சேவைகளில் மட்டுமே ஈடுபடும் என்றும் தெரிவிக்கப்பட்டுள்ளது. தொலைத் தொடர்பு ஒழுங்குமுறை ஆணையம் (டிராய்) வெளியிட்ட உத்தரவில், நாட்டில் உள்ள அனைத்து மொபைல் சேவை நிறுவனங்கள், ஆர்ஐஎல் வாடிக்கையாளர்கள் டிசம்பர் 31ம் தேதி வரை அதன் வாடிக்கையாளர்கள் மாறிக் கொள்ள அனுமதிக்க வேண்டும் என கூறப்பட்டுள்ளது.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a Comment