Monday, 20 November 2017

TNPSC SHOUTERS - CURRENT AFFAIRS NOVEMBER 2017 TAMIL PDF - 20th NOVEMBER 2017

தமிழகத்தில் 12-ம் வகுப்பு வரை பாடத்திட்டம் மாற்றம்..! வரைவு தொகுப்பு நூல்கள் வெளியீடு
  • தமிழகத்தில் அடுத்த கல்வியாண்டு முதல் ஒன்றாம் வகுப்பில் இருந்து 12-ம் வகுப்பு வரை பாடத்திட்டம் மாற்றப்படுகிறது. இதற்கான வரைவு தொகுப்பு நூல்களை முதல்வர் எடப்பாடி பழனிசாமி இன்று வெளியிட்டார்.
  • தமிழ்நாடு பள்ளிக்கல்வி பாடத்திட்டத்தை மாற்றியமைக்க கடந்த மே 22-ம் தேதி அரசாணை வெளியிடப்பட்டது. இதைத் தொடர்ந்து தற்போதுள்ள கல்வி முறையை மேம்படுத்த முனைவர் எம்.ஆனந்தகிருஷ்ணன் தலைமையில் 'கலைத்திட்ட வடிவமைப்புக் குழு' உருவாக்கப்பட்டது. 
  • 'தமிழ்நாடு புதிய கலைத்திட்ட வடிவமைப்பு 2017' உருவாக்கம் தொடர்பாக கடந்த ஜூலை 20 முதல் 22-ம் தேதி வரை 3 நாள்கள் பல்வேறு துறைசார் வல்லுநர்கள், கல்வியாளர்கள், எழுத்தாளர்கள், பேராசிரியர்கள், ஆசிரியர்கள் உள்ளிட்ட சுமார் 2,000 நபர்கள் பங்குபெற்ற கருத்தரங்கம் நடைபெற்றது. 
  • கருத்தரங்கில் விவாதிக்கப்பட்ட கருத்துகள் தொகுக்கப்பட்டு ஆவணப்படுத்தப்பட்டுள்ளன. மேலும், கணிதம் மற்றும் அறிவியல், மொழி மற்றும் கலைப்பிரிவு பாடங்கள், மதிப்பீட்டு முறை வடிவமைப்பு, தகவல் தொடர்பு தொழில்நுட்பம் ஆகிய புலங்கள் சார்ந்து கலைத்திட்ட வடிவமைப்பு துணைக்குழுக்கள் உருவாக்கப்பட்டன. பல்வேறு தரப்பில் இருந்து பெறப்பட்ட கருத்துகள் அடிப்படையில் வரைவு பாடத்திட்டம் தயாரிக்கப்பட்டுள்ளது.
  • தற்போது வெளியிடப்படும் பாடத்திட்டத்தை உலகெங்கிலும் உள்ள கல்வியாளர்கள், ஆசிரியர்கள், மாணவர்கள், பொதுமக்கள் படித்துப்பார்த்து, தாங்கள் தெரிவிக்க வேண்டிய கருத்துகள் ஏதேனும் இருப்பின் அதனை www.tnscert.org என்ற இணையதளம் வழி பதிவேற்றம் செய்யலாம். 
  • மேலும், கடிதம் வாயிலாகவும் தெரிவிக்கலாம். இவ்வாறு பெறப்படும் கருத்துகள் அனைத்தும் பரிசீலிக்கப்பட்டு வரைவு பாடத்திட்டம் இறுதி செய்யப்படும். இதர மொழிப்பாடங்களுக்கான வரைவு பாடத்திட்டம் துறை சார்ந்த வல்லுநர்களின் கருத்துகள் பெறப்பட்டு இன்னும் ஒரு வார காலத்துக்குள் வெளியிடப்படும்" என்று குறிப்பிடப்பட்டுள்ளது.
யுனிசெப் அமைப்பின் நட்சத்திர அட்வகேட்டாக த்ரிஷா தேர்வு
  • குழந்தைகளின் உரிமைகளுக்கு குரல் கொடுப்பதற்காக யுனிசெப் அமைப்பின் நட்சத்திர அட்வகேட்டாக நடிகை த்ரிஷா தேர்வு செய்யப்பட்டுள்ளார். கலை, இலக்கியம், நிர்வாக துறைகளில் உள்ள பிரபலங்களை யுனிசெப் அமைப்பு ஆண்டு தோறும் தேர்வு செய்து நட்சத்திர அட்வகேட் அந்தஸ்தை வழங்கி வருகிறது. 
  • இந்த ஆண்டு நடிகை த்ரிஷா அந்த வரிசையில் இடம் பெற்றுள்ளார். இதற்காக அவர் நன்றி தெரிவித்து கொண்டுள்ளார். நடிகை த்ரிஷா நடிப்பு மட்டுமின்றி சமூக சேவைகளிலும் நாட்டம் காட்டி வருகிறார்.
  • விலங்குகள் நலன், குழந்தைகள் கல்வி போன்றவற்றுக்காக தொடர்ந்து குரல் கொடுக்கிறார். அண்மையில் கேரள அரசும் யுனிசெஃப் நிறுவனமும் இணைந்து தயாரித்த, குழந்தைகளுக்கு தட்டம்மை ஊசி போட வலியுறுத்தும் விளம்பரத்தில் த்ரிஷா நடித்தார். இதனைத் தொடர்ந்து த்ரிஷாவின் சமூக ஈடுபாட்டுக்கு அங்கீகாரம் தரும் வகையில் 'யுனிசெஃபின் பிரபல தூதர்' என்ற பதவியை அவருக்கு வழங்கியுள்ளனர்.
உலக பாரம்பரிய வாரம்: மாமல்லபுர கடற்கரை கோவிலுக்கு இலவச அனுமதி
  • உலக பாரம்பரிய வாரத்தையொட்டி தொல்லியல் துறை பராமரிக்கும் புராதன சின்னங்களை இலவசமாக பார்க்க அனுமதி வழங்கப்படுகிறது.
  • உலக பாரம்பரிய வாரம் நவம்பர் 19 ஆம் தேதி முதல் 23ஆம் தேதி வரை கொண்டாடப்படுகிறது. இதனையடுத்து மாமல்லபுரத்தில் உள்ள சிற்பங்களை வரும் 25 ஆம் தேதி வரை இலவசமாக மக்கள் பார்க்கலாம் என தெரிவிக்கப்பட்டுள்ளது.
  • மாமல்லபுரத்தில் உள்ள புராதான சின்னமாக கடற்கரை கோயில், கலங்கரை விளக்கம், 5 ரதம் உள்ளிட்டவை காண ரூ.30 செலுத்த வேண்டும். ஆனால் உலக பாரம்பரிய வாரத்தையொட்டி இந்த புராதானச் சின்னங்களை இலவசமாக பார்க்க அனுமதித்து தொல்லியல்துறை உத்தரவிட்டுள்ளது.
சர்வதேச நீதிமன்ற நீதிபதியாக தல்வீர் பண்டாரி மீண்டும்தேர்வு
  • சர்வதேச நீதிமன்ற நீதிபதியாக, இந்தியாவை சேர்ந்த தல்வீர் பண்டாரி தேர்வாகியுள்ளார். வெற்றி ஐ.சி.ஜே., எனப்படும் சர்வதேச நீதிமன்றத்தில் காலியாக உள்ள நீதிபதி பதவிக்கு இந்தியா - பிரிட்டன் நாடுகளை சேர்ந்தவர்கள் இடையே கடும் போட்டி நிலவுகிறது. 
  • இந்தியா சார்பில் நீதிபதி தல்வீர் பண்டாரியும், பிரிட்டன் சார்பில் கிறிஸ்டோபர் கிரீன் வுட்டும் களத்தில் உள்ளனர். சர்வதேச நீதிமன்றத்தில் நீதிபதியாக தேர்ந்தெடுக்கப்பட, ஐ.நா., பொது சபையிலும், பாதுகாப்பு குழுவிலும் அதிக உறுப்பினர்களின் ஆதரவுடன் வெற்றி பெற முடியும். 
  • முதல் சுற்று தேர்தலில் பண்டாரி வெற்றி பெற்றார். வாபஸ் இந்நிலையில், நியூயார்க் நகரில் உள்ள ஐ.நா., தலைமை அலுவலகத்தில் நேற்று(நவ.,20) நடந்த கடைசி கட்ட தேர்தலில், பண்டாரிக்கு ஆதரவாக பொது சபையில் 183 ஓட்டுகளும், பாதுகாப்பு சபையில் 15 ஓட்டுகளும் கிடைத்தன.
  • தொடர்ந்து பிரிட்டன் சார்பில் களமிறங்கிய கிறிஸ்டோபர் கிரீன் வுட்டை திரும்ப பெற்று கொள்வதாக அந்நாடு அறிவித்தது. இதனையடுத்து இந்தியாவின் தல்வீர் பண்டாரி சர்வதேச நீதிபதியாக தேர்வு செய்யப்பட்டதாக அறிவிக்கப்பட்டுள்ளது. 
  • வாழ்த்து ஐ.நா.,வுக்கான பிரிட்டன் தூதர் மேட்யூ ரைக்ரோப்ட் கூறுகையில், ஐ.நா., பொது சபை மற்றும் பாதுகாப்பு சபையின் நேரத்தை தொடர்ந்து வீணடிப்பது தவறு என்ற முடிவுக்கு வந்துள்ளோம். நீதிபதி பண்டாரிக்கு வாழ்த்துகளை தெரிவிதது கொள்கிறோம். சர்வதேச அளவிலும், ஐ.நா.,விலும் இந்தியாவுடன் இணைந்து பிரிட்டன் பணியாற்றும்.
இஸ்ரேலிடமிருந்து ஏவுகணைகள் வாங்கும் ஒப்பந்தத்தை ரத்துசெய்த இந்தியா..!
  • 3,250 கோடி ரூபாய் செலவில், இஸ்ரேலிடமிருந்து ஏவுகணைகள் வாங்கும் ஒப்பந்தத்தை மத்திய அரசு ரத்துசெய்துள்ளது.
  • இந்திய ராணுவத்துக்கு டாங்கி எதிர்ப்பு ஏவுகணைகள் வாங்க, கடந்த 2014-ம் ஆண்டு திட்டமிடப்பட்டது. அந்த ஒப்பந்தத்தைப் பெற இஸ்ரேல் நாட்டைச் சேர்ந்த ரபேல் நிறுவனமும், அமெரிக்காவைச் சேர்ந்த ரேதியான் லாக்கீட் மார்ட்டின் நிறுவனமும் போட்டியிட்டன. 
  • ரபேல் நிறுவனம் தயாரிக்கும் 'ஸ்பைக்' ஏவுகணைகள், உலகம் முழுவதும் 26 நாடுகளின் ராணுவங்களால் பயன்படுத்தப்படுவதால், எல்லைக் கட்டுப்பாட்டு கோடு பகுதியில் பாகிஸ்தான் ராணுவத்தை சமாளிக்க 'ஸ்பைக்' ஏவுகணைகளே உகந்தவை என்று இந்திய ராணுவம் கருதியது. இவை, இரவிலும் பகலிலும் பயன்படுத்தக்கூடிய ஏவுகணைகள் ஆகும்.
  • எனவே, ரபேல் நிறுவனத்திடமே சுமார் 8 ஆயிரம் 'ஸ்பைக்' ஏவுகணைகளையும், 300 லாஞ்சர்களையும் வாங்க முடிவுசெய்யப்பட்டது. இது, 3,250 கோடி ரூபாய் மதிப்புக்கு திட்டமிடப்பட்டது. இந்நிலையில், திடீர் திருப்பமாக, அந்தப் பேரத்தை ராணுவ அமைச்சகம் நேற்று ரத்து செய்தது. 
  • அதற்குப் பதிலாக, உள்நாட்டிலேயே ராணுவத் தளவாடங்களைத் தயாரிக்கும் பாதுகாப்பு ஆராய்ச்சி மற்றும் மேம்பாட்டு நிறுவனத்திடம் (டி.ஆர்.டி.ஓ.) டாங்கி எதிர்ப்பு ஏவுகணைகளை உருவாக்கி வழங்கும் பொறுப்பை ஒப்படைத்தது.
  • இன்னும் 3 அல்லது 4 ஆண்டுகளுக்குள், இந்த ஏவுகணைகளை வடிவமைத்து தருமாறு கேட்டுக்கொண்டது. இந்த பேரம் ரத்து செய்யப்பட்டதற்கான காரணம் தெரிவிக்கப்படவில்லை. இருப்பினும், 'மேக் இன் இந்தியா' திட்டப்படி, ஏவுகணைத் தொழில்நுட்பங்களை இந்தியாவிடம் பகிர்ந்துகொள்ளுமாறு இந்தியா அறிவுறுத்தியதை இஸ்ரேல் நிறுவனம் ஏற்க மறுத்துவிட்டதாலேயே இந்த முடிவு எடுக்கப்பட்டதாகக் கூறப்படுகிறது.
  • பல ஆண்டுகளாக, எந்த இந்தியப் பிரதமரும் இஸ்ரேலுக்குச் செல்லாத நிலையில், பிரதமர் நரேந்திர மோடி, கடந்த ஜூலை மாதம் அங்கு சென்றார். இதனால், இரு நாடுகளுக்கும் இடையே ராணுவரீதியிலான உறவு வளர்ந்துவந்தது. இந்தச் சூழ்நிலையில், ஏவுகணைப் பேரம் ரத்துசெய்யப்பட்டதால், இருநாட்டு உறவு பாதிக்கப்படும் நிலை எழுந்துள்ளது.
அயோத்தியில் ராமர் கோயில், லக்னோவில் மசூதி: வக்பு வாரியம் யோசனை
  • அயோத்தியில் ராமர் கோயில் கட்டிக்கொள்ளலாம் என மத்திய ஷியா வக்பு வாரியம் யோசனை தெரிவித்துள்ளது.
  • உத்தரபிரதேச மாநிலம் அயோத்தியில் சர்ச்சைக்குரிய ராம ஜென்ம பூமி - பாபர் மசூதி இடத்தில் ராமர் கோவில் கட்டுவது தொடர்பான பிரச்சினை பல ஆண்டுகளாக உள்ளது. இது தொடர்பான வழக்கு உச்சநீதிமன்றத்தில் உள்ளது. 
  • இந்தப் பிரச்சினைக்கு பேச்சுவார்த்தை மூலம் தீர்வு காணவேண்டும் என்று உச்சநீதிமன்றம் யோசனை தெரிவித்தது. பேச்சுவார்த்தை மூலம் தீர்வு காண்பதற்கான நடவடிக்கைகள் நடந்து வருகின்றன. இதையடுத்து இந்த வழக்கில் அடுத்த நகர்வாக, ஷியா வக்பு வாரியம் அயோத்தியில் ராமர் கோயில் கட்டிக்கொள்ளும் யோசனையை தெரிவித்துள்ளது.
  • இது தொடர்பாக, ஷியா முஸ்லிம் வக்பு வாரிய தலைவர் சையத் வாஷிம் ரிஸ்வி கூறும்போது, 'பல்வேறு தரப்பிடமும் ஆலோசித்த பின் அயோத்தியில் ராமர் கோவிலை கட்டிக்கொள்ளலாம், பாபர் மசூதியை, லக்னோவில் கட்ட வேண்டும் என்ற திட்டத்துக்கு தயாராகி உள்ளோம். அமைதி மற்றும் சகோதரத்தை உறுதிசெய்யும் தீர்வாக இந்த திட்டம் அமையும் என்று நம்புகிறோம்' என கூறிஉள்ளார்.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a Comment