Friday, 3 November 2017

TNPSC SHOUTERS - CURRENT AFFAIRS NOVEMBER 2017 TAMIL PDF - 3rd NOVEMBER 2017

பாடகர் இயேசுதாஸுக்கும், நடிகை காஞ்சனாவுக்கும் கர்நாடகாவின் உயரிய விருது
  • பாடகர் இயேசுதாஸுக்கும், நடிகை காஞ்சனாவுக்கும் கர்நாடக அரசின் உயரிய விருதான ராஜ்யோத்சவா விருதை கர்நாடக முதல்வர் சித்தராமய்யா வழங்கி கௌரவித்தார்.
  • கர்நாடக மாநிலம் உருவானதை நினைவுகூறும் வகையில் வழங்கப்பட்டு வரும் உயரிய விருது ராஜ்யோத்சவா விருது. பல்வேறு துறைகளில் சிறந்தவர்களுக்கு இந்த விருது வழங்கப்பட்டு வருகிறது.
  • கர்நாட மாநிலம் உருவாகி 62 ஆண்டுகள் ஆனதை தொடர்ந்து பல்வேறு துறைகளில் சிறந்த 62 பேருக்கு ராஜ்யோத்சவா விருது வழங்கி கர்நாடக அரசு கௌரவித்தது.
  • இதில் திரைப்படத் துறையிலிருந்து பின்னணி பாடகர் கே.ஜே.இயேசுதாசும், பழம்பெரும் நடிகை காஞ்சனாவும், இந்த விருதை பெற்றனர்.
  • ஸ்ரீதர் இயக்கிய காதலிக்க நேரமில்லை படத்தில் அறிமுகமான காஞ்சனா, தமிழ், மற்றும் கன்னடத்தில் 100 படங்களுக்கு மேல் நடித்துள்ளார் என்பதும், கே.ஜே.யேசுதாஸ் இந்திய மொழிகளில் 30 ஆயிரத்துக்கும் மேற்பட்ட பாடல்களை பாடியுள்ளார்.
காமன்வெல்த் துப்பாக்கி சுடுதலில் இந்தியாவின் பிரகாஷ் நஞ்சப்பா தங்கம் வென்று அசத்தல்
  • காமன்வெல்த் துப்பாக்கி சுடுதல் சாம்பியன்ஷிப் போட்டியில் இந்தியாவின் பிரகாஷ் நஞ்சப்பா தங்கம் வென்று அசத்தியுள்ளார்.
  • காமன்வெல்த் துப்பாக்கி சுடுதல் சாம்பியன்ஷிப் போட்டியில் ஆடவருக்கான 50 மீட்டர் பிஸ்டல் பிரிவில் இந்தியாவின் பிரகாஷ் நஞ்சப்பா தங்கம் வென்றுள்ளார்.
  • இறுதிச் சுற்றில் அவர் 222.4 புள்ளிகளைப் பெற்று முதலிடம் பிடித்து தங்கம் வென்று இந்தியாவுக்கு பெருமை சேர்த்துள்ளார்.
  • அதே பிரிவில் போட்டியிட்ட இதர இந்தியாவின் அமன்பிரீத் சிங் வெள்ளி பதக்கம் வென்றார். ஜிது ராய் வெண்கல பதக்கம் வென்றனர்
  • அதேபோன்று ஆடவருக்கான 50 மீட்டர் ரைஃபிள் பிரோன் பிரிவில் இந்திய வீரர் ஸ்வப்னில் சுரேஷ் குசாலே 3-ஆம் இடம் பிடித்து வெண்கலப் பதக்கத்தை வென்றார்.
தொலைதூர ( அஞ்சல் வழி) கல்வி குறித்து உச்சநீதிமன்றம் முக்கிய தீர்ப்பு
  • தொலைதூர வழிக்கல்வி மூலம் தொழில்நுட்ப படிப்புகளை நடத்தக்கூடாது என்று உச்சநீதிமன்றம் உத்தரவிட்டுள்ளது.
  • இது குறித்த வழக்கு ஒன்றை விசாரித்த உச்ச நீதிமன்றம், பொறியியல் உள்ளிட்ட தொழில் நுட்ப படிப்புகளை தொலை தூர வழி கல்வியில் நடத்த கல்வி நிறுவனங்களுக்கு தடை விதித்தது. மேலும் இது தொடர்பாக பஞ்சாப் - அரியானா மாநில உயர்நீதிமன்றம் பிறப்பித்த உத்தரவை உறுதி செய்தது.
  • இரண்டு வருடங்களுக்கு முன் பஞ்சாப் - அரியானா மாநில உயர்நீதிமன்றம், "கணிப்பொறி அறிவியல் படிப்பை கல்லூரி சென்று படித்தவர்களும், தொலைவழிக் கல்வியில் படித்தவர்களையும் சமமாக கருத முடியாது" என உத்தரவு பிறப்பித்திருந்தது.
  • அதே நேரம், "தொலைதூர கல்வியில் தொழில்நுட்ப கல்விகளை படிக்கலாம்" என்று ஒடிசா உயர் நீதிமன்றம் உத்தரவிட்டிருந்த்து. இந்த உத்தரவை உச்சநீதிமன்றம் ரத்து செய்திருக்கிறது.
இந்தியாவுக்கான அமெரிக்க தூதர் நியமனம்
  • அமெரிக்க அதிபராக, டொனால்டு டிரம்ப், இந்தாண்டு ஜனவரியில் பொறுப்பேற்ற பின், இந்தியாவுக்கான அமெரிக்கத் துாதராக இருந்த, ரிச்சர்ட் வர்மா, ராஜினாமா செய்தார். 
அமெரிக்க பெடரல் வங்கி தலைவராகிறார் ஜெரோம்
  • அமெரிக்க பெடரல் வங்கி புதிய தலைவராக ஜெரோம் பவல் நியமனம் செய்யப்பட்டுள்ளார். 
  • அமெரிக்க பெடரல் வங்கியின் தலைவராக தற்போது ஜெனட் ஏலன் உள்ளார். இவரது பதவிக்காலம் பிப்ரவரி மாதம் முடிவடைகிறது. 
ஜனவரி முதல் தங்க நகைகளுக்கு ஹால்மார்க் முத்திரை கட்டாயம்
  • தங்க நகை விற்பனைக்கு ஹால்மார்க் முத்திரையுடன் கேரட் அளவையும் கட்டாயம் குறிப்பிட வேண்டும் என்று உத்தரவிட மத்திய அரசு திட்டமிட்டுள்ளது.
  • மேலும், ஹால்மார்க் முத்திரையுடன் எத்தனை கேரட் தங்கத்தில் நகை செய்யப்பட்டுள்ளது என்பதையும் கட்டாயம் குறிப்பிட வேண்டும். 14 கேரட், 18 கேரட், 22 கேரட் என 3 பிரிவுகளில் இது மேற்கொள்ளப்படும்'' என்றார்.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a Comment