Thursday, 30 November 2017

TNPSC SHOUTERS - CURRENT AFFAIRS NOVEMBER 2017 TAMIL PDF - 30th NOVEMBER 2017

உலக பளு தூக்கும் சாம்பியன்ஷிப் போட்டி.. இந்திய வீராங்கனைக்கு தங்கம்
  • உலக பளு தூக்கும் சாம்பியன்ஷிப் போட்டியின் பெண்கள் பிரிவில் இந்தியா தங்கம் பதக்கம் வென்று இருக்கிறது. அமெரிக்காவில் நடந்த இந்த போட்டியில் மணிப்பூரை சேர்ந்த மீராபாய் சானு தங்கம் வென்றார்.
  • இதில் இந்தியாவை சேர்ந்த மீராபாய் சானு 48 கிலோ எடை பிரிவு பளு தூக்கும் போட்டியில் கலந்து கொண்டார். இறுதி போட்டியின் முதல் சுற்றில் 85 கிலோ எடையை தூக்கினார். அதற்கு அடுத்த சுற்றில் 109 கிலோ எடையை தூக்கினார்.
  • இதன் மூலம் இரண்டு சுற்றுகளையும் சேர்த்து 194 கிலோ எடையை தூக்கி புதிய உலக சாதனை படைத்து இருக்கிறார். மேலும் அவர் அதிக புள்ளிகள் பெற்று இறுதி போட்டியில் வெற்றபெற்றார். இதன் மூலம் அவர் இந்த போட்டியில் தங்கம் வென்றுள்ளார்.
  • ஏற்கனவே இவர் காமன்வெல்த் பளு தூக்கும் போட்டியில் தங்கம் வாங்கியவர் என்பது குறிப்பிடத்தக்கது.
ராஜஸ்தான், ராணுவம் ஒப்பந்தம்
  • ராஜஸ்தான் மாநிலத்தில் இந்தியா-பாகிஸ்தான் எல்லையோர பகுதிகளில் உள்கட்டமைப்பு வசதிகளை மேம்படுத்துவதற்காக ராணுவம் - ராஜஸ்தான் அரசு இடையே ஒப்பந்தம் ஏற்பட்டுள்ளது. 
  • கங்காநகர் மாவட்டத்தில் லால் கர்க்-ஜடான் பகுதியில் உள்ள விமான தளத்தை ராணுவம் 10 ஆண்டுகளுக்கு பயன்படுத்திக்கொள்வது என இந்த ஒப்பந்தத்தில் முடிவு செய்யப்பட்டுள்ளதாக அதிகாரிகள் தெரிவித்துள்ளனர். 
  • மேலும் ராணுவம் அதன் தேவைக்கேற்ப கட்டுமான பணிகளை மேற்கொள்வதற்கும் அனுமதி அளிக்கப்பட்டுள்ளதாகவும் மாநில சிவில் விமான போக்குவரத்து துறை முதன்மை செயலாளர் பவன் கோயல் தெரிவித்துள்ளார்.
2-வது காலாண்டில் நாட்டின் பொருளாதார வளர்ச்சி 6.3 சதவீதமாக அதிகரிப்பு
  • இந்த ஆண்டுக்கான(2017) நாட்டின் பொருளாதார வளர்ச்சி இரண்டாம் காலாண்டில் (ஜூலை to செப்டம்பர்) 6.3 சதவீதமாக உயர்ந்துள்ளது என மத்திய நிதியமைச்சகம் தெரிவித்துள்ளது. 
  • மத்திய அரசு மேற்கொண்ட பணமதிப்பிழப்பு மற்றும் ஜிஎஸ்டி நடவடிக்கைக்கு பின்னர் இந்த ஆண்டுக்கான முதல் காலாண்டில் பொருளாதார வளர்ச்சி 5.7 சதவீதம் அளவுக்கு சரிந்தது. 
  • பின்னர் மத்திய அரசு மேற்கொண்ட பல நடவடிக்கையால் இரண்டாம் காலாண்டில் பொருளாதார வளர்ச்சி 6.3 சதவீதம் அளவுக்கு உயர்ந்துள்ளது.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a Comment