Tuesday, 14 November 2017

TNPSC SHOUTERS - CURRENT AFFAIRS NOVEMBER 2017 TAMIL PDF - 14th NOVEMBER 2017

நிகர்நிலைப் பல்கலைக்கழகங்கள் இனி "பல்கலைக்கழகம்' என்ற பெயரைப் பயன்படுத்தக் கூடாது: யுஜிசி உத்தரவு
  • "பல்கலைக் கழகம்' என்ற பெயரை நிகர்நிலைப் பல்கலைக் கழகங்கள் இனி பயன்படுத்தக் கூடாது. உடனடியாக நீக்கிவிட வேண்டும் என பல்கலைக் கழக மானியக் குழு (யுஜிசி) உத்தரவிட்டுள்ளது.
  • உச்ச நீதிமன்றத்தில் அண்மையில் நடைபெற்ற வழக்கு ஒன்றில், நாடு முழுவதும் உள்ள நிகர்நிலைப் பல்கலைக்கழகங்கள், அவற்றின் பெயர்களில் "பல்கலைக் கழகம்' என்ற வார்த்தையைப் பயன்படுத்தி வருகின்றன. இது யுஜிசி சட்டப் பிரிவு 23-க்கு எதிரானதாகும். 
  • அதன்படி, நாடு முழுவதும் உள்ள 123 நிகர்நிலைப் பல்கலைக்கழகங்களும் அவற்றின் பெயரில் "பல்கலைக் கழகம்' என்பதைப் பயன்படுத்தத் தடை விதிக்கப்படுகிறது. 
டெபிட் மற்றும் கிரெடிட் கார்டுகளும் ஏடிஎம்களும் குறைக்கப்படும் : நிதி ஆயோக் அதிரடித் தகவல்
  • நிதி ஆயோக் தலைவர் இன்னும் 4 ஆண்டுகளுக்குள் டெபிட், கிரெடிட் கார்டுகள் மற்றும் ஏடிஎம்மின் எண்ணிக்கை கணிசமாக குறைப்படும் என கூறி உள்ளார்.
  • மத்திய அரசின் திட்டங்களுக்கு ஆலோசனை வழங்கும் அமைப்பு நிதி ஆயோக் ஆகும். இந்த அமைப்பின் தலைமை செயல் அதிகாரி அமிதாப் கண்ட் ஆவார். 
  • சர்வதேச அளவில் மொபைல் மூலம் பண பரிவர்த்தனை செய்யும் நாடாக இந்தியா உள்ளது. உலகிலேயே இந்தியாவில் தான் 100 கோடி பயோமெட்ரிக் அதிக அளவிலான மொபைல்கள் மற்றும் அனேகமாக அனைவருக்கும் வங்கிக் கணக்குகள் உள்ளன.
இஸ்ரோ உதவியுடன் ஆளில்லா ரயில்வே கிராஸிங்கில் எச்சரிக்கை கருவிகள்
  • ஆளில்லா ரயில்வே கிராஸிங்கில் ஏற்படும் விபத்துக்களை தவிர்க்க, இஸ்ரோ உதவியுடன் எச்சரிக்கை விடுக்கும் கருவிகளை பொருத்த இந்திய ரயில்வே முடிவு செய்துள்ளது. எச்சரிக்கை கருவி இந்தியாவில் சுமார் 7,200 ஆளில்லா ரயில்வே கிராஸிங்குள் உள்ளன.
மணிலாவில் பிரதமர் மோடி பெயரில் வயல்வெளி அரிசி ஆய்வகம்
  • பிலிப்பைன்ஸ் தலைநகர் மணிலாவில் பிரதமர் மோடி பெயரில் வயல்வெளி அரிசி ஆய்வகம் அமைக்கப்பட்டுள்ளது. தனது பெயரில் அமைக்கப்பட்டுள்ள அரிசி ஆய்வகத்தை மோடி திறந்து வைத்தார்.
  • லாஸ் பனோஸில் உள்ள சர்வதேச அரிசி ஆராய்ச்சி நிலையத்திற்கு 2 அரிசி ரகத்தை மோடி பரிசளித்தார். 
போட்டித் தேர்வுகளுக்கான பயிற்சி வகுப்புகளை தொடங்கி வைத்தார் முதல்வர் பழனிசாமி
  • இத்திட்டத்தின் மூலம் அரசு மற்றும் அரசு உதவி பெறும் பள்ளிகளை சேர்ந்த மாணாக்கர்கள் பயன் பெறுவர். இதுவரை இப்பயிற்சிக்காக இணையதளம் வாயிலாக 73 ஆயிரம் மாணவர்கள் தங்களின் பெயர்களை பதிவு செய்துள்ளனர் என்பதை பெருமையுடன் தெரிவித்துக் கொள்கிறேன்.
  • மாணவர்களுக்கு பயிற்சி அளிக்கும் இத்திட்டமானது இவ்வாண்டு 12-ஆம் வகுப்பு மாணவர்களுக்கு அறிமுகப்படுத்தப்படுகிறது.
  • இப்பயிற்சி மையத்தினை, ஒன்றியத்திற்கு ஒரு மையம் என்ற வீதத்தில் தமிழ்நாட்டில் மொத்தமாக 412 மையங்களில் நடத்த திட்டமிடப்பட்டு அதற்கான பணிகள் மிக விரைவாக நடைபெற்று வருகின்றன. இன்றைய தினத்தில் முதல் கட்டமாக 100 மையங்களில் இப்பயிற்சி தொடங்கப்படுகிறது. மிக விரைவில் மீதமுள்ள 312 மையங்களும் பயன்பாட்டிற்கு கொண்டு வரப்படும்.
  • பள்ளிகளில் பெறும் கல்விச் செயல்பாடுகளில் எவ்விதத் தேக்கமும் அடையா வண்ணம், மாணவர்களுக்கு இப்பயிற்சி வகுப்புகள் காலை 9 மணி முதல் மாலை 4 மணி வரை பள்ளி விடுமுறை நாட்களான சனி மற்றும் ஞாயிற்றுக் கிழமைகளிலும், பொதுத் தேர்வு முடிவடைந்த பிறகு தினந்தோறும் இதே நேரத்தில் நடத்தவும் திட்டமிடப்பட்டுள்ளது.
இந்தியா-பிலிப்பைன்ஸ் இடையே 4 ஒப்பந்தங்கள் கையெழுத்து
  • ஆசியான் மாநாட்டில் பங்கேற்க பிலிப்பைன்ஸ் சென்றிருந்த பிரதமர் மோடி அங்கு அமெரிக்க அதிபர் டெனால்டு டிரம்ப் உள்ளிட்ட தலைவர்களை சந்தித்தார். பின்னர் பிலிப்பைன்ஸ் அதிபர் ரோட்ரிகோ டுடெர்டி சந்தித்தார்.
  • பிலிப்பைன்ஸ் அதிபர் ரோட்ரிகோ டுடெர்டியுடனான சந்திப்பு குறித்து வெளியுறவு விவகாரங்களுக்குான பிரதிநிதி ப்ரீத்தி சரண் கூறியது, இருநாட்டு தலைவர்களின் சந்திப்பு சிறப்பான ஒன்றாக இருந்தது. 
  • 36 ஆண்டுகளில் முதல்முறையாக இந்திய பிரதமர் பிலிப்பைன்ஸ் சென்று அந்நாட்டு அதிபரை சந்தித்துள்ளார். இரு நாடுகளிடையே ராணுவம், விவசாயம் உள்ளிட்ட பல்வேறு துறைகளில் 4 ஒப்பந்தங்கள் கையெழுத்தாகின என்றார்.
யோகா பயிற்சி வகுப்பு நடத்த சவூதி அரேபியா அரசு அனுமதி
  • லைசன்ஸ் பெற்று யோகா பயிற்சி வகுப்பு நடத்த சவூதி அரேபியா அரசு அனுமதி அளித்துள்ளது. விளையாட்டில் ஒரு பகுதியாக யோகாவை சவுதி அரசு அங்கீகரித்துள்ளது. 
ராஜஸ்தான் போலீசில் முதல் முறையாக காவலர் பணிக்கு திருநங்கை நியமனம்
  •  ராஜஸ்தான் போலீசில் கான்ஸ்டபிள் பணிக்கு முதல் முறையாக திருநங்கை ஒருவர் நியமிக்கப்பட்டுள்ளார். உயர் நீதிமன்றத்தின் வழிகாட்டல்களுக்கு பிறகு காவலர் பணிக்கு கங்காகுமாரி நியமிக்கப்பட்டார். 
ஜிஎஸ்டி..! தமிழகம் பிடித்த இடம் என்ன தெரியுமா ?
  • ஜிஎஸ்டி -க்கு பெருத்த எதிர்ப்பு தமிழகத்தில் இருந்தாலும், அதற்கு நிகராக ஜிஎஸ்டி செலுத்துவதில் பெரும்பாலோனோர் பதிவு செய்துள்ளனர்
  • ஜி.எஸ்.டி மூலம் வருவாய் ஈட்டுவதில் தமிழகம் 2வது இடத்தில் இருப்பதாக தெரிவித்தார்
  • ஜிஎஸ்டி - ஐ பொறுத்தவரை தமிழகத்தில் 89 சதவீதம் பேர் ஜி.எஸ்.டி., செலுத்த பதிவு செய்துள்ளதாகவும், தொடரந்து, இன்னும், 11 சதவீதம் பேர் பதிவு செய்யவில்லை என்றும் தெரிவித்தார்
மாமல்லபுரம் சிற்பங்களுக்கு புவிசார் குறியீடு
  • மாமல்லபுரத்தில் உள்ள சிற்பங்களுக்கு புவிசார் குறியீடு கிடைத்துள்ளது. தமிழக அரசு விண்ணப்பத்தை ஏற்று புவிசார் குறியீடு வழங்கப்பட்டுள்ளது. மாமல்லபுரம் சிற்பங்களுக்கு மத்திய புவிசார் குறியீடு பதிவகம் சிறப்பு அங்கீகாரம் ஆகும். 
  • உலகில் உள்ள ஒவ்வொரு பகுதிக்கும் பாரம்பரியப் பண்புகள், தனித்த அடையாளங்கள் இருக்கின்றன. உதாரணத்துக்கு டார்ஜிலிங் தேநீர், மைசூர் பட்டு, தமிழகத்தின் தஞ்சாவூர் ஓவியம், காஞ்சிபுரம் பட்டு ஆகியவைகளுக்கு புவிசார் குறியீடு அளிக்கப்பட்டுள்ளது. 
  • மதுரை மல்லி, தஞ்சாவூர் ஓவியங்கள், காஞ்சிபுரம் பட்டு, ஆரணி பட்டு, சிறுமலை வாழை, கோவை வெட் கிரைண்டர் உட்பட 24 பொருட்களுக்கு புவிசார் குறியீடு பெற்று தமிழகம் 2ஆம் இடத்தில் இருக்கிறது.
  • தமிழகத்தில் இருந்து மேலும் 26 பொருட்களுக்கு புவிசார் குறியீடு பெற விண்ணப்பிக்கப்பட்டுள்ளது. ஆனால், 2010, 2011, 2014 ஆகிய 3 ஆண்டுகளில் தமிழகத்தைச் சேர்ந்த ஒரு பொருளுக்குக்கூட புவிசார் குறியீடு வழங்கப்படவில்லை. 
  • புவிசார் குறியீடு மையத்தில் 3 ஆண்டுகளைக் கடந்தும் ஈரோடு மஞ்சளுக்கான விண்ணப்பம், பரிசோதனை நிலையிலேயே இருக்கிறது.
இந்தியாவுக்கான அமெரிக்க தூதராக கென்னத் ஜஸ்டர் பொறுப்பேற்றார்

  • இந்தியாவுக்கான அமெரிக்க துாதராக நியமிக்கப்பட்டுள்ள, கென்னத் ஜஸ்டர், 62, நேற்று பொறுப்பேற்றுக் கொண்டார். அவர், விரைவில் இந்தியா வருவார் என, எதிர்பார்க்கப்படுகிறது. 
மேற்கு வங்கத்துக்கு ரசகுல்லா புவிசார் குறியீடு

  • ரசகுல்லாவுக்கு புவிசார் குறியீடு பெறுவதில் ஒடிசா, மேற்கு வங்கம் இடையே போட்டி ஏற்பட்டது. ரசகுல்லா தங்களுக்குதான் சொந்தம் உரிமை கொண்டாடிய ஒடிசா, 2015 முதல் ரசகுல்லா திவாஸ் கொண்டாட்டங்களை தொடங்கியது. இதுபோல் கொல்கத்தாவும் சொந்தம் கொண்டாடியது. 
  • அதில் ரசகுல்லாவை கடந்த 1868ம் ஆண்டு மேற்கு வங்காளத்தின், கொல்கத்தா நகரின் வடக்கு பகுதியில் நொபின் சந்திர தாஸ் என்பவர் இனிப்பு கடை நடத்திவந்துள்ளார். அவர் தான் அறிமுகப்படுத்தி உள்ளார். 
  • இது பாலில் தயாரிக்கப்படும் இனிப்பு. உருண்டை வடிவில் பந்து போன்று மென்மையான இந்த ரசகுல்லாவை நொபினின் வாரிசுகள் இன்றும் வடக்கு கொல்கத்தா நகரில் கடையில் விற்கின்றனர் என கூறியிருந்தனர். மனுவை விசாரித்த புவிசார் குறியீடு பதிவகம் மேற்கு வங்க மாநிலத்துக்கு ரசகுல்லாவிற்கான புவிசார் குறியீட்டை வழங்கியுள்ளது. 
குழந்தைகள் தினம்.. வீர தீர செயல் புரிந்த குழந்தைகளுக்கு குடியரசு தலைவர் விருது

  • குழந்தைகள் தினத்தை முன்னிட்டு வீர தீர செயல்புரிந்த, பல்வேறு துறைகளில் சிறந்து விளங்கிய குழந்தைகளுக்கு குடியரசுத் தலைவர் ராம்நாத் கோவிந்த் விருதுகள் வழங்கி கெளரவித்தார்.
  • இதில் தமிழ்நாடு, கேரளா, கர்நாடகா, மகாராஷ்ட்ரா, டெல்லி ஆகிய மாநிலங்களைச் சேர்ந்த 16 குழந்தைகளுக்கு சாதனையாளர்கள் விருது வழங்கப்பட்டது. தமிழகத்தைச் சேர்ந்த ஆகாஷ் மனோஜ் என்கிற மாணவருக்கும், கர்நாடகாவைச் சேர்ந்த ஸ்வஸ்திக் பத்மா என்கிற மாணவருக்கும் சிறந்த அறிவியல் கண்டுபிடிப்பாளர் விருது வழங்கப்பட்டது.
  • காஷ்மீரைச் சேர்ந்த மாண்வி ஜாய்ரா வாசிம் என்பவருக்கு கலையில் சிறந்து வழங்கியதற்காகவும் விருது வழங்கப்பட்டது. மேலும் வீர தீர செயல் புரிந்ததற்காக கர்நாடகாவைச் சேர்ந்த வைஷாக் என்கிற சிறுவனுக்கும், நிதின் என்கிற சிறுவனுக்கும் வழங்கப்பட்டது. 
  • இதில் வைஷாக் என்கிற சிறுவன் தனது உறவினர் ஒருவரைத் தாக்க வந்த மலைப்பாம்பிடம் போராடி அவரைக் காப்பாற்றியதற்காகவும், நிதினுக்கு பாம்புக்கடியால் பாதிக்கப்பட்ட தனது தங்கைக்கு உரிய நேரத்தில் முதலுதவி செய்து காப்பாற்றியதற்காகவும் வழங்கப்பட்டது.
  • தீக்ஷிதா மற்றும் அம்பிகா சகோதரிகளுக்கு கழிவு நீர் குழாயில் மாட்டிக் கொண்ட சிறுவனைக் காப்பாற்றியதற்கும், ஜூனைரா ஹரம் என்கிற மாணவிக்கு தண்ணீர் தொட்டியில் விழுந்தவரைக் காப்பாற்றியதற்காகவும் இந்த விருது வழங்கப்பட்டது. இவர்களுக்கு விருதும், 10000 ரூபாய் ரொக்கமும் பட்டயமும் பரிசாக வழங்கப்பட்டது.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a Comment