Sunday, 26 November 2017

TNPSC SHOUTERS - CURRENT AFFAIRS NOVEMBER 2017 TAMIL PDF - 25th NOVEMBER 2017

ஒரே நாளில் உலக பணக்காரர்கள் பட்டியலில் முதலிடம் பிடித்த அமேசான் நிறுவனர்!
  • உலக பணக்காரர்கள் பட்டியலில் ஆன்லைன் ஷாப்பிங் நிறுவனமான அமேசான் நிறுவனர் ஜெஃப் பீசாஸ், முதலிடம் பிடித்தார். இத்தனைக்கும் இது ஒரே நாளில் நடந்ததென்றால் நம்பமுடிகிறதா...!
  • இந்நிலையில், ஆன்லைன் ஷாப்பிங்கில் உலகளவில் முதலிடத்தில் இருக்கும் பிரபலமான அமேசான் நிறுவனம் பல சலுகைகளை இந்த பிளாக் ஃப்ரைடே தினத்தில் அறிவித்தது. இது வாடிக்கையாளர்களிடம் பலத்த வரவேற்பை பெற்றது.
  • இதுவே, அமேசான் நிறுவனர் ஜெஃப், உலக பணக்காரர்கள் பட்டியலில் மைக்ரோசாஃப்ட் நிறுவனர் பில் கேட்ஸை பின்னுக்குத்தள்ளி முதலிடம் பெற வைத்தது. அதுமட்டுமல்லாமல் அவரது மொத்த சொத்து மதிப்பும் 100 பில்லியன் டாலர்கள் உயரக் காரணமாக அமைந்தது.
  • கடந்த 4 மாதங்களுக்கு முன்பாக உலக பணக்காரர்கள் பட்டியலில் மைக்ரோசாஃப்ட் நிறுவனர் பில் கேட்ஸை (90 பில்லியன் டாலர்கள்) விட அமேசான் நிறுவனர் ஜெஃப், 1 சதவீத வளர்ச்சியுடன் (90.6 பில்லியன் டாலர்கள்) முன்னிலைப் பெற்றார்.
  • இருப்பினும் இவர்கள் இருவருக்கும் இடையிலான போட்டி பரபரப்பாகவே இருந்தது. ஆனால், தற்போது ஏற்பட்டுள்ள இந்த நிலையின் காரணமாக அமேசான் நிறுவனர் ஜெஃப், உலக பணக்காரர்கள் பட்டியலில் 100 பில்லியன் டாலர்களுடன் முதலிடத்தை உறுதி செய்தார்.
அந்நிய நேரடி முதலீடு 17 சதவீதம் அதிகரிப்பு
  • நடப்பு நிதியாண்டின் முதல் ஆறு மாத காலத்தில் இந்தியாவில் மேற்கொள்ளப்பட்ட அந்நிய நேரடி முதலீடு 17 சதவீதம் அதிகரித்ததாக மத்திய அரசு தெரிவித்துள்ளது.
  • அந்நிய நேரடி முதலீட்டு விவகாரங்களை கையாண்டு வரும் தொழில்கொள்கை மற்றும் மேம்பாட்டு துறை வெளியிட்டுள்ள சுட்டுரை செய்தியில் இதுகுறித்து மேலும் தெரிவிக்கப்பட்டுள்ளதாவது: 
  • நடப்பு 2017}18 நிதி ஆண்டின் ஏப்ரல் முதல் செப்டம்பர் வரையிலான கால அளவில் இந்தியாவில் 2,535 கோடி டாலர் (சுமார் ரூ.1.65 லட்சம் கோடி) அந்நிய நேரடி முதலீடு மேற்கொள்ளப்பட்டது. கடந்த நிதி ஆண்டின் இதே கால அளவில் மேற்கொள்ளப்பட்ட 2,162 கோடி டாலருடன் (ரூ.1.40 லட்சம் கோடி) ஒப்பிடுகையில் இது 17 சதவீதம் அதிகமாகும். 
  • கடந்த 2000ஆம் ஆண்டு ஏப்ரல் முதல் நடப்பாண்டு செப்டம்பர் வரையிலுமாக இந்தியாவில் மேற்கொள்ளப்பட்ட ஒட்டுமொத்த அந்நிய நேரடி முதலீட்டு அளவு 51,810 கோடி டாலர் (சுமார் ரூ.33.68 லட்சம் கோடி) என்ற அளவில் உள்ளது.
  • இந்தியாவின் சேவைத் துறை, தொலைத்தொடர்புத் துறை, வர்த்தகத் துறை, கணினி மென்பொருள்}வன்பொருள் துறை மற்றும் மோட்டார் வாகனத் துறை ஆகியவை வெளிநாட்டு முதலீட்டை பெருமளவில் ஈர்ப்பதில் முன்னணியில் உள்ளன. 
  • சிங்கப்பூர், மோரீஷஸ், நெதர்லாந்து, ஜப்பான் ஆகிய நாடுகளிலிருந்துதான் அதிக அளவு முதலீடு மேற்கொள்ளப்பட்டது என்று அதில் தெரிவிக்கப்பட்டுள்ளது.
தங்கப் பத்திரம் வெளியீடு: நவ.27-இல் தொடக்கம்
  • தங்கப் பத்திரம் வெளியீடு வரும் நவ. 27ஆம் தேதி தொடங்குகிறது. ஒரு கிராம் தங்கப் பத்திரத்தின் விலையை மத்திய அரசு ரூ.2,961ஆக நிர்ணயித்துள்ளது.
  • தங்கப் பத்திர வெளியீடு நவ. 27ஆம் தேதி தொடங்கி நவ. 29 ஆம் தேதி வரையில் மூன்று நாள்கள் நடைபெறவுள்ளது. 999 சுத்த தன்மையைக் கொண்ட இந்த தங்கப் பத்திரத்தின் விலை நவ.22 முதல் நவ.24ஆம் தேதி வரையில் காணப்பட்ட விலை நிலவரத்தை அடிப்படையாகக் கொண்டு நிர்ணயிக்கப்பட்டுள்ளது. அதன்படி, ஒரு கிராம் தங்கப் பத்திரத்தின் விலை ரூ.2,961ஆக நிர்ணயிக்கப்பட்டுள்ளது.
  • மத்திய அரசு, ரிசர்வ் வங்கியுடன் நடத்திய ஆலோசனையின்படி, ஆன்லைன் மற்றும் டிஜிட்டல் முறையில் பணம் செலுத்தும் முதலீட்டாளர்களுக்கு ரூ.50 தள்ளுபடி விலையில் தங்கப் பத்திரத்தை வழங்க முடிவெடுக்கப்பட்டுள்ளது. இதையடுத்து, அவர்களுக்கான தங்கப் பத்திரத்தின் விலை ரூ.2,911ஆக மட்டுமே இருக்கும் என்று ரிசர்வ் வங்கி தெரிவித்துள்ளது.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a Comment