Thursday, 2 November 2017

TNPSC SHOUTERS - CURRENT AFFAIRS NOVEMBER 2017 TAMIL PDF - 2nd NOVEMBER 2017


ரஞ்சி கோப்பை கிரிக்கெட் 12வது இரட்டை சதம் புஜாரா புதிய சாதனை
  • முதல் தர கிரிக்கெட்டில் புஜாரா அடிக்கும் 12வது இரட்டை சதம் இது. இதன் மூலம் முதல் தர கிரிக்கெட்டில் அதிக இரட்டைசதம் அடித்த வீரர்கள் பட்டியலில் விஜய் மெர்சண்டை (11) முந்தி முதல் இடத்தை பிடித்து சாதனை படைத்தார். 
  • இப்பட்டியலில் விஜய் ஹசாரே, சுனில் கவாஸ்கர், ராகுல் டிராவிட் ஆகியோர் 10 இரட்டை சதங்களுடன் அடுத்த இடத்தில் உள்ளனர். 159 முதல் தர போட்டியில் விளையாடியுள்ள புஜாரா 42 சதம், 43 அரைசதம் விளாசி உள்ளார். 
  • ஆசியாவில் முதல் தர போட்டியில் அதிக இரட்டை சதம் (13) அடித்த பெருமையை இலங்கையின் சங்கக்கரா பெற்றுள்ளார். அவரது சாதனையை புஜாரா விரைவில் முந்துவார் என எதிர்பார்க்கப்படுகிறது. 
காரைக்கால் ஜிப்மர் கிளை உள்கட்டமைப்பு பணிக்கு ரூ.497 கோடி ஒதுக்கீடு
  • ஜிப்மர் காரைக்கால் கிளைக்கு உள்கட்டமைப்பு வசதிகளை மேற்கொள்ள ரூ.497.7 கோடி ஒதுக்கீடு செய்யப்பட்டுள்ளது.காரைக்கால் ஜிப்மர் வளாகத்தில் உள்கட்டமைப்பு பணிகளை மேற்கொள்ள மத்திய சுகாதார துறையின் ரூ.491.7 மதிப்பு திட்ட அறிக்கைக்கு மத்திய அரசு ஒப்புதல் அளித்துள்ளது. இதன் மூலம் கல்வி பிரிவு, குடியிருப்பு, செவிலியர் விடுதி ஆகியவை கட்ட முடிவு செய்யப்பட்டுள்ளது.
  • ஜிப்மர் கிளை புதுச்சேரி மாநிலம் காரைக்காலில் கடந்த ஆண்டு தொடங்கப்பட்டது. தற்போது இதன் விரிவாக்கத்திற்கு புதுச்சேரி அரசு காரைக்கால் கோவில்பத்து பகுதியில் 41.47 ஏக்கர் மற்றும் காமராஜ் சாலையில் 38.14 ஏக்கர் நிலத்தை இலவசமாக வழங்கியுள்ளது.
  • இந்த பகுதியில் கட்டுமான பணிகள் மேற்கொள்ளப்படவுள்ளது. புதுச்சேரி பொதுப் பணி துறைக்கு சொந்தமாக அரசலாறு பகுதியில் உள்ள கட்டடத்தையும் ஜிப்மருக்கு வழங்கப்படுகிறது. 
  • அரசு மருத்துவமனையில் நோயாளிகள் நிர்வாக வசதிகளுக்கு என ரூ. 30 கோடியை ஜிப்மர் செலவிடுகிறது. இந்த கட்டுமான பணிகள் முடிந்துவிட்டால் காரைக்கால் கிளையில் தற்போது எம்பிபிஎஸ் பயிலும் 50 மாணவர்கள் என்ற எண்ணிக்கை 100ஆக உயரும்.
மாற்றுத்திறனாளி குழந்தைகளின் உதவித் தொகை ரூ.54 ஆயிரமாக அதிகரிப்பு
  • மத்திய அரசில் பணிபுரியும் ஊழியர்களின், மாற்றுத்திறனாளி குழந்தைகளின் ஆண்டு கல்வி உதவித்தொகை ரூ. 30 ஆயிரத்தில் இருந்து ரூ.54 ஆயிரமாக உயர்த்தி மத்திய அரசு அறிவித்துள்ளது.
  • 7-வது ஊதியக்குழுவில் அளிக்கப்பட்ட பரிந்துரையின்படி, மத்திய அரசு ஊழியர்களின் மாற்றுத்திறனாளி குழந்தைகளின் கல்வி உதவித்தொகை மாதந்தோறும் வழங்கப்படும் ரூ.2,250யை இரட்டிப்பாக்கப்பட்டுள்ளது.
  • ஒரு குடும்பத்தில் தாய், தந்தை இருவரும் மத்திய அரசு ஊழியராக இருந்தால், அதில் ஒருவர் மட்டுமே கணக்கில் எடுத்துக் கொள்ளப்படும். மேலும், இதர படிகள் 25 சதவீதம் ஆண்டுதோறும் தானாக உயர்த்தப்படும், அதேசமயம், அகவிலைப்படி திருத்தப்பட்டதன் அடிப்படையில் 50 சதவீதம் உயர்த்தப்பட்டுள்ளது.
  • மேலும், குழந்தைகள் விடுதியில் தங்கிபடித்தால், விடுதி கட்டணத்தில் மாதத்துக்கு ரூ.6,250 மானியமாகத் தரப்படும். இந்த சலுகைகளைப் பெற குழந்தைகள் படிக்கும் கல்வி நிலையத்தில் இருந்து ஒரு சான்றிதழைப் பெற்று சம்பந்தப்பட்ட துறை அதிகாரியிடம் அளித்தல் போதுமானது.
2017ம் ஆண்டின் பிரபல ஆங்கிலச் சொல் என்ன?
  • அமெரிக்க அதிபர் டிரம்பின் டிவிட்டர் பதிவுகளில் பலமுறை குறிப்பிடப்பட்டு, அவரது பதிவுகளின் அடையாளமாகவே மாறிவிட்ட அந்தச் சொல்: 'ஃபேக் நியூஸ்' (fake news).
  • பொய்ச் செய்தி என்று பொருள் தரும் அந்த ஃபேக் நியூஸ் என்ற சொல்லைப் பயன்படுத்துவதில் டிரம்ப் மட்டுமல்லாமல் உலகமே ஆர்வம் காட்டியதாகத் தெரிகிறது இப்போது. 2017ம் ஆண்டில் மட்டும் இச்சொல்லைப் பயன்படுத்துவது 365 சதவீதம் அதிகரித்துள்ளது.
  • 2017ம் ஆண்டுக்கான பிரபல சொல்லை தேர்வு செய்வதற்காகத் தயாரிக்கப்பட்ட போட்டிச் சொற்பட்டியலில் அரசியலின் செல்வாக்கு அதிகம் இருந்தது.
  • ஆன்டிஃபா (Antifa) மற்றும் எக்கோ சேம்பர் (Echo Chamber) ஆகிய சொற்களும் பிரபல சொற்களின் பட்டியலில் இடம் பிடித்துள்ளன.
உலகின் சக்திவாய்ந்த பெண்களில் பிரியங்கா சோப்ரா 'போர்ப்ஸ் பத்திரிகை' பட்டியல் வெளியீடு
  • உலகின் சக்திவாய்ந்த 100 பெண்கள் குறித்து போர்ப்ஸ் பத்திரிகை வெளியிட்ட பட்டியலில், ஐ.சி.ஐ.சி.ஐ. வங்கியின் தலைவர் சந்தா கோச்சா, நடிகை பிரியங்கா சோப்ரா உள்ளிட்ட 5 இந்திய பெண்கள் இடம் பெற்றுள்ளனர்.
  • சர்வதேசவில் வெளியும் போர்ப்ஸ் பத்திரிகை உலகின் 100 சக்திவாய்ந்த பெண்கள் குறித்த பட்டியலை நேற்று வெளியிட்டது. 
  • ஐ.சி.ஐ.சி.ஐ. வங்கியின் தலைவர் சந்தா கோச்சா 32-வது இடத்திலும், எச்.சி.எல். கார்பரேஷன் நிறுவனத்தின் தலைமை நிர்வாக அதிகாரி ரோஷினி நாடார் மல்கோத்ரா 57-வது இடத்திலும், அதைத் தொடர்ந்து பயோகான் நிறுவனத்தலைவர் மஜூம்தார்ஷா 71-வது இடத்திலும் உள்ளனர்.
  • இந்துஸ்தான் டைம்ஸ் நாளேட்டின் தலைவர் ஷோபனா பாட்டியா 92-வது இடத்திலும், ஹாலிவுட், பாலிவுட் நடிகை பிரியங்கா சோப்ரா 97-வது இடத்திலும் இடம் பெற்றுள்ளனர்.
  • இந்தியாவைப் பூர்வீகமாகக் கொண்ட பெப்சி நிறுவனத்தின் சி.இ.ஓ. இந்திரா நூயி 11-வது இடத்திலும், அமெரிக்க இந்திய பெண் நிக்கி ஹாலே 43-வது இடத்திலும் உள்ளனர்.
  • உலகின் சக்திவாய்ந்த பெண்மணியாக ஜெர்மன் பிரதமர் ஏஞ்செலா மெர்கல் தொடர்ந்து 12-வது ஆண்டாக தேர்வாகியுள்ளார். அதைத் தொடர்ந்து இங்கிலாந்து பிரதமர் தெரஸா மே 2-வது இடத்திலும், பேஸ்புக் சி.ஓ.ஓ. ஷெர்ல் சான்ட்பெர்க் 4-வது இடத்திலும், ஜி.இ. நிறுவனத்தின் சி.இ.ஓ. மேரி பாரா 5-வது இடத்திலும் உள்ளனர்.
  • இந்த ஆண்டு பட்டியலில் 23 புதிய பெண்கள் இடம்பெற்றுள்ளனர்.குறிப்பாக அமெரிக்க அதிபர் டிரம்பின் மகள் இவாங்கா டிரம்ப்19-வது இடத்தைப் பிடித்துள்ளார்.
தொழில்துறையில் சிறந்து விளங்கும் நாடுகளிடையே முன்னேறும் இந்தியா
  • தொழில் செய்வதற்கான சூழலில் இந்தியா அபரிமிதமான வளர்ச்சியை அடைந்திருக்கிறது. அதுவும் ஒரே வருடத்தில்! தொழில் துறையில் சிறந்துவிளங்கும் நாடுகளின் பட்டியலை உலக வங்கி ஒவ்வோர் ஆண்டும் வெளியிடும்.
  • கடந்த வருடப் பட்டியலில் 130 வது இடத்தில் இருந்த இந்தியா, தற்போது 100 வது இடத்துக்கு முன்னேறியுள்ளது. விரைவில் 50 வது இடத்தை எட்டிப்பிடிக்கும் என நம்பலாம்.
பெண்கள் பாதுகாப்பு: 10வது இடத்தில் தமிழகம்
  • இந்தியாவில் பெண்கள் பாதுகாப்பாக உள்ள நகரங்கள் குறித்து எடுக்கப்படட ஆய்வில் கோவா முதலிடத்தில் உள்ளது. தமிழகம் 10 வது இடத்தில் உள்ளது. 
  • ஆய்வு முடிவை மத்திய பெண்கள் மற்றும் குழந்தைகள் நல அமைச்சகம் வெளியிட்டுள்ளது. பட்டியல் அதில், கோவா முதலிடத்தில் உள்ளது. அதேநேரத்தில், கல்வியில் 5வது இடத்திலும், சுகாதாரத்தில் 6வது இடத்திலும், வறுமையில் 8 வது இடத்திலும் உள்ளது.
  • பெண்கள் பாதுகாப்பில் மற்ற மாநிலங்களின் நிலை:2வது இடம்- கேரளா3வது இடம்- மிசோரம்4வது இடம்-சிக்கிம்5வது இடம்- மணிப்பூர்6வது இடம் -இமாச்சல பிரதேசம்7வது இடம் -கர்நாடகா8வது இடம் - பஞ்சாப்9வது இடம்-மகாராஷ்டிரா10வது இடம்- தமிழகம்11வது இடம்-தெலுங்கானா12வது இடம்-ஆந்திரா13வது இடம்- உத்தர்கண்ட்14வது இடம்-நாகாலாந்து15வது இடம்-சத்தீஸ்கர்16வது இடம்-குஜராத்17வது இடம்-திரிபுரா18வது இடம்-மேற்கு வங்கம்19வது இடம்-அரியானா20வது இடம்-ஜம்மு காஷ்மீர்21வது இடம்- மேகாலயா22வது இடம்-ராஜஸ்தான்23வது இடம்-ஒடிசா24வது இடம்-அசாம்25வது இடம்-மத்திய பிரதேசம்26வது இடம்- அருணாச்சல பிரதேசம்27வது இடம்-ஜார்க்கண்ட்28வது இடம்-டில்லி29வது இடம்-உத்தர பிரதேசம்30வது இடம்- பீஹார் 
  • கல்வியில் சிறந்த மாநிலங்கள்: இமாச்சல பிரதேசம், சிக்கிம், பஞ்சாப், மகாராஷ்டிரா, கோவாமோசமானவை: டில்லி, அருணாச்சல பிரதேசம், ஜார்க்கண்ட், மேகாலயா, மத்திய பிரதேசம் சுகாதாரத்தில் சிறந்தவை: கேரளா, தமிழகம், சிக்கிம், கர்நாடகா, ஆந்திராமோசம்: பீஹார், அரியானா, ஜார்க்கண்ட், மேகாலயா, உ.பி., வறுமை: சிறந்தவை: மணிப்பூர், மிசோரம், தமிழகம், தெலுங்கானா, ஆந்திராமோசம்: பீஹார், உ.பி., ஜார்க்கண்ட், காஷ்மீர், அசாம்.
'என்.சி.இ.ஆர்.டி., பாடத்திட்டத்தில் திருவள்ளுவர் வரலாறு சேர்ப்பு'
  • சி.பி.எஸ்.இ., பாடத் திட்டங்களில், வட மாநிலம் தொடர்பான வரலாறு அதிகம் இடம் பெற்றுள்ளது. குறிப்பாக ராஜராஜசோழன் ஆட்சி, கம்போடியா, வியட்நாம் வரை விரிந்து கிடந்தது என்கின்றனர். 
  • ஜெர்மன், பிரெஞ்ச் மொழிகளை நாம் இங்கு விருப்ப மொழியாக படிக்கும்போது, வட மாநிலங்களில் தமிழ், மலையாளம், தெலுங்கு மொழிகளை, சி.பி.எஸ்.இ., பள்ளிகளில் விருப்ப பாடமாக இடம் பெறச்செய்ய வேண்டும். வள்ளுவரின் திருக்குறள் உலகத்திற்கே பொதுவானது. 
  • அதில் எந்த சூழலுக்கும் ஏற்ற கருத்துக்கள் உள்ளன. திருக்குறள் மற்றும் வள்ளு வரின் வரலாறு குறித்த, என்.சி.இ.ஆர்.டி., பாடத் திட்டத்தில் இடம்பெற அரசும் ஒப்புதல் அளித்துள்ளது.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a Comment