Tuesday, 28 November 2017

TNPSC SHOUTERS - CURRENT AFFAIRS NOVEMBER 2017 TAMIL PDF - 27th NOVEMBER 2017

நடப்பு மாதத்தில் ஜிஎஸ்டி வசூல் 83,346 கோடியாக சரிவு
  • நவம்பர் மாத ஜிஎஸ்டி வரி 83,346 கோடி வசூல் ஆகியுள்ளது என நிதியமைச்சகம் கூறியுள்ளது. ஜிஎஸ்டியில் 95.9 லட்சம் பேர் பதிவு செய்துள்ளனர். கடந்த அக்டோபர் மாதத்துக்காக இந்த மாதம் 26ம் தேதி வரை 50.1 லட்சம் ரிட்டர்ன்கள் தாக்கல் செய்யப்பட்டுள்ளன.
  • இதன்மூலம் நேற்று வரை 83,346 கோடி வரி வசூலிக்கப்பட்டுள்ளது. அக்டோபரில் ஜிஸெடி வரி 95,131 கோடியும், செப்டம்பரில் 93,141 கோடியும் வசூலாகியுள்ளது. 
  • இவற்றுடன் ஒப்பிடுகையில் இந்த மாதம் ஜிஎஸ்டி வரி வசூல் குறைந்துள்ளது. மாநிலங்கள் கடந்த ஆகஸ்ட், செப்டம்பர், அக்டோபர், நவம்பர் (27ம் தேதி வரை) மாநில ஜிஎஸ்டியாக 87,238 வசூலித்துள்ளன. 
  • மாநிலங்களுக்கு ஆகஸ்ட் முதல் அக்டோபர் வரையிலான மூன்று மாதங்களுக்கு செட்டில்மென்ட் தொகையாக 31,821 கோடி வழங்கப்பட்டுள்ளது. இந்த மாதம் 18,882 கோடி வழங்கப்படுகிறது. 
  • ஜிஎஸ்டியில் மாநிலங்களுக்கு இழப்பீடு வழங்கும் சட்டப்படி, இழப்பீடு தொகை முழுமையாக வழங்கப்படுகிறது. இந்த வகையில் ஜூலை மற்றும் ஆகஸ்ட் மாதத்துக்கு 10,806 கோடி வழங்கப்பட்டுள்ளது. செப்டம்பர் மற்றும் அக்டோபர் மாதத்துக்கு 13,695 கோடி வழங்கப்படுகிறது. 
  • மத்திய அரசுக்கு ஜிஎஸ்டி வரி வருவாயாக ஆகஸ்ட் முதல் நேற்று வரை 58,566 கோடி வசூல் ஆகியுள்ளது. இது தவிர ஒருங்கிணைந்த ஜிஎஸ்டி மூலம் 16,233 கோடி கிடைத்துள்ளது. நவம்பருக்கான ஐஜிஎஸ்டி 10,145 கோடி மத்திய ஜிஎஸ்டிக்கு செட்டில்மென்டாக மாற்றப்படுகிறது. வரி செலுத்துவோர் வரி கிரெடிட்டை பயன்படுத்திக்கொண்டதால் இந்த மாத வரி வசூல் குறைந்துள்ளது என கூறப்பட்டுள்ளது.
பங்கு முதலீட்டு லாபம் வழங்கப்படுவதால் பிஎப் வட்டிகுறைக்க மத்திய அரசு திட்டம்
  • தொழிலாளர்களின் பிஎப் கணக்கில் உள்ள பணத்துக்கு ஆண்டுதோறும் வட்டி வழங்கப்பட்டு வருகிறது. கடந்த 2016-17 நிதியாண்டில் வட்டி விகிதமாக 8.65 சதவீதம் வழங்கப்பட்டு வந்தது. நடப்பு ஆண்டில் இந்த வட்டித்தொகை மேலும் குறைக்கப்படலாம் என எதிர்பார்க்கப்படுகிறது. 
  • கடந்த நிதியாண்டில் 4.5 கோடி பிஎப் சந்தாதார்களின் கணக்கில் உள்ள பணத்துக்கு வட்டியாக 8.65 சதவீதம் வழங்கப்பட்டது. பிஎப் பணத்தில் முதலீடு செய்த தொகையை எவ்வாறு மதிப்பீடு செய்வது என பெங்களூரு ஐஐஎம் அறிக்கை அளித்துள்ளது. ஐஐஎம் உடன் சேர்ந்து யூனிட்கள் வழங்குவது பற்றி மதிப்பீடு செய்யப்படும். 
நீதிமன்ற உத்தரவால் இந்தியாவின் முதல் திருநங்கை மருத்துவ மாணவியான தாரிகா பானு
  • இந்தியாவின் முதல் திருநங்கை மருத்துவக்கல்லூரி மாணவி என்ற பெருமையை தமிழகத்தை சேர்ந்த தாரிகா பானு என்பவர் பெற்றுள்ளார். திருநங்கை என்ற மூன்றாம் பாலினத்தவர் என்ற ஒரே காரணத்தால் 12ஆம் வகுப்பு படிக்கும்போதே பல்வேறு சிக்கல்களை சந்தித்த தாரிகாபானுவுக்கு தேவையான மதிப்பெண் இருந்தும் மெடிக்கல் சீட் தர மறுத்ததை அடுத்து அவர் நீதிமன்றத்தில் வழக்கு தொடுத்தார். 
  • இந்த வழக்கில் இன்று தீர்ப்பு வழங்கப்பட்ட நேரத்தில் தாரிகாபானுவுக்கு சீட் கொடுக்க உத்தரவிடப்பட்டது. இதன்படி அவர் விரும்பிய சித்த மருத்துவக்கல்லூரியில் அவருக்கு சீட் கொடுக்கப்படவுள்ளது. 
  • இதனையடுத்து இந்தியாவின் முதல் திருநங்கை மருத்துவக்கல்லூரி மாணவி என்ற பெருமையை தாரிகாபானு பெறுகிறார். மேலும் அனைத்து கல்வி நிறுவனங்களும் திருநங்கைகளுக்கு என ஒரு குறிப்பிட்ட இடங்களை ஒதுக்க வேண்டும் என்று நீதிமன்றம் அறிவுறுத்தியுள்ளது.
ஆசியன் கபடி சாம்பியன்ஷிப் போட்டியில் இந்தியா சாம்பியனானது

  • ஈரானில் நடந்த ஆசியன் கபடி சாம்பியன்ஷிப் போட்டியில் ஆடவர் பிரிவில் பாகிஸ்தானை வீழ்த்தி இந்தியா சாம்பியனானது & மகளிர் பிரிவிலும் இந்திய அணி சாம்பியன் பட்டம் வென்றுள்ளது.
நாளை ஐதராபாதில் மெட்ரோ சேவையை தொடக்கி வைக்கிறார் பிரதமர் மோடி
  • தெலுங்கானா மாநிலத்தில் மத்திய அரசின் உதவியுடன் ஐதராபாதில் மெட்ரோ ரெயில் தொடங்குவதற்கான பணிகள் நடைபெற்று வந்தது. தற்போது மெட்ரோ ரெயில் பணிகள் இறுதி கட்டத்தை எட்டியுள்ளது. 
  • ஐதராபாத் மெட்ரோ சேவையை மியாபூர் ஸ்டேஷனில் இருந்து பிரதமர் நரேந்திர மோடி நாளை 2.25 மணிக்கு கொடியசைத்து தொடங்கி வைக்கிறார். இவருடன் தெலுங்கானா மாநில முதல்வர், அமைச்சர்கள் மற்றும் அதிகாரிகள் கலந்துக் கொள்கின்றனர்.
அழகப்பா பல்கலைக்கழகத்தில் தமிழ்ப் பண்பாட்டு அருங்காட்சியகம்!
  • சிவகங்கை மாவட்டம் காரைக்குடியில் அமைந்துள்ள அழகப்பா பல்கலைக்கழகத்தில், தமிழ்ப் பண்பாட்டு மையத்தின் சார்பில், அங்குள்ள தமிழரின் பண்பாட்டு அருங்காட்சியகத்தை கலெக்டர் லதா திறந்துவைத்தார். 
  • இந்தப் பல்கலைக்கழகத்தில், தமிழர் பண்பாட்டு அருங்காட்சியகம் பிப்ரவரி 2016-ம் ஆண்டு தோற்றுவிக்கப்பட்டது. 
  • இம்மையத்தின் முக்கிய நோக்கம், இரண்டாயிரம் ஆண்டுகளுக்கு முன்பு வாழ்ந்த நம் தமிழர்களின் ஆதாரங்களைச் சேகரித்தல், அவற்றை ஆவணப்படுத்துதல், காட்சிப்படுத்துதல், தமிழ்க் களஞ்சியத்தை உருவாக்குதல் தமிழ்ப் பண்பாடு சார்ந்த ஆய்வுகளை மேற்கொள்ளுதல் ஆகியவை ஆகும். 
  • அருங்காட்சியகத்தில், தமிழர்களின் வீடுகளில் பழங்காலத்தில் பயன்படுத்தியப் பொருள்களான செம்பு, பித்தளை, வெண்கலப்பாத்திரங்கள், பல்லாங்குழி, தாயக்கட்டை, ஏர்க் கலப்பை, மாட்டுவண்டி, கூட்டுவண்டி, மண்குதிரைகள், ஓலைச்சுவடிகள், எழுத்தாணி, இசைக்கருவி, ஆடை, அணிகலன்கள், கல்யாணப் பட்டுப்புடவைகள் பார்வைக்கு வைக்கப்பட்டுள்ளன. 
  • மேலும், பாரதியார், ஒளவையார், இளங்கோவடிகள், கம்பர் மற்றும் சிவகங்கை மாவட்ட சுதந்திரப் போராட்ட வீராங்கனை வேலுநாச்சியார் போன்றவர்களின் திருவுருவச்சிலைகளும் அமைக்கப்பட்டுள்ளன. சேர, சோழ, பாண்டியர் ஆகிய மூவேந்தர்களின் ஓவியம் மற்றும் கி.பி.
  • இரண்டாம் நூற்றாண்டைச் சேர்ந்த பாறை ஓவியங்கள், சித்தன்னவாசல் குகை ஓவியங்கள், தஞ்சைப் பெரியகோயில் ஓவியங்கள் போன்றவையும் இடம்பெற்றுள்ளன.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a Comment