Friday, 17 November 2017

TNPSC SHOUTERS - CURRENT AFFAIRS NOVEMBER 2017 TAMIL PDF - 16th NOVEMBER 2017

உயிரினங்கள் வாழும் சூழல் கொண்ட புதிய கிரகம் கண்டுபிடிப்பு
  • பூமி தவிர்த்து அண்டவெளியில் உயிரினங்கள் வாழ்வதற்கான புதிய இடம் பற்றிய தேடல் தொடருகிறது. நமது பால்வெளி மண்டலத்தின் மூலையில் சிறிய சிவப்பு நட்சத்திரம் ஒன்று உள்ளது. 
  • பூமியின் அளவுடைய கிரகம் ஒன்று அதனருகே இருப்பது கண்டுபிடிக்கப்பட்டு உள்ளது. இதனை வானியியலாளர்கள் நேற்று அறிவித்துள்ளனர்.இந்த கிரகத்தில் திரவ வடிவிலான நீர் இருக்க கூடும். அதனால் வாழ்வதற்கான சூழல் உள்ளது.
  • அந்த சிவப்பு நட்சத்திரத்தின் பெயர் ராஸ் 128. இந்த நட்சத்திரத்தினை ஒரே ஒரு கிரகம் சுற்றி வருகிறது என அறிவியலாளர்கள் கூறுகின்றனர்.இதற்கு முன் டிரேப்பிஸ்ட் 1 என்ற சிவப்பு நட்சத்திரம் கண்டுபிடிக்கப்பட்டது. அது பூமியில் இருந்து 40 ஒளி ஆண்டுகள் தொலைவு கொண்டது. 
  • பூமியின் அளவு கொண்ட 7 கிரகங்கள் அதனை சுற்றி வருகின்றன.ஆனால் மற்ற நட்சத்திரங்களை போன்று இல்லாமல் ராஸ் 128 மிக அமைதியான, கதிரியக்க சிதறல்கள் எதுவும் இல்லாதது. கதிரியக்க சிதறலானது உயிரினங்கள் கிரகத்தில் வாழ்வதற்கான சூழலை தொடங்குவதற்கு முன்பே முற்றிலும் அழித்து விடும்.
  • இது பூமியில் இருந்து 11 ஒளி ஆண்டுகள் தொலைவில் உள்ளது.ராஸ் 128 நட்சத்திரத்தில் இருந்து அதனை சுற்றி வரும் கிரகம் 4.5 மில்லியன் மைல்கள் தொலைவில் உள்ளது. இது சூரியன் மற்றும் பூமிக்கு இடையேயான 93 மில்லியன் மைல்கள் என்ற தொலைவை விட மிக குறைவு.
  • சூரிய குடும்பத்தின் மையத்தில் உள்ள புதன் கிரகம் கூட சூரியனில் இருந்து 36 மில்லியன் மைல்கள் தொலைவில் உள்ளது.பூமி மற்றும் சூரியன் இடையேயான தொலைவை ஒத்து, சிவப்பு நட்சத்திரம் மற்றும் புதிய கிரகம் இடையேயான தொலைவு அமைந்து இருந்தால் அது மிக குளிராக இருக்கும்.
  • ஆனால் ராஸ் 128ஐ மிக நெருங்கிய நிலையில் புதிய கிரகம் உள்ளது. அதனால் திரவ நீருக்கு தேவையான வெப்பம் உறிஞ்சப்படுகிறது. இந்த திரவ நீர் வாழ்வதற்கு தேவையான பொருள், என விஞ்ஞானிகள் கூறியுள்ளனர்.
ஜி.எஸ்.டி.யின் கீழ் தேசிய ஆணையம்: மத்திய அமைச்சரவை ஒப்புதல்
  • ஜி.எஸ்.டி. வரி சலுகையை தவறாக பயன்படுத்தும் நிறுவனங்களுக்கு கடிவாளம் போட புதிய ஆணையம் அமைக்க மத்திய அமைச்சரவை ஒப்புதல் அளித்துள்ளது.
  • ஜி.எஸ்.டி., எனப்படும் சரக்கு மற்றும் சேவை வரி முறை, ஜூலை, 1ல் நாடு முழுவதும் அமல்படுத்தப்பட்டது இந்த வரி விதிப்பு முறையால் சில எதிர்ப்புகள் ஏற்பட்டதையடுத்து கடந்த 14-ம் தேதி 178 பொருட்களுக்கான வரியை 28 சதவீதத்தில் இருந்து 8 சதவீதமாக குறைக்கப்பட்டு வரி விதிப்பு முறை மாற்றியமைக்கப்பட்டது.
  • இந்நிலையில் ஜிஎஸ்டி வரி குறைப்புக்குப் பின்னர், முன்பு விற்பனை செய்யப்பட்டதை விட அதிக விலைக்கு சில நிறுவனங்கள் தங்கள் பொருட்களை விற்பனை செய்து லாபம் ஈட்டுவதாக புகார் எழுந்தது. இது தொடர்பாக மத்திய அமைச்சரவை கூட்டம் பிரதமர் மோடி தலைமையில் நடந்தது. இதில் வரி சலுகையை பயன்படுத்தி லாபமீட்டும் நிறுவனங்களை கண்காணிக்க , ஜி.எஸ்.டி.யின் கீழ் தேசிய அளவிலான ஆணையம் (NAA) ஒன்றை ஏற்படுத்த ஒப்புதல் அளிக்கப்பட்டது. 
  • இதன்படி இந்த ஆணையத்திற்கு மத்திய அரசின் செயலாளர் அளவிலான உயர் அதிகாரி தலைவராகவும், , மத்திய, மாநிலங்களில் இருந்து தலா நான்கு தொழி்ல்நுட்ப வல்லுனர்கள் ஆகியோரை உறுப்பினர்களாக கொண்ட அமைப்பாக செயல்படும் எனவும் முடிவு செய்யப்பட்டுள்ளது.
காற்று மாசுபாடு : இந்தியாவிற்கு முதலிடம்
  • சுற்றுச்சூழலுக்கும் மனித குலத்திற்கும், பெரும் கேடு விளைவிக்கக் கூடிய கந்தக டை-ஆக்சைடை, அதிகளவில் காற்றில் கலக்கச் செய்வதில், உலகிலேயே இந்தியா தற்போது முதலிடத்தில் உள்ளதாக, அதிர்ச்சி தகவல் வெளியாகியுள்ளது. அமெரிக்காவை சேர்ந்த மேரிலேண்ட் பல்கலைக்கழகம் நடத்திய ஆய்வில், இந்த விபரம் வெளியாகியுள்ளது. 
  • 65 ஆண்டுகளுக்கு முன்பே, அதாவது 1952-ம் ஆண்டு கந்தக டை-ஆக்சைடு காற்றில் பெருமளவு கலந்து மாசுபட்டதால், லண்டனில் ஒன்றரை லட்சத்திற்கும் மேற்பட்டோர் மருத்துவமனையில் அனுமதிக்கப்பட்டனர் என்பது குறிப்பிடத்தக்கது.
தேசிய மல்யுத்த சாம்பியன்ஷிப்: தங்கப் பதக்கம் வென்று சகோதரிகள் 
  • தேசிய மல்யுத்த சாம்பியன்ஷிப் போட்டியில் தங்களது எடைப் பிரிவில் எதிராளியை வீழ்த்தி சகோதரிகளான வினேஷ் போகத் மற்றும் ரீது போகத் தங்கம் வென்றுள்ளனர்.
  • தேசிய மல்யுத்த சாம்பியன்ஷிப் போட்டியின் ரயில்வே அணி சார்பில் போட்டியிட்டார் வினேஷ் போகத். இவர் 55 கிலோ எடைப் பிரிவில் அரியாணாவின் மனீஷாவை எதிர்கொண்டார். 
  • அதேபோன்று 50 கிலோ எடைப் பிரிவில் ரிது போகத், நிர்மலாவை எதிர்கொண்டார். இந்த ஆட்டத்தில் நிர்மலாவை வீ
பிரௌட் மூமண்ட்: தேசிய ஜூனியர் தடகள சாம்பியன்ஷிப் போட்டியில் புதிதாக மூன்று தேசிய சாதனைகள்...
  • தேசிய ஜூனியர் தடகள சாம்பியன்ஷிப் போட்டி ஆந்திர பிரதேச மாநிலம், விஜயவாடாவில் நடைபெற்று வருகிறது.
  • இந்தப் போட்டியில் புதிதாக எட்டப்பட்ட மூன்று தேசிய சாதனைகள்: "18 வயதுக்கு உள்பட்ட சிறுமிகளுக்கான உயரம் தாண்டுதலில் அரியாணாவின் ருபீனா யாதவ் 1.81 மீட்டர் உயரம் தாண்டி தங்கம் வென்றார்.
  • "14 வயதுக்கு உள்பட்ட சிறுவர்களுக்கான நீளம் தாண்டுதல் போட்டியில் பீகாரின் அவினாஷ் குமார் 6.79 மீட்டர் தாண்டி சாதனை படைத்தார்.
  • "16 வயதுக்கு உள்பட்ட சிறுமிகளுக்கான ஈட்டி எறிதலில் அரியாணாவின் ஜோதி 41.24 மீட்டர் தூரம் எறிந்து தங்கம் வென்றார்.
நம்ம தமிழகத்தின் 'மாநில மீன்' எது தெரியுமா?
  • இப்போது மாநிலத்துக்கு ஒரு மீன் மாநில மீனாக அறிவிக்கப்பட்டுள்ளது. அந்த வகையில், அயிரை மீனை தமிழகத்தின் மாநில மீனாக அறிவிக்க முடிவு செய்யப்பட்டுள்ளது.
  • கேரளாவில் கறி மீனும், தெலங்கானாவில் முரல் மீனும் அந்த மாநில மீன்களாக அறிவிக்கப்பட்டுள்ளது. இந்த நிலையில் தமிழ்நாடு மீன் வளப் பல்கலைக்கழகம் அயிரை மீனை தமிழகத்தின் மாநில மீன் என்று அறிவிக்க முடிவு செய்துள்ளது.
ஏலத்தில் சாதனை படைத்த லியோனார்டோ டாவின்சி வரைந்த 'இயேசுநாதர்' ஓவியம்
  • லியோனார்டோ டாவின்சியால் வரையப்பட்டது என்று நம்பப்படும் 500 ஆண்டுகள் பழமையான இயேசுநாதர் ஓவியம் ஒன்று நியூயார்கில் நடந்த ஏலத்தில் 450 மில்லியன் அமெரிக்க டாலர்கள் அளவுக்கு விற்பனையாகி சாதனை படைத்துள்ளது.
  • இந்த ஓவியம் சல்வேட்டர் முண்டி, அதாவது உலகின் ரட்சகர் என்று அழைக்கப்படுகிறது.கிறிஸ்டின் ஏல அறையில் இதுவரை எந்த கலைப்படைப்பும் பெறாத ஏலத்தொகையையும் மற்றும் ஆரவாரம் மற்றும் கைத்தட்டல்களை இந்த ஓவியம் பெற்றுள்ளது.
  • 1519ல் உயிரிழந்த லியோனார்டோ டாவின்சியின் 20க்கும் குறைவான ஓவியங்களே தற்போது மிஞ்சியுள்ளன.1505 ஆம் ஆண்டிற்கு பிறகு வரையப்பட்டதாக கருதப்படும் இந்த சல்வேட்டர் முண்டி மட்டும்தான் தனியாரின் கட்டுப்பாட்டில் இருப்பதாக நம்பப்படுகிறது.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a Comment