Wednesday, 27 September 2017

TNPSC ASSISTANT WORKS MANAGER IN GOVERNMENT PRESS RESULT - 27th SEPTEMBER 2017

Tnpsc Shouters

Assistant Works Manager in the Government Press in the 
Tamil Nadu Stationery and Printing Service, 2015-2016

The candidates whose Register Numbers are mentioned below have been provisionally admitted to Certificate Verification for the post of Assistant Works Manager in the Government Press in the Tamil Nadu Stationery and Printing Service, 2015-2016 based on the results of the written examination conducted by the Commission on 25.06.2017 FN & AN. The Certificate Verification will be held on 09.10.2017, at the Office of the Tamil Nadu Public Service Commission, Frazer Bridge Road, Chennai – 600 003. The candidates should come to office of the Tamil Nadu Public Service Commission with all original certificates in support of the claims made in their online applications. Individual intimation regarding the date and time of the Certificate Verification will be sent to the candidates separately


TNPSC GROUP 2 MAIN EXAMINATION RESULTS 27th SEPTEMBER 2017

Tnpsc Shouters
Posts Included in Combined Civil Services Examination-II 
(Interview Posts) (Group-II Services), 2014-2015 & 2015-2016
  • The candidates whose Register Numbers are mentioned below have been provisionally admitted to Certificate Verification for the Posts Included in Combined Civil Services Examination-II (Group-II Services), 2014-2015 & 2015-2016 based on the results of the main written examination conducted by the Commission on 21.08.2016 FN.
  • The Certificate Verification will be held from 20.10.2017 to 03.11.2017, at the Office of the Tamil Nadu Public Service Commission, Frazer Bridge Road, Chennai – 600 003. The candidates should come to office of the Tamil Nadu Public Service Commission with all original certificates in support of the claims made in their online applications. Individual intimation regarding the date and time of the Certificate Verification will be sent to the candidates separately.


SEPTEMBER 18th To 24th வரையிலான நடப்பு நிகழ்வுகள் 2017 in Tamil PDF

Tnpsc Shouters
  • மஹேந்திர பிரதாப் மால் என்பவர் IRCTC அமைப்பின் நிர்வாக இயக்குநராக நியமிக்கப்பட்டார்.
  • தேசிய புலனாய்வு அமைப்பின் புதிய தலைவராக ஒய்.சி.மோடி நியமிக்கப்பட்டார்.
  • Swayam Shikshan Prayog (SSP) எனும் அரசு சாரா புனே நிறுவனம் UN Equator Prize-க்கு தேர்ந்தெடுக்கப்பட்டுள்ளது. இது விவசாய பெண்கள் முன்னேற்றத்திற்கான நிறுவனம் ஆகும்.
  • 2016-17ஆம் ஆண்டின் Rajbhasha Kirti புரஸ்கர் விருதுக்கு ஜவஹர்லால் நேரு துறைமுக டிரஸ்ட் தேர்ந்தெடுக்கப்பட்டுள்ளது.
  • பிரட்டீஷ் பாராளுமன்றத்தில் இந்திய பாலிவுட் நடிகர் சல்மான்மான் அவர்களுக்கு இந்த ஆண்டின் Global Diversity Award வழங்கப்பட்டது.
  • ஒவ்வோர் ஆண்டும் செம்படம்பர் 21-ஆம் நாள் உலக அமைதி தினமாக கடைப்பிடிக்கப்படுகிறது.
  • வரும் 2030-க்குள் சுகாதரத்தில் நீடித்த மற்றும் நிலையான குறிக்கோளை அடைவதில் இந்தியா 128-ஆவது இடம்பெற்றது.
  • இந்தியா மற்றும் ரஷ்யா நாடுகள் இணைந்து வெளிநாட்டில் அமைக்கப்படும் முதல் அணு உலை வங்கதேச நாட்டில் ரூப்பூர் எனுமிடத்தில் தொடங்கவுள்ளது.
  • இந்தியா மற்றும் அமெரிக்க நாடுகளுக்கு இடையேயான இராணுவ கூட்டுப்போர் பயிற்சி யூத் அபியாஸ் எனும் பெயரில் வாஷிங்டன் பகுதியில் நடைபெற்றது.
  • பிம்ஸ்டெக் அமைப்பின் முதல் பேரிடர் மேலாண்மை மீட்பு பயிற்சி வரும் 2017 அக்டோபரில் இந்தியாவில் நடைபெறவுள்ளது.
  • பிரேசில் நாட்டில் அட்டர்ணி ஜெனரல் பொறுப்பு வகிக்கும் முதல் பெண்மணி Raquel Dodge ஆவார்.
  • வங்காள குடும்பத்தினரின் யோகா திறனை வெளிப்படுத்தும வகையில் ஜப்பான் அரசு அஞ்சல் தலைகளை வெளியிட்டது.
  • இந்தியாவின் முதல் 6 ஸ்கார்பியன் நீர்மூழ்கி கப்பல்கள் வரிசையில் முதல் கப்பலான கல்வாரி நீர்மூழ்கி கப்பல் மும்பையில் இந்திய கப்பற்படையில் சேர்க்கப்பட்டது
  • 2018-ஆம் ஆண்டில் நடைபெறவுள்ள ஆஸ்கார் விருதுக்கு இந்திய பாலிவுட் படமான நியூட்டன் படம் பரிந்துரை செய்யப்பட்டுள்ளது.
  • மத்திய ஜவுளித்துறை அமைச்சர் ஸ்மிருதி ராணி அவர்கள் வஸ்திரா 2017 எனும் பெயரில் சர்வதேச ஜவுளி கண்காட்சியை ஜெய்ப்பூரில் தொடங்கி வைத்தார்.
  • மத்திய அமைச்சர் ஜிதேந்திர சிங் இந்தியாவின் முதல் பென்சன் அதாலத்தை புதுடில்லியில் தொடங்கி வைத்தார்.
  • இந்தி மொழியை எளிதில் கற்றுக்கொள்ளும் வகையில் LILA Mobile App எனும் செயலியை இந்திய குடியரசுத் தலைவர் ராம்நாத் கோவிந்த் அவர்கள் தொடங்கி வைத்தார்.
  • மத்திய பெண்கள் மற்றும் குழந்தைகள் நல அமைச்சகம் முதன்முறையாக ஊட்டச்சத்து குறைபாடுள்ள குழந்தைகளுக்கான தேசிய மாநாட்டினை ஜெய்ப்பூர் நகரில் தொடங்கி வைத்தது.
  • இந்தியவின் முதல் விலங்குகளுக்கான சட்டமையம் NALSAR பல்கலைக்கழகம், ஹைதராபாத்தில் தொடங்க்கப்பட்டது.
  • இந்தியாவின் முதல் High HP Electric Locomotive தொடர்வண்டிகள் பிரான்ஸ் நாட்டிலிருந்து வாங்கப்படவுள்ளது.
  • கூகுள் நிறுவனம் தனது முதல் பேமண்ட் முறையை டெஸ் எனும் மொபைல் அப்ளிகேசன் மூலம் தொடங்கவுள்ளது.
  • ஹிமாச்சல் பிரதேச மாநிலத்தின் மணலி முதல் ரோஹிங் வரை இந்தியாவின் முதல் எலெக்ட்ரிக் பேருந்து இயக்கப்படவுள்ளது
  • மிசோரமில் 30 வருடங்களுக்கு பின்னர் மந்திரி சபைக்கு தேர்ந்தெடுக்கப்படும் முதல் பெண்மணி Lalawmpuii Chawngthu ஆவார்.
  • ஆந்திர பிரதேச முதல்வர் சந்திர பாபு நாயுடு மக்களின் குறைகளை கேட்க People First எனும் மொபைல் செயலியை வெளியிட்டார்.
  • இந்தியவில் முதன் முறையாக திரிபுரா மாநில அரசு குடும்ப நல கமிட்டியை அமைத்துள்ளது.
  • ஜார்க்கண்ட் மாநில அரசு அம்மிநிலத்தின் சுதந்திர போராட்ட வீரர்களின் கிராமத்தை மேம்படுத்த Shaheed Gram Vikas Yojana எனும் திட்டத்தை அறிமுகம் செய்துள்ளது.
  • பீஹார் மாநில அரசு குழந்தைகள் திருமணத்திற்கு எதிராக விழிப்புணர்வு மேற்கொள்ளும் வகையில் Bandhan Tod எனும் மொபைல் செயலியை வெளியிட்டது.
  • மும்பையின் கிழக்குப்பகுதியின் வாழ்வாதாரத்தை மேம்படுத்த சச்சின் டெண்டுல்கர் Mission-24 எனும் திட்டத்தை தொடங்கினார்.
  • கேரள மாநிலம் முதன்முதலாக திருநங்கைகளுக்கென கிளினிக்-ஐ அறிமுகம் செய்துள்ளது.
  • சட்டீஸ்கர் மாநிலத்தில் தொழிலாளர்களுக்கு 5 ரூபாய்க்கு உணவளிக்கும் Pandit Deendayal Upadhyay Shram Anna Sahayata Yojna எனும் திட்டத்தை அறிமுகம் செய்துள்ளது.
  • உத்திரகாண்ட் மாநில தூய்மை இந்தியா இயக்கத்தின் நல்லெண்ணத்தூதுவராக பாலிவுட் நடிகர் அக்ஷ்ய குமார் நியமிக்கப்பட்டார்
  • இந்தியாவின் முதல் மொபைல் Veterinary கிளினிக்-களை தெலுங்கானா முதல்வர் சந்திரசேகர ராவ் தொடங்கி வைத்தார்.
  • 2019-ஆம் ஆண்டின் பெண்களுக்கான கிரிக்கெட் உலகக்கோப்பை பிரான்ஸில் நடைபெறவுள்ளது.  இதன் வாசகம் Dare To Shine
  • பத்மபூஷன் விருதுக்கு இந்திய கிரிக்டெ் வீரர் மகேந்திர சிங் டோனியின் பெயர் பரிந்துரை செய்யப்பட்டது.
  • Ana Carrasco எனும் பெண்மணி முதலன்முதலாக மோட்டார் சைக்கிள் சேம்பியன்ஷிப்பில் பட்டம் வென்றுள்ளார்.

Tuesday, 26 September 2017

திரிகூடராசப்பர் (THIRIKUDA RASAPPAR) TAMIL ARINGAR

Tnpsc Shouters
திரிகூடராசப்பர் அல்லது திரிகூடராசப்பக் கவிராயர் என்பவர் திருக்குற்றாலக் குறவஞ்சி என்ற இசை நாடகத்தின் ஆசிரியர் ஆவார்.
தோற்றம்:-
  • திரிகூடராசப்பர் திருநெல்வேலி மாவட்டத்தில் தென்காசியை அடுத்துள்ள மேலகரம் என்னும் ஊரில் ஏறக்குறைய 18 ஆம் நூற்றாண்டில் பிறந்தவராவார்.

குலம்:-
  • இவர் சைவ வேளாளர் குலம் என்றும்; திருவாவடுதுறை ஆதீன மடத்தின் தலைவராக இலகியிருந்த மறைத்திரு சுப்பிரமணிய சுவாமிகளின் மரபு வழியினர் என்றும் செப்பேடுகள் மூலம் அறியப்படுகிறது.

இளமை:-
  • இவர் தம் இளம் பருவத்திலேயே தமிழ்க்கல்வி பயின்று அதில் நன்கு தேர்ச்சி பெற்றார்; 
  • செய்யுள் இயற்றும் திறனும் கைவரப் பெற்றார்; அவற்றுள், மடக்கு திரிபு சிலேடை முதலிய சொல்லணிகளும், உவமை முதலிய பொருளணிகளும் சிறப்பப் பாடுதலில் வல்லுநர். 
  • விரைந்து பாடும் பேராற்றலும் கொண்டவர். திருக்குற்றாலத்தில் எழுந்தருளியிருக்கின்ற திருக்குற்றால நாதராகிய திரிகூடராசப் பெருமான் மீது பதினான்கு நூல்கள் பாடினார்.

படைத்த நூல்கள்:-
1. திருக்குற்றாலக் குறவஞ்சி
2. திருக்குற்றலத் தலபுராணம்
3. திருக்குற்றால மாலை
4. திருக்குற்றாலச் சிலேடை வெண்பா
5. திருக்குற்றால யமக அந்தாதி
6. திருக்குற்றால நாதர் உலா
7. திருக்குற்றால ஊடல்
8. திருக்குற்றாலப் பரம்பொருள் மாலை
9. திருக்குற்றாலக் கோவை
10. திருக்குற்றாலக் குழல்வாய்மொழி மாலை
11. திருக்குற்றாலக் கோமளமாலை
12. திருக்குற்றால வெண்பா அந்தாதி
13. திருக்குற்றாலப் பிள்ளைத்தமிழ்
14. திருக்குற்றால நன்ன

Sunday, 24 September 2017

வி. கே. கிருஷ்ண மேனன் (V.K.Krishna Menon) - TNPSC History PDF in TAMIL By TNPSCSHOUTERS

Tnpsc Shouters
வி. கே. கிருஷ்ண மேனன் அவர்கள், அவரது அரசியல் வாழ்க்கையில் தூதராகவும், அரசியல்வாதியாகவும் இருந்தபோது ஒரு செல்வாக்கு மிக்கவராகவும், பொதுமக்களிடம் மிகவும் பிரபலமானவராகவும் திகழ்ந்தார். ஒரு தூதராக தனது தொழிலைத் தேர்ந்தெடுத்த அவர், ராஜதந்திரியாகவும் செயல்பாட்டார், இதுவே பல லட்சியவாதிகள் அவரை வெறுக்கக் காரணமாக அமைந்தது. அவரது தொடர்ச்சியற்ற, நயமற்ற பேச்சால், மேற்கு ஊடகங்கள், இந்திய தூதரகம் மற்றும் இந்திய அரசியல் உயரடுக்கின் சினத்திற்குள்ளானார். ஆனால், ஜவகர்லால் நேருவின் நெருங்கிய நட்பபைப் பெற்றதால், அவரால் அவரது எதிர்ப்பாளர்களின் ஏற்றஇறக்கத்தை சமாளிக்க முடிந்தது. அவர் பாதுகாப்பு அமைச்சராக இருந்த போது, நாட்டின் ஆயுத படையை மிகவும் செம்மையாக வழி நடத்தினார். நேருவின் செல்லப் பிராணி ராட்வீலர் போல, அவர் ஒரு அணி சேரா அமைப்பின் வழக்கறிஞரும், அமெரிக்காவின் கடும் விமர்சனத்திற்குள்ளானவரும் கூட. அவர் பனிப்போரின் போது, மேலை நாடுகளின் எதிர்ப்புக்கு ஆதரவு தெரிவித்ததால், மேலை நாடுகளுக்கு மிகவும் பிடித்தமான எதிரியாகத் திகழ்ந்தார். அவரது அதிகாரத் தன்மையும், ஆரவாரப் பேச்சும், இந்திய தேசிய ராணுவத்தில் அவரின் மகத்தான பங்களிப்பை மறக்கடிக்கச் செய்தது. 1962ல் நடந்த இந்திய-சீனப் போரின் தோல்விக்காகப் பலரும் இவரைக் குற்றஞ்சாட்டினாலும், அவரது கொள்கைகளும், வழிநடத்தலுமே இப்போதுள்ள வலிமையான இந்திய ராணுவத்திற்குக் காரணமாகும். இத்தகைய சிறப்பு மிகுந்த வி. கே. கிருஷ்ண மேனன் அவர்களின் வாழ்க்கை வரலாறு மற்றும் சாதனைகள் பற்றி மேலுமறிய தொடர்ந்து படிக்கவும்.
பிறப்பு: மே 3, 1896
பிறந்த இடம்: பன்னியங்கரா, கோழிக்கோடு, கேரளா
இறப்பு: அக்டோபர் 6, 1974
தொழில்: அரசியல்வாதி, ராஜதந்திரி, அரசியல் தூதர்
நாட்டுரிமை: இந்தியா
பிறப்பு
வேங்களில் கிருஷ்ணன், கிருஷ்ண மேனன் கேரளாவில் கோழிக்கோட்டிலுள்ள பன்னியங்கரா என்றழைக்கப்டும் அப்போதைய பிரிட்டிஷ் மலபாரில், ஒரு வேங்களில் குடும்பத்தில் மே 3, 1896 ஆம் ஆண்டு பிறந்தார். இவரது தந்தை கோமத்து கிருஷ்ணா குருப் மற்றும் தாய் திருமதி வேங்களில் லக்ஷ்மிகுட்டி அம்மா. கடத்தநாடு ராஜாவின் மகனான அவரது தந்தை, ஒரு செல்வந்த வழக்கறிஞராக இருந்தார்.
ஆரம்ப கால வாழ்க்கையும், கல்வியும்
அவரது ஆரம்ப கல்வியை, தலசேரி நகராட்சி பள்ளியிலும், கோழிக்கோடு பூர்வேகப் பள்ளியிலும் கற்றார். தனது இடைநிலைக் கல்வியை சாமுத்திரி கல்லூரியில் முடித்த அவர், சென்னை பிரசிடென்சி கல்லூரியிலிருந்து அவரது பி.ஏ. பட்டத்தைப் பெற்றார்.
ஹோம் ரூல் இயக்கத்தில் ஈடுபாடு
இளங்கலைப் பட்டம் பெற்ற அவர், பின்னர் சென்னை சட்டக் கல்லூரியில் சேர்ந்தார். அப்போது, தீவிரமாக அன்னி பெசன்ட் மற்றும் அவரது ஹோம் ரூல் இயக்கத்தில் தன்னை ஈடுபடுத்திக் கொண்டார். அவர் பிரம்ம ஞானத்திலும் தீவிரமாக ஆர்வம் கொண்டிருந்தார். அன்னி பெசன்ட் அவர்கள் நிறுவிய ‘பிரதர்ஸ் ஆஃப் சர்வீஸ்’ என்ற அமைப்பின் ஒரு முக்கிய உறுப்பினராக இருந்தார். அன்னி பெசன்ட் அவர்கள், அவரை ஊக்குவித்து, உதவியதால், அவர் 1924 ஆம் ஆண்டு இங்கிலாந்திற்கு பயணம் மேற்கொண்டார்.
மேனனின் இங்கிலாந்து பயணம்
அவர் இங்கிலாந்து சென்ற பின், லண்டன் பொருளாதார பள்ளியிலும், பல்கலைக்கழக கல்லூரியிலும் சேர்ந்து முதுகலைப் பட்டம் பெற்றார். அதன் பிறகு, அவர் கிளாஸ்கோ பல்கலைக்கழகத்திலிருந்து தனது சட்டப் பட்டத்தையும் பெற்றார். அவர் உணர்ச்சிப்பூர்வமாகவும் உரத்தக் கூக்குரலோடும், இந்தியாவின் சுதந்திரத்திற்காக பரிந்து பேசத் தொடங்கினார். அவரது கல்வியை முடித்த பின்னர், மேனன் ஒரு பத்திரிகையாளராகப் பணியாற்றினார். 1929 முதல் 1947  ஆண்டு வரை, இந்திய லீக்கின் ஒரு செயலாளராகப் பணியாற்றியபோது, அவருக்கு ஜவகர்லால் நேருவின் தொடர்பு கிடைத்தது. 1934ல் இங்கிலீஷ் பார் கவுன்சிலில் அனுமதிக்கப்பட்ட அவர், தொழிற் கட்சியில் சேர்ந்து, லண்டனின் பெருநகரமான புனித பான்க்ராசின் கவுன்சிலராகத் தேர்ந்தெடுக்கப்பட்டு, 1934 முதல் 1947 வரை பணியாற்றினார். செயின்ட் பான்க்ராசின் பெருநகர சுதந்திரம் வழங்கப்பட்டதற்காக, மதிக்கப்பட வேண்டிய இரண்டாவது நபராக மேனன் அவர்கள் கௌரவிக்கப்பட்டார். அவர் ஒரு கருவியாக இருந்து, தொழிற் கட்சியின் செல்வாக்கை பயன்படுத்தி  தொழிலாளர் எம்.பி. எலன் வில்கின்சன் தலைமையில் உண்மையைக் கண்டறிய ஒரு குழுவை அனுப்பினார். மேனன் அவர்கள் செயலாளராகப் பணியாற்றி, அவரது கண்டுபிடிப்புகளை அடிப்படையாக கொண்டு “இந்தியாவில் உள்ள நிபந்தனைகள்” என்ற தலைப்பில் அறிக்கையை திருத்தினார். இந்த காலகட்டத்தில், இருபதாம் நூற்றாண்டின் நூலகத்தில் வேலை செய்யும் போது, அவர் ஆலன் லேன் என்பவருடன் இணைந்து பெங்குயின் மற்றும் பெலிகன் காகித புத்தகங்களின் ஒரு தொகுப்பாளராக இருந்து அவற்றைத் தொகுத்தார். இதுவே, பின்னர் ‘பென்குயின் புக்ஸ்’ என்ற பெயரில் வெளியடப்பட்டது.
பிந்தைய வாழ்க்கை
1947ல் இந்தியா சுதந்திரம் அடைந்த பிறகு, அவர் ஐக்கிய ராஜ்யத்தின் உயர் ஆணையாளராக நியமிக்கப்பட்டார். 1962 வரை இந்தப் பதவியில் பணியாற்றிய அவர், பின்னர் 1952 வரை ஐக்கிய நாடுகள் சபையின் இந்திய பிரதிநிதிகளை வழிவகுப்பவராக பணிபுரிந்தார். ஐக்கிய நாடுகள் சபையில், அவர் அமெரிக்காவைப் பற்றிய அவரது விமர்சனங்களை குறிப்பிட்டார், மேலும் அணி சேரா கொள்கையை ஏற்றுக்கொண்டார். 1957ஆம் ஆண்டு, ஜனவரி 23ஆம் தேதி, ஐக்கிய நாடுகள் பாதுகாப்பு சபையில், ‘காஷ்மீரில் இந்தியாவின் நிலைப்பாட்டைக் காக்க’ ஒரு முன்னோடியில்லாத அளவிற்கு அவர் அளித்த ஏழு மணி நேரம் நாற்பது எட்டு நிமிடங்களுக்கான உரையே ஐக்கிய நாடுகள் பாதுகாப்பு சபையில் இன்றளவும் நீண்ட உரையாகக் கருதப்படுகிறது. 1953 ஆம் ஆண்டு, அவர், ராஜ்ய சபா உறுப்பினராக தேர்ந்தெடுக்கப்பட்டார். மூன்று ஆண்டுகள் அப்பதவியில் பணிபுரிந்த பின்னர், ஒரு இலாகா இல்லாத ஒரு மந்திரியாக மத்திய அமைச்சரவையில் சேர்ந்தார். 1957 ஆம் ஆண்டு, பம்பாயிலிருந்து மக்களவைக்காக தேர்ந்தெடுக்கப்பட்ட இவர், அதே ஆண்டில் ஜவகர்லால் நேரு உருவாகிய அரசாங்கத்தின் பாதுகாப்பு அமைச்சராகவும் நியமிக்கப்பட்டார். புகழ்பெற்ற சைனிக் கல்விப் பள்ளிகளை உருவாக்க வேண்டுமென்ற எண்ணம் அவரது சிந்தனையில் உதித்தது. இன்றளவும், சைனிக் கல்வி சமூகம், இந்தியா முழுவதும் 24 பள்ளிகளை இயக்கி வருகிறது. 1962 ஆம் ஆண்டு, சீனாவின் கைகளில் இந்தியா அவமானகரமான தோல்வியடைந்ததை அடுத்து, மேனன் அவர்கள் பாதுகாப்பு அமைச்சர் பதவியிலிருந்து விலகினார். 1967ல், அவர் ஒரு பாராளுமன்ற தொகுதியில் போட்டியிட்ட்டு, தோல்வியையும் தழுவினார்.  எனினும், 1969ல் மிட்னாபூரிலிருந்தும், 1971ல் திருவனந்தபுரத்திலிருந்தும் அவர் மீண்டும் தேர்ந்தெடுக்கப்பட்டார்.
இறப்பு
வி.கே.கிருஷ்ண மேனன் அவர்கள், அக்டோபர் 6, 1974ல், தில்லியில் காலமானார். இந்தியாவின் மிக உயரிய விருதுகளுள் ஒன்றான ‘பத்ம விபூஷன் விருதை’ பெற்ற முதல் மலையாளி என்ற பெருமை இவரையே சேரும். லண்டனை தளமாக கொண்டு அவரது நினைவாக உருவாக்கிய வி.கே.கிருஷ்ண மேனன் அறக்கட்டளை இன்றளவும் கல்வியறிவின்மை ஒழித்து, இந்திய கலை மற்றும் கலாச்சாரத்தின் உயர்வை நோக்கி செயல்பட்டு வருகிறது.
காலவரிசை
1896: வேங்களில் கிருஷ்ணன், கிருஷ்ண மேனன் ஒரு வேங்களில் குடும்பத்தில் பிறந்தார்.
1924: உயர் கல்வி தொடர இங்கிலாந்து சென்றார்.
1934: இங்கிலீஷ் பார் கவுன்சிலில் அனுமதிக்கப்பட்டார்.
1947: ஐக்கிய ராஜ்யம் உயர் ஆணையராக நியமிக்கப்பட்டார்.
1952: ஐக்கிய நாடுகள் சபையின் இந்திய பிரதிநிதியாக நியமிக்கப்பட்டார்.
1953: ராஜ்ய சபாவின் உறுப்பினராக தேர்ந்தெடுக்கப்பட்டார்.
1956: அரசாங்கத்தில் ஒரு மந்திரியாக நியமிக்கப்பட்டார்.
1957: நேரு அவரை இந்திய பாதுகாப்பு அமைச்சராக நியமித்தார்.
1962: சீனாவிற்கு எதிரான இந்தியாவின் அவமானகரமான தோல்வியை அடுத்து, பாதுகாப்பு அமைச்சர் பதவியிலிருந்து விலகினார்.
1974: தனது கடைசி மூச்சை அக்டோபர் 6, 1974ல், தில்லியில் சுவாசித்தார்.

Friday, 22 September 2017

TNPSC IMPORTANT POINTS FOR SCIENCE 2017

Tnpsc Shouters

TNPSC IMPORTANT POINTS FOR SCIENCE 

1. ஜீன்கள் DNA வினால் ஆனவை
2. DNA வின் அலகு  நியுக்ளியோடைடு
3.தாவரத்தில் உணவை கடத்துவது புளோயம்
4. தாவரத்தில் நீரை கடத்துவது சைலம்

5.ஒளிச்சேர்க்கைக்கு உகந்த வெப்பநிலை  10-40 டிகிரி செல்சியஸ்  வரை
6. ஒளிச்சேர்க்கைக்கு அதிக அளவில் நடைபெறும் வண்ணங்கள் சிவப்பு நீலம்
7. தாவர  வளர்ச்சிக்கு தேவை
1) 
ஒளிச்சேர்க்கைக்கு – ஆக்சிஜன்
2) 
விதை முளைக்க தேவை – ஜிப்ரல்லின்கள்
8.பூச்சி உண்ணும் தாவரங்கள் அதிகம் உள்ள மாநிலம் – அஸ்ஸாம்
9. வாண்டவில் காணப்படும் சிறப்பு  திசு – வெலமன்
10. தாவரங்களில் அதிக எண்ணிக்கை உடையது – ஆஞ்சியோஸ் பெர்ம்கள்
11. செயற்கை வகைப்பாடு – கார்ல் லின்னேயஸ்
12. இயற்கை வகைப்பாடு – பெந்தம் ஹூக்கர்
13. பரிணாம அடிப்படை வகைப்பாடு – டார்வின்
14. அண்மைக் கால வகைப்பாடு – ஆர்தர் க்ராங்கவிஸ்ட்
15. ஜெனிரா பிளாண்டராம்  – பெந்தம் ஹூக்கர்
16. Species Plantarum – கார்ல் லின்னேயஸ்
17.  உலகின் மிகப்பெரிய ஹெர்பேரியம்  – கியூ ( இங்கிலாந்து )
18. அழகு தாவரம் – ஆஸ்தியா ரோஸிய
19. பேரிக்காய்  கடினமாக இருக்க காரணம்  – ஸ்கிளிரைடுகள்
20.  பூமியில் காணப்படும் உயர்ந்த மரம் -செக்கோயா
21. பெடாலாஜி  என்பது மண் பற்றிய படிப்பு
22. ஒளிச்சேர்க்கை நடைபெறாத ஒளி – பச்சை
23. கருவுறுதல் இல்லாமல் கனிகளை தோற்றுவிப்பது – பர்தினோ காப்பி
24. பூச்சி உண்ணும் தாவரங்களில் இல்லாத தனிமம் – நைட்ரஜன்
25. சாதாரண மனித இரத்தத்தில் உள்ள குளுக்கோஸின் அளவு 80-120மி லி / 100 மி லி
26. புரத செயல்பாடு வைட்டமின் B2
27. பிட்யூட்டரி சுரக்கும் ஹார்மோன் ஆக்சிடோசின்
28. நெல் வைக்கோல் கடின தன்மைக்கு காரணம்  – கற்செல்கள்
29. மீயொலியை உண்டாக்கும் உயிரினம் – வவ்வால்    

Wednesday, 20 September 2017

ஸ்ரீ ராமகிருஷ்ண பரமஹம்சர் (Sri Ramakrishna Parakamsar) - TNPSC History PDF in TAMIL By TNPSCSHOUTERS

Tnpsc Shouters



ஸ்ரீ ராமகிருஷ்ண பரமஹம்சர் அவர்கள், 19 ஆம் நூற்றாண்டில் வாழ்ந்த இந்தியாவின் தலைசிறந்த ஆன்மீகவாதிகளுள் ஒருவர். ‘கடவுள் ஒருவரே, வழிபாட்டு முறைகள் அனைத்தும் கடவுளை அடைவதற்கான பல வழிகள்’ என்பதை தெளிவுபடுத்தி, இந்திய மக்களுக்கு ஆன்மீக ஞானஒளியாய் திகழ்ந்தவர். இந்தியாவின் ஆன்மீகப் பேரொளியை, அமெரிக்கா, ஐரோப்பா எனப் பிறநாடுகளுக்கும் கொண்டுசென்று, வேதாந்தத் தத்துவங்களை மேற்கிந்தியா முழுவதும் பரப்பிய சுவாமி விவேகானந்தரை இவ்வுலகிற்குத் தந்தவர். அனைத்து மதங்களும் ஒரே இறைவனை அடையும் வெவ்வேறு வழிகளே என்பதைத் தன் அனுபவத்தின் மூலமாக உணர்ந்து, அதையே வலியுறுத்திய ஸ்ரீ ராமகிருஷ்ண பரமஹம்சரின் வாழ்க்கை வரலாறு மற்றும் ஆன்மீகச் சிந்தனைகளை விரிவாகக் காண்போம்.
பிறப்பு: பிப்ரவரி 18, 1836
இடம்: காமர்புகூர், மேற்குவங்கம் மாநிலம், இந்தியா
இறப்பு: ஆகஸ்ட் 16, 1886
தொழில்: ஆன்மீகவாதி, துறவி
நாட்டுரிமை: இந்தியா
பிறப்பு
‘ஸ்ரீ ராமகிருஷ்ண பரமஹம்சர்’ என அறியப்படும் காதாதர் சாட்டர்ஜி அவர்கள், 1836  ஆம் ஆண்டு பிப்ரவரி மாதம் 18  ஆம் நாள், இந்தியாவின் மேற்குவங்காளம் மாநிலத்தில் ஹூக்லி மாவட்டதிலுள்ள “காமர்புகூர்” என்ற இடத்தில் ‘குதிராம்’ என்பவருக்கும், தாயார் ‘சந்திரமணி தேவிக்கும்’ நான்காவது குழந்தையாகப் பிறந்தார். இவர் ஒரு பிராமணக் குடும்பத்தைச் சார்ந்தவர்.



ஆரம்ப வாழ்க்கை மற்றும் கல்வி
சிறுவயதில், ஆடல் பாடல்களிலும், தெய்வங்களின் படங்கள் வரைவதிலும், களிமண்ணில் சிலைகள் செய்வதிலும் ஆர்வமாயிருந்த ஸ்ரீ ராமகிருஷ்ணருக்கு, கல்வி பயில்வதில் ஆர்வம் இல்லை. மேலும், ராமகிருஷ்ணரின் குடும்பம் மிகவும் ஏழ்மையில் இருந்ததால், தன்னுடைய 17 வயதில் குடும்பத்தின் பொருளாதார சூழ்நிலைக் காரணமாக, தமது அண்ணன் வசித்து வந்த கல்கத்தாவிற்கு வேலைத் தேடி சென்றார். அங்கு, அவருடைய அண்ணன் ராஜ்குமார், தட்சினேஸ்வர் காளி கோயிலில் ஒரு புரோகிதராக வேலைப் பார்த்து வந்தார். சிறிதுகாலம் தன்னுடைய அண்ணனுக்கு உதவியாக அங்கேயே தங்கி வேலைப்பார்த்து வந்த ராமகிருஷ்ணர், ராஜ்குமார் இறந்தவுடன் காளி கோயிலின் பூசாரியானார்.
ஸ்ரீ ராமகிருஷ்ண பரமஹம்சரின் ஆன்மீகப் பயணம்
தட்சினேஸ்வர் காளி கோயிலில் தினந்தோறும் பூஜை செய்துவந்த ராமகிருஷ்ணருக்கு, அவ்வப்போது பல சந்தேகங்கள் எழுவதுண்டு, ‘தாம் கல்லைத்தான் பூஜை செய்கிறோமா கடவுள் என்று’ நினைத்த அவர், ‘காளி கடவுளாக இருந்தால், தனக்குக் காட்சி அளிக்குமாறு தினமும் பிரார்த்தனைகளையும், தியானமும் செய்தார். எனினும் தன்னுடைய முயற்சிக்கு பலனில்லை என்பதை உணர்ந்த அவர், காளியின் கையில் இருந்த வாளினால் தன்னைத்தானே கொல்ல முயற்சித்தார். அத்தருணத்தில், தன்னுடைய சுயநினைவை இழந்ததாகவும், ஒரு பேரானந்த ஒளி அவரை ஆட்கொண்டதாகவும், பின்னர் அவர் குறிப்பிட்டார்.
இந்த நிகழ்வுக்குப் பிறகு, ராமகிருஷ்ணரின் நடவடிக்கைகளில் பெரும் மாற்றம் தெரிந்தது. இவருடைய நடவடிக்கைகளைக் கண்ட ராமகிருஷ்ணரின் பெற்றோர்கள் அவருக்கு திருமணம் செய்துவைக்க ஏற்பாடுகள் செய்தனர். அதன் விளைவாக காமர்புகூர் அருகில் உள்ள ஜெயராம்பாடி என்ற ஊரில் சாரதாமணி என்ற பெண் தனக்காக பிறந்ததாகவும், அப்பெண்ணே தன்னை மணம் புரிய பிறந்தவள் என்று கூறி, அவரையே திருமணம் செய்துகொண்டார். திருமணத்திற்குப் பிறகும், பக்தி, ஆன்மீக மார்கத்தில் தீவிர ஈடுபாடு கொண்டு விளங்கிய ஸ்ரீ ராமகிருஷ்ணர்,  தாம்பத்தியம் ஏற்காமல் மனைவியைத் தாயாக மதித்து, தெய்வீக வாழ்வு நடத்தினார்.
பைரவி பிரம்மணி என்ற குருமாதாவிடம் தாந்ரிகம் கற்றுத் தேர்ந்த அவர், பின்னர் தோதா புரி என்பவரிடம் அத்வைத வேதாந்தத்தைக் கற்றார். இந்திய நாட்டினர் மற்றும் இந்து மதத்தினர் என்றில்லாமல், மனித இனம் முழுமைக்கும் ஒரு ஆன்மீக வழிகாட்டியாகத் திகழ்ந்தார். ஸ்ரீ ராமகிருஷ்ணர் வேதாந்த உண்மைகளைக் கண்டறிந்தவர் மட்டுமல்ல, பிறருக்கு அதை உணர்த்துவதிலும் வல்லமைப் படைத்தவராக விளங்கினார். பாமரர் முதல் பண்டிதர் வரை அனைவரின் மனத்திலும் ஆன்மீக விளக்கெரிய தூண்டுதலாக அமைந்தார். இவரின் ஆன்மீகச் சிந்தனை உலகெங்கும் பரவி, அவதாரப் புருஷர் என்று அனைவராலும் போற்றப்பட்டார். மேலும், பலர் நாடி வந்து சீடர்களானார்கள். இவர்களுள் நரேந்தரநாத் தத்தா எனப்பட்ட சுவாமி விவேகானந்தர் குறிப்பிடத்தக்கவர். மேலும், ஸ்ரீ ராமகிருஷ்ண பரமஹம்சர் இறப்புக்குப் பிறகு, சுவாமி விவேகானந்தரால் நிறுவப்பட்ட ராமகிருஷ்ண மடம், இன்றளவும் ஆன்மீக வளர்ச்சிக்குப் பெரும் பங்காற்றி வருகிறது.
ஸ்ரீ ராமகிருஷ்ண பரமஹம்சரின் சிந்தனைத் துளிகள்
  • ஒருவன் வாழ்வில் இறைவன் அருளைப் பரிபூரணமாகப் பெற்ற பின்னரே, பிறருக்கு போதனை செய்ய முன்வர வேண்டும். அப்பொழுது தான் அது நல்ல பயனைப் பிறருக்குத் தரும்.
  • இல்லற வாழ்வில் இருந்தாலும், இறையருள் பெற விரும்புபவர்கள் அவ்வப்போது தனிமையைத் நாடிச் சென்று இறைவனுக்காக ஏங்கி அழவேண்டும்.
  • உலக வாழ்வில் ஈடுபட்டாலும், இறைவனே நமக்கு சொந்தமானவன் என்னும் உள்ள உறுதியோடு வாழ வேண்டும்.
  • சிலருடைய உள்ளம் கல்சுவர் போல உறுதியாக இருக்கும், அதில் ஆணி அடித்தால் அது வளைந்து போகும். அதுபோல எவ்வளவு முயன்றாலும் அவர்களுக்கு ஆன்மீக விஷயம் எதுவும் உள்ளே போகாது.
  • மக்களுள் பெரும்பாலோர் புகழுக்காகவோ, புண்ணியத்தைத் தேடும் பொருட்டோ பரோபகாரம் செய்கின்றனர். அத்தகைய சேவைகள் யாவும் சுயநலத்தை அடிப்படையாகக் கொண்டவை
இறுதி வாழ்க்கை
தாம் கற்றறிந்த உண்மைகளை மக்களுக்கு போதித்தது மட்டுமல்லாமல், எப்படி பக்தியோடு இருப்பது என்றும், அவற்றைத் தானும் கடைபிடித்து வாழ்ந்துக்காட்டிய ஸ்ரீ ராமகிருஷ்ண பரமஹம்சர், இறுதி நாட்களில் தொண்டை புற்றுநோயால் அவதியுற்றார். அவருடைய சீடர்கள் அவரை கல்கத்தாவிலுள்ள காசிப்பூர் என்ற இடத்தில் வைத்து வைத்தியம் செய்தனர். இருந்தாலும், 1886 ஆம் ஆண்டு ஆகஸ்ட் 16 அன்று அவர் உடலை விட்டு, உயிர் பிரிந்தது.
உலக நன்மைக்காகவும், ஆன்ம விடுதலைக்காகவும் துறவறம் பூண்ட ஸ்ரீ ராமகிருஷ்ண பரமஹம்சர் அவர்கள், இந்தியாவில் வாழ்ந்த “ஒப்பற்ற மனித தெய்வம்” ஆவார். இயற்கைப் பேரறிவும், செயற்கைப் பேரறிவும் ஒருங்கே பெற்ற அவர், இன்று உலகம் முழுவதும் லட்சக்கணக்கான பக்தர்கள், ஆத்மார்த்தமாக வணங்கும் ஆன்மீக குருவாக விளங்கிக் கொண்டிருக்கிறார் என்பதில் எந்தவிதமான ஐயமும் இல்லை.

கலைவாணர் என். எஸ். கிருஷ்ணன் (Kalaivanar N S Krishnan) - TNPSC History PDF in TAMIL By TNPSCSHOUTERS

Tnpsc Shouters



தமிழ் திரைப்படத்துறையில் ‘கலைவாணர்’ என அழைக்கப்பட்ட என். எஸ். கிருஷ்ணன் அவர்கள், தமிழ் சினிமா உலகில் ஒரு புகழ்பெற்ற நகைச்சுவை நடிகர் மற்றும் பாடகர் ஆவார். நகைச்சுவையில் சமூக சீர்த்திருத்தக் கருத்துக்களை உட்படுத்தி, சினிமா ரசிகர்களை சிரிக்கவைத்ததோடு மட்டுமல்லாமல், சிந்திக்க வைத்தவர். “சிந்திக்கத் தெரிந்த மனித குலத்துக்கு சொந்தமானது சிரிப்பு” என்ற பாடல் ஒன்றே என். எஸ். கலைவாணரின் நகைச்சுவைக் கலந்த சிந்தனைக்கு எடுத்துக்காட்டாகும். தமிழ் சுனிமா உலகில் நகைச்சுவைக்கென தனி பாணியை உருவாக்கிக் கொண்டு, பிறர் மனதைப் புண்படுத்தாமல் நகைச்சுவைகளைக் கையாளும் அற்புதக் கலைஞன். தமிழில் மட்டுமல்ல, இந்தியாவிலேயே இணையற்ற நகைச்சுவை நடிகராக விளங்கிய இவர், உலகப் புகழ்பெற்ற சார்லி சாப்ளின் போல, சிரிப்புடன் சிந்தனையையும் கலந்து கொடுத்தவர். ஒரு நாடகக் கலைஞனாகத் தன்னுடைய வாழ்க்கையைத் தொடங்கி, பிறகு இந்திய சினிமா வரலாற்றிலேயே நகைச்சுவையில் அறிவுபூர்வமான பல கருத்துக்களை விதைத்து, மக்களிடையே விழிப்புணர்வை ஏற்படுத்தி, சுமார் ஐம்பது ஆண்டுகளைக் கடந்து, சினிமா ரசிகர்களின் மனதில் இன்றும் வாழ்ந்துகொண்டிருக்கும், அவரின் வாழ்க்கை வரலாறு மற்றும் திரைத்துறைக்கு அவர் ஆற்றியப் பங்களிப்பினை விரிவாகக் காண்போம்.
பிறப்பு: நவம்பர் 29, 1908
பிறப்பிடம்: நாகர்கோயில், தமிழ்நாடு மாநிலம், இந்தியா
பணி: நடிகர், பின்னணிப் பாடகர் மற்றும் எழுத்தாளர்   
இறப்பு: ஆகஸ்ட் 30, 1957
நாட்டுரிமை: இந்தியன்
பிறப்பு 
அவர், 1908  ஆம் ஆண்டு நவம்பர் 29  ஆம் நாள் இந்தியாவின் தமிழ்நாடு மாநிலத்திலுள்ள “நாகர்கோவிலுக்கு” அருகில் ஒழுங்கினசேரி என்ற இடத்தில், ‘சுடலையாண்டி பிள்ளை’, என்பவருக்கும், ‘இசக்கியம்மாலுக்கும்’ மகனாக ஒரு ஏழ்மையான குடும்பத்தில் பிறந்தார்.
ஆரம்ப வாழ்க்கை
மிகவும் ஏழ்மையான குடும்பத்தில் பிறந்ததால், கல்வி என்பது அவருக்கு எட்டாக்கனியாகவே போய்விட்டது. நான்காம் வகுப்புடன் தன்னுடைய பள்ளிப்படிப்பைப் நிறுத்துக்கொண்ட அவர், சிறுவயதிலேயே நாடகக் கொட்டையில் தின்பண்டங்கள் விற்கத் தொடங்கினார். நாளடைவில் நாடகங்கள் அவரை மிகவும் ஈர்த்ததால், ஒரு நாடகக்குழுவில் சேர்ந்து சிறிதுகாலம் நடித்து வந்தார். அதன் பிறகு தன்னுடைய நண்பர்களுடன் இணைந்து ஒரு நாடகக்குழுவை தொடங்கிய என். எஸ். கிருஷ்ணன் அவர்கள், பல நாடகங்களை இயக்கியும் நடித்தும் வந்தார்.
சினிமா பயணம்
தன்னுடைய நாடகக் குழு மூலம் பல நாடகங்களை மேடையில் அரங்கேற்றி வந்த அவர், திரைப்படத்தில் நடிக்க வாய்ப்புகள் கிடைத்தது. இவர் நடித்த முதல் படம் ‘சதிலீலாவதி’. இருந்தாலும், திரைக்கு முதலில் வந்த படம் ‘மேனகா’ என்ற திரைப்படம் ஆகும். பெரும்பாலும், சொந்தமாக நகைச்சுவை வசனங்களை எழுதி, அதையே நாடகத்திலும், திரைப்படங்களிலும் பயன்படுத்துவதை வழக்கமாக கொண்டுவந்த அவர், தொடர்ந்து பல படங்களில் நடித்து வந்தார். குறுகிய காலத்திற்குள் சுமார் 150 –க்கும் மேற்பட்ட திரைப்படங்களில் நடித்த அவர், நகைச்சுவையில் புதிய மறுமலர்ச்சியையை ஏற்படுத்தி விட்டார். மேலும், இவருடைய மனைவி மதுரம் அவர்கள், ஒரு பிரபலமான நடிகை என்பதால், இருவரும் இணைந்து பல படங்களில் நடித்தனர். தமிழ் சினிமா வரலாற்றில் நகைச்சுவையை, சினிமா காட்சிகளாக மட்டுமின்றி, பாடல்களாகவும் அமைக்க முடியும் என நிரூபித்தார். சொந்தக் குரலில் கருத்தாழமிக்க பல பாடல்களைப் பாடியுள்ள இவர் ‘பணம்’, ‘மணமகள்’ போன்ற திரைப்படங்களையும் இயக்கியுள்ளார்.
சிரிக்க வைத்த மாபெரும் சிந்தனையாளர் கலைவாணர்
இவருடைய நகைச்சுவைக் காட்சிகள் வெறும் பொழுதுபோக்குக்காக மட்டுமல்லாமல், வாழ்வியலை ஒரு சில நொடிகளிலேயே புரிய வைக்கும் ஆற்றலை உண்டாக்கியவையாகும். யார் மனதையும் புண்படுத்தாமல், நகைச்சுவை மூலமாக சிந்தனை மிகுந்த கருத்துக்களை வெளிப்படுத்தினார். அறிவியல் கருத்துக்களையும், தன்னுடைய நகைச்சுவை வாயிலாக வெளிப்படுத்தியவர். பல சீர்த்திருத்த கருத்துக்களை திரைப்படங்களில் துணிவோடு எடுத்துக் கூறியவர். குறிப்பாகச் சொல்லப்போனால் என். எஸ். கிருஷ்ணன் அவரகள், சாதாரண நகைச்சுவை நடிகர் மட்டுமல்ல, தன்னுடைய சிரிப்பால் அனைத்து மக்களையும் சிந்திக்க வைத்தவர். இதானால் தான் இவருக்கு “கலைவாணர்” என்ற பட்டம் 1947 ஆம் ஆண்டு சென்னை திருவல்லிக்கேணியில் உள்ள நடராஜா கல்வி கழகத்தின் சார்பில் கொடுக்கப்பட்டு கெளரவிக்கப்பட்டார்.
அவர் நடித்த சில திரைப்படங்கள்
‘சதிலீலாவதி’, ‘அம்பிகாபதி’, ‘சந்திர காந்தா’, ‘மதுரை வீரன்’, ‘காளமேகம்’, ‘சிரிக்காதே’, ‘உத்தம புத்திரன்’, ‘சகுந்தலை’, ‘ஆர்யமாலா’, ‘கதம்பம்’, ‘மங்கம்மா சபதம்’, ‘ஹரிச்சந்திரா’, ‘ஹரிதாஸ்’, ‘பர்மா ராணி’, ‘பவளக்கொடி’, ‘பைத்தியக்காரன்’, ‘சந்திரலேகா’, ‘நல்லத்தம்பி’, ‘மங்கையர்க்கரசி’, ‘தம்பிதுரை’, ‘பவளக்கொடி’, ‘ரத்னகுமார்’, ‘மங்கம்மாள்’, ‘வனசுந்தரி’, ‘பணம்’, ‘அமரக்கவி’, ‘காவேரி’, ‘டாக்டர் சாவித்திரி’, ‘முதல் தேதி’, ‘ரங்கோன் ராதா’, ‘பைத்தியக்காரன்’, ‘ஆர்ய மாலா’, ‘மங்கையர்க்கரசி’, ‘ராஜா ராணி’, ‘பவளக்கொடி’, ‘சகுந்தலை’, ‘மணமகள்’, ‘நல்லகாலம்’, ‘ராஜா தேசிங்கு’.
அவர் பாடிய சில பாடல்கள்
‘ஜெயிலுக்குப் போய் வந்த’, ‘பணக்காரர் தேடுகின்ற’, ‘ஆசையாக பேசிப்பேசி’ (பைத்தியக்காரன்), ‘ஒண்ணுலேயிருந்து’, ‘இடுக்கண் வருங்கால்’ (முதல் தேதி), ‘சங்கரியே காளியம்மன்’ (ரங்கோன் ராதா), ‘காட்டுக்குள்ளே’, ‘ஒரு ஏகாலியைப்’, ‘ஆரவல்லியே’ (ஆர்யா மாலா), ‘கண்ணா கமலக் கண்ணா’, ‘கண்னேந்தன்’ (கண்ணகி), ‘இருக்கிறது பார் கீழே’ (மங்கையர்க்கரசி), ‘கண்ணே உன்னால்’, ‘சந்திர சூரியன்’ (அம்பிகாபதி), ‘தீனா..மூனா.. கானா…’ (பணம்), ‘உன்னருளால்’, ‘என் சாண் உடம்பில்’ (ரத்னமாலா), ‘சிரிப்பு இதன் சிறப்பை’ (ராஜா ராணி), ‘வாதம் வம்பு பண்ண’, ‘காசிக்குப் போனா கருவுண்டாகுமென்ற’ (டாக்டர் சாவித்திரி), ‘நித்தமும் ஆனந்தமே’, ‘விஜய காண்டிபா வீரா’, ‘அன்னம் வாங்கலையோ’, ‘இவனாலே ஓயாதத் தொல்லை’ (பவளக்கொடி), ‘இன்னுக்கு காலையில’, ‘வெகுதூரக்கடல் தாண்டி’ (சகுந்தலை), ‘நல்ல பெண்மணி’, ‘ஆயிரத்திதொள்ளாயிரத்தி’, ‘சுதந்திரம் வந்ததுண்ணு’ (மணமகள்), ‘சும்மா இருக்காதுங்க’ (நல்லகாலம்).



தேசபக்தி
பாரதத்தின் தந்தை எனப் போற்றப்படும், மகாத்மா காந்தியின் தீவிர பற்றாளராக விளங்கிய என். எஸ். கிருஷ்ணன் அவர்கள், காந்தியடிகளின் மறைவுக்குப் பின்னர், அவருடைய நினைவைப் போற்றும் வகையில், அப்பொழுதே ஐம்பதாயிரம் ரூபாய்க்கு மேல் தமது சொந்தப் பணத்தினை செலவிட்டு, தன்னுடைய ஊரில் அவருக்கு நினைவுத்தூண் எழுப்பினார்.
கலைவாணரின் சிந்தனையில் உதிர்ந்த ஒரு துளி
1957 ஆம் ஆண்டு நடந்த தமிழக சட்டசபை தேர்தலில் அண்ணாவின் சார்பாக பிரச்சாரத்தில் ஈடுபட்டார். அந்த தேர்தலில், அண்ணாவை எதிர்த்து ஒரு மருத்துவர் போட்டியிட்டார். அப்பொழுது காஞ்சிபுரத்தில் நடந்த கூட்டத்தில், அவர், பேசுகையில் ஆரம்பத்தில் இருந்து கடைசி வரை அந்த மருத்துவரை பற்றியே புகழ்ந்து பேசிவந்தார். இறுதியில், ‘இவ்வளவு நல்லவரை நீங்கள் சட்டசபைக்கு அனுப்பினால் உங்களுக்கு வைத்தியம் பார்ப்பது யார்? அதனால் டாக்டரை உங்கள் ஊரிலேயே வைத்துக்கொள்ளுங்கள், சிறந்த பேச்சாளரும், எழுத்தாளருமான அறிஞர் அண்ணாவை சட்டசபைக்கு அனுப்புங்கள்’ என முடித்தார்.
இல்லற வாழ்க்கை
1931 ஆம் ஆண்டு நாகம்மை என்னும் பெண்மணியைத் திருமணம் செய்துகொண்டார். அதன் பிறகு, ஒரு முறை “வசந்தசேனா” படப்பிடிப்பிற்காக புனேவிற்கு சென்ற போது, டி. எம். மதுரம் என்ற நடிகையுடன் காதல் வயப்பட்ட இவர், விரைவில் திருமணமும் செய்துக்கொண்டனர். இவர் திருச்சியிலுள்ள ஸ்ரீரங்கத்தை சேர்ந்தவர் ஆவார். பின்னர், டி. எம். மதுரத்தின் தங்கை வேம்பு என்பவரை மூன்றாம் மனைவியாக மணம் புரிந்தார். நாகம்மைக்கு கோலப்பன் என்னும் மகனும், டி. எம். மதுரத்திற்கு ஒரு பெண் குழந்தையும், வேம்புக்கு நான்கு மகன்களும், இரண்டு மகள்களும் பிறந்தனர்.
கொலைக் குற்றச்சாட்டு
இந்து நேசன் பத்திரிக்கை ஆசிரியர், லட்சுமி காந்தன் கொலை வழக்கில் அப்பொழுது பிரபல கதாநாயகனாக இருந்த தியாகராஜ பாகவதருடன் குற்றம் சாட்டப்பட்டு கைது செய்யப்பட்டார். சுமார் 30 மாதங்கள் சிறைவாசத்திற்குப் பிறகு விடுதலை செய்யப்பட்ட என். எஸ். கிருஷ்ணன் அவர்கள், மீண்டும் படங்களில் நடிக்கத் துவங்கினார். இந்நிகழ்வு, இவரின் கலைப் பயணத்திற்கு ஒரு கரும்புள்ளியை ஏற்படுத்தினாலும், தொடர்ந்து பல திரைப்படங்களில் நடித்து, தமிழ் சினிமாவில் “கலைவாணர்” எனப் புகழப்பட்டார்.
மறைவு
நகைச்சுவையில் புதிய புரட்சியை ஏற்படுத்திய என். எஸ் கிருஷ்ணன் அவர்கள், 1957 ஆம் ஆண்டு ஆகஸ்ட் மாதம் 30 ஆம் தேதி, தன்னுடைய நாற்பத்தொன்பதாவது வயதில் காலமானார். தமிழ்நாடு அரசு, அவரது நினைவாக, சென்னையில் உள்ள அரசு அரங்கத்திற்கு, ‘கலைவாணர் அரங்கம்’ எனப் பெயர் சூட்டியது.
தமிழ் சினிமாவில் பல கலைஞர்கள் உருவாகி, சாதித்து, மறைந்திருக்கலாம், ஆனால், என். எஸ். கலைவாணரைப் போல், நகைச்சுவையில் சமூக சீர்திருத்தக் கருத்துக்களைத் திரைப்படங்களில் துணிவோடு எடுத்துக்கூறியவர் எவரும் இல்லை. கருத்துக்களை வழங்குவதில் மட்டும் இவர் வள்ளலாக இருந்துவிட வில்லை, தமது வாழ்க்கையிலும் ஆயிரக் கணக்கானவர்களுக்குப் பணத்தை வாரி வழங்கிய அற்புத மனிதர் ஆவார். உண்மையை சொல்லப்போனால், என். எஸ். கிருஷ்ணன் அவர்களை நகைச்சுவை நடிகர் என்ற வட்டத்துக்குள் அடைத்துவிட முடியாது, சிரிப்பு மொழியில் சீர்திருத்த விதிகளைத் தூவிய மாபெரும் சிந்தனையாளர். காலங்கள் மாறினாலும், திரைப்படத்துறையில் மாற்றங்கள் பல நிகழ்ந்தாலும், என். எஸ். கலைவாணர் அவர்கள் நூற்றாண்டுகள் பல கடந்தும், கலையுலகில் சாகா சரித்திர நாயகனாக வாழ்ந்துவருகிறார் என்பதில், எந்தவித ஐயமும் இல்லை.

Monday, 18 September 2017

வெங்கட்ராமன் ராமகிருஷ்ணன் (Venkatraman Ramakrishnan) - TNPSC History PDF in TAMIL By TNPSCSHOUTERS

Tnpsc Shouters



தமிழ்நாட்டில் பிறந்த, அமெரிக்கா இந்தியரான சர்.வெங்கட்ராமன் ராமகிருஷ்ணன், இங்கிலாந்தில் கேம்பிரிட்ஜில் உள்ள மருத்துவ ஆய்வு கழகத்தில் மூத்த விஞ்ஞானியாகவும் பணியாற்றியவர். ‘உயிர்களின் மூலச்செயல்பாடுகள் எவ்வாறு இயங்குகின்றன’ என்பதை கண்டறிந்ததற்காக, 2009 ஆம் ஆண்டு வேதியியலுக்கான ‘நோபல் பரிசு’ இவருக்கு வழங்கப்பட்டது. இத்தகைய உலகம் போற்றும் தமிழ் மனிதனின் வாழ்க்கை வரலாற்றைப் பற்றி விரிவாக காண்போம்.
பிறப்பு: 1952  
இடம்: சிதம்பரம், கூடலூர் மாவட்டம் (தமிழ்நாடு)
பணி: கட்டமைப்பு சார்ந்த உயிர்நூல் அறிஞர்
நாட்டுரிமை: அமெரிக்கா
பிறப்பு:
வெங்கட்ராமன் ராமகிருஷ்ணன் அவர்கள், 1952 ஆம் ஆண்டு சி.வி. ராமகிருஷ்ணனுக்கும், ராஜலக்ஷ்மிக்கும் மகனாக இந்தியாவின் தமிழ்நாடு மாநிலத்திலுள்ள கடலூர் மாவட்டத்திலிருக்கும் ஒரு சிறிய நகராட்சியான சிதம்பரத்தில் பிறந்தார்.



ஆரம்ப வாழ்க்கை:
வெங்கட்ராமன் ராமகிருஷ்ணன் அவர்கள், தனது தந்தையின் பணிமாற்றத்தின் காரணமாக, குஜராத்திற்கு இடம்பெயர்ந்தார். இவர் தன்னுடைய ஆரம்ப பள்ளிப்படிப்பை வடோதராவிலுள்ள ஒரு கிறிஸ்துவ பள்ளியில் பயின்றார். பின்னர், தனது இளங்கலைப் படிப்பை பரோடாவில் உள்ள ‘மகாராஜா சாயாஜிராவ் பல்கலைகழகத்தில்’ பயின்று, 1971-ல் இயற்பியலில் இளங்கலைப் பட்டமும் பெற்றார். “நாட்டளவிலான அறிவியல் திறனறி உதவித்தொகை” இவருக்கு கிடைத்ததால், அறிவியலில் ஈடுபாடு பெருகியது.
தன்னுடைய முனைவர் படிப்பை தொடர அமெரிக்கா சென்ற இவர், 1976 ஆம் ஆண்டு அமெரிக்காவில் உள்ள “ஒகையோ பல்கலைகழகத்தில்” இயற்பியலுக்கான முனைவர் பட்டமும் பெற்றார். கலிஃபோர்னியா பல்கலைகழகத்தில் பேராசிரியராகப் பணியாற்றிய இவர், உயிரியல் துறையில் ஆர்வம் கொண்டு அதே பல்கலைகழகத்தில் 1978  ஆம் ஆண்டு இளங்கலைப் பட்டமும் பெற்றார்.
திருமண வாழ்க்கை:
சர்.வெங்கட்ராமன் ராமகிருஷ்ணன் அவர்கள், ‘வேரா ரோசென்பெர்ரி’ என்ற ஒரு குழந்தைப் புத்தகங்கள் எழுதும் பெண்ணை மணந்தார். இவர் 25க்கும் மேற்பட்ட புத்தகங்களை எழுதியுள்ளார். இவர்களுக்கு தான்யா என்ற மகளும், இராமன் என்ற மகனும் உள்ளனர். தான்யா மருத்துவத்துறையிலும், இராமன் இசைத் துறையிலும் ஈடுபாடு கொண்டவர்களாக உள்ளனர்.
சர்.வெங்கட்ராமன் ராமகிருஷ்ணனின் ஆராய்ச்சிப் பணிகள்:
ராமகிருஷ்ணனின் தாய் மற்றும் தந்தை இருவரும் விஞ்ஞானிகள் என்பதால் இவருக்கும் அத்தகையான தாக்கம் ஏற்பட்டது எனலாம். தன்னுடன் முனைவர் பட்டம் பெற்ற சக தோழர்களான தாமஸ் ஸ்டைட்ஸ், மற்றும் அடா யோனட்ஸ் ஆகியோருடன் சேர்ந்து 1983 முதல் 1995 வரை உயிரணுக்களிலுள்ள “ரைபோ கரு அமிலம்” மற்றும் புரதங்களின் சிக்கலான அமைப்பான “ரைபோசோம்” எனப்படும் செல்களுக்குள் புரதங்கள் உற்பத்தியாவது தொடர்பான ஆய்வுப்பணிகளில் ஈடுபட்டனர். இந்த ஆய்வின் மூலம் ‘நமது உடலின் இயக்கத்திற்கு முக்கிய பங்காற்றும் மரபணுவிலுள்ள ரைபோசோம்கள் எவ்வாறு புரத்தத்தை உற்பத்தி செய்கின்றன மற்றும் உயிர்களின் மூலசெயல்பாடுகள் எவ்வாறு இயங்குகின்றன’ என்பதை விளக்கிக் காட்டினார்.
நோபல் பரிசு:
செல்லின் மிகச்சிறிய மூலகூறான “ரைபோசோம்” பற்றிய சிறப்பான ஆய்வை பாராட்டி, 2009 ஆம் ஆண்டு வேதியியலுக்கான ‘நோபல் பரிசை’, “ராயல் சுவீடிஷ் அகாடெமி ஆஃப் சயன்சு” என்ற அமைப்பின் மூலம் வழங்கப்பட்டது.  இந்த ஆய்வில் பங்காற்றிய சர்.வெங்கட்ராமன் ராமகிருஷ்ணன், தாமஸ் ஸ்டைட்ஸ், மற்றும் அடா யோனட்ஸ் மூவருக்கும் பரிசுத் தொகை சமமாக பகிர்ந்தளிக்கப்பட்டது.
விருதுகள் மற்றும் அங்கீகாரங்கள்:
  • கேம்ப்ரிட்ஜிலுள்ள ட்ரினிடி கல்லூரியில் உதவி பெரும் மூத்த ஆய்வாளர்.
  • அமெரிக்க தேசிய அறிவியல் அகாடமியில் ஒரு கௌரவ உறுப்பினர்.
  • மருத்துவத்தில் இவருடைய பங்களிப்பை பாராட்டி ‘லூயிஸ்-ஜீண்டேட் பரிசு’ வழங்கப்பட்டது.
  • 2008 ஆம் அண்டு இந்திய நாட்டு அறிவியல் கழகத்தின் அயல் நாட்டாய்வாளர் பதவி.
  • 2008  ஆம் ஆண்டு பிரிட்டிஷ் உயிர்வேதியில் சொசைட்டி மூலமாக ‘ஹாட்லே பதக்கம்’ வழங்கப்பட்டது.
  • செல்லின் மிகச்சிறிய மூலகூறான “ரைபோசோம்” பற்றிய சிறப்பான ஆய்வைப் பாராட்டி, 2009 ஆம் ஆண்டு வேதியியலுக்கான ‘நோபல் பரிசு’ வழங்கப்பட்டது.
  • இந்தியாவின் இரண்டாவது மிக உயர்ந்த விருதான “பத்ம பூஷன்” விருது 2010  ஆம் அண்டு மத்திய அரசால் வழங்கப்பட்டது.
  • 2011 ஆம் ஆண்டு டிசம்பர் 31ல் பிரிட்டிஷ் அரசு, ‘சர் பட்டம்’ வழங்கி கௌரவித்தது.
காலவரிசை:
1952 –  கடலூர் மாவட்டத்திலுள்ள சிதம்பரத்தில் (தமிழ்நாடு) பிறந்தார்.
1971 – இயற்பியலில் இளங்கலைப் பட்டம் பெற்றார்.
1976 –  ஓஹியோ பல்க்கலைகழகத்தில் முனைவர் பட்டம் பெற்றார்.
1983 – 1995: ப்ரூக்ஹவேன் தேசிய ஆய்வு கூடத்தில் ரைபோசோம்கள் பற்றிய ஆய்வைத் தொடர்ந்தார்.
1995 –  யூட்டா பல்கலைக்கழகத்தில் உயிரியில் பேராசிரியராக பணியாற்றினார்.
1999 –  ரைபோசோம்களைப் பற்றிய ஆய்வறிக்கை வெளியிடப்பட்டது.
2007 – மருத்துவத்தில் இவருடைய பங்களிப்பிற்காக ‘லூயிஸ்-ஜீண்டேட் பரிசு’ வழங்கப்பட்டது.
2008 – பிரிட்டிஷ் உயிர்வேதியில் சொசைட்டி மூலமாக ‘ஹாட்லே பதக்கம்’ வழங்கப்பட்டது.
2009 – “ரைபோசோம்” பற்றிய ஆய்வுக்காக வேதியியலுக்கான ‘நோபல் பரிசு’ வழங்கப்பட்டது.
2010 – அறிவியலில் இவருடைய பங்களிப்பிற்காக “பத்ம பூஷன்” விருது மத்திய அரசால் வழங்கப்பட்டது.
2011 –  பிரிட்டிஷ் அரசு “சர்” பட்டம் வழங்கி கௌரவித்தது.

ஷிவ் நாடார் (Shiv Nadar) - TNPSC History PDF in TAMIL By TNPSCSHOUTERS

Tnpsc Shouters


இந்திய தகவல் தொழில்நுட்பத் துறையில், மாபெரும் சாதனைப் படைத்துவரும் ‘ஷிவ் நாடார்’, ஒரு மிகப்பெரிய தொழிலதிபர் ஆவார். இந்தியாவின் மிகப் பெரிய நிறுவனமான’ இந்துஸ்தான் பொறியியல் லிமிடெட்’ (HCL)-இன்  தலைமை செயல் அதிகாரி மற்றும் ‘ஷிவ் நாடார் அறக்கட்டளையின்’ தலைவரும் ஆவார். சாதாரணமாக தன்னுடைய வாழ்க்கையை தொடங்கி, இந்தியாவில் விரல் விட்டு எண்ணக்கூடிய மிகப்பெரிய பணக்காரர்களுள் ஒருவராக வளர்ச்சியடைந்த ஷிவ் நாடார் அவர்களின் வாழ்க்கை வரலாறு மற்றும் சாதனைகளைக் காண்போம்.
பிறப்பு: ஜூலை 14,  1945
இடம்: மூலைபொழி (தூத்துக்குடி மாவட்டம்), தமிழ்நாடு, இந்தியா
பணி: தொழிலதிபர், தொழில்முனைவர்
நாட்டுரிமை: இந்தியன்


பிறப்பு
ஷிவ் நாடார் அவர்கள், 1945  ஆம் ஆண்டு ஜூலை மாதம் 14  ஆம் நாள், இந்தியாவின் தமிழ்நாடு மாநிலம் தூத்துக்குடி மாவட்டத்திலுள்ள “மூலைபொழி” என்ற கிராமத்தில், சிவசுப்ரமணி நாடார் என்பவருக்கும், வாமசுந்தரி தேவிக்கும் மகனாகப் பிறந்தார்.
ஆரம்ப வாழ்க்கை மற்றும் கல்வி
கும்பகோணத்திலுள்ள டவுன் மேல்நிலைப்பள்ளியில், தன்னுடைய பள்ளிப்படிப்பை தொடங்கிய ஷிவ் நாடார், மதுரையில் உள்ள அமெரிக்கன் கல்லூரியில் தனது உயர்நிலைப் பள்ளிப்படிப்பை முடித்தார். பிறகு கோயமுத்தூரிலுள்ள பி.எஸ்.ஜி. தொழில்நுட்பக் கல்லூரியில், மின் மற்றும் மின்னணு பொறியியல் துறையில் பட்டம் பெற்றார். பிறகு,1968  ஆம் ஆண்டு தில்லி சென்றார்.
எச்.சி.எல் நிறுவனத்தை உருவாக்குதல்
தன்னுடைய கல்லூரிப் படிப்பிற்குப் பிறகு, தில்லிக்கு சென்ற அவர், அங்கு டி.சி.எம் (DCM) லிமிடெட் என்ற நிறுவனத்தில் ஒரு பொறியாளராக வேலைக்குச் சேர்ந்தார். ஆனால், ஷிவ் நாடார் சுயமாகத் தொழில் தொடங்குவதில் மிகுந்த ஆர்வம் காட்டினார். எனவே, தன்னுடன் பணிபுரியும் ஆறு சகப் பணியாளர்களுடன் சேர்ந்து ஒரு நிறுவனத்தைத் தொடங்கினார்.
1970 ஆம் ஆண்டு, ஐ.பி.எம் இந்தியாவிலிருந்து வெளியேறும்போது, ஷிவ் நாடார் தன்னுடைய எச்.சி.எல் நிறுவனத்தை வெற்றிகரமாகத் தொடங்கினார். 1982 ஆம் ஆண்டு, எச்.சி.எல் நிறுவனத்தின் முதல் கணினி வெளியிடப்பட்டது. இன்றைய காலகட்டத்தில், எச்.சி.எல் கணினிகள் மற்றும் அலுவலக உபகரணங்களின் வருவாய் 80% பெறுகியுள்ளது. எச்.சி.எல் நிறுவனத்தின் படைப்புகள், இன்று உலகம் முழுவதும் மிகப்பெரிய வளர்ச்சியை அடைந்துள்ளது என கூறலாம். 1980 ஆம் ஆண்டில், எச்.சி.எல், ஐ.டி மென்பொருள் விற்க சிங்கப்பூர் தூரக் கிழக்குக் கணினி நிறுவனத்தை’ திறக்க சர்வதேச சந்தையில் முதலீடு செய்து, தொழிலை விரிவுபடுத்தினார்.
ஷிவ் நாடார் அறக்கட்டளை
தொழில்துறையில் மட்டும் தன்னை ஈடுபடுத்தி கொள்ளாமல், பொது பணியிலும் தன்னால் முடிந்த பணிகளை செய்துவருகிறார். 2008 ஆம் ஆண்டு மார்ச் மாதம் ஷிவ் நாடார் அறக்கட்டளை ஒன்றை நிறுவி, அதன் மூலம் பொருளாதாரத்தில் பின்தங்கிய ஏழை, எளிய மாணவ, மாணவிகளுக்கு கல்விக் கற்க உதவிகள் செய்து வருகிறார்.
விருதுகளும் பிற பணிகளும்
  • 1996 ல் தனது தந்தையின் பெயரில் ‘எஸ்.எஸ்.என் பொறியியல் கல்லூரியை’ சென்னையில் (தமிழ்நாடு) நிறுவினார்.
  • 2007 ல் சென்னை பல்கலைக்கழகம், மென்பொருள் தொழில்நுட்பத்தில் இவரின் வளர்ச்சிக்காக இவருக்கு ‘டாக்டர் பட்டம்’ கொடுத்து கெளரவித்தது.
  • 2008ஆம் ஆண்டில், இந்திய அரசு, தகவல் தொழில்நுட்பத் துறையில், இவரின் மகத்தான பங்களிப்பிற்காக இந்தியாவின் மிக உயரிய விருதான ‘பத்ம பூஷன் விருதை’ அளித்து கெளரவித்தது.
  • 2011 ல் கரக்பூரில் உள்ள “இந்திய தொழில்நுட்ப கழக” குழுவின் தலைவராக நியமிக்கப்பட்டார்.
தன்னுடைய வாழ்க்கையில் சரியான பாதையை தேர்தெடுத்து, மிக விரைவில் இலக்கினை அடைந்து, குறுகிய காலத்திற்குள் ஷிவ் நாடார் தனது கடின உழைப்பால் புகழின் உச்சியை அடைந்துள்ளார் என்று சொன்னால் அது மிகையாகாது.