Saturday, 18 November 2017

TNPSC SHOUTERS - CURRENT AFFAIRS NOVEMBER 2017 TAMIL PDF - 17th NOVEMBER 2017

கொல்கத்தா சர்வதேச திரைப்பட விழா: டூ லெட் தமிழ்ப்படம் சிறந்த படமாக தேர்வு

  • மேற்குவங்க மாநிலம் கொல்கத்தாவில் சர்வதேச திரைப்பட விழா நடைபெற்று வருகிறது. இந்த விழாவில் டூ லெட் என்று தமிழ்ப்படம் சிறந்த படமாக தேர்வு செய்யப்பட்டுள்ளது. 
  • சிறந்த படமாக தேர்வான டூ லெட் தமிழ் திரைப்படத்தை செழியன் இயக்கியுள்ளார். 30 நாட்களில் வாடகைக்கு புது வீடு தேட வேண்டிய கட்டாயத்திலுள்ள குடும்பத்தை பற்றிய படம் டூ லெட் ஆகும்.

முதலிடத்தை பிடித்த தமிழகம்
  • உடல் உறுப்பு தானத்தில் தமிழகம் தொடர்ந்து முதலிடத்தில் உள்ளதாக சகாதாரத்துறை அமைச்சர் விஜயபாஸ்கர் தெரிவித்துள்ளார்.
  • தமிழகம் முழுவதுமுள்ள மாவட்ட மருத்துவமனைகள் மற்றும் மருத்துவக்கல்லூரி மருத்துவமனைகள் மேம்படுத்தப்பட்டு வருவதாகவும் கோவை அரசு மருத்தவமனைக்கு ஜெயிக்கா என்கிற திட்டத்தில் 280 கோடி நிதி வழங்கப்பட்டுஅதிநவீன கருவிகள் வாங்கப்பட்டுள்ளதாவும் தெரிவித்தார்.
  • தமிழகம் முழுவதும் ரூ.23 கோடியே 50 லட்சம் மதிப்பில் 837 செல் கவுண்டர்கள் தொடங்கப்பட்டுள்ளதாகவும் இதன் மூலம் ரத்தத்தில் உள்ள வெள்ளை, சிவப்பு அணுக்களை குறைந்த நேரத்தில் கணக்கிட முடியும்.

500 கிராமங்களுக்கு இலவச 'வை-பை' இணையதள வசதி - கர்நாடக அரசு அதிரடி
  • கர்நாடக மாநிலத்தில் 500 கிராமங்களுக்கு இலவச வை-பை இணையதள வசதியை நேற்று முதல் முறைப்படி முதல்வர் சித்தராமையா தலைமையிலான அரசு தொடங்கி உள்ளது.
  • மொத்தம் 2600 கிராமங்களுக்கு இலவச வை-பை இணையதள வசதி செய்துதரப்படும் என்று கர்நாடக அரசு அறிவித்து இருந்த நிலையில், முதல்கட்டமாக 500 கிராமங்களுக்கு வழங்கியுள்ளது.
  • பாரத்நெட் திட்டத்தின் மூலம் அரசு நிறுவனமான பி.எஸ்.என்.எல். மூலம், 90 சதவீத கிராமங்களுக்கு இலவச இணையதள வை-பை வசதி வழங்க முடிவு செய்யப்பட்டுள்ளது.


நிதிஷ்குமாரின் ஐக்கிய ஜனதா தளமே உண்மையானது: தேர்தல் ஆணையம்
  • நிதிஷ்குமார் தலைமையில் இயங்கும் பிரிவே உண்மையான ஐக்கிய ஜனதா தளம் என தேர்தல் ஆணையம் அங்கீகாரம் அளித்துள்ளது.
  • ஐக்கிய ஜனதா தளம் கட்சியில் நிதிஷ் குமாருக்கே அதிக எம்எல்ஏக்கள் மற்றும் தேசியக் குழு உறுப்பினர்கள் ஆதரவு இருப்பதால் அதற்கு அங்கீகாரம் அளிப்பதாக தேர்தல் ஆணையம் தெரிவித்துள்ளது. 
  • இதற்கு எதிர்ப்பு தெரிவித்த கட்சியின் மூத்த தலைவர் சரத் யாதவ், தாங்களே உண்மையான ஐக்கிய ஜனதா தளம் எனக் கோரி தேர்தல் ஆணையத்துக்கு சென்றார். 
  • இரு தரப்பும் தங்களுக்குள்ள ஆதரவு குறித்த ஆவணங்களை தேர்தல் ஆணையத்திடம் வழங்கியிருந்தன. இந்நிலையில் நிதிஷ்குமார் தலைமையில் இயங்கும் பிரிவே உண்மையான ஐக்கிய ஜனதா தளம் என தேர்தல் ஆணையம் அங்கீகாரம் அளித்துள்ளது. 
இந்தியாவின் முதலீட்டு தர மதிப்பீட்டை உயர்த்தியது மூடிஸ் நிறுவனம்
  • சர்வதேச கடன் மதிப்பீட்டு நிறுவனமான மூடிஸ் இன்வெஸ்டர்ஸ், கடத்த 2004-ஆம் ஆண்டுக்குப் பிறகு முதல் முறையாக இந்தியாவின் இறையாண்மை பத்திரத் தரமதிப்பீட்டை அதிகரித்துள்ளது.Getty Images
  • கடந்த ஓராண்டில் இந்திய அரசின் பொருளாதார சீர்திருத்தங்களை மேற்கோள் காட்டியுள்ள இந்நிறுவனம், நீண்ட கால அடிப்படையில் அவை பொருளாதாரத்துக்கு நன்மை பயக்கும் என்றும் கூறியுள்ளது.
  • நிலையானது என்பதைக் குறிக்கும் 'BAA3' எனும் மதிப்பீட்டில் இருந்து இந்தியாவை, நேர்மைறையானது என்று குறிக்கும் 'BAA2' என்று தரம் உயர்த்தியுள்ளது. முதலீட்டுக்கான இரண்டாவது குறைவான தர மதிப்பீட்டிலிருந்து இந்தியா உயர்ந்து தற்போது, இத்தாலி மற்றும் பிலிப்பைன்ஸ் ஆகிய நாடுகளின் நிலைக்கு நிகராக உள்ளது.

வீடுகளுக்கு டிஜிட்டல் முகவரி: மத்திய அரசு திட்டம்
  • இந்தியாவில் , அலுவலகம் மற்றும் வீடுகளுக்கு டிஜிட்டல் முகவரி திட்டத்தை அமல்படுத்த மத்திய அரசு திட்டமிட்டு வருகிறது. 6 இலக்க குறியீடு'பைலட் திட்டம்' என்ற பெயரில் அஞ்சல் துறை சார்பில் மேப் மை இந்தியா என்ற தனியார் நிறுவனம் செயல்படுத்தும் திட்டத்தின்படி, நாடு முழுதும் உள்ள அசையா சொத்துகளுக்கு மின்னணு முறையில் விலாசம் வழங்க திட்டமிடப்பட்டுள்ளது. 
  • வீடு, அலுவலகங்கள், நிலம் ஆகியவற்றிற்கு 3 இலக்க பின்கோடடை சேர்த்து, 6 இலக்க ஆல்பா நியமரிக் டிஜிட்டல் குறியீடு வழங்கப்படும். சோதனை முயற்சிஇவ்வாறு அசையா சொத்துகளும் டிஜிட்டல் முறையில் இணைக்கப்பட்டதும், அவற்றின் பெயர், உரிமையாளர் பெயர், வரி விவரங்கள், மின்சாரம், குடிநீர் மற்றும் காஸ் குறித்த விவரங்களும் அதனுடன் சேர்க்கப்படும். 
  • இதன் மூலம் அனைத்து விவரங்களும் ஒற்றை தளத்தில் கொண்டு வர முடியும். இந்த 6 இலக்க குறியீட்டை கூகுள் மேப்பில் பதிவிட்டால், அது செல்ல வேண்டிய இடத்தை தெளிவாக காட்டிவிடும். சோதனை முயற்சியாக டில்லி மற்றும் நொய்டாவின் சில இடங்களில் அமல்படுத்தப்பட்டுள்ளது. 

உணவு தானிய உற்பத்தியில் பீகார் சாதனை
  • உணவு தானிய உற்பத்தியில் பீகார் மாநிலம் சாதனை படைத்துள்ளது. இதுகுறித்து இந்த மாநிலத்தின் வேளாண்துறை முதன்மை செயலாளர் வெளியிட்ட புள்ளிவிவரத்தில் கூறியிருப்பதாவது: 2016-17 ஆண்டில் மாநிலத்தின் ஒட்டு மொத்த உணவு தானிய உற்பத்தி 185.69 லட்சம் டன்கள். 
  • இதற்கு முன்பு 2012-13 ஆண்டில் 178.29 லட்சம் டன் உற்பத்தி பெரிய சாதனை அளவாக இருந்தது. இதை தற்போதைய உற்பத்தி முறியடித்துள்ளது. இதுபோல், மக்காச்சோளம் உற்பத்தி 38.46 லட்சம் டன்களாக உள்ளது. இது ஒரு ஹெக்டேருக்கு 53.35 குவிண்டால் உற்பத்தியாகியுள்ளது. 
  • இதற்கு முன்பு மக்காச்சோளம் 2012-13ல் 27.56 லட்சம் டன் உற்பத்தியாகி இருந்தது. ஒரு ஹெக்டேருக்கு 39.75 குவிண்டால் கிடைத்தது. ஒவ்வொரு இந்தியரின் உணவுத்தட்டிலும் பீகார் பங்களிப்பு இருக்க வேண்டும் என்ற முதல்வர் நிதிஷ்குமாரின் இலக்கு 2022ல் எட்டப்படும் என்ற நம்பிக்கை உள்ளது என தெரிவித்துள்ளார்.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a Comment