Thursday, 2 November 2017

TNPSC SHOUTERS - CURRENT AFFAIRS NOVEMBER 2017 TAMIL PDF - 1st NOVEMBER 2017


மனித உரிமை ஆணையத்துக்கு 2 புதிய உறுப்பினர்
  • மனித உரிமைகள் ஆணைய சட்ட விதிகளின்படி ஓய்வு பெற்ற மாவட்ட நீதிபதி டி.ஜெயச்சந்திரன், ஓய்வு பெற்ற ஐஏஎஸ் அதிகாரி சித்தரஞ்சன் மோகன்தாஸ் தமிழக மனித உரிமை ஆணையத்தின் உறுப்பினர்களாக நியமிக்கப்பட்டுள்ளனர்.
ஸ்ரீரங்கம் கோயிலுக்கு 'யுனெஸ்கோ' விருது
  • திருச்சி ஸ்ரீரங்கம் கோயிலுக்கு பாரம்பரியத்துக்கான 'யுனெஸ்கோ' விருது அறிவிக்கப்பட்டுள்ளது.ஸ்ரீரங்கம் கோயில் 108 வைணவத் திருத்தலங்களுள் முதன்மையானது. இக்கோயிலுக்கு ஐ.நா., சபையின் கீழ் செயல்படும் உலகின் கலாசாரம் மற்றும் பாரம்பரியங்களை பாதுகாக்கும் அமைப்பான 'யுனெஸ்கோ'வின் சார்பில் 'ஆசிய- பசிபிக் மெரிட்' விருது அறிவிக்கப்பட்டுள்ளது. 
  • இக்கோயில் சர்வதேச நிதி உதவியுடன் பழமை மாறாமல் புதுப்பித்து 2015ல் திருப்பணி செய்ததன் அடிப்படையில் விருதுக்கு தேர்வாகியுள்ளது. இவ்விருது பெறும் முதல் தமிழக கோயில் என்ற பெருமை பெறுகிறது.கலாசார மரபுகளைப் பாதுகாக்க, பாரம்பரிய கட்டடங்களை மீட்டெடுக்க மற்றும் பராமரித்து வருபவர்களை ஊக்குவிக்க, ஆண்டுதோறும், யுனெஸ்கோ போட்டிகளை நடத்துகிறது.
  • உலகின் பல்வேறு பகுதிகளில் பல்வேறு கட்டமாக நடத்தப்படுகிறது. உலகின் பல்வேறு பகுதிகளில் பல்வேறு கட்டமாக நடத்தப்படுகிறது. இவ்வாண்டு நடத்தப்பட்ட பாரம்பரிய விருது போட்டிக்கு ஆசியபசிபிக் பிராந்தியத்தில் ஆஸ்திரேலியா, சீனா, இந்தியா, ஈரான், நியூசிலாந்து மற்றும் சிங்கப்பூர் ஆகிய 6 நாடுகளிலிருந்து 43 பாரம்பரிய கட்டடங்கள் விருதுக்கு பரிந்துரைக்கப்பட்டன.
  • இதில் 31 கட்டடங்கள் பழைமை வாய்ந்தது என்ற பிரிவிலும், 12 கட்டடங்கள் புதிய வடிவமைப்புகளைக் கொண்டது என்ற பிரிவிலும் இடம்பெற்றிருந்தது. இவற்றில் 16 கட்டடங்கள் இந்த ஆண்டுக்கான பாரம்பரிய விருதுகளைப் பெற்றுள்ளன.ஆசிய பசிபிக் மெரிட் பிரிவில் இந்தியாவில் இருந்து ஸ்ரீரங்கம் கோயில், மும்பையின் ராயல் பாம்பே ஒபுரா ஹவுஸ் மற்றும் கிறைஸ்ட் சர்ச் ஆகிய மூன்று இடங்கள் தேர்வு செய்யப்பட்டன.
உலகில் அதிக உயரத்துடன் சிவாஜி சிலையை நிறுவ திட்டம்
  • மஹாராஷ்டிர மாநிலம், மும்பையில் நிறுவப்பட உள்ள, வீர சிவாஜி சிலை உயரத்தை, 689 அடியாக உயர்த்த திட்டமிடப்பட்டு உள்ளது. இதன் மூலம், உலகின் மிகவும் உயரமான சிலையாக, அது திகழ உள்ளது.சீனாவில் உள்ள, வசந்த கால கோவிலில் உள்ள புத்தர் சிலை, 682 அடி உயரம் உடையது. 
  • இதுவே, உலகில் அதிக உயரமுடைய சிலையாக உள்ளது. மும்பை கடலோரப் பகுதியில் மராட்டிய மன்னர், வீர சிவாஜியின் சிலையை , 630 அடி உயர சிலை அமைக்க முதலில் திட்டமிடப்பட்டது. தற்போது அதன் உயரம், 689 அடியாக உயர்த்தப்படுகிறது. இதற்கு, சுற்றுச்சூழல் துறை அனுமதி அளித்துள்ளது.
  • குதிரை மீது அமர்ந்திருக்கும் சிவாஜியின் சிலை அமைக்கும் பணி, 2018 ஜனவரியில் துவங்கி, 2021க்குள் முடிக்க திட்டமிடப்பட்டு உள்ளது. இதற்கு, 3,000 கோடி ரூபாய் செலவாகும் என, கணக்கிடப்பட்டு உள்ளது. இந்த சிலை அமைப்பதற்கு, மஹாராஷ்டிரா கடலோர மண்டல நிர்வாக ஆணையம் ஒப்புதல் அளித்துள்ளது.
  • மும்பையின் கடலோரத்தில், 15.96 ஏக்கர் பரப்பு நிலத்தில், இந்த சிலை நிறுவப்பட உள்ளது. அந்த வளாகத்தில், கோவில், மருத்துவமனை, சிவாஜியின் வாழ்க்கையை குறிக்கும் வகையில், ராய்காட் கோட்டை வடிவில், அருங்காட்சியம் உள்ளிட்டவை அமைய உள்ளன.
குற்றப்பின்னணி உடையவர்கள் தேர்தலில் நிற்க தடை! தேர்தல் ஆணையம்
  • குற்றப்பின்னணி உடையவர்கள் தேர்தலில் போட்டியிட வாழ்நாள் தடை விதிக்கலாம் என சுப்ரீம் கோர்ட்டில் தேர்தல் ஆணையம் பதில் மனு தாக்கல் செய்துள்ளது.அதில், மக்கள் பிரதிநிதித்துவச் சட்டப் பிரிவின் படி குற்றவாளி என்று நிருபிக்கப்பட்ட அரசியல்வாதிகளின் சிறைத் தண்டனை முடிந்த பிறகு, 6 ஆண்டுகளுக்கு தேர்தலில் போட்டியிட தடை விதிக்கப்படுகிறது.
  • இதை ரத்து செய்து, குற்றவாளி என்று நிருபிக்கப்பட்டாலே தேர்தலில் போட்டியிட தடை விதிக்க வேண்டும் எனவும், இந்த மக்கள் பிரதிநிதித்துவச் சட்டப் பிரிவினை இந்திய அரசியலமைப்புச் சட்டத்தின் மிக முக்கிய அம்சங்களாக உச்ச நீதிமன்றம் அறிவிக்க வேண்டும், 4 சதவிகித சட்டமன்ற மற்றும் நாடாளுமன்ற உறுப்பினர்கள் குற்றப் பின்னணி கொண்டவர்களாக இருக்கிறார்கள் என்றும் மனுவில் தெரிவித்திருந்தார்.

Tnpsc Shouters

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a Comment