Tuesday, 21 November 2017

TNPSC SHOUTERS - CURRENT AFFAIRS NOVEMBER 2017 TAMIL PDF - 21th NOVEMBER 2017

ஆராய்ச்சி மையங்களை மூட மத்திய வேளாண் அமைச்சகம் திட்டம்: 103 மையங்களை 60 ஆக குறைக்க வாய்ப்பு
  • தமிழகத்தில் 3 வேளாண் ஆராய்ச்சி மையங்கள் மூட திட்டமிடப்பட்டுள்ளதாக தகவல் வெளியாகியுள்ளது. சென்னையில் இறால் ஆராய்ச்சி மையம் முதலில் மூடப்படும் சூழல் உருவாயுள்ளது. ஆராய்ச்சி மையங்கள் மூடுவது குறித்து வரும் 27ம் தேதி முடிவெடுக்கிறது மத்திய வேளாண் அமைச்சகம். 
  • கோவை சர்க்கரை ஆராய்ச்சி மையத்தின் எதிர்காலமும் கேள்விக்குறியாக உள்ளது. நாடு முழுவதும் 103 ஆராய்ச்சி மையங்களை வேளாண்துறை நடத்தி வருகிறது. 103 மையங்களை 60 ஆக குறைக்க வேளாண்துறை பரிந்துரை செய்துள்ளதையடுத்து இந்நடவடிக்கை எடுக்கப்பட்டுள்ளதாக தகவல் வெளியாகியுள்ளது. 
தமிழகத்தில் புதிதாக 70 மணல் குவாரிகள்: தமிழக அரசு முடிவு
  • தமிழகத்தில் புதிதாக 70 மணல் குவாரிகளை அமைக்க தமிழக அரசு முடிவு செய்துள்ளதாக தகவல் வெளியாகியுள்ளது.
  • தமிழகத்தில் ஆற்று மணல் கொள்ளை சம்பவம் நீண்ட கால பிரச்னையாக உள்ளது. அத்துடன் சமீபத்தில் மணல் தட்டுப்பாடு பிரச்னை ஏற்பட்டதால், ஆன்லைன் மூலம் மணல் விற்பனை செய்யும் முறையை அரசு அறிமுகப்படுத்தியது. 
  • இந்நிலையில் மணல் கடத்தலை தடுப்பது மற்றும் ஆன்லைன் மணல் விற்பனையின் தற்போதைய நிலை குறித்து முதலமைச்சர் பழனிசாமி ஆலோசனை நடத்தினார்.
  • சென்னையில் உள்ள தலைமை செயலகத்தில் நடைபெற்ற இந்த ஆலோசனையில் திருச்சி, தஞ்சை, நாகை உள்ளிட்ட 8 மாவட்ட ஆட்சியர்கள் மற்றும் புதுக்கோட்டை, விருதுநகர், சிவகங்கை, தூத்துக்குடி, நெல்லை ஆகிய 5 மாவட்ட காவல் கண்காணிப்பாளர்கள் பங்கேற்றனர்.
  • அதில், கரூரில் 8 குவாரிகள், நாகையில் 4 குவாரிகள் என மொத்தம் 70 குவாரிகளை அமைக்க முடிவு செய்யப்பட்டுள்ளதாகக் கூறப்படுகிறது. மணல் தட்டுப்பாட்டைப் போக்குவது தொடர்பாக அப்போது தீவிர ஆலோசனை நடத்தப்பட்டதாக தெரிவிக்கப்பட்டுள்ளது.
ஜெ. மரணம் குறித்த வழக்கை விசாரிக்க கூடுதல் அதிகாரம் வேண்டும். அரசுக்கு கடிதம் எழுதிய நீதிபதி ஆறுமுகசாமி
  • ஜெயலலிதா மரணம் குறித்து விசாரிக்க, உயர் நீதிமன்ற ஓய்வு பெற்ற நீதிபதி, ஆறுமுகசாமி தலைமையில் அமைக்கப்பட்டுள்ள விசாரணை கமிஷன், நாளை தன் பணியை தொடங்க உள்ள நிலையில் உயர் பதவியில் இருப்போரையும் விசாரிக்க வசதியாக, கமிஷனுக்கு கூடுதல் அதிகாரம் வழங்க வேண்டும் தமிழக அரசுக்கு கடிதம் அனுப்பப்பட்டுள்ளது.
  • இதைத் தொடர்ந்து விசாரணை கமிஷன் சார்பில், 'ஜெ., மருத்துவமனையில் அனுமதிக்கப்பட்டதற்கான சூழ்நிலைகள், அவருக்கு அளிக்கப்பட்ட சிகிச்சைகள் குறித்த விபரங்கள் தெரிந்தோர், உறுதிமொழி பத்திர வடிவில், நவம்பர் மாதம் ., 22க்கு முன் அளிக்கலாம் என, விசாரணை கமிஷன் சார்பில் அறிவிக்கப்பட்டது.
  • இதுவரை விசாரணை கமிஷனுக்கு, 70 கடிதங்கள் வந்துள்ளன. மதுரை மாவட்டம், திருப்பரங்குன்றம் சட்டசபை தொகுதி இடைத்தேர்தலில், தி.மு.க., சார்பில் போட்டியிட்ட சரவணன், முன்னாள் எம்.எல்.ஏ., ஆனுார் ஜெகதீசன், ஜெ., அண்ணன் மகள் தீபாவின் கணவர் மாதவன், ஐ.ஆர்.எஸ்., அதிகாரி ஒருவர் உட்பட, பலர்பிரமாண பத்திரம் தாக்கல் செய்துள்ளனர்.
  • இந்நிலையில் நாளை முதல் ஜெ., மரணம் தொடர்பாக விசாரணை தொடங்க உள்ள நிலையில் , லண்டனிலிருந்து வந்த டாக்டர் பீலே, சிங்கப்பூர் பிசியோதெரபிஸ்ட் மருத்துவர்கள், முதலமைச்சர், துணை முதலமைச்சர், அமைச்சர்கள், சசிகலா குடும்பத்தினர் என, அனைவரையும் விசாரிக்க வேண்டி உள்ளது.
  • இதையடுத்து உயர் அதிகாரிகளையும் விசாரிக்கும் வகையில் கமிஷனுக்கு கூடுதல் அதிகாரம் வழங்கக் கோரி, விசாரணை கமிஷன் சார்பில், அரசுக்கு கடிதம் அனுப்பப்பட்டு உள்ளது. இந்நிலையில் நீதிபதி ஆறுமுகசாமிக்கு கூடுதல் அதிகாரம் வழங்கி உத்தரவிடப்படும் என எதிர்பார்க்கப்படுகிறது.
விவசாயிகள் கடனை தள்ளுபடி செய்ய மாநில அரசுக்கு அதிகாரம் உள்ளது: மத்திய உள்துறை அமைச்சகம்
  • விவசாயிகள் கடனை தள்ளுபடி செய்ய மாநில அரசுக்கு அதிகாரம் உள்ளது என மத்திய உள்துறை அமைச்சகம் புதுச்சேரி துணைநிலை ஆளுநர் கிரண்பேடிக்கு கடிதம் அனுப்பியுள்ளது. 
  • விவசாயிகள் கடனை தள்ளுபடி செய்து புதுச்சேரி அமைச்சரவை அனுப்பிய கோப்பை நிராகரித்து மத்திய உள்துறைக்கு கிரண்பேடி கடிதம் அனுப்பி வைத்திருந்தது குறிப்பிடத்தக்கது.
முத்தலாக்கை தடுக்க நாடாளுமன்றத்தில் புதிய சட்டம் நிறைவேற்ற மத்திய அரசு திட்டம்
  • முத்தலாக்கை தடுக்க நாடாளுமன்றத்தில் சட்டம் நிறைவேற்ற மத்திய அரசு திட்டமிட்டுள்ளது. ஒரே நேரத்தில் 3 முறை தலாக் கூறுவதை தடுக்கும் புதிய சட்டம் இயற்றப்படும் என்று தெரிவிக்கப்பட்டுள்ளது. 
  • இந்த சட்டத்தை நாடாளுமன்ற குளிர்கால கூட்டத்த தொடரில் கொண்டுவர முடிவு செய்யப்பட்டுள்ளது. 
அயோத்தி பிரச்னைக்கு தீர்வு... சமரச முடிவு... ஷியா வக்பு வாரியம் அறிவிப்பு
  • 'அயோத்தி பிரச்னைக்கு தீர்வு காணும் வகையில், அயோத்தியில் ராமர் கோவிலும், லக்னோவில் மசூதியும் கட்டலாம்' என்று உ.பி., ஷியா வக்பு வாரியம் தெரிவித்துள்ளது.
இந்திய தொழில்நுட்பத்துறையில் அதிக அளவில் பணி புரியும் பெண்கள்
  • இந்தியாவில் தொழில்நுட்பட்துறையில் அதிக அளவில் பெண்கள் பனி புரிவதாக தகவல்கள் வந்துள்ளன.
  • இந்த கணக்கெடுக்கில், "உலகம் முழுவதும் எடுத்த கணக்கெடுப்பின் படி இந்தியாவில் தொழில்நுட்பத்துறையில் பெண்கள் அதிகம் பணி புரிகின்றனர். தொழில்நுட்பத்துறையில் பணி புரியும் பெண்கள் இந்தியாவில் 34% உள்ளனர். 
  • அதாவது இந்தியாவில் தொழில்நுட்பத்துறையில் பணிபுரியும் 39 லட்சம் ஊழியர்களில் 13 லட்சம் பேர் பெண்கள் ஆவார்கள். அடுத்தபடியாக அமெரிக்காவில் 30% உள்ளனர்.
ஜிம்பாப்வே ராணுவம் அதிரடி : அதிபர் முகாபே ராஜினாமா
  • அதிபர் பதவியில் இருந்து நீக்கும் நடவடிக்கைகள் பார்லி.,யில் துவங்கிய நிலையில், தென் ஆப்ரிக்க நாடான, ஜிம்பாப்வேயின் அதிபர் பதவியில் இருந்து, ராபர்ட் முகாபே, 93, நேற்றுராஜினாமா செய்தார்.
  • ஜிம்பாப்வேயின் பிரதமராக, 1980ல் பொறுப்பேற்ற முகாபே, பின், அதிபரானார். 37 ஆண்டு களாக அவர் அசைக்க முடியாத தலைவராக இருந்து வந்தார்.நாட்டின் பொருளாதார வீழ்ச்சி மற்றும் ஊழலை எதிர்த்து, பல மாதங்களாக மக்கள் போராட்டங்களை நடத்தி வருகின்றனர்.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a Comment