Sunday, 19 November 2017

TNPSC SHOUTERS - CURRENT AFFAIRS NOVEMBER 2017 TAMIL PDF - 19th NOVEMBER 2017

இந்தியர்களின் கருப்பு பணம்: தகவல் தர சுவிஸ் பார்லி., ஒப்புதல்
  • சுவிட்சர்லாந்து நாட்டில் பதுக்கி வைக்கப்பட்டுள்ள இந்தியர்களின் கருப்பு பணம் குறித்த தகவல்களை தர சுவிஸ்.,பார்லி ஒப்புதல் வழங்கி உள்ளது.இந்தியர்களின் பெரும்பாலானோர் சுவிஸ்வங்கியில் கருப்பு பணம் பதுக்கிவைக்கப்பட்டிருப்பது தொடர்பான தகவல்கள் சுவிட்சர்லாந்து அரசு இந்திய அரசுடன் பரிமாறிக்கொண்டது.
  • இதற்காக இருநாடுகளிடையே போடப்பட்ட ஒப்பந்தத்திற்கு கடந்த ஜூலையில் தான் அந்நாட்டு அரசு ஒப்புதல் அளித்தது.தொடர்ந்து அந்நாட்டின் பார்லி.,யின் கீழ்சபை கடந்த செப்டம்பா் மாதத்தில் தான் ஒப்புதல்வழங்கியது.
  • மேலும் இந்த ஒப்பந்தம் இறுதி வடிவம் பெறுவதற்காக வரும் 27-ம் தேதி கூட உள்ள அந்நாட்டின் பார்லி.,மேல் சபையில் தாக்கல் செய்யப்பட உள்ளது. 
  • 2019-ம் ஆண்டு முதல் அமல் இதன் மூலம் வரும் 2019-ம் ஆண்டு செப்டம்பர் மாதம் முதல் அமலுக்கு வரும் என எதிர்பார்க்கப்படுகிறது. முன்னதாக மத்திய நிதி அமைச்சர் அருண் ஜெட்லி கூறுகையில் கருப்பு பணம் விவகாரம் தொடர்பாக சுவிட்சர்லாந்து அரசு முழு ஒத்துழைப்பை அளித்து வருவதாக கூறி இருந்தார்.
'ஸ்மார்ட் சிட்டி'களுக்கு உலக வங்கி கடன் தமிழகத்துக்கு கிடைக்கிறது ரூ.360 கோடி
  • 'ஸ்மார்ட் சிட்டி' திட்டத்தில், தேர்வான நகரங் களின் மேம்பாட்டுக்கு, 3,300 கோடி ரூபாய் வரை கடன் வழங்க, உலக வங்கி முன் வந்துள்ளது. இதில், தமிழகத்துக்கு, 360 கோடி ரூபாய் கிடைக்க உள்ளது.தமிழகத்தில், 12 மாநகராட்சிகள் உட்பட, நாடு முழுவதும், 100 நகரங்கள், 'ஸ்மார்ட் சிட்டி' களாக மேம்படுத்தப்படும் என, மத்திய அரசு அறிவித்து உள்ளது. 
  • பட்டியல் தயாரிப்பு மக்கள் தொகை திட்ட அறிக்கை தயாரிப்பு உள்ளிட்ட, பல்வேறு நிர்வாக திறன் அடிப்படை யில், இந்த நகரங்களின் பட்டியல் தயாரிக்கப்பட்டு உள்ளது. இதுவரை, தமிழகத்தின், 10 நகரங்கள் உட்பட, நாடு முழுவதும், 90 நகரங்களின் பட்டியல் முறைப்படி அறிவிக்கப் பட்டுள்ளது.
  • மீதமுள்ள, 10 நகரங்களுக்கான பட்டியல் அறிவிக்கும் போது, தமிழகத்தின், இரு நகரங்களும் இடம் பெறும். இவ்வாறு பட்டியல் இடப்பட்டநகரங்களில், எந்தெந்த நகரங்கள் விரைவாக, சிறப்பு முதலீட்டு நிர்வாக அமைப்பை ஏற்படுத்தி உள்ளன என, ஆராயப்பட்டு வருகிறது. 
  • அதன் அடிப்படையில், புதிய தரவரிசை பட்டியலையும் மத்திய அரசு தயாரித்து வருகிறது. இதை, இறுதி செய்வதற்கான கூட்டம், டில்லியில், சமீபத்தில் நடந்தது. இதில், நகரங்களின் தர வரிசை இறுதி செய்யப்பட்டு, மத்திய அரசின் ஒப்புதலுக்கு அனுப்பப்பட்டு உள்ளது.
  • முதற்கட்ட பட்டியலில் இடம் பெறும் நகரங்களுக்கு, உலக வங்கி கடன் பெறுவதற்கான வழிவகை செய்யப்படும்.இதன்படி, முதல்கட்டமாக, உலகவங்கியிடம் இருந்து, 3,300 கோடி ரூபாய் கடன் கிடைக்க உள்ளது. 
  • இதில், எந்தெந்த நகரங்களுக்கு, எவ்வளவு தொகை ஒதுக்குவது என, மத்திய அரசின் நகர்ப்புற விவகாரங்கள் துறையின் உயர் அதிகார குழு ஈடுபட்டுள்ளது.
பணமதிப்பிழப்பு நடவடிக்கைக்குப் பிறகு கிரெடிட், டெபிட் கார்டு பயன்பாடு 84% அதிகரிப்பு
  • ரொக்க பணப் பரிமாற்றத்தை ஒழித்து, டிஜிட்டல் பண பரிமாற்றத்துக்கு மக்களை மாற்ற மத்திய அரசு பல்வேறு நடவடிக்கைகளை எடுத்து வருகிறது. இதற்கு கைமேல் பலன் கிடைத்துள்ளது. குறிப்பாக, பணமதிப்பிழப்பு நடவடிக்கைக்குப் பிறகு டிஜிட்டல் பணப்பரிமாற்றம் பழக்கம் மக்களிடையே கணிசமாக அதிகரித்துள்ளது. 
  • இதில், கிரெடிட் கார்டு, டெபிட் கார்டுகளின் பயன்பாடு அதிகமாகி இருக்கிறது. பணமதிப்பிழப்பு நடவடிக்கை எடுக்கப்பட்ட கடந்தாண்டு நவம்பரில், இந்த கார்டுகளின் மூலம் ரூ.40 ஆயிரத்து 130 கோடி பரிமாற்றம் நடந்தது. 
  • ஆனால், இந்தாண்டு நவம்பரில் இதன் பயன்பாடு ரூ.74 ஆயிரத்து 090 கோடியாக அதிகரித்துள்ளது. இது கடந்தாண்டை விட 84 சதவீதம் அதிகமாகும். ஐரோப்பியாவை சேர்ந்த 'வேர்ல்டுலைன்' என்ற ஆய்வு நிறுவனம், ரிசர்வ் வங்கியை மேற்கோள்காட்டி இந்த புள்ளி விவரங்களை தெரிவித்துள்ளது. 
  • பொருட்கள் விற்பனை செய்யப்படும் இடங்களில் கடந்தாண்டு நவம்பரில் இந்த கார்டுகளை பயன்படுத்தி மக்கள் ரூ.20 கோடியே 30 லட்சம் பணப்பரிமாற்றம் செய்தனர். இந்தாண்டு நவம்பரில் இது 37 கோடியே 80 லட்சமாக உயர்ந்துள்ளது. 
  • கடந்தாண்டை காட்டிலும் இது 86 சதவீதம் அதிகமாகும் என்று இந்த ஆய்வு நிறுவனம் கூறியுள்ளது. மும்பையில் இந்த அமைப்பின் தெற்காசிய மற்றும் மத்திய கிழக்கு நாடுகளின் தலைமை நிர்வாக அதிகாரி தீபக் சந்தானி நேற்று கூறுகையில், ''பணமதிப்பிழப்பு நடவடிக்கை முன்பு எவ்வளவுக்கு ரூபாய் நோட்டுகளின் புழக்கம் இருந்ததோ, அதே அளவுக்கு இப்போது ரூபாய் நோட்டுகளின் புழக்கம் தாராளமாக உள்ளது. 
  • இருந்தாலும், பணமதிப்பிழப்பு நடவடிக்கைக்குப் பிறகு தங்களின் அன்றாட செலவுக்கு கூட பணமில்லா பரிமாற்றத்துக்கு மக்கள் மாறியுள்ளனர். கடைகளில் செய்யப்படும் சிறிய செலவுக்கு கூட கிரெடிட் கார்டு, டெபிட் கார்டுகளை அவர்கள் பயன்படுத்துகின்றனர்'' என்றார்.
  • 'கடந்த 2014, ஆகஸ்டில் பிரதமரின் ஜன்தன் யோஜனா திட்டத்துக்கு கீழ் வங்கிகளில் சாதாரண மக்களும் வங்கி கணக்கை தொடங்கிய போதோ டெபிட் கார்டுகளின் பயன்பாடும் அதிகரிக்க தொடங்கி விட்டது. 2017, செப்டம்பர் நிலவரப்படி, நாடு முழுவதும் தற்போது 85 கோடியே 30 லட்சம் கார்டுகள் பயன்படுத்தப்படுகின்றன. 
  • இதில், கிரெடிட் கார்டுகளின் எண்ணிக்கை 3 கோடியே 33 லட்சமாகும். டெபிட் கார்டுகளின் எண்ணிக்கை 81 கோடியே 98 லட்சமாகும். 2015ம் ஆண்டை விட டெபிட் கார்டுகளின் எண்ணிக்கை தற்போது சராசரியாக 22 சதவீதம் அதிகமாகி இருக்கிறது. 
  • கிரெடிட் கார்டுகளின் எண்ணிக்கை 2016 முதல் இன்றைய நாள் வரை, 24 சதவீதம் உயர்ந்துள்ளது. மேலும், பணமதிப்பிழப்பு நடவடிக்கைக்குப் பிறகு டிஜிட்டல் பணப் பரிமாற்றத்தின் அளவு 31 சதவீதம் அதிகமாகி இருக்கிறது' என்றும் வேர்ல்டுலைன் ஆய்வறிக்கையில் கூறப்பட்டுள்ளது.
அமெரிக்காவின் சியாட்டில் நகர துணை மேயராக சென்னைப் பெண் தேர்வு!
  • அமெரிக்காவின் சியாட்டில் நகர துணை மேயராக சென்னையைப் பூர்வீகமாகக் கொண்ட ஷிஃபாலி ரங்கநாதன் தேர்வு செய்யப்பட்டுள்ளார்.
  • 38 வயதான ஷிஃபாலி ரங்கநாதன் சியாட்டிலில் பொதுப்போக்குவரத்துக்கான கொள்கை வகுக்கும் கூட்டமைப்பின் செயல் இயக்குநராகப் பணியாற்றிவந்தார். தற்போது சியாட்டில் நகர துணை மேயராக தேர்வு செய்யப்பட்டுள்ளார். 
  • ஷிஃபாலியின் தந்தை பிரதீப் ரங்கநாதன். தயார் செரில். ஷிஃபாலி நுங்கம்பாக்கம் குட்ஷெப்பர்டு கான்வென்ட் பள்ளியில் பள்ளிக்கல்வியை முடித்தார். பின்னர் ஸ்டெல்லா மேரீஸ் கல்லூரியில் விலங்கியலில் இளங்கலைப் பட்டம் பெற்றார்.
  • அதன்பின்னர் அண்ணா பல்லைக்கலைக்கழகத்தில் சுற்றுச்சூழல் அறிவியலில் முதுகலை பட்டம் பெற்றார். 2001-ம் ஆண்டில் அமெரிக்கா சென்று அங்குள்ள அமெரிக்கப் பல்கலைக்கழகத்தில் மேற்படிப்பு படித்தார்.
  • படித்துக்கொண்டிருக்கும்போதே அவருக்கு அரசு வேலைக்கு அழைப்பு வந்துள்ளது. சியாட்டில் போக்குவரத்துக் கொள்கை வகுப்புக் கூட்டமைப்பில் இயக்குநராக வேலைக்குச் சேர்ந்த அவர் 2014-15-ம் ஆண்டில் செயல் இயக்குநராகப் பதவி உயர்வு பெற்றார். இந்நிலையில், துணை மேயர் கௌரவம் அவரைத் தேடி வந்துள்ளது. 
திறந்தவெளி கழிப்பிடம்... இந்தியா முதலிடம்... ஆய்வில் அதிர்ச்சி
  • நாடு முழுவதும் 73 கோடி பேர், சுகாதாரமற்ற இடங்களில் இயற்கை உபாதைகள் கழிப்பதாக அதிர்ச்சி தகவல் வெளியாகிஉள்ளது. கழிவறை வசதி இல்லாததால் 35 கோடி பெண்கள் பாதுகாப்பற்ற இடங்களில் இயற்கை உபாதைகளை கழிப்பதாகவும்ஆய்வறிக்கையில் தெரிவிக்கப்பட்டுள்ளது.
  • 'வாட்டர் எய்டு' எனப்படும், சர்வதேச தொண்டு நிறுவனம் வெளியிட்டுள்ள ஆய்வறிக்கையில் தெரிவித்துள்ளதாவது.
  • தனிநபர் சுகாதாரம் மற்றும் கழிவறை பயன்பாடு குறித்து நடத்தப்பட்ட ஆய்வில் பல தகவல்கள் கிடைத்துள்ளன. உலக மக்கள் தொகையில் இரண்டாம் இடத்தில் உள்ள இந்தியாவில் திறந்தவெளியை கழிப்பிடமாக பயன்படுத்துவோர் அதிகம் உள்ளனர்.
  • சுகாதாரமற்ற இடங்களில் இயற்கை உபாதைகளை கழிப்போர் எண்ணிக்கையில் உலக அளவில் இந்தியா முதலிடத்தில் உள்ளது.
ஆசியக் கோப்பை கிரிக்கெட்டில் சாம்பியன்! வரலாறு படைத்தது ஆப்கானிஸ்தான்
  • 19 வயதுக்கு உட்பட்டோருக்கான ஆசியக் கோப்பை கிரிக்கெட் போட்டியில் ஆப்கானிஸ்தான் அணி 185 ரன்கள் வித்தியாசத்தில் பாகிஸ்தானை வீழ்த்தி சாம்பியன் பட்டத்தைக் கைப்பற்றியது.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a Comment